Davvisámegiel Biibbal 2019 (Biibbal)
147

Sálbma 147

1471

147,1
92,2č+
Halleluja!

Buorre lea lávlut rámádusa min Ipmilii,

máidnunlávlla lea čáppat ja heivvolaš.

2

147,2
102,17
Jes 56,8
Hearrá hukse Jerusalema,

son čohkke Israela biđgejuvvon álbmoga.

3

147,3
34,19Jes 61,1
Son buorida daid

geain lea cuvkejuvvon váibmu,

son čatná sin háviid.

4

147,4
Jes 40,26
Son diehtá násttiid logu,

son lea addán buot daidda nama.

5

147,5
145,3Rom 11,33
Min Hearrá lea stuoris ja fámolaš,

su viissisvuohta ii leat mihtideames.

6

147,6
113,7145,14+
Son doarju vártnuhemiid,

muhto ipmilmeahttumiid

son časká eatnamii.

7Lávlot giittuslávlaga Hearrái,

čuojahehket lyrain giitosa min Ipmilii!

8

147,8
104,13č+
Son gokčá almmi balvvaiguin

ja addá arvvi eatnamii,

son bohciidahttá váriid rási.

9

147,9
Job 39,3
Sál 145,15č
Hearrá addá fuođđara omiide,

son biebmá gáranasčivggaid go dat čurvot.

10

147,10
33,16č+
Ii son illut heastta givrodaga dihte,

ii son beroš olbmá lášmes lávkkiin.

11Hearrá ráhkista daid geat ballet sus,

daidda geat bidjet doaivvu su árbmui.

12Rámit Hearrá, Jerusalem!

Máinno Ipmilat, Sion!

13Son nanosmahttá du poarttaid smarttáid

ja buressivdnida du gávpoga mánáid.

14

147,14
81,17
Son addá lihku ja ráfi du eatnamii

ja galleha du buoremus nisuiguin.

15

147,15
33,9
Jes 55,11
Son vuolggaha gohččuma eatnama ala,

hoahpus olle su sátni.

16

147,16
Job 37,10
38,22
Son diktá muohttaga gahččat

ulluid láhkái,

son biđge bizi dego gunaid.

17Son suohppu čuorbmasiid dego moaluid,

su buolaš jiekŋuda čázi.

18Son gohčču, ja jiekŋa suddá,

son diktá biekka bossut, ja čázit golggiidit.

19

147,19
5 Mos 4,8
Son lea almmuhan sánis Jakobii,

lágaidis ja gohččumiiddis Israelii.

20Daid son ii almmuhan eará álbmogiidda,

su lágaid eai earát dovdda.

Halleluja!

148

Sálbma 148

1481Halleluja!

Máidnot Hearrá, dii geat lehpet almmis,

máidnot su allagasas!

2

148,2
29,1č+
Máidnot su, buot su eŋgelat,

máinno su, oppa almmi veahka!

3Máidnot su, beaivváš ja mánnu,

máidnot su, čuovgi násttit!

4

148,4
8,2+
148,4 čázit Vrd. 1 Mos 1,6–8.Máidnot su, almmiid almmit

ja čázit almmi gomuvuođa badjelis!

5

148,5
33,9+
Máidnoset dat Hearrá nama,

dasgo son gohčui, ja dat sivdniduvvojedje.

6

148,6
Jer 31,35č
33,25
Son bijai daid sadjáseaset agálaš áigái,

son mearridii daidda lágaid mat eai lihkkas.

7Máidnot Hearrá eatnama alde,

mearraeallit ja meara čiekŋalasat,

8

148,8
104,4
dolla ja čuorbmasat, muohta ja mierká,

don riđđu mii doaimmahat su sáni,

9várit ja dievát,

šattosmuorat ja sederat,

10

148,10
150,6
meahcispiret ja šibihat,

njoammut ja almmi lottit,

11buot eatnama gonagasat ja álbmogat,

buot dan oaivámuččat ja duopmárat,

12nuorra olbmát ja nieiddat,

boarrásat ja nuorat!

13

148,13
8,2
Máidnoset buot dat Hearrá nama,

dasgo aivve su namma lea aliduvvon,

su allatvuohta lea almmi ja eatnama badjel.

14Son lea dahkan álbmogis fámolažžan,

gudnin buot su ipmilbalolaččaide,

Israelii, dan álbmogii mii lea su lahka.

Halleluja!

149

Sálbma 149

1491Halleluja!

Lávlot Hearrái ođđa lávlaga,

čoagganehket rámidit su,

dii geat sus ballabehtet!

2Illudehkos Israel sivdnideaddjistis,

ávvudehkoset Siona mánát iežaset gonagasas,

3

149,3
33,2+
máidnoset su nama dánsumiin,

rámidehkoset su rumbbuin ja lyrain!

4

149,4
147,611
Hearrá ráhkista iežas álbmoga,

son čiŋaha vártnuhemiid bestojumiin.

5

149,5
30,5+
Illudehkoset oskkáldasat ávvudemiin,

čurvoset ilus vel oađđinsajisteasetge!

6Sin njálmmis čuodjá máidnunlávlla Ipmilii,

gieđas sis lea guovtteávjjot miehkki.

7Sii mávssahit álbmogiidda

ja ráŋggáštit čearddaid,

8sii čatnet láhkkiiguin daid gonagasaid

ja bidjet ruvddiide daid oaivámuččaid.

9Sii ollašuhttet duomu

maid Hearrá lea mearridan.

Dat lea su oskkáldasaid gudni.

Halleluja!