Sálbma 123

123¹

Mun bajidan čalmmiidan du beallái,

guhte ásat almmis.

²Nugo bálvaleaddji geahččá

hearrás gihtii,

nugo bálvaleaddjinisson geahččá

dálueamida gihtii,

nu mii geahččat Hearrái, Ipmilasamet,

dassážii go son árpmiha min.

³Leage midjiide árbmugas, Hearrá,

leage midjiide árbmugas.

Mii leat guhká juo bilkiduvvon,

⁴mii leat dolkan

čeavlás olbmuid fuonášeamis.

Sálbma 124

124¹

Jos Hearrá ii livčče leamaš min beali

– nu dadjos Israel –

²jos Hearrá ii livčče leamaš min beali

go olbmot fallehedje min,

³de moaristeaset

sii livčče njiellan min eallinaga,

⁴

dulvi livččii min gokčan ja

⁵boršu bárut livčče heavahan min.

⁶Máidnojuvvon lehkos Hearrá!

Son ii addán min sin bániide stajádussan.

⁷Mii beasaimet báhtui dego loddi bivdi gielas.

Giella boatkanii, ja mii beasaimet luovus.

⁸

gii lea sivdnidan almmi ja eatnama.

Sálbma 125

125¹

Dat geat dorvvastit Hearrái

leat dego Sionvárri,

dat ii lihkas, muhto bissu agálaččat.

²

nu Hearrá várjala iežas álbmoga

dál ja gitta agálaš áigái.

³Vearrivuođa ráđđensoabbi

ii oaččo geigejuvvot

vuoigatlaččaid eatnama badjel,

vai vuoigatlaččat

eai bajidivčče gieđa vearrivuhtii.

⁴Hearrá, daga buriid buriide,

daidda geaid váibmu lea vuoigatlaš.

⁵

moalkás bálgáid,

Hearrá, áje eret oktan daiguin

geat dahket vearrivuođa.

Ráfi Israelii!