Davvisámegiel Biibbal 2019 (Biibbal)
113

Sálbma 113

1131

113,1
134,1
135,1
Halleluja!

Máidnot Hearrá, su bálvaleaddjit,

máidnot Hearrá nama!

2

113,2
115,18
Dan 2,20
Hearrá namma lehkos máidnojuvvon

dál ja gitta agálaš áigái!

3

113,3
Mal 1,11
Beaivváža badjáneami rájes

dan luoitádeami rádjái

lehkos Hearrá namma máidnojuvvon!

4

113,4
148,13
Hearrá lea allat,

buot álbmogiid gonagas,

su hearvásvuohta badjána alibun go albmi.

5

113,5
2 Mos 15,11
Sál 138,6
Gii lea Hearrá, min Ipmila, veardásaš?

Son čohkká truvnnustis allagasas

6muhto oaidná vulos eatnama čiekŋalassii.

Ii almmis iige eatnama alde

leat su veardásaš!

7

113,7
1 Sam 2,8
Sál 147,6
Luk 1,52
Son čuoččáldahttá vártnuheami gunas,

son bajida geafi rábáhis

8

113,8
34,16+
ja diktá su čohkánit stuorráid searvái,

iežas álbmoga oaivámuččaid báldii.

9

113,9
1 Mos 21,2
1 Sam 1,20
2,5
Jes 54,1
Luk 1,57
Son addá šattohis nissonii ruovttu,

addá sutnje mánáid ja eadnivuođa ilu.

Halleluja!

114

Sálbma 114

1141

114,1
81,6
Go Israel vulggii Egyptas,

go Jakoba nálli guđii vieris eatnama,

2

114,2
2 Mos 19,5č
de dalle Juda šattai Hearrá

bassi opmodahkan,

Israel su riikan.

3

114,3
2 Mos 14,21
Mearra oinnii dan ja báhtarii,

Jordaneatnu jorggihii ruoktot.

4Várit njuikkodedje dego vierccat,

dievát nugo lábbát.

5Mearra, mii dutnje šattai,

go don báhtarat?

Jordan, manne don jorggihat ruoktot?

6Várit, manne dii njuikkodehpet

dego vierccat,

dii dievát nugo lábbát?

7Eanan, doarggis Hearrá muođuid ovddas,

Jakoba Ipmila ovddas!

8

114,8
2 Mos 17,6
Sál 78,15
Son nuppástuhttá bávtti jávrin,

garra geađggi čáhceájan.

115

Sálbma 115

1151Ale midjiide, Hearrá,

ale midjiide atte gudni,

muhto atte gudni iežat nammii,

donhan leat árbmugas ja oskkáldas!

2

115,2
42,4+
Manne álbmogat beasašedje dadjat:

“Gos lea sin Ipmil?”

3

115,3
135,6
Min Ipmil lea almmis,

son dahká buot maid dáhttu.

4

115,4
96,5+
Álbmogiid ipmilat leat silba ja golli,

olbmogieđa duodji.

5Njálbmi dain lea, muhto eai dat sártno,

čalmmit dain leat, muhto eai dat oainne.

6Bealjit dain leat, muhto eai dat gula,

njunni dain lea, muhto eai dat havsse.

7Gieđat dain leat, muhto eai dat dovdda,

juolggit, muhto eai dat máhte vázzit,

ii daid čoddagis gullo jietna.

8

115,8
97,7+
Dakkárin šaddet daid dahkkit,

buohkat geat dorvvastit daidda.

9

115,9
3,4118,2eč
Israel, dorvvas Hearrái!

Son lea du veahkki ja galba.

10115,10 Arona sohka báhpat. Gč. 2 Mos 28,1.Arona sohka, dorvvas Hearrái!

Son lea du veahkki ja galba.

11Dii geat ballabehtet Hearrás,

dorvvastehket Hearrái!

Son lea din veahkki ja galba.

12Hearrá muitá min

ja buressivdnida min.

Son buressivdnida Israela soga,

son buressivdnida Arona soga.

13Son buressivdnida

daid geat ballet sus,

sihke smávváid ja stuorráid.

14

115,14
5 Mos 1,11
Vare Hearrá dagašii din eatnagin,

din ja din mánáid!

15Vare din buressivdnidivččii Hearrá,

almmi ja eatnama sivdnideaddji!

16

115,16
1 Mos 1,28
Albmi lea Hearrá albmi,

muhto eatnama son lea addán olbmuide.

17

115,17
6,6+
Jábmit eai máinno Hearrá,

ii oktage gii lea njiedjan jaskatvuhtii.

18

115,18
113,2+
Muhto mii máidnut Hearrá

dál ja gitta agálaš áigái.

Halleluja!