Viissisvuohta sárdnu iežas birra

8¹8,1 viisodat >1,20.Gula, viisodat čuorvu,

ipmárdus addá jienas gullot.

²Son čuožžu dieváid alde,

geaidnoguorain ja luoddaearuin.

³Gávpotpoarttain maid ráigge olbmot

mannet gávpogii, son čuorvu jitnosit:

⁴“Mun čuorvvun didjiide, olbmot,

mu jietna čuodjá juohkehažžii.

⁵

dáidemeahttumat,

oččodehket jierpmi, jallat!

⁶Gullet, mun sártnun

dan mii lea duohta,

mu baksamiin bohtet vuoigatlaš sánit.

⁷Mu njuovčča sárdnu duohtavuođa,

mu baksamat fasttášit

ipmilmeahttunvuođa.

⁸Buot mu sánit leat vuoigatlaččat,

dain ii leat mihkkege boastut

iige vearrut.

⁹Dat leat čielgasat jierpmálažžii,

dat gii lea gávdnan dieđu,

diehtá ahte dat leat vuoigadat.

¹⁰

silbba sadjái,

dieđu ovdal go válljugolli,

¹¹

mávssoleabbo go bearralat,

eai makkárge dávvirat

leat dan veardásaččat.

¹²Mun, viissisvuohta,

lean jierpmi siidaguoibmi,

mus lea diehtu ja fuolalašvuohta.

¹³

Mun vašuhan goargatvuođa ja čeavlli,

bahás daguid ja gielis ságaid.

¹⁴

mun lean jierbmi, munnje gullá fápmu.

¹⁵Mu vehkiin gonagasat ráđđejit

ja oaivámuččat ásahit dan

mii lea riekta,

¹⁶mu vehkiin ráđđejeaddjit

ja oaivámuččat stivrejit,

buohkat geat dubmejit rievttuid.

¹⁷

geat ráhkistit mu,

dat geat ohcet mu, gávdnet mu.

¹⁸

vuoiggalašvuohta ja bistevaš opmodat.

¹⁹Mu attáldat lea buoret

go fiidnámus golli,

mu šaddu buoret go válljusilba.

²⁰Mun vádjolan

vanhurskkisvuođa geainnu,

gasku vuoiggalašvuođa bálgáid.

²¹Mun attán riggodaga daidda

geat ráhkistit mu,

mun deavddán sin vuorkágámmáriid.

²²

daguidis álgun, guhká dás ovdal.

²³Agálašvuođas mun hábmejuvvojin,

álggus juo, ovdal go eanan lei.

²⁴Mun riegádin ovdal go

ledje mearračiekŋalasat,

go ii lean vel oktage čáhccás ája,

²⁵

sadjáseaset,

ovdal buot dieváid riegádin mun,

²⁶ovdal go son dagai eatnama

ja meahci

dahje muoldda mii gokčá eatnama.

²⁷Mun ledjen das go son

ráhkadii almmiid,

dalle go son lebbii gomuvuođa

čiekŋalasa badjel,

²⁸go son attii allagasa balvvaide fámu

ja divttii mearračiekŋalasa

ádjagiid boršut,

²⁹

nu ahte čáhci bisánii dasa

gosa son gohčui,

go son bijai eatnama vuođđudusaid.

³⁰Dalle juo mun ledjen mánnán

su luhtte,

mun ledjen su illun beaivvis beaivái

ja duhkoradden álelassii

su muođuid ovddas.

³¹Mun duhkoradden

miehtá su máilmmi,

mu illun ledje olbmománát.

³²De gullet dál mu, mánáidan!

Ávdugasat dat geat vádjolit

mu geainnuid.

³³Gullet mu cuiggodusa,

de dii viisubehtet,

allet hilggo dan.

³⁴Ávdugas dat olmmoš gii guldala mu,

gii beaivvis beaivái gohcá

mu uvssa guoras

ja vuordá mu uksašielmmás.

³⁵

ja oažžu Hearrá árpmu.

³⁶Muhto dat gii mu badjelgeahččá,

vahágahttá iežas,

dat geat mu vašuhit,

ráhkistit jápmima.”