Davvisámegiel Biibbal 2019 (Biibbal)
10

Sálbma 10

10110,1 Sálbma 9 ja Sálbma 10 ledje álgoálggus okta sálbma.Hearrá, manne leat nu guhkkin,

manne čiehkádat áŧestusa áigge?

2Ipmilmeahttumat oaguhit

vártnuheami čeavllisteaset,

muhto darvánit iežaset juonaide.

3Ipmilmeahttun rábmo

iežas vuovdás anistumi,

buressivdnida ruhtaváibmila

ja hiddjida Hearrá.

4

10,4
14,1
Ipmilmeahttun čevllohallá

ja jurddaša:

“Ii Ipmil ráŋggáš.

Ipmil ii oppa leatge.”

5Son lihkostuvvá buot das maid dahká,

du duomut leat guhkkin eret sus.

Vašálaččainis son ii beroš.

6Son dadjá váimmustis:

“Ii mihkkege lihkat mu,

lihkuhisvuohta ii deaivit mu.”

7

10,7
Rom 3,14
Su njálmmi dievva leat garrudusat,

behtolašvuohta ja veahkaváldi,

su njuovčča gokčá

vearrivuođa ja bahávuođa.

8Son vuođgŋá dáluid lahkosiin,

čihkosis son goddá sivaheami.

Su čalmmit vákšot vigiheami,

9

10,9
7,3+
son šokčá čihkosis dego ledjon rođus.

Son šokčá vártnuheami,

dohppe su ja sorrá su fierbmásis.

10Son njahkala vuođgŋit,

vártnuheapme vuollána su fápmui.

11

10,11
Job 22,13
Sál 94,7
Jes 29,15
Jer 23,23č
Son dadjá váimmustis:

“Ii Ipmil beroš.

Son lea gokčan muođuidis,

ii son oainne maidege.”

12

10,12
3,8+
Hearrá, čuožžil! Ipmil,

lokte gieđa,

ale vajáldahte vártnuhemiid!

13Manne ipmilmeahttumat

ožžot hiddjidit Ipmila

ja dadjat váimmusteaset:

“Ii son ráŋggáš”?

14

10,14
5 Mos 10,18
Sál 68,6
72,4
140,13
146,9
Don oainnát heađi ja morraša

don oainnát buot ja anát fuola.

Vártnuheapme bidjá áššis

du ovdii,

donhan leat oarbása

veahkeheaddji.

15

10,15
104,35
Doaje ipmilmeahttun

ja bahás olbmo fámu,

ozahala su bahávuođa,

vai dat ii leat šat.

16

10,16
145,13
146,10
Hearrá lea gonagas agálašvuhtii,

vieris álbmogat leat jávkaduvvon

su eatnamis.

17Hearrá, don gulat

váivvášiid átnumušaid,

don guldalat sin

ja nannet sin váimmu.

18Don veahkehat oarbásiid

ja sordojuvvon olbmuid

oažžut vuoigatvuođa,

vai ii oktage šat dárbbaš

báhtarit eatnamis balus.

11

Sálbma 11

111Koarrajođiheaddjái. Davida sálbma.

Hearrái mun dorvvastan.

Mo dii sáhttibehtet dadjat munnje:

“Báhtar várrái dego loddi!

2

11,2
64,4č
Ipmilmeahttumat geldet dávggi,

njuolla lea juo gárvvisin,

seavdnjadin sii áigot báhčit dan

gean váibmu lea vuoigatlaš.

3Go vuođđu gaikkoduvvo,

maid dalle vanhurskkis sáhttá dahkat?”

4

11,4
9,8+
Hearrá lea bassi tempelisttis,

su truvdnu lea almmis.

Su čalmmit oidnet buot,

son guorahallá olbmuid

geahčastagainis.

5

11,5
5,5
Hearrá dutká vuoigatlaččaid

ja ipmilmeahttumiid.

Son vašuha daid geat ráhkistit

veahkaválddi.

6

11,6
1 Mos 19,24
5 Mos 29,23
Esek 38,22
Am 4,11
Luk 17,29
Ipmilmeahttumiid ala

son arvviha

buolli hilaid ja riššaid,

boaldi báhkka biegga lea sin oassi.

7

11,7
17,15
Hearrá lea vanhurskkis,

son ráhkista vuoigatlaš daguid.

Vuoigatlaččat besset oaidnit

su muođuid.

12

Sálbma 12

12112,1 Gávccáda >6,1.Koarrajođiheaddjái. “Gávccáda” mielde. Davida sálbma.

2

12,2
Mi 7,2
Gájo mu, Hearrá!

Dat geat ballet dus leat jávkan,

oskkáldas olbmot eai leat šat.

3

12,3
116,11
Juohkehaš gielista lagamuččas,

sárdnu litna baksamiiguin

ja guoktilaš mielain.

4Vare Hearrá duššadivččii

buot litna baksamiid,

juohke njuokčama

mii sárdnu stuorra sániid!

5Sii dadjet:

“Njuovčča addá midjiide vuoimmi,

baksamat leat min beali.

Gii dalle lea min hearrá?”

612,6 badjelgehččojuvvo dahje “áibbašit gáddjojuvvo”.“Vártnuheamit sordojuvvojit

ja váivvášat šuhkket,

danne mun čuožžilan”,

cealká Hearrá.

“Mun beasttán su

gii badjelgehččojuvvo.”

7

12,7
18,31
119,140
Sát 30,5
Hearrá sánit leat buhtis sánit,

dego silba, eananstáččus

ráidnejuvvon,

čieža geardái čilgejuvvon.

8Hearrá, don várjalat min,

don gáhttet min agálaš áigái

dán soga vuostá.

9Ipmilmeahttumat leat juohke sajis,

ja billašupmi oažžu fámu.