Sálbma 119

119¹

lea láitemeahttun,

geat doahttalit Hearrá lága.

²

su láhkabáhkkomiid

ja oppa váimmusteaset ohcet su,

³sii geat eai daga vearrivuođa,

muhto vádjolit su geainnuid.

⁴Don leat addán gohččumiiddát

vai olmmoš čuvošii daid dárkilit.

⁵Vare mu vádjolus livččii stáđis,

nu ahte mun álo doahttalivččen

du mearrádusaid!

⁶Go mun doalan du báhkkomiid,

de mun in šatta heahpanit.

⁷Mun giittán du vuoigatlaš váimmus,

go oahpan dovdat du vuoigadis duomuid.

⁸Du mearrádusaid mun doahttalan –

ale hilggo mu goassege!

⁹Mo sáhttá nuorra olmmoš

várjalit bálgás buhtisin?

Dan láhkái ahte son doallá du sáni.

¹⁰Mun ozan du oppa váimmustan,

ale divtte mu čádjidit eret du báhkkomiin!

¹¹Mun vurken du sáni váibmosan,

aman suddudit du vuostá.

¹²Máidnojuvvon leage don, Hearrá!

Oahpat munnje mearrádusaidat.

¹³Mun gulahan olbmuide buot duomuid.

¹⁴Mun illudan vádjolit

du láhkabáhkkomiid mielde,

nugo olmmoš illuda riggodagas.

¹⁵

ja válddán vuhtii du bálgáid.

¹⁶Du mearrádusat leat mu illu,

du sáni mun in vajáldahte.

¹⁷Ane fuola mus, bálvaleaddjistat,

nu ahte oaččun eallit ja doahttalit du sáni.

¹⁸Rabas mu čalmmiid,

vai mun oainnán du lága oavdduid.

¹⁹

ale čiega mus báhkkomiiddát!

²⁰

mun háliduvan álo du mearrádusaide.

²¹

garuhuvvon lehkoset dat

geat čádjidit eret du báhkkomiin!

²²Váldde hiddjádusa

ja badjelgehččojumi mus eret,

dasgo mun doalan du láhkabáhkkomiid.

²³Vaikko oaivámuččat juonastit

mu vuostá,

de mun, du bálvaleaddji,

guorahalan du mearrádusaid.

²⁴Du láhkabáhkkomat leat mu illu,

dat leat mu ráđđeaddit.

²⁵

vuolás muldii.

Divtte mu eallit, nugo leat lohpidan!

²⁶Mun muitalan dutnje bálgáidan,

ja don gulat mu.

Oahpat mu dovdat du mearrádusaid!

²⁷Divtte mu ipmirdit

gohččumiiddát bálgá,

vai mun beasan guorahallat

du oavdudaguid.

²⁸Mu siellu čierru morrašis.

Čuoččáldahte mu nugo leat lohpidan!

²⁹Doala mu guhkkin eret

gielisvuođa geainnus,

oahpat munnje iežat lága

árbmugasvuođastat!

³⁰Mun lean válljen

duohtavuođa geainnu,

du duomut leat álo mu čalmmiid ovddas.

³¹Mun doalan du láhkabáhkkomiid,

Hearrá, ale divtte mu šaddat heahpanit!

³²Mun dáhtun viehkat

du báhkkomiid geainnu,

danne go don leat viiddidan

mu ipmárdusa.

³³Hearrá, oahpat munnje

du mearrádusaid geainnu,

de mun válddán das vára

gitta loahpa rádjái.

³⁴Atte munnje áddejumi

doahttalit du lága

ja doallat dan ollásit.

³⁵Láide mu báhkkomiiddát bálgá mielde,

dasgo dat lea mu illu.

³⁶

du láhkabáhkkomiid beallái

ja ale vuoigatmeahttun vuoittu beallái.

³⁷Jorgal mu čalmmiid

geahččamis duššálašvuođa,

divtte mu eallit, dego leat lohpidan.

³⁸Ollašuhte iežat sáni bálvaleaddjásat

ja buohkaide geat ballet dus.

³⁹Jávkat heahpada mii baldá mu.

Du mearrádusat leat álo buorit.

⁴⁰Mun háliduvan du gohččumiidda.

Don leat vuoigatlaš, divtte mu eallit!

⁴¹Hearrá, čájet munnje

iežat oskkáldasvuođa,

veahket mu, nugo leat lohpidan!

⁴²Mun dorvvastan du sátnái,

dan vehkiin mun máhtán vástidit

hiddjideddjiide.

⁴³Ale váldde duohtavuođa sáni

mu njálmmis eret,

mun bijan doaivvu du duomuide.

⁴⁴Mun doalan álo du lága,

álohii ja agálaččat.

⁴⁵

dasgo mun jearan du gohččumiid.

⁴⁶

du láhkabáhkkomiid,

mun in dárbbaš heahpanit.

⁴⁷Du báhkkomat leat mu illu,

dat leat munnje ráhkkásat.

⁴⁸Mun bajidan gieđaid du beallái,

mun guorahalan du mearrádusaid.

Dat leat munnje ráhkkásat.

⁴⁹Muitte sáni maid celket bálvaleaddjásat,

donhan leat addán munnje doaivvu.

⁵⁰Du lohpádus lea mu jeđđehus

vártnuhisvuođastan,

dat addá munnje eallima.

⁵¹Čeavlás olbmot hiddjidit mu fasttit,

muhto mun in gáidda du lágas.

⁵²Mun smiehtadan du dološ duomuid,

Hearrá, dain mun oaččun jeđđehusa.

⁵³Mun dohppehalan buolli moarrái

ipmilmeahttumiid geažil

geat hilgot du lága.

⁵⁴Du mearrádusat leat šaddan

mu rámáduslávllan,

go mun ásan dáppe vierisin.

⁵⁵Ihkkunai mun muittán du, Hearrá,

mun dáhtun álo doallat du lága.

⁵⁶Dat lea mu doaibma:

mun válddán vára du gohččumiin.

⁵⁷

mun lean lohpidan doahttalit su sániid.

⁵⁸Mun rohkadalan du oppa váimmustan:

Leage munnje árbmugas,

daga nugo leat lohpidan!

⁵⁹Mun guorahalan iežan vádjolusa,

jorgalan lávkkiidan du láhkabáhkkomiidda.

⁶⁰Mun in ájahala,

mun gáhčan doallat du báhkkomiid.

⁶¹Ipmilmeahttumiid gielat

giessasit mu birra,

muhto mun in vajáldahte du lága.

⁶²

du vuoigatlaš duomuid dihte.

⁶³Buohkat geat ballet dus

ja dollet du gohččumiid,

leat mu ustibat.

⁶⁴

deavdá eatnama, Hearrá.

Oahpat munnje mearrádusaidat!

⁶⁵Hearrá, don leat dahkan bures

bálvaleaddjásat,

leat dahkan nugo leat lohpidan.

⁶⁶Atte munnje ipmárdusa

ja buori dáiddu,

dasgo mun dorvvastan du báhkkomiidda.

⁶⁷Ovdal go mun vuoliduvvojin,

de mun čádjádallen,

muhto dál mun doalan du sáni.

⁶⁸Don leat buorre, du dagut leat buorit.

Oahpat munnje mearrádusaidat!

⁶⁹Čeavlás olbmot leat botnán čoahkkái

giellásiid mu vuostá,

muhto mun doalan du gohččumiid

oppa váimmustan.

⁷⁰

muhto du láhka lea mu illu.

⁷¹

go šadden vuoliduvvot,

dalle mun bessen oahppat

du mearrádusaid.

⁷²

lea munnje mávssoleabbo

go golli ja silbba eatnatvuohta.

⁷³

ja ráhkadan mu.

Atte munnje áddejumi

oahppat du báhkkomiid!

⁷⁴

oidnet mu ja illudit,

dasgo mun vuorddán du sáni.

⁷⁵Hearrá, mun dieđán ahte du duomut

leat vuoigatlaččat,

ahte oskkáldasvuođastat don vuolidit mu.

⁷⁶Divtte du árpmu

leat munnje jeđđehussan,

nugo leat lohpidan bálvaleaddjásat.

⁷⁷Leage munnje árbmugas

vai mun ealášin.

Du láhka lea mu illu.

⁷⁸Divtte čeavlás olbmuid šaddat heahpadii,

sii gielástallet mu sealggeduogi

almmá ášši haga.

Mun guorahalan du gohččumiid.

⁷⁹Bohtoset mu lusa dat

geat ballet dus,

dat geat dovdet du láhkabáhkkomiid.

⁸⁰Divtte mu doallat du mearrádusaid

olles váimmus,

dalle in šatta heahpanit.

⁸¹Mu siellu áibbaša du bestojumi,

mun bijan doaivvu du sátnái.

⁸²Mu čalmmit áibbašit du sáni,

mun jearan: “Goas don jeđđet mu?”

⁸³Mun lean dego viidneseahkka

mii lea nárvvagan suovas,

muhto du mearrádusaid

mun in vajáldahte.

⁸⁴

du bálvaleaddji vuordit?

Goas don dubmet daid

geat doarrádallet mu?

⁸⁵Čeavlás olbmot leat goivon

bivdorokkiid mu ovdii,

sii eai beroš du lágas.

⁸⁶Buot du báhkkomat leat duođat.

Veahket mu, danne go olbmot

doarrádallet mu almmá siva haga.

⁸⁷Sii leat measta duššadan mu,

muhto mun in beahte du gohččumiid.

⁸⁸Don guhte leat oskkáldas,

divtte mu eallit,

de mun doalan láhkabáhkkomiid

maid don leat addán.

⁸⁹

agálaš áigái.

⁹⁰Du oskkáldasvuohta bistá

buolvvas bulvii.

Don leat vuođđudan eatnama,

ja dat bissu.

⁹¹Du mearrádusaid mielde

dat bissu ain,

buot sivdnádusat leat du bálvaleaddjit.

⁹²Jos du láhka ii livčče leamaš

mu illun,

de mun livččen duššan vártnuhisvuhtii.

⁹³Mun in goassege vajáldahte

du gohččumiid,

don attát munnje eallima daid bokte.

⁹⁴Mun gulan dutnje. Beastte mu!

Mun dáhtun guorahallat du gohččumiid.

⁹⁵

ja dáhttot goddit mu,

muhto mun guorahalan

du láhkabáhkkomiid.

⁹⁶Mun lean oaidnán ahte visot nohká,

muhto du báhkkomat bissot agálaččat.

⁹⁷Mun ráhkistan du lága,

mun guorahalan dan geažos beaivvi.

⁹⁸Du báhkkomat oahpahit mu álelassii,

dat dahket mu viisábun go mu vašálaččat.

⁹⁹Mun lean čeahpit

go buot mu oahpaheaddjit,

dasgo mun guorahalan

du láhkabáhkkomiid.

¹⁰⁰Mun lean jierpmálaččat go vuorrasat,

go mun doahttalan du gohččumiid.

¹⁰¹Mun in goassege lávke

bahás bálgáide,

mun dáhtun doahttalit du sáni.

¹⁰²Mun in gáidda du lágain,

dasgo don leat oahpahan mu.

¹⁰³

daid smáhkka lea njálgáseabbo go honnet.

¹⁰⁴

danne mun vašuhan buot giellása bálgáid.

¹⁰⁵

ja čuovga mu bálgái.

¹⁰⁶Mun lean vurdnon, ja dan mun doalan:

Mun anán áimmuin du vuoigatlaš lágaid.

¹⁰⁷Mun lean gillán ollu, Hearrá.

Divtte mu eallit, nugo leat lohpidan!

¹⁰⁸

eaktodáhtolaš oaffariid

dohkket dutnje, Hearrá.

Oahpat mu dovdat du duomuid!

¹⁰⁹Mun lean álelassii heakkaváras,

muhto mun in vajáldahte du lága.

¹¹⁰Ipmilmeahttumat leat bidjan gielaid

mu ovdii,

muhto mun in čádjit du gohččumiin eret.

¹¹¹Du láhkabáhkkomat

leat mu opmodat agálašvuhtii,

dat leat mu váimmu illu.

¹¹²Mun lean sojahan váibmon

doallat du mearrádusaid álelassii,

gitta loahpa rádjái.

¹¹³Guovttemielat olbmuid

mun vašuhan,

muhto du lága mun ráhkistan.

¹¹⁴

mun bijan doaivvu du sátnái.

¹¹⁵Gáidet mu luhtte, bahádahkkit!

Mun dáhtun doallat Ipmilan báhkkomiid.

¹¹⁶

don leat lohpidan,

vai mun oaččun eallit.

Ale divtte mu doaivvu jorrat heahpadin.

¹¹⁷Doarjjo mu, nu ahte mun bestojuvvon

ja muittán álo du lágaid.

¹¹⁸Don hilggut buohkaid geat čádjádaddet

du mearrádusain eret,

duššás sii juonastit.

¹¹⁹Dego skártta don duššadat

buot eatnama ipmilmeahttumiid,

danne mun ráhkistan

du láhkabáhkkomiid.

¹²⁰Mu rumaš soaigá,

danne go mun balan du duomuin.

¹²¹Mun lean dahkan dan mii lea

riekta ja vuoigat.

Ale guođe mu sordiid gihtii!

¹²²Bealuš mu vai munnje geavvá bures,

ale suova čeavlás olbmuid soardit mu.

¹²³Mun áibbašan oaidnit du veahki,

bestojumi maid leat lohpidan.

¹²⁴Čájet oskkáldasvuođa bálvaleaddjásat,

oahpat mu dovdat iežat mearrádusaid.

¹²⁵Mun lean du bálvaleaddji,

atte munnje áddejumi

vai mun dovddašin du láhkabáhkkomiid.

¹²⁶Hearrá, dál lea áigi bargat!

Olbmot leat rihkkon du lága.

¹²⁷Mun ráhkistan du báhkkomiid

eambbo go golli,

eambbo go fiidnámus golli.

¹²⁸Dan dihte mun doahttalan

buot du gohččumiid

ja vašuhan buot giellása bálgáid.

¹²⁹Ovddolaččat leat du láhkabáhkkomat,

danne mun válddán dain vára.

¹³⁰

go dat rahpasit,

dat dahket oktageardánis olbmo

jierpmálažžan.

¹³¹Mun rabastan njálmmi ja sáđan,

dasgo mun áibbašan du báhkkomiid.

¹³²Jorgal mu beallái,

leage munnje árbmugas –

dat lea daid vuoigatvuohta

geat ráhkistit du nama.

¹³³

nugo don leat cealkán,

ale divtte makkárge vearrivuođa

ráđđet mu.

¹³⁴Čoavdde mu olbmuid veahkaválddis,

vai sáhtán doallat du gohččumiid.

¹³⁵

iežat bálvaleaddjái,

oahpat mu dovdat du mearrádusaid!

¹³⁶Gatnjalat golget mu čalmmiin,

go olbmot eai doala du lága.

¹³⁷

du duomut leat vuoigadat.

¹³⁸Don attát láhkabáhkkomiiddát

vuoigatlašvuođas

ja stuorra oskkáldasvuođas.

¹³⁹

danne go mu vašálaččat

eai beroš du sániin.

¹⁴⁰

ja du bálvaleaddji ráhkista dan.

¹⁴¹Mun lean headju ja badjelgehččojuvvon,

muhto du gohččumiid

mun in vajáldahte.

¹⁴²Du vuoigatlašvuohta lea agálaš,

du láhka lea duohtavuohta.

¹⁴³Heahti ja áŧestus leat deaividan mu,

muhto du báhkkomat leat mu illun.

¹⁴⁴Du láhkabáhkkomat

leat álo vuoigatlaččat.

Atte munnje ipmárdusa,

vai sáhtán eallit.

¹⁴⁵Hearrá, mun čuorvvun

oppa váimmustan:

Vástit munnje!

Mun válddán vára du mearrádusain.

¹⁴⁶Mun čuorvvun dutnje, beastte mu!

Mun doalan du láhkabáhkkomiid.

¹⁴⁷

mun čuorvvun,

mun bijan doaivvu du sátnái.

¹⁴⁸

de mun lean ain gohcimin

ja guorahallamin du sáni.

¹⁴⁹Hearrá, gula oskkáldasvuođastat

mu čuorvasa,

divtte mu eallit, nugo du lágat lohpidit!

¹⁵⁰Dat geat doarrádallet mu

heabuheamit, lahkanit,

du lágas sii leat gáidan eret.

¹⁵¹Muhto don, Hearrá, leat lahka,

ja buot du báhkkomat leat duođat.

¹⁵²Mun lean guhká juo oaidnán

du láhkabáhkkomiin

ahte don leat ásahan daid agálaš áigái.

¹⁵³Geahča mu heađi ja gájo mu!

Mun in leat vajáldahttán du lága.

¹⁵⁴Čuoččut mu ášši ja lonis mu,

divtte mu eallit, nugo leat lohpidan.

¹⁵⁵Ipmilmeahttumat leat

guhkkin eret bestojumis,

dasgo sii eai beroš du lágain.

¹⁵⁶Hearrá, du váibmoláđisvuohta

lea stuoris,

divtte mu eallit du lágaid mielde.

¹⁵⁷Dat geat doarrádallet

ja vuostálastet mu leat eatnagat,

muhto mun in gáidda du láhkabáhkkomiin.

¹⁵⁸Mun geahčan fasttášemiin

oskkáldasmeahttumiidda,

daidda geat eai doahttal du sáni.

¹⁵⁹Geahča, mun ráhkistan

du gohččumiid, Hearrá!

Don leat oskkáldas, divtte mu eallit!

¹⁶⁰Du sáni oaivádus lea duohtavuohta,

du vuoigatlaš duomut

bissot nanusin agálaš áigái.

¹⁶¹Oaivámuččat doarrádallet mu

almmá siva haga,

muhto mu váibmu ballá dušše du sániin.

¹⁶²Mun illudan du sáni dihte

nugo dat gii vuoitá stuorra sállaša.

¹⁶³Mun vašuhan ja fasttášan giellása,

muhto du lága mun ráhkistan.

¹⁶⁴Čieža háve beaivái mun rámidan

du vuoigatlaš duomuid.

¹⁶⁵Sis geat ráhkistit du lága,

lea ráfi ja lihkku,

ii mihkkege jorralahte sin.

¹⁶⁶Hearrá, mun dorvvastan

du bestojupmái,

mun doalan du báhkkomiid.

¹⁶⁷Mun doalan du láhkabáhkkomiid

ja ráhkistan daid sakka.

¹⁶⁸Mun lean doallan du gohččumiid

ja rávvagiid,

buot mu geainnut leat du čalmmiid ovddas.

¹⁶⁹Badjánehkos mu váidalančuorvvas

du ovdii, Hearrá!

Atte munnje ipmárdusa, nugo leat lohpidan.

¹⁷⁰Bohtos mu njuoras rohkadus du ovdii,

beastte mu, nugo leat lohpidan.

¹⁷¹Mu baksamiin golggiida

máidnunlávlla,

dasgo don oahpahat munnje

mearrádusaidat.

¹⁷²Mu njuovčča rámida du sáni,

dasgo buot du báhkkomat leat vuoigatlaččat.

¹⁷³Atte iežat gieđa leat mu veahkkin,

dasgo mun lean válljen du gohččumiid.

¹⁷⁴Hearrá, mun áibbašan du bestojupmái,

du láhka lea mu illu.

¹⁷⁵Divtte mu eallit,

vai mun beasan rámidit du,

lehkoset du duomut mu doarjjan.

¹⁷⁶

Oza bálvaleaddját,

dasgo mun in leat vajáldahttán

du báhkkomiid.