VIĐÁT GIRJI
Sálbma 107
1071
107,1 VIĐÁT GIRJI Sálmmaid girji lea ▶ masorehtalaš teavsttas juhkkojuvvon viđa váldooassái. Juohke oassi loahpahuvvo buressivdnádusain, vrd. Sál 41,14; 72,18č; 89,53; 106,48; 146–150.Rámidehket Hearrá,
dasgo son lea buorre,
su árbmu bistá agálaččat.
2
Nu celkoset dat
geaid Hearrá lea lonistan,
geaid son lea čoavdán heađis
3
43,5č
ja čohkken buot eatnamiin
nuortan ja oarjin, davvin ja lullin.
4Muhtumat sis čádjádalle meahccái
ja ávdin báikkiide
eaige gávdnan gávpoga gosa ássat.
5Sii nelgo ja goike,
sin siellu vuoimmehuvai.
6Dalle sii heađisteaset čurvo Hearrái,
ja son gájui sin sin áŧestusain.
7Son oahpistii sin rivttes geidnui,
gávpogii gosa sii besse ássat.
8Giitoset sii Hearrá su buorrevuođas,
rámidehkoset oavdudaguin
maid son lea dahkan olbmuide!
9
Luk 1,53
Son addá juhkat daidda
geat leat goikan,
galleha buriiguin daid geat leat nelgon.
10
42,7
Muhtumat sis čohkkájedje
seavdnjadasas ja jápminsuoivanis,
vártnuheapmin
ja ruovdeláhkkiide čadnojuvvon,
11
danne go sii ledje leamas
vuostehágolaččat Ipmila gohččumiidda
ja badjelgeahččan Alimusa neavvagiid.
12Son vuolidii sin gillámušaiguin,
sii guossaledje
eaige ožžon veahki ovttasge.
13Dalle sii heađisteaset čurvo Hearrái,
ja son besttii sin sin áŧestusain.
14
Son doalvvui sin olggos
seavdnjadasas ja jápminsuoivanis
ja botkii sin láhkkiid.
15Giitoset sii Hearrá su buorrevuođas,
oavdudaguin maid son lea dahkan olbmuide!
16
Son biđge veaikeuvssaid
ja cuvke ruovdesmarttiid.
17
Muhtumat sis buhce suttuideaset dihte
ja gárte gillát vearredaguideaset geažil.
18Sii fasttášedje buot borramuša,
sii ledje juo boahtán
jápmima poarttaid lahka.
19Dalle sii heađisteaset čurvo Hearrái,
ja son besttii sin sin áŧestusain.
20Son vuolggahii sánis ja buoridii sin,
son besttii sin hávddis.
21Giitoset sii Hearrá su buorrevuođas,
oavdudaguin maid son lea dahkan olbmuide!
22
Buktoset sii giittusoaffara
ja muitalehkoset ávvudemiin su daguid!
23Muhtumat sis manne skiippaide
ja gávppašedje stuorra mearaid alde.
24Sii oidne Hearrá daguid,
čiekŋalasaid oavdduid,
su stuorra oavdudaguid.
25
Son gohčui, ja šattai riđđudálki,
meara bárut badjánedje.
26Sii loktanedje almmi guvlui
ja vudjo čiekŋalasaide,
oasehisvuođas sin siellu hearddohuvai.
27Sii sugadedje, sii suibo
dego gárrenolbmot,
sin máhtus ii lean ávki.
28Dalle sii heađisteaset čurvo Hearrái,
ja son besttii sin sin áŧestusain.
29
Mark 4,39
Son divttii riđu šaddat goalkin,
ja meara bárut jaskkodedje.
30
Sii illosedje go golkii,
ja son doalvvui sin dan hápmanii
gosa sii ledje áigumin.
31Giitoset sii Hearrá su buorrevuođas,
oavdudaguin maid son lea dahkan olbmuide!
32Gulahehkoset sii su gudni
go su álbmot čoaggana,
su rámádusa vuorrasiid čoakkalmasas!
33
50,2
Son dahká eanuid ávdin meahccin,
goikada čáhccás ádjagiid,
34dahká šattolaš eatnama sálteeanamin
dan ássiid bahávuođa dihte.
35
41,18
Son rievdada meahci jávrin
ja goikeeatnama čáhceájan.
36Dasa son diktá nealgu olbmuid ássat,
ja sii huksejit alcceseaset gávpoga.
37
Sii gilvet bealdduid
ja ráhkadit viidnegárddiid,
sii čohkkejit šattu valjis.
38
30,9
Son buressivdnida sin
ja álbmot eatnána sakka,
ja sin oamit lassánit.
39
Muhto jos sii fas uhccánit
ja nuonddahallet áŧestusaide,
oasehisvuhtii ja morrašii,
40
de son golggaha badjelgehččojumi
oaivámuččaid badjelii
ja diktá sin čádjádallat
bálggeskeahtes ávdin meahccái.
41
Muhto váivvášiid son bajida
vártnuhisvuođas
ja dahká sin sogaid stuorisin
dego sávzaeallu.
42
Mi 7,16
Vuoigatlaččat oidnet dan ja illudit,
muhto buot bahávuohta
ferte jávohuvvat.
43
Viissis váldá dan vuhtii
ja guorahallá Hearrá buriid daguid.
Sálbma 108
1081Lávlla, Davida sálbma.
2
Ipmil, mu váibmu lea dorvvolaš,
mun dáhtun čuojahit ja lávlut.
Gohccá, mu siellu,
3morit, hárpa ja lyra,
mun dáhtun boktit iđedisgukso!
4Hearrá, mun rámidan du
álbmogiid gaskkas,
mun lávllun du máidnuma
buot álbmogiidda.
5Du árbmu ollá alleliidda go albmi,
du oskkáldasvuohta gitta balvvaid rádjái.
6Ipmil, badjánehkos du gudni
badjel almmi,
du hearvásvuohta badjel oppa eatnama!
7
Veahket min olgeš gieđainat,
gula mu rohkadusa ja gájo daid
geaid don ráhkistat!
8108,8 Sukkotleagi >60,8.Ipmil lea sárdnon bassibáikkistis:
“Ávvudemiin mun attán didjiide Sikema,
juogadan didjiide Sukkotleagi.
9Mu lea Gilead, mu lea Manasse,
Efraim lea mu oaivesuodji,
Juda mu ráđđensoabbi.
10Moab lea mu basadanlihtti,
Edomii mun suhppen gápmagiiddán,
Filistea vuostá mun bajidan
soahtečuorvasa.”
11Gii doalvu mu ladnegávpogii,
gii oahpista mu Edomii?
12Ipmil, donhan hilgot min,
it vuolgán min soahteveagaiguin.
13Atte midjiide veahki vašálačča vuostá!
Olbmuid veahkis ii leat ávki.
14Ipmila vehkiin mii dahkat
stuorra daguid,
son duolbmá eatnamii min vašálaččaid.
Sálbma 109
1091Koarrajođiheaddjái. Davida sálbma.
Ipmil, don gean mun máinnun,
ale oro jávohaga!
2
55,22
Ipmilmeahttumat ja behtolaččat
sivahallet mu.
Sii sárdnot muinna gielis njuokčamiin,
3birastahttet mu vaššás sániiguin
ja fallehit mu almmá siva haga.
4Sii bálkkašit mu ráhkisvuođa
sivahallamiin.
Mun in leat dahkan maidege baháid.
5
Sii mávssahit buori baháin,
mu ustitvuođa vašiin.
6
Bija mu vuostálastái
vuoigatmeahttun duopmára,
bija árpmuhis olbmá guoddalit su!
7
Divtte dikki dubmet su sivalažžan,
vare su rohkadus manašii duššás.
8
Šaddos su eallin oanehaš,
váldos eará olmmoš su doaimma.
9Báhcoset su mánát áhčiheapmin,
báhcos su áhkká leaskan.
10Vádjolehkoset su mánát golgolažžan,
šaddoset gearjidit guhkkin eret
gaikkoduvvon ruovttusteaset.
11Váldos velgoheaddji
buot su opmodaga,
rievidehkoset vierroolbmot
su barggu šattuid.
12Allos oktage čájehehko sutnje
oskkáldasvuođa,
allos guhtege árpmihehko
su oarbbes mánáid.
13
37,38
Vare su nálli duššašii,
vare sin namma jávkkašii
nuppi buolvvas!
14
Vare Hearrá muittášii
su áhčiid vearredaguid,
vare su eatni suttut eai goassege
sihkkojuvvoše,
15
atnos Hearrá dan čađat čalmmis.
Vare su muitu sihkkojuvvošii eatnama alde!
16
Son ii goassege áigon leat váibmoláđis.
Son doarrádalai váivváša ja vártnuheami,
ja hearddohuvvan olbmo son dáhtui goddit.
17Son liikui garuhit,
vare son ieš garuhuvvošii!
Son ii beroštan buressivdnidit,
vare buressivdnádus livččii sus gáidosis!
18Giessasehkos garuhus su birra
biktasa láhkái,
bahkkejehkos dat su rupmašii dego čáhci,
su dávttiide nugo olju.
19Lehkos dat gáktin su badjel,
boagánin su alimiid birra.
20Mávssahehkos Hearrá daidda
geat sivahallet mu,
geat sárdnot bahá mu birra.
21
Hearrá, mu Hearrá,
daga buori munnje namat dihte!
Gájo mu, donhan leat buorre ja oskkáldas!
22
Mun lean vártnuheapme ja váivváš,
mu váimmu dievva lea áŧestus.
23
Mun jávkkan dego suoivvan
sevnnjodettiin,
mun njávkkastuvvon eret
nugo rásselohkku.
24Mu čippit suibot
danne go mun fástudan,
mu gorut ruoidná ja sotná.
25
Mu doarrideaddjit bilkidit mu,
sii bárdet oaivvi go oidnet mu.
26Hearrá, mu Ipmil, veahket mu!
Don gii leat oskkáldas, beastte mu!
27Divtte sin dovdat du gieđa fámu,
vare sii boađášedje diehtit
ahte don, Hearrá, leat dahkan dán!
28
Sii garuhit,
muhto don buressivdnidat.
Mu vuostálastit šaddet heahpanit,
muhto du bálvaleaddji beassá illudit.
29
Lehkos bilku
mu guoddaleddjiid bivttas
ja heahpat sin gákti!
30
Mun giittán Hearrá máidnunlávlagiin,
álbmoga gaskkas mun rámidan su.
31
Son čuožžu váivváša bálddas
ja beastá su daid gieđas geat dubmejit su.