Davvisámegiel Biibbal 2019 (Biibbal)
104

Sálbma 104

1041

104,1
103,1+
Máinno Hearrá, mu siellu!

Hearrá, mu Ipmil, don leat stuoris!

Don leat gárvodan allatvuođa

ja hearvásvuođa,

2

104,2
Jes 40,22
čuovggas du birra lea dego bivttas.

Don leat lebben almmi dego loavdaga

3

104,3
18,11
Am 9,6
ja huksen iežat sála čáziid badjel.

Don dagat balvvaid iežat vovdnan

ja jođát biekka soajáiguin.

4

104,4
148,8
Hebr 1,7
Biekkaid don dagat áirrasin,

šloavvi dola bálvaleaddjinat.

5

104,5
Job 38,4eč
Don vuođđudit eatnama

nana vuođu ala,

dat ii lihkahuvvo agálaš áigái.

6

104,6
24,2+
Mearračiekŋalas govččai dan

dego bivttas,

čázit ledje váriid badjel.

7Muhto don gohččot čáziid

ja dat báhtaredje,

dat manne hoahpus

du bajána jiena ovddas.

8Čázit badjánedje váriid badjel

ja golge legiide,

daidda sajiide maid don mearridit.

9

104,9
Sát 8,29
Jer 5,22
Don bidjet ráji čáziide,

eaige dat šat goassege

máhca gokčat eatnama.

10

104,10
74,15
Don diktet ádjagiid golggiidit legiin,

dat golget johkan váriid gaskka.

11Dat addet čázi buot eatnama elliide,

doppe meahcceásenat čáskadit goikku.

12Daid gáttiin almmi lottit bessejit

ja vizardit ovssiid alde.

13

104,13
147,8č
Don čáhccet váriid alla sálastat,

ja eanan gallehuvvo

buot dainna maid don attát.

14

104,14
1 Mos 1,29č
Don šaddadat rási omiide

ja šattuid ávkin olbmuide.

Nu don divttát biepmu boahtit eatnamis

15ja viinni illudahttit olbmo váimmu.

Olju dahká ámadaju báitin,

ja láibi addá olbmui áhpiid.

16Hearrá muorat gallehuvvojit,

Libanona sederat maid son lea gilván.

17Lottit huksejit daid ovssiide beasi,

stoarkka viessu lea daid gierragiin.

18Alla várit leat várregáicca ruoktu,

bákteluomuin gávdná báktemievri suoji.

19

104,19
1 Mos 1,14eč
Don dahket mánu čájehit áiggiid,

ja beaivváža mii diehtá luoitádanáiggis.

20Don vuolggahat seavdnjadasa,

ja idja šaddá.

Dalle lihkadišgohtet buot meahcieallit.

21

104,21
Job 39,1č
Nuorra ledjonat čergot

stajádusa maŋŋái,

dat bivdet Ipmilis biepmu.

22Go beaivváš badjána, dat čiehkádit

ja mannet goarjut biejuidasaset.

23Dalle olmmoš vuolgá bargosis

ja bargá gitta eahkedii.

24

104,24
40,6+
Hearrá, lohkameahttumat

leat du dagut!

Buot daid don dahket viissisvuođain,

eatnama dievva leat du sivdnádusat.

25Das lea áhpi, stuoris ja viiddis,

giđđudeaddji elliid eatnatvuohta,

lohkameahttun ollu eallit,

sihke smávvát ja stuorrát.

26

104,26
74,14+
104,26 Leviatan stuorra mearraealli. ▶ Leviatan. duhkoraddat sáhttá maid jorgaluvvot “stoahkat doppe”.Doppe johtet skiippat,

doppe lea Leviatan maid don dahket

duhkoraddat čiekŋalasas.

27

104,27
136,25
145,15č
Buot dat bidjet doaivvu dutnje,

vurdet du biebmat sin rivttes áigái.

28Don attát daidda, ja dat váldet,

don rabastat gieđa a gallehat daid

buriid attáldagaiguin.

29

104,29
1 Mos 3,19
Job 34,14č
Sárd 12,7
Go don jorgalat eret,

de dat suorganit,

don válddát dain eallinvuoiŋŋanasa,

ja dat jápmet ja šaddet fas muoldan.

30

104,30
Job 33,4
Don vuolggahat vuoiŋŋat,

ja eallin sivdniduvvo,

don ođasmahtát eatnama hámi.

31

104,31
1 Mos 1,31
Vare Hearrá gudni bisttášii agálaš áigái,

vare Hearrá beasašii illudit daguidis dihte!

32

104,32
2 Mos 19,18č
Sál 144,5
Jes 64,1č
Son geahččá eatnamii,

ja dat doarggista,

son guoskkaha váriid,

ja dat borggistit.

33

104,33
63,5+
Mun rámidan Hearrá buot beivviidan,

máinnun Ipmilan nu guhká go ealán.

34

104,34
19,15
Vare Hearrá liikošii mu lávlagii,

vare mun beasašin illudit Hearrás!

35104,35 Halleluja mearkkaša “Máidnot Hearrá”.Vare buot suttolaččat

jávkkašedje eatnamis,

eaige ipmilmeahttumat šat livčče das!

Máinno Hearrá, mu siellu!

Halleluja!

105

Sálbma 105

1051

105,1
1 Muit 16,8eč
Jes 12,4eč
Giitet Hearrá, čurvot su nama,

muitalehket álbmogiidda

su stuorra daguid!

2

105,2
145,4
150,2
Lávlot ja čuojahehket su gudnin,

almmuhehket buot su oavdduid.

3Máidnot su bassi nama,

illudehkoset dat geat ohcet Hearrá!

4

105,4
27,8+
Ohcet Hearrá ja su fámu,

loaiddastehket álelassii su muođuid ovdii.

5Muitet daid oavdudaguid

maid son lea dahkan,

su mearkkaid ja su duomuid,

6dii Abrahama, su bálvaleaddji, mánát,

dii Jakoba bártnit, geaid son lea válljen.

7Son lea Hearrá, min Ipmil,

su duomut jukset oppa eatnama.

8

105,8
5 Mos 7,9
Son muitá lihtus agálaš áigái,

duhát bulvii báhkkoma maid attii,

9

105,9
1 Mos 15,18
26,3
lihtu maid dagai Abrahamiin,

váli maid vuortnui Isakii.

10

105,10
1 Mos 28,13eč
Sál 111,9
Son attii dan Jakobii láhkan,

Israelii agálaš lihttun.

11“Mun attán dutnje Kanaana eatnama

árbin ja opmodahkan.”

12Vaikko sii ledje dušše

uhca jovkkoš, vierrásat

13

105,13
1 Mos 12,19
13,1
geat vádjoledje álbmogis álbmogii,

riikkas nubbái,

14

105,14
1 Mos 12,17
20,37
26,11
de son ii suovvan ovttage soardit sin.

Sin dihte son ráŋggui gonagasaid:

15“Allet guoskka daidda

geaid mun lean vuoidan,

allet daga baháid mu profehtaide.”

16

105,16
1 Mos 41,54eč
Jes 3,1
Son gohčui nealggi boahtit eatnamii

ja válddii sis láibbi,

17

105,17
1 Mos 37,2836
45,57
son vuolggahii olbmá ovdal sin,

Josefa, gii vuvdojuvvui šlávvan.

18

105,18
1 Mos 39,20
Sii bággejedje Josefa julggiid láhkkiide,

ruovdi biddjojuvvui su čeahpáha birra,

19

105,19
1 Mos 40,20eč
dassá go su sátni ollašuvai,

ja Hearrá duođaštii su áššeheapmin.

20

105,20
1 Mos 41,14
Gonagas gohčui luoitit su friddjan,

álbmogiid ráđđejeaddji luittii su luovos.

21

105,21
1 Mos 41,40č
45,8
Son bijai Josefa iežas viesu hearrán,

hálddašit buot su opmodaga,

22

105,22
1 Mos 41,44
bagadit oaivámuččaid

iežas dáhtu mielde

ja oahpahit vuorrasiidda viissisvuođa.

23

105,23
1 Mos 46,1eč
105,23 Ham >78,51.Nu Israel bođii Egyptii,

Jakob vierisin Hama eatnamii.

24

105,24
2 Mos 1,7eč
Ipmil dagai álbmogis šattolažžan,

gievrrabun go dan vašálaččat.

25Son jorgalii egyptalaččaid miela,

ja sii vašuhišgohte su álbmoga,

meannudedje gávvilit su bálvaleddjiiguin.

26

105,26
2 Mos 3,10eč
Son vuolggahii Mosesa, bálvaleaddjis,

ja Arona gean son lei válljen.

27

105,27
106,21č
Soai dagaiga Egyptas Ipmila mearkkaid,

oavdudaguid Hama eatnamis.

28

105,28
2 Mos 10,22č
Hearrá vuolggahii seavdnjadasa,

ja visot sevnnjodii,

muhto egyptalaččat nággárušše

su sáni vuostá.

29

105,29
2 Mos 7,20č
Sál 78,44
Son nuppástuhtii sin čázi varran

ja gottii visot sin guliid.

30

105,30
2 Mos 8,2eč
Cubbot giđđudedje sin eatnamis,

velá gonagasa gámmáriid sistege.

31

105,31
2 Mos 8,1724
Sál 78,45
Hearrá gohčui, ja čurotmoađit bohte,

čuoikkat levve miehtá sin riikka.

32

105,32
2 Mos 9,23eč
Son attii čuorbmasiid arvvi sadjái

ja časkkii eatnama šloavvi dolain.

33Son njeiddii sin viidnemuoraid

ja fiikonmuoraid

ja dojii juohke muora sin eatnamis.

34

105,34
2 Mos 10,12eč
Sál 78,46
Son gohčui, ja rásselohkut bohte,

lohkameahttun jurssánat.

35Dat borre eatnamis buot ruotnasa,

jurse visot bealdduid šattuid.

36

105,36
2 Mos 12,29
Sál 78,51
Ipmil sorbmii buot

sin vuosttašriegádeddjiid,

sin olmmáivuođa vuosttaš šattuid.

37

105,37
2 Mos 12,35č
Son doalvvui israellaččaid eret Egyptas,

sii vulge ja gudde silbba ja golli,

su čearddaid olbmuin

ii oktage guossalan.

38Egypta illudii go sii vulge,

dasgo álbmot balai sis.

39

105,39
2 Mos 13,21č
Son lebbii balvva govččasin

ja bijai dola čuvget ija.

40

105,40
2 Mos 16,13eč
Sál 78,24
Sii gáibidedje borramuša,

ja son vuolggahii váktillottiid,

son gallehii sin almmi láibbiin.

41

105,41
2 Mos 17,6
Sál 78,15č
Son rabastii bávtti, ja čáhci golggihii,

dat golggai johkan goikeeatnamis.

42

105,42
1 Mos 15,13č
2 Mos 2,24
Hearrá muittii bassi lohpádusas

Abrahamii, bálvaleaddjásis,

43ja divttii álbmogis vuolgit iluin.

Álbmot maid son lei válljen,

beasai johttát ávvudemiin.

44

105,44
44,3+
Son attii sidjiide

eará álbmogiid ássansajiid,

sii besse váldit vierroálbmogiid

rahčamušaid šaddosiid,

45

105,45
78,7
ja sii galge doallat su báhkkomiid,

doahttalit su lágaid.

Halleluja!

106

Sálbma 106

1061

106,1
107,1
118,1eč
136,1eč
Halleluja!

Giitet Hearrá! Son lea buorre,

su árbmu bistá agálaččat.

2

106,2
40,6+
Gii máhttá muitalit Hearrá

veagalaš daguid,

almmuhit buot maid son lea dahkan?

3Ávdugasat dat geat ellet

nugo lea vuoigat,

geat álelassii barget vuoiggalaččat.

4Hearrá, don leat árbmugas

iežat álbmogii – oahppalatta munai!

Veahket mu ja beastte mu,

5divtte mu dovdat daid olbmuid lihku

geaid leat válljen,

illudit go du álbmot illuda

ja ávvudit oktan daiguin geat gullet dutnje.

6

106,6
1 Gon 8,47
Dan 9,5
Mii leat suddudan nugo min áhčitge,

mii leat dahkan baháid

ja eallán ipmilmeahttumit.

7

106,7
2 Mos 14,11č
Go min áhčit ledje Egyptas,

de sii eai ipmirdan du oavdudaguid.

Sii eai muitán buot buriid

maid ledjet dahkan.

Ruksesmeara gáttis

sii nággárušše du vuostá.

8Muhto Hearrá besttii sin,

namas gudni dihte,

son čájehii iežas fámu ja válddi.

9

106,9
2 Mos 14,22eč
Sál 78,13
1 Kor 10,1č
Son áittii Ruksesmeara, ja dat goikkai,

son doalvvui sin mearračiekŋalasa čađa,

mearrabotni dego meahcceluotta.

10Son besttii sin vašuheddjiin,

lonistii sin vašálačča gieđas.

11Čáhci govččai buot sin vuostálastiid,

ii oktage dain báhcán heggii.

12

106,12
2 Mos 14,3
15,1eč
Dalle sii osko maid son lei sárdnon,

ja lávlo sutnje giitosa.

13Dattetge sii fargga vajáldahtte su daguid,

eai luohttán su neavvagiidda.

14

106,14
4 Mos 11,4eč
Meahcis sii dohppehalle anistupmái

ja geahččaledje Ipmila.

15

106,15
4 Mos 11,31eč
Dalle son attii sidjiide

maid sii gáibidedje,

muhto vuolggahii sin gaskii maiddái

issoras dávdda.

16

106,16
4 Mos 16,1eč
Siiddas sii gáđaštedje Mosesa

ja Arona, Hearrá bassi olbmá.

17

106,17
4 Mos 16,31eč
Dalle eanan rahpasii ja njielai Datana,

govččai Abirama joavkku.

18Daid vuostá geat čuvvo su,

buollái dolla,

njivžžanas duššadii ipmilmeahttumiid.

19

106,19
2 Mos 32,1eč
Horeba vuolde sii leikejedje gálbbi

ja gopmirdedje bácci

maid ledje ráhkadan.

20

106,20
Jer 2,11
Rom 1,23
Sii lonuhedje gudniset vuovssá govain,

šibiha mii borrá rásiid.

21

106,21
105,27
Sii vajáldahtte Ipmila, beastiset,

guhte lei dahkan stuorra daguid Egyptas,

22imašlaš oavdudaguid Hama eatnamis,

balddihahtti daguid Ruksesmeara gáttis.

23

106,23
2 Mos 32,9eč
Son livččii duššadan sin

jos Moses, gean son lei válljen,

ii livčče loaiddastan su ovdii

ja hehtten su moari duššadeames sin.

24

106,24
78,32č+
Sii hilgo hávskás eatnama,

sii eai oskon maid Hearrá sártnui,

25muhto nimmoredje gođiineaset

eaige gullan Hearrá jiena.

26

106,26
4 Mos 14,21eč
1 Kor 10,5
Dalle son bajidii gieđa sin vuostá.

Son áiggui časkit sin meahcis,

27

106,27
3 Mos 26,38
5 Mos 28,36č
biđget sin mánáid álbmogiid gaskii

ja háddjet sin buot eatnamiidda.

28106,28 Baal-Peor moablaš ipmil. Gč. 4 Mos 25,3.Sii serve Baal-Peoriin

ja borre heakkahis ipmiliid oaffariid.

29Sii moaráhuhtte Hearrá

daguideasetguin,

ja rohttudávda bođii sin gaskii.

30106,30 Pinehas Arona bártni Elasara bárdni. Vrd. 4 Mos 25,6eč.Dalle loaiddastii Pinehas ovdan

ja doalai duomu,

ja rohttudávda bissánii.

31Dan dihte son adnojuvvo vanhurskkisin

buolvvas bulvii, agálaččat.

32

106,32
2 Mos 17,1eč
4 Mos 20,1eč
5 Mos 32,48eč
Sii moaráhuhtte Ipmila

Meribačázi gáttis,

ja sin geažil Moses šattai gillát.

33Sii bávččagahtte su miela,

ja son sártnui almmá jurddaškeahttá.

34

106,34
5 Mos 7,1eč
12,2č
Duop 3,5eč
Sii eai duššadan eatnama álbmogiid

maid Hearrá lei gohččon sin duššadit,

35muhto seahkánedje vieris álbmogiidda

ja ohppe sin vieruid.

36

106,36
Duop 2,12č
Sii bálvaledje vieris ipmiliid,

ja dat šadde sidjiide giellan.

37

106,37
5 Mos 32,17
Jer 7,31
Sii oaffarušše bártniideaset

ja nieiddaideaset bahás vuoiŋŋaide.

38Sii golggahedje vigihis vara,

bártniid ja nieiddaid vara

maid sii oaffarušše

Kanaana eahpeipmiliidda,

ja varra dagai eatnama eahpebassin.

39

106,39
5 Mos 31,16č
Duop 2,12eč
Sin dagut dahke sin buhtismeahttumin,

sii ledje oskkáldasmeahttumat

das maid dahke.

40Dalle Hearrá moarri buollái

álbmoga vuostá,

son fasttášii daid geat gulle sutnje.

41Son attii sin vierroálbmogiid gihtii,

sin vašuheaddjit ráđđejedje sin.

42Sin vašálaččat áŧestedje sin,

ja sii šadde vierrásiid váldái.

43Son gájui sin eatnat gerddiid,

muhto sii nággárušše su vuostá,

dahke nugo dáhtto

ja vudjo suddui ain čiekŋalebbui.

44Muhto Hearrá oinnii sin heađi

ja gulai sin čuorvasa.

45

106,45
5 Mos 30,3č
32,36
Son muitái lihtus singuin

ja árpmihii sin

stuorra árbmugasvuođastis.

46Son jorgalii sidjiide váibmoláđisin

daid olbmuid

geat ledje dolvon sin fáŋgavuhtii.

47Beastte min, Hearrá, min Ipmil,

viečča min álbmogiid gaskkas!

Dalle mii beassat máidnut du bassi nama

ja giitit ja rámidit du.

48

106,48
72,18č
Máidnojuvvon lehkos Hearrá,

Israela Ipmil,

agálašvuođas agálašvuhtii!

Celkos oppa álbmot: Amen.

Halleluja!