Davvisámegiel Biibbal 2019 (Biibbal)
120
Sálbma 120
1201120,1 Bassivádjoluslávlla Lávlla mii lávlojuvvui go olbmot manne ávvufárrun Jerusalemii doallat allabasiid.Bassivádjoluslávlla.
Hearrá mun čuorvvun heađistan,
ja son vástida munnje.
2Hearrá, beastte mu gielástalliid gieđas,
várjal mu sin behtolaš ságain.
3Vare Hearrá ráŋggáštivččii du
dál ja maŋŋil, don gielástalli,
4soahteolbmá bastilis njuolaiguin,
buolli, boaldi hilaiguin!
5120,5 1 Mos 10,2
25,13
120,5 Mešek eanan Uhca-Asias, Čáhppesmeara nuortalulábealde. Gč. Esek 27,13. Kedar johtti álbmot mii orui meahcis. Vrd. All 1,5; Jes 42,11.Vuoi mu!
Mun ealán vierisin Mešekis,
mun ásan Kedara gođiin.
6Menddo guhká mun lean ássan
daid gaskkas geat vašuhit ráfi.
7Mun dáhtun ráfi, muhto jos jienádan,
de sii leat geargadat soahtái.