Sálbma 122
1221Bassivádjoluslávlla. Davida sálbma.
Mun illosin go munnje daddjojuvvui:
Boađe, vulgot Hearrá vissui!
2Dál mii čuožžut du poarttain,
Jerusalem.
3
Jerusalem, don leat min gávpot,
deike min álbmot čoahkkana,
4
5 Mos 16,16
deike vádjolit min čearddat,
Hearrá čearddat.
Dáppe Israel rámida Hearrá nama,
nugo lea mearriduvvon.
5
122,5 duopmárstuolut Jerusalem lei riikka riektelágádusa guovddáš.Dáppe leat duopmárstuolut,
Davida soga truvnnut.
6
Rohkadallet ráfi Jerusalemii!
Vare dat geat ráhkistit du,
ealášedje ráfis!
7Vare du muvrraid siste livččii ráfi,
oadjebasvuohta du ladniin!
8Vieljaidan ja ustibiiddán dihte
mun sávan dutnje ráfi.
9Hearrá, min Ipmila, viesu dihte
mun bivddán du ávkki.
Sálbma 123
1231
Bassivádjoluslávlla.
Mun bajidan čalmmiidan du beallái,
guhte ásat almmis.
2Nugo bálvaleaddji geahččá
hearrás gihtii,
nugo bálvaleaddjinisson geahččá
dálueamida gihtii,
nu mii geahččat Hearrái, Ipmilasamet,
dassážii go son árpmiha min.
3Leage midjiide árbmugas, Hearrá,
leage midjiide árbmugas.
Mii leat guhká juo bilkiduvvon,
4mii leat dolkan
čeavlás olbmuid fuonášeamis.
Sálbma 124
1241
Bassivádjoluslávlla. Davida sálbma.
Jos Hearrá ii livčče leamaš min beali
– nu dadjos Israel –
2jos Hearrá ii livčče leamaš min beali
go olbmot fallehedje min,
3de moaristeaset
sii livčče njiellan min eallinaga,
4
124,4 čázit, dulvi vašálaččat geat fallehit. čázit livčče dolvon min,
dulvi livččii min gokčan ja
5boršu bárut livčče heavahan min.
6Máidnojuvvon lehkos Hearrá!
Son ii addán min sin bániide stajádussan.
7Mii beasaimet báhtui dego loddi bivdi gielas.
Giella boatkanii, ja mii beasaimet luovus.
8
Min veahkeheaddji lea Hearrá
gii lea sivdnidan almmi ja eatnama.
