Sálbma 116
1161
Mun ráhkistan Hearrá.
Son gullá mu jiena,
son gullá mu njuoras rohkosiid.
2Go mun čuorvvun su,
de son guldala.
3
Jápmima čatnasat giessasedje mu birra,
jábmiidáimmu balddáhusat áŧestedje mu,
mun dohppehallen heahtái ja morrašii.
4Dalle mun čurvon Hearrá:
“Hearrá, gájo mu heakka!”
5
Sál 86,5+
Hearrá lea árbmugas ja vuoigatlaš
min Ipmil lea váibmoláđis.
6Hearrá várjala sivahemiid.
Go mun vártnuhuvven,
de son bođii munnje veahkkin.
7
Oajo, mu siellu,
Hearráhan lea leamaš dutnje buorre!
8
Son besttii mu heakka jápmimis,
son sesttii mu čalmmiid čierrumis,
ii diktán mu juolggi guossalit.
9116,9 ealli olbmuid eatnamis >27,13.Mun beasan vádjolit
Hearrá muođuid ovddas
ealli olbmuid eatnamis.
10
Mun oskon dallege go dadjen:
“Mun givssiduvvon sakka.”
11
Mun dadjen balustan:
“Juohke olmmoš lea gielástalli.”
12Mo mun sáhtán máksit Hearrái
buot buriid,
maid son lea dahkan munnje?
13Mun bajidan bestojumi geara
ja máinnun Hearrá nama.
14
Mun ollašuhtán
lohpádusaidan Hearrái,
mun dagan dan oppa su álbmoga oaidnut.
15
Mávssolaš lea Hearrá čalmmiin
su oskkáldasaid jápmin.
16Hearrá, gula mu, bálvaleaddját!
Mun lean du bálvaleaddji,
du bálvaleaddjinissona bárdni.
Don leat čoavdán mu láhkkiid.
17
Hearrá, mun oaffarušan dutnje
giittusoaffara
ja máinnun du nama.
18Mun ollašuhtán
lohpádusaidan Hearrái,
mun dagan dan oppa su álbmoga oaidnut
19Hearrá tempela ovdašiljus,
du gasku, Jerusalem.
Halleluja!
Sálbma 117
1171
Rom 15,11
Máidnot Hearrá, buot álbmogat!
Rámidehket su, buot eatnamat!
2
103,11
Su buorrevuohta lea veagalaš,
Hearrá lea midjiide oskkáldas agálaš áigái.
Halleluja!
Sálbma 118
1181
Giitet Hearrá!
Son lea buorre,
su árbmu bistá agálaš áigái.
2
Celkos Israela álbmot:
Su árbmu bistá agálaš áigái.
3118,3 Arona sohka >115,10.Celkos Arona sohka:
Su árbmu bistá agálaš áigái.
4Celket, dii Hearrá bálvaleaddjit:
Su árbmu bistá agálaš áigái.
5
119,45
Áŧestusas mun čurvon Hearrái.
Son gulai mu ja doalvvui mu friddjavuhtii.
6
Rom 8,31
Go Hearrá lea muinna,
de mun in bala mastege.
Maid dalle vedjet olbmot dahkat munnje?
7
Go Hearrá lea muinna ja veahkeha mu,
de mun sáhtán
geahččat vašuheddjiidasan
inge bala.
8
146,3č
Buoret lea dorvvastit Hearrái
go luohttit olbmuid veahkkái.
9Buoret lea dorvvastit Hearrái
go luohttit stuorráid veahkkái.
10
Buot álbmogat birastahtte mu,
muhto mun časken daid Hearrá vehkiin.
11Dat čoagganedje mu birra
juohke guovllus,
muhto mun časken daid Hearrá vehkiin.
12Dat birastahtte mu dego mieđašeanit,
muhto jávkkihedje
dego buolli bastilislánját.
Mun časken daid Hearrá vehkiin.
13Mu vašálaččat norddastedje mu
nu ahte mun masá gahččen,
muhto Hearrá bođii munnje veahkkin.
14
Jes 12,2
Hearrá lea mu fápmu ja máidnunlávlla,
son besttii mu.
15Gullet, ávvudeapmi ja vuoitočuorvasat
gullojit vanhurskásiid gođiin:
Hearrá giehta lea čájehan fámus!
16Hearrá giehta lea min badjelis.
Hearrá giehta lea čájehan fámus!
17
In mun jáme, mun ealán
ja muitalan Hearrá daguid.
18Garrasit Hearrá bagadii mu,
muhto son ii addán mu jápmima gihtii.
19
Jes 26,2
Rabastehket munnje
vanhurskkisvuođa poarttaid!
Mun manan sisa ja giittán Hearrá.
20Dát lea Hearrá poarta,
dákko ožžot vanhurskásat mannat.
21Mun giittán du, go don gullet mu
ja gádjot mu.
22
Apd 4,11
Ef 2,20
1 Pet 2,7
Geađgi maid huksejeaddjit hilgo,
lea šaddan čiehkageađgin.
23Hearrá lea dan dahkan,
ja dat lea ovddolaš min čalmmiide.
24
Dát lea dat beaivi
maid Hearrá lea dahkan,
ávvudehkot ja illudehkot!
25Hearrá, beastte min!
Hearrá, divtte min lihkostuvvat!
26
23,39
Buressivdniduvvon lehkos son
guhte boahtá Hearrá nammii!
Mii buressivdnidit din Hearrá viesus.
27
118,27 Mannet … čorvviid rádjái sáhttá maid jorgaluvvot: “Čatnet báttiin ávvuoaffara áltára čorvviide.” áltára čorvviid ▶ dorvvet ja čoarvvit. Vrd. 2 Mos 27,1č.Hearrá lea Ipmil,
son attii midjiide čuovgasa.
Mannet ávvujoavkun, lastaoavssit gieđas,
gitta áltára čorvviid rádjái.
28
Don leat mu Ipmil, mun giittán du,
Ipmilan, mun rámidan du sakka.
29
Rámidehket Hearrá,
dasgo son lea buorre,
su árbmu bistá agálaš áigái.
