Sálbma 127

127¹

Jos Hearrá ii hukse viesu,

de duššás huksejeaddjit barget.

Jos Hearrá ii gáhtte gávpoga,

de duššás goziheaddji gohcá.

²Duššás dii lihkkabehtet árrat,

duššás gohcibehtet maŋŋit

ja rahčabehtet láibbádet dihte.

Seammá bures Hearrá addá ustibiiddásis,

go sii ođđet.

³

goaŧu šaddu lea bálká.

⁴Dego njuolat veagalačča gieđas

leat bártnit maid olmmoš oažžu nuorran.

⁵127,5 vašálaččaidisguin dás vuostebealli diggeáššis. Vrd. Am 5,10č. gávpotpoarttas sadji gos sii dolle ráđđádallamiid ja čovde diggeáššiid. Vrd. Rut 4,1eč.Lihkolaš dat olmmái gean

njuollaskuohpu dievva leat njuolat!

Son ii vuoittáhala

go sártnoda gávpotpoarttas

vašálaččaidisguin.

Sálbma 128

128¹

Ávdugas dat gii ballá Hearrás

ja vádjola su geainnuid.

²Don beasat návddašit

rahčamušaidat šattuid.

Don leat ávdugas, dutnje geavvá bures!

³Dego šattolaš viidnemuorra

lea du áhkká du viesus,

nugo oliivamuora vesát

leat du mánát du beavddi birra.

⁴Nu buressivdniduvvo

dat olmmái gii ballá Hearrás.

⁵

Don beasat oaidnit Jerusalema lihku

buot eallinbeivviidat,

⁶

Ráfi Israelii!

Sálbma 129

129¹

Sakka mun lean áŧestuvvon

nuorravuohtan rájes

– nu dadjos Israel –

²Sakka mun lean áŧestuvvon

nuorravuohtan rájes,

muhto in leat vuoittáhallan.

³Sii leat jorgon mu sealggi

ja dahkan jorgunluottaideaset guhkkin.

⁴Muhto Hearrá lea vuoigatlaš,

son lea čuohppan gaskat

ipmilmeahttumiid báttiid.

⁵Buohkat geat vašuhit Siona,

šaddet geassádit heahpanemiin.

⁶

Dat goldnet dalán go leat ihtán,

⁷dat eai deavdde ladjoolbmá goapmira

eaige dan sala gii čatná gordnegihpuid.

⁸Ii oktage gii manná meattá, daja:

Hearrá buressivdnidehkos din.

Mii buressivdnidit din Hearrá nammii.