Davvisámegiel Biibbal 2019 (Biibbal)
135

Sálbma 135

1351Halleluja!

Máidnot Hearrá nama,

máidnot, dii Hearrá bálvaleaddjit,

2dii geat čuožžubehtet Hearrá tempelis,

min Ipmila viesu ovdašiljuin!

3

135,3
92,2č+
Máidnot Hearrá, dasgo son lea buorre!

Máidnot su nama, dasgo dat lea hávski!

4

135,4
2 Mos 19,5
5 Mos 7,6
Hearrá lea válljen alccesis Jakoba,

son lea dahkan Israela

mávssolaš opmodahkanis.

5

135,5
2 Mos 8,10
15,11
Sál 86,8
Hearrá lea stuoris, mun dieđán dan,

min Hearrá lea stuorit go buot ipmilat.

6

135,6
115,3
Buot maid Hearrá dáhttu,

son dahká almmis ja eatnama alde,

mearain ja čiekŋalis čáziin.

7

135,7
Jer 10,13
Son diktá balvvaid badjánit

eatnama ravddas,

son dahká álddagasaid

ja diktá arvvi gahččat,

son vuolggaha biekka dan rádjosis.

8

135,8
2 Mos 12,29
Son časkkii Egypta vuosttašriegádeddjiid,

sihke olbmuid ja omiid.

9

135,9
2 Mos 7–10
Du eatnamis, Egypta,

son dagai mearkkaid ja oavdduid

faraoi ja buot su bálvaleddjiide.

10

135,10
4 Mos 21,21eč33eč
Jos 12
Sál 136,17
Son časkkii ollu álbmogiid

ja gottii fámolaš gonagasaid:

11Sihona, amorlaččaid gonagasa,

Oga, Bašana gonagasa,

ja buot Kanaana gonagasriikkaid.

12Son attii sin eatnamiid

álbmogasas opmodahkan,

árbeeanamin Israelii.

13

135,13
2 Mos 3,15
Sál 102,13
Hearrá, du namma lea agálaš!

Hearrá, du namma gulahuvvo

buolvvas bulvii.

14

135,14
5 Mos 32,36
Hearrá addá vuoigatvuođa álbmogasas,

son árpmiha bálvaleddjiidis.

15

135,15
96,5115,4eč
Álbmogiid ipmilat leat silba ja golli,

olbmogieđaid duodji.

16Dain lea njálbmi, muhto eai dat sártno,

dain leat čalmmit, muhto eai dat oainne.

17Dain leat bealjit, muhto eai dat gula,

ii daid njálmmis leat ii vuoiŋŋanasge.

18Dat geat daid ráhkadit,

šaddet daid láhkásažžan,

buohkat geat dorvvastit daidda.

19135,19 Arona sohka >115,10.Israela sohka, máinno Hearrá,

Arona sohka, máinno Hearrá!

20135,20 Levi sohka dat geat bálvaledje tempelis, muhto eai lean báhpat.Levi sohka, máinno Hearrá,

buohkat geat ballabehtet Hearrás,

máidnot su!

21Máidnojuvvon lehkos Siona Hearrá,

son gii ássá Jerusalemis.

Halleluja!

136

Sálbma 136

1361

136,1
106,1+
Máidnot Hearrá,

dasgo son lea buorre,

su árbmu bistá agálaččat.

2

136,2
5 Mos 10,17
Máidnot ipmiliid Ipmila!

Su árbmu bistá agálaččat.

3Máidnot hearráid Hearrá!

Su árbmu bistá agálaččat.

4

136,4
86,10
Aivve son dahká stuorra oavdudaguid.

Su árbmu bistá agálaččat!

5Son dagai almmi viissisvuođain.

Su árbmu bistá agálaččat!

6

136,6
24,2+
Son lebbii eatnama čáziid ala.

Su árbmu bistá agálaččat!

7

136,7
1 Mos 1,14eč
Son dagai stuorra čuovggaid.

Su árbmu bistá agálaččat!

8Son dagai beaivváža ráđđet beaivvi.

Su árbmu bistá agálaččat!

9Son dagai mánu ja násttiid ráđđet ija.

Su árbmu bistá agálaččat!

10

136,10
135,8+
Son časkkii Egypta

ja gottii dan vuosttašriegádeddjiid.

Su árbmu bistá agálaččat!

11

136,11
5 Mos 5,15
Son buvttii Israela eret Egyptas.

Su árbmu bistá agálaččat!

12Su gievrras giehta,

su geigejuvvon giehta dan dagai.

Su árbmu bistá agálaččat!

13

136,13
2 Mos 14,21č
Son luddii Ruksesmeara guovtte sadjái.

Su árbmu bistá agálaččat!

14Son divttii Israela mannat čáziid gaskka.

Su árbmu bistá agálaččat!

15Son ájii farao ja su soahteveaga

Ruksesmerrii.

Su árbmu bistá agálaččat!

16Son oahpistii álbmogis meahci čađa.

Su árbmu bistá agálaččat!

17

136,17
135,10eč+
Son časkkii stuorra gonagasaid.

Su árbmu bistá agálaččat!

18Son gottii fámolaš gonagasaid.

Su árbmu bistá agálaččat!

19Sihona, amorlaččaid gonagasa,

son časkkii.

Su árbmu bistá agálaččat!

20Oga, Bašana gonagasa, son časkkii.

Su árbmu bistá agálaččat!

21Son attii sin eatnama

opmodahkan Israelii.

Su árbmu bistá agálaččat!

22Son attii daid árbeeanamin

bálvaleaddjásis Israelii.

Su árbmu bistá agálaččat!

23

136,23
2 Mos 2,24
3,7č
Son muittii min

go mii leimmet vuoliduvvon.

Su árbmu bistá agálaččat!

24Son rohttii min min vašálaččaid gieđas.

Su árbmu bistá agálaččat!

25

136,25
104,27č+
Son addá biepmu buot heakkalaččaide.

Su árbmu bistá agálaččat!

26Máidnot almmi Ipmila!

Su árbmu bistá agálaččat!

137

Sálbma 137

1371137,1 Babylona eanuid Eufrata oalgejogat ja kanálat, omd. Kebareatnu. Gč. Esek 1,1. mii čálli ja su eatnama olbmot geat ledje dolvojuvvon fáŋgavuhtii.Babylona eanuid gáttiin

mii čohkkáimet ja čieruimet,

go muittašeimmet Siona.

2Gátti sieđggaide

mii heaŋggasteimmet lyraideamet.

3Dat geat dolle min fáŋgan,

gohččo min lávlut,

dat geat ledje dolvon min dohko,

gáibidedje mis illulávlagiid:

“Lávlot midjiide Siona lávlagiid!”

4Mo mii sáhtášeimmet

lávlut Hearrá lávlagiid

vieris eatnamis?

5

137,5
Jer 51,50
Jerusalem, jos mun vajáldahtán du,

de jávkos mu olgeš gieđa vuoibmi!

6Darvánehkos mu njuovčča guopmái,

jos mun in muitte du,

jos in ane stuorimus illunan

du, Jerusalem!

7

137,7
Váid 4,21č
137,7 mo ▶ edomlaččat čurvo sii illudedje go Nebukadnesar cuvkii Juda riikka 587 o.Kr., ja geahččaledje ávkkáiduvvat Juda lihkohisvuođas. Vrd. Esek 35,1eč; Ob 1–15.Hearrá, muitte Jerusalema

lihkuhisvuođa beaivvi,

muitte mo edomlaččat čurvo:

“Gaikkodehket, gaikkodehket dan

eatnama ráje!”

8

137,8
Jes 13,19eč
Jer 50,29eč
Ja don, Babylon,

hevvui dubmejuvvon nisson!

Lihkolaš dat gii mávssaha dutnje

dan maid dahket midjiide!

9

137,9
Jes 13,16
Lihkolaš dat gii váldá

du uhca mánážiid

ja cuvke daid bávtti njeaiga!