Sálbma 144
1441
Davida sálbma.
Máidnojuvvon lehkos Hearrá, mu bákti!
Son oahpaha mu gieđaid soahtat,
mu suorpmaid dáistalit.
2Hearrá lea mu árpmiheaddji ja ladni,
son lea mu toardna ja beasti,
son lea mu galba ja dorvu.
Son bidjá álbmogiid mu váldái.
3
Hearrá, mii lea olmmoš,
go don anát sus fuola,
olbmománná, go don beroštat sus?
4
Olmmoš lea dego hieibma,
su beaivvit jávket nugo suoivvan.
5
104,32
Hearrá, sojat almmát ja njieja vuolás,
guoskkat váriid, vai dat borggistit!
6Divtte álddagasaid šleađgut,
biđge vašálaččaidat,
báže njuolaidat ja moivašuhte sin!
7
144,7 čiekŋalis čáziin govvida váralaš dili. Vrd. 42,8; 71,20; 130,1.Geige gieđa allagasas ja gájo mu,
beastte mu čiekŋalis čáziin!
Gájo mu vierrásiid gieđas.
8Sin njálbmi sárdnu giellásiid,
sii bajidit olgeš gieđa ja vurdnot vearreváli.
9
Ipmil, mun lávllun dutnje ođđa lávlaga,
mun čuojahan dutnje logisuonat hárppain.
10Don gii attát vuoittu gonagasaide,
don beasttát bálvaleaddját Davida
bahás miehkis.
11Gájo mu vierrásiid gieđas.
Sin njálbmi sárdnu giellásiid,
sii bajidit olgeš gieđa ja vurdnot vearreváli.
12Min bártnit leat juo nuorran
dego allagin šaddan šattut,
min nieiddat dego báccit,
šloahta hearvan duddjojuvvon.
13Min vuorkkát leat dievva,
dain lea valjis borramuš.
Min sávzzat lassánit duhátgeardásaččat,
velá logiduhátgeardásaččat min gittiin,
14144,14 ▶ masorehtalaš teaksta ii leat čielggas.ja min gusat leat buoiddit.
Ii oktage fallet min, ii oktage áje min eret,
eai gullo váidalančuorvasat min gáhtain.
15
Lihkolaš dat álbmot masa geavvá ná,
lihkolaš dat álbmot man Ipmil lea Hearrá!
Sálbma 145
1451145,1 Sálbma 145 lea alfabehtalaš sálbma. >25,1.Davida máidnunlávlla.
Mun alidan du, mu Ipmil ja gonagas,
mun buressivdnidan du nama
álo ja agálaš áigái.
2Juohke beaivvi mun giittán du,
mun máinnun du nama álo ja agálaš áigái.
3
147,5
Stuoris lea Hearrá, sakka rámiduvvon,
guorahallameahttun su stuorisvuohta.
4
Buolva buolvva maŋis máidnu du daguid
ja muitala du veagalaš daguid.
5
Sii gulahit du hearvásvuođa
ja du stuorra gudni.
Mun guorahalan du oavdudaguid.
6Sii sárdnot man hirpmus du fápmu lea,
mun gulahan du stuorisvuođa.
7Sii beakkuhit du stuorra buorrevuođa,
ja lávlot ávuin du vanhurskkisvuođa.
8
Árbmugas ja váibmoláđis lea Hearrá,
son lea gierdavaš,
ja su buorrevuohta lea stuoris.
9Hearrá lea buorre buohkaide,
váibmoláđis buot sivdnádusaidasas.
10Hearrá, rámidehkoset du
buot du sivdnádusat,
máidnoset du du oskkáldas bálvaleaddjit.
11Sii gulahit du riikka gudni,
sii muitalit du stuorra fámu birra,
12vai buot olbmot dovddiidit du fámu
ja du riikka gudni ja hearvásvuođa.
13
6,27
7,14
145,13 Hearrá … daguinis Sánit váilot eanaš giehtačállosiin, muhto leat ▶ Qumrana giehtačállosis ja ▶ Septuagintas.Du riika bissu agálaš áigái,
du hearrávuohta buolvvas bulvii.
Hearrá sátni lea álo luohtehahtti,
son lea oskkáldas buot daguinis.
14
146,8
147,6
Hearrá doarjala daid geat jorralit,
son čuoččáldahttá
buot hearddohuvvan olbmuid.
15
Buohkaid čalmmit gehččet dutnje,
ja don attát sidjiide borramuša rivttes áigái.
16Don rabastat gieđa ja gallehat
buot heakkalaččaid buorrevuođainat.
17Hearrá lea vuoigatlaš,
son lea oskkáldas buot das maid dahká.
18
Hearrá lea lahka dan gii čuorvu su,
dan gii duohtavuođas jorgala su beallái.
19
Sát 10,24
Son ollašuhttá daid olbmuid sávaldagaid
geat ballet sus,
son gullá sin čuorvasa ja beastá sin.
20Hearrá várjala daid geat ráhkistit su,
muhto ipmilmeahttumiid son duššada.
21
Rámidehkos mu njálbmi Hearrá,
máidnos buot mii eallá
su bassi nama álo ja agálaččat!
Sálbma 146
1461
Halleluja!
Máinno Hearrá, mu siellu!
2
Mun máinnun Hearrá nu guhká go ealán,
mun lávllun Ipmilasan
dan botta go ain lean eallimin.
3
Jer 17,5
Allet dorvvas fámolaččaide,
olbmuide geat eai sáhte veahkehit.
4
Sii rohttejit heakkaset,
sii šaddet fas muoldan,
dalle sin áigumušat nohket.
5
Lihkolaš dat gean veahkki lea Jakoba Ipmil,
lihkolaš dat gii dorvvasta Hearrái, Ipmilasas.
6
Apd 14,15
Hearrá dagai almmi ja eatnama
ja meara ja buot mii dain lea.
Hearrá lea oskkáldas agálaš áigái.
7
Hearrá doaimmaha vuoigatvuođa
dulbmojuvvon olbmuide,
son addá láibbi daidda geat nelgot,
son čoavdá daid geat leat čadnojuvvon.
8
42,7
Hearrá rabasta čalmmehemiid čalmmiid,
son čuoččáldahttá daid
geat leat hearddohuvvan.
Hearrá ráhkista vuoigatlaš olbmuid,
9
son várjala vierrásiid
ja doarju leaskkaid ja oarbásiid,
muhto ipmilmeahttumiid geainnu
son dahká mohkkájin.
10
Hearrá lea gonagas agálaš áigái.
Son lea du Ipmil, Sion, buolvvas bulvii.
Halleluja!
