Davvisámegiel Biibbal 2019 (Biibbal)
131

Sálbma 131

1311

131,1
139,6
Bassivádjoluslávlla. Davida sálbma.

Hearrá, mu váibmu ii leat čeavlái,

mu čalmmit eai leat goargadat.

Mun in háhpohala dakkár áššiid

mat leat munnje ilá stuorrát ja ovddolaččat.

2In nu, mun lean jaskkodahttán

ja ráfáidahttán sillon,

mun lean dego uhca mánáš,

nugo mánáš eatnis askkis.

3

131,3
130,7
Israel, bija doaivvu Hearrái

dálážis gitta agálaš áigái!

132

Sálbma 132

1321Bassivádjoluslávlla.

Hearrá, muitte Davida,

muitte maid son šattai gillát,

2

132,2
2 Sam 7,1eč
132,2 Jakoba Veagalaš Hearrá. Gč. 1 Mos 49,24.son gii vuortnui Hearrái váli,

attii Jakoba Veagalažžii lohpádusa:

3“Mun in mana vissosan

inge veallán iežan seŋgii,

4mun in suova čalmmiidasan nahkáriid

inge divtte luomaidan vuoiŋŋastit,

5ovdal go lean gávdnan Hearrái saji,

ássanbáikki Jakoba Veagalažžii.”

6

132,6
1 Sam 6,21
7,1č
2 Sam 6,3eč
132,6 Efrata Betlehema nubbi namma. Vrd. 1 Sam 17,12; Mi 5,1. Jaar Kirjat-Jearima poehtalaš namma.Mii gulaimet ahte árka lea Efratas,

mii gávnnaimet dan Jaara eatnamis.

7

132,7
1 Muit 28,2
Sál 99,5
Vulgot dohko gos lea Hearrá goahti,

gopmirdehkot su julggiid vulloša ovdii.

8

132,8
2 Muit 6,41č
Sál 3,8+
Hearrá, boađe vuoiŋŋastanbáikásat,

don ja du fámu árka!

9Vare du báhpat gárvodivčče

vuoigatlašvuođa,

vare du oskkáldasat beasašedje ávvudit!

10Davida, bálvaleaddját, dihte:

Ale duvdde eret su gean leat vuoidan!

11

132,11
18,51+
Hearrá lea vurdnon Davidii váli,

luohtehahtti sáni maid ii máhcat:

“Du iežat bártni mun bijan du truvdnui.

12Jos du bártnit dollet mu lihtu

ja lága maid mun oahpahan sidjiide,

de sin bártnitge čohkkájit álo du truvnnus.”

13Dasgo Hearrá lea válljen Siona,

dan son dáhttu alccesis orrunsadjin.

14“Dat lea mu vuoiŋŋastanbáiki

agálaš áigái,

dasa mun ásan, dan mun dáhtun.

15Mun buressivdnidan Siona

valljugas borramušain,

mun gallehan láibbiin dan váivvášiid.

16Dan báhpaide mun gárvvuhan bestojumi,

dan oskkáldasat čurvot ávvudemiin.

17

132,17
18,29+
132,17 lámppá govvida veahki maid gonagas oažžu Ipmilis.Doppe mun divttán

Davida náli ráđđet,

mun lean cahkkehan lámppá

sutnje gean lean vuoidan.

18Su vašálaččaide

mun gárvvuhan heahpada,

muhto su oaivvis báitá kruvdnu.”

133

Sálbma 133

1331Bassivádjoluslávlla, Davida sálbma.

Man buorre ja hávski lea

go vieljažat ásset ovttas!

2Dat lea dego divrras olju mii golgá vuolás

oaivvis skávžžáide, Arona skávžžáide

ja das čeabetravdda badjel.

3Dat lea nugo Hermona suoldni

mii gahččá Sionvárrái.

Doppe Hearrá addá buressivdnádusa,

eallima gitta agálaš áigái.