Davvisámegiel Biibbal 2019 (Biibbal)
107

VIĐÁT GIRJI

Sálbma 107

1071

107,1
106,1+
107,1 VIĐÁT GIRJI Sálmmaid girji lea ▶ masorehtalaš teavsttas juhkkojuvvon viđa váldooassái. Juohke oassi loahpahuvvo buressivdnádusain, vrd. Sál 41,14; 72,18č; 89,53; 106,48; 146–150.Rámidehket Hearrá,

dasgo son lea buorre,

su árbmu bistá agálaččat.

2

107,2
Jes 35,10
Nu celkoset dat

geaid Hearrá lea lonistan,

geaid son lea čoavdán heađis

3

107,3
Jes 11,12
43,5č
ja čohkken buot eatnamiin

nuortan ja oarjin, davvin ja lullin.

4Muhtumat sis čádjádalle meahccái

ja ávdin báikkiide

eaige gávdnan gávpoga gosa ássat.

5Sii nelgo ja goike,

sin siellu vuoimmehuvai.

6Dalle sii heađisteaset čurvo Hearrái,

ja son gájui sin sin áŧestusain.

7Son oahpistii sin rivttes geidnui,

gávpogii gosa sii besse ássat.

8Giitoset sii Hearrá su buorrevuođas,

rámidehkoset oavdudaguin

maid son lea dahkan olbmuide!

9

107,9
Jes 49,10
Luk 1,53
Son addá juhkat daidda

geat leat goikan,

galleha buriiguin daid geat leat nelgon.

10

107,10
Jes 9,1
42,7
Muhtumat sis čohkkájedje

seavdnjadasas ja jápminsuoivanis,

vártnuheapmin

ja ruovdeláhkkiide čadnojuvvon,

11

107,11
Jer 9,12eč
danne go sii ledje leamas

vuostehágolaččat Ipmila gohččumiidda

ja badjelgeahččan Alimusa neavvagiid.

12Son vuolidii sin gillámušaiguin,

sii guossaledje

eaige ožžon veahki ovttasge.

13Dalle sii heađisteaset čurvo Hearrái,

ja son besttii sin sin áŧestusain.

14

107,14
Kol 1,13
Son doalvvui sin olggos

seavdnjadasas ja jápminsuoivanis

ja botkii sin láhkkiid.

15Giitoset sii Hearrá su buorrevuođas,

oavdudaguin maid son lea dahkan olbmuide!

16

107,16
Jes 45,2
Son biđge veaikeuvssaid

ja cuvke ruovdesmarttiid.

17

107,17
Job 33,19eč
Muhtumat sis buhce suttuideaset dihte

ja gárte gillát vearredaguideaset geažil.

18Sii fasttášedje buot borramuša,

sii ledje juo boahtán

jápmima poarttaid lahka.

19Dalle sii heađisteaset čurvo Hearrái,

ja son besttii sin sin áŧestusain.

20Son vuolggahii sánis ja buoridii sin,

son besttii sin hávddis.

21Giitoset sii Hearrá su buorrevuođas,

oavdudaguin maid son lea dahkan olbmuide!

22

107,22
50,1423
Buktoset sii giittusoaffara

ja muitalehkoset ávvudemiin su daguid!

23Muhtumat sis manne skiippaide

ja gávppašedje stuorra mearaid alde.

24Sii oidne Hearrá daguid,

čiekŋalasaid oavdduid,

su stuorra oavdudaguid.

25

107,25
Jona 1,4eč
Son gohčui, ja šattai riđđudálki,

meara bárut badjánedje.

26Sii loktanedje almmi guvlui

ja vudjo čiekŋalasaide,

oasehisvuođas sin siellu hearddohuvai.

27Sii sugadedje, sii suibo

dego gárrenolbmot,

sin máhtus ii lean ávki.

28Dalle sii heađisteaset čurvo Hearrái,

ja son besttii sin sin áŧestusain.

29

107,29
Jona 1,15
Mark 4,39
Son divttii riđu šaddat goalkin,

ja meara bárut jaskkodedje.

30

107,30
Joh 6,21
Sii illosedje go golkii,

ja son doalvvui sin dan hápmanii

gosa sii ledje áigumin.

31Giitoset sii Hearrá su buorrevuođas,

oavdudaguin maid son lea dahkan olbmuide!

32Gulahehkoset sii su gudni

go su álbmot čoaggana,

su rámádusa vuorrasiid čoakkalmasas!

33

107,33
Jes 42,15
50,2
Son dahká eanuid ávdin meahccin,

goikada čáhccás ádjagiid,

34dahká šattolaš eatnama sálteeanamin

dan ássiid bahávuođa dihte.

35

107,35
Jes 35,7
41,18
Son rievdada meahci jávrin

ja goikeeatnama čáhceájan.

36Dasa son diktá nealgu olbmuid ássat,

ja sii huksejit alcceseaset gávpoga.

37

107,37
Jer 31,5
Sii gilvet bealdduid

ja ráhkadit viidnegárddiid,

sii čohkkejit šattu valjis.

38

107,38
5 Mos 28,2eč
30,9
Son buressivdnida sin

ja álbmot eatnána sakka,

ja sin oamit lassánit.

39

107,39
5 Mos 28,62eč
Muhto jos sii fas uhccánit

ja nuonddahallet áŧestusaide,

oasehisvuhtii ja morrašii,

40

107,40
Job 12,2124
de son golggaha badjelgehččojumi

oaivámuččaid badjelii

ja diktá sin čádjádallat

bálggeskeahtes ávdin meahccái.

41

107,41
113,7Esek 36,37č
Muhto váivvášiid son bajida

vártnuhisvuođas

ja dahká sin sogaid stuorisin

dego sávzaeallu.

42

107,42
63,12
Mi 7,16
Vuoigatlaččat oidnet dan ja illudit,

muhto buot bahávuohta

ferte jávohuvvat.

43

107,43
Hos 14,10
Viissis váldá dan vuhtii

ja guorahallá Hearrá buriid daguid.