Sálbma 111
1111
111,1 Sálbma 111 lea alfabehtalaš sálbma. >25,1.Halleluja!
Mun giittán Hearrá oppa váimmustan
vuoigatlaččaid searvvis,
searvegotti gaskkas.
2Stuorrát leat Hearrá dagut!
Gii daid ráhkista, dat guorahallá daid.
3Allagat ja imašlaččat leat su dagut,
agálaččat bissu su vanhurskkis váldi.
4
Son diktá min muitit iežas oavdduid.
Váibmoláđis ja árbmugas lea Hearrá,
5
106,45
son biebmá daid geat ballet sus,
son muitá lihtus agálaččat.
6Son čájehii álbmogasas iežas fámu,
go son attii dasa
eará álbmogiid eatnamiid.
7
Buot daguinis son lea
oskkáldas ja vuoiggalaš,
su gohččumat eai rievdda.
8
Dat bissot nanusin álo ja agálaččat,
dat leat dahkkojuvvon
oskkáldasvuođas ja vuoigatvuođas.
9
Son vuolggahii álbmogasas lonástusa,
son ásahii lihtus agálaš áigái.
Su namma lea bassi ja hirbmatlaš!
10
9,10
Hearrá ballu lea viissisvuođa álgu,
viissis dat gii dahká su dáhtu.
Su rámádus bissu agálaš áigái.
Sálbma 112
1121
112,1 Sálbma 112 lea alfabehtalaš sálbma. >25,1.Halleluja!
Ávdugas dat gii ballá Hearrás
ja gávdná ilu su báhkkomiin.
2
Su nálli šaddá fámolažžan eatnamis,
vuoigatlaš olbmuid sohka
buressivdniduvvo.
3Su viesus lea vallji ja riggodat,
su vanhurskkisvuohta
bissu nanusin agálaččat.
4
Seavdnjadasas ihtá čuovga
vuoigatlaččaide.
Vanhurskkis lea váibmoláđis ja árbmugas,
5
bures geavvá dan olbmui
gii millosit addá loanas,
gii lea vuoiggalaš buot das maid dahká.
6
Son ii guossal goassege,
vuoiggalaš olbmo muitu bissu agálaččat.
7Ii son bala bahás ságain,
su váibmu lea nanus,
son dorvvasta Hearrái.
8
Son lea oadjebas iige bala,
son beassá oaidnit
mo su vašálaččat gahččet.
9
2 Kor 9,9
Son gilvá váivvášiidda attáldagaid,
su vanhurskkisvuohta bissu nanusin,
son aliduvvo ja oažžu gudni.
10
Sál 35,16
Sát 10,28
Ipmilmeahttun oaidná dan ja suhttá,
son gáská bániid, son hahpá.
Ipmilmeahttumiid hálidus duššá.
Sálbma 113
1131
135,1
Halleluja!
Máidnot Hearrá, su bálvaleaddjit,
máidnot Hearrá nama!
2
Dan 2,20
Hearrá namma lehkos máidnojuvvon
dál ja gitta agálaš áigái!
3
Beaivváža badjáneami rájes
dan luoitádeami rádjái
lehkos Hearrá namma máidnojuvvon!
4
Hearrá lea allat,
buot álbmogiid gonagas,
su hearvásvuohta badjána alibun go albmi.
5
Sál 138,6
Gii lea Hearrá, min Ipmila, veardásaš?
Son čohkká truvnnustis allagasas
6muhto oaidná vulos eatnama čiekŋalassii.
Ii almmis iige eatnama alde
leat su veardásaš!
7
Sál 147,6
Luk 1,52
Son čuoččáldahttá vártnuheami gunas,
son bajida geafi rábáhis
8
ja diktá su čohkánit stuorráid searvái,
iežas álbmoga oaivámuččaid báldii.
9
1 Sam 1,20
2,5
Jes 54,1
Luk 1,57
Son addá šattohis nissonii ruovttu,
addá sutnje mánáid ja eadnivuođa ilu.
Halleluja!