Doalat eret eará olbmá áhkás!

5¹

váldde vuhtii mu buriid neavvagiid,

²vai anát áimmuin ipmárdusa,

ja diehtu báidná du sániid.

³

su njuovčča lea litnáseabbo go olju,

⁴

dego máron,

bastil dego guovtteávjjot miehkki.

⁵

su lávkkit dolvot jábmiidáibmui.

⁶Ii son beroš eallima geainnus,

ii son fuomáš ahte lea láhppomin.

⁷Dan dihte, mánáidan, guldalehket mu,

allet gáidda mu sániin.

⁸Doalat guhkkin sus,

ale oppa lahkange su viesu uksii,

⁹

iežat fámu earáide,

jagiidat árpmuhis hearrái,

¹⁰vai vierrásat eai anáše ávkki

du vuimmiin,

vai du rahčamušaid bohtosat

eai šattaše vierrása vissui.

¹¹Don luoimmat go loahppa boahtá,

go du rumaš ja oažži sotná:

¹²“Manne mun vašuhin bagadusa

ja badjelgehččen cuiggodusa?

¹³Manne mun in guldalan

oahpaheddjiidan,

manne in váldán vuhtii sin sániid?

¹⁴5,14 šaddan oasehisvuhtii Nuskošeapmi buktá almmolaš ráŋggáštusa ja bilkádusa.Mun ledjen goasii šaddan

oasehisvuhtii

oppa searvegotti ovddas.”

¹⁵

golgi čázi iežat ádjagis.

¹⁶Galggašedjego du ádjagat

golgat gáhtaide,

du čáhcejogažat márkanšiljuide?

¹⁷Lehkoset dat aivvefal du,

ale juogat daid vierrásiiguin!

¹⁸

illut nuorravuođa áhká dihte.

¹⁹Eahcálaš sarvvaáldu,

liekkus gasella,

áhpásmahttos su raddi du juohke áigái,

leage álelassii juhkaluvvan

su ráhkisvuođas.

²⁰

eará nissona gárihuhttit iežat,

manne fátmmastivččet vierronissona?

²¹

son dárko buot su lávkkiid.

²²

iežas vearredaguide,

roahkkasa suttuidis gillii.

²³Son jápmá danne go

hilggui bagadusa,

stuorra jallavuođastis

son guosada.

Neavvagat ja várrehusat

6¹

jos don leat addán dáhkádusa

lagamuččat ovddas,

addalan gieđaid vierroolbmuin,

²de du sánit leat čatnan du,

dat maid leat cealkán, lea darvehan du.

³Daga dasto ná, bártnážan,

vai gájut iežat,

go juo leat šaddan lagamuččat gihtii:

Mana hoahpus ja doarjal lagamuččat,

⁴

alege oađđinmášu

čalbmerapmasiiddásat.

⁵Gájo iežat dego gasella bivdis,

nugo loddi loddejeaddji gieđas.

⁶Mana, láikkan, gotkka lusa,

geahča mo dat bargá ja šatta viissisin!

⁷Das ii leat oaivámuš,

fáldi iige ráđđejeaddji,

⁸

dat háhká borramuša geasset

ja čohkke biepmu láddjenáigge.

⁹Man guhká don veallát, láikkan,

goas don morihat ja lihkat?

¹⁰

ajihustte vel uhccánaš,

vuoiŋŋas ain bottoža ruossalas gieđaid,

¹¹de geafivuohta falleha du

dego rievvár,

vádjitvuohta vearjoolbmá láhkái.

¹²Návccahis olmmoš, suohpáhis olmmái

sárdnu suorrenjuokčamiin,

¹³

ja addá mearkkaid suorpmaiguin.

¹⁴Behtolaš váimmuin

son hutká bahás juonaid,

dagaha álo riidduid.

¹⁵Dan dihte su deaivida

fáhkkestaga lihkuhisvuohta,

čalbmeravkalanbottus

son doddjojuvvo cuovkkas,

iige leat dálkkas.

¹⁶6,16 Guhtta … čieža Dákkár vuohki čájehit eatnatvuođa gávdno maiddái 30,15–31.Guhtta ášši Hearrá vašuha,

čieža son fasttáša:

¹⁷

gieđat mat golggahit vigihis vara,

¹⁸

juolggit mat viegahit bahá,

¹⁹

ja dat gii dagaha riidduid

vieljažiid gaskii.

²⁰

ale hilggo eatnát oahpahusa.

²¹

čuolbmat daid čeabeha birra.

²²

várjalit du go don veallát,

ja go don gohccát, de dat sárdnot dutnje.

²³

oahpahus lea čuovga,

cuiggodeaddji bagadus

lea eallima geaidnu.

²⁴

vierronissona livttis njuokčamis.

²⁵Ale anistuva su čábbodahkii,

ale divtte su geasuhit iežat

geahčastagaidisguin.

²⁶Fuorrá sáhttá doalvut dus

vel maŋimuš láibevajahasage,

muhto náitalan nisson

lea bivdimin du heakka.

²⁷Gii sáhttá čohkket hilaid askásis

buollátkeahttá biktasiiddis?

²⁸Sáhttágo oktage vázzit hilaid alde

almmá boalddekeahttá julggiidis?

²⁹Nu geavvá maiddái dasa

gii veallá lagamuččas áhkáin:

Ii oktage gii duohtada su,

beasa ráŋggáškeahttá.

³⁰Ii oktage badjelgeahča suollaga,

go son suoláda go lea nelgon,

³¹6,31 čiežageardásaččat Lága mielde suola galgá máksit njealje- dahje viđageardásaš buhtadusa (2 Mos 22,1eč; 2 Sam 12,6). Dás namahuvvo vel stuorit sáhkku.jos son gávnnahallá,

de son ferte máksit čiežageardásaččat

ja addit buot mii sus lea.

³²Jierpmeheapme lea dat

guhte furroša,

son duššada iežas.

³³Son oažžu das aivve

heahpada ja vahága,

iige su heahpat sihkkojuvvo goassege.

³⁴Dasgo boatnji balahahkesvuohta

lea garas,

máksobeaivvi son ii árpmit.

³⁵Soabahusruđain son ii beroš,

ii son mieđit, vaikko velá dáhtošit

addit sutnje ollu attáldagaid.

7¹Bártnážan, ane áimmuin mu sániid

ja doala mu báhkkomiid.

²

de don oaččut eallit,

várjal mu oahpahusaid

dego čalbmegáhkát.

³

čále daid váimmot távvalii.

⁴7,4 viisodahkii >1,20.Cealkke viisodahkii:

“Don leat mu oabbá”,

gohčot ipmárdusa ustibin.

⁵

vierronissonis gii dahká sániidis livttisin.

⁶Go mun geahčastin láseráigge

iežan viesus, čeargalasa čađa,

⁷de mun oidnen

dáidemeahttumiid joavkkus ovtta,

mun áicen jierpmehis nuorra olbmá.

⁸Son manai gáhtaráigge

nissona nurkki guora,

váccii geainnu su vistti guvlui.

⁹Lei juo sevnnjodeamen,

beaivi lei jorramin sevdnjes idjan,

¹⁰ja nisson bođii su ovddal

fuorrábiktasat gárvun

ja šluohkes áigumušaiguin.

¹¹Son lea šloabmái ja veaidaláđas,

ruovttus son ii biso –

¹²

fargga márkanšiljus,

juohke nurkki duohken son njágada.

¹³Son váldá bártni gitta ja cummista su,

geahččá sutnje heabuheamit ja dadjá:

¹⁴

searvevuođaoaffara,

ja odne mun ollašuhtán iežan lohpádusa.

¹⁵Danin mun vulgen olggos

du ovddal,

aiddo du mun ohcenge, ja de gávdnen du.

¹⁶Mun lean lebbon ránuid seaŋgasan,

girjjat egyptalaš beallemasránuid,

¹⁷7,17 myrra njálggahájat myrramuora sáhppi mii geavahuvvo vuoidasiin ja parfymas. Gč. All 1,13. ▶ myrra. aloe muorrašládja mii šaddá Lullinuorta-Asias. Muoras lea njálgga hádja ja dat geavahuvvo suovasin. Gč. All 4,14. ▶ aloemuorra.oađđensadjásan mun lean riškkuhan

myrra, aloe ja kanela.

¹⁸Boađe, de besse gárihuvvat

ráhkisvuođas,

hávskkohaddu ráhkisteamis

gitta iđida rádjái!

¹⁹Mu boadnji ii leat ruovttus,

son lea vuolgán guhkes mátkái.

²⁰Ruhtaburssa son válddii mielddis,

son máhccá easkka láđasmánu.”

²¹Son viehttala nuorra olbmá

sániidisguin,

behtolaš baksamiiguin son dájuha su.

²²7,22 nugo sarvva … gillii ▶ Masorehtalaš teaksta ii leat čielggas. Eará vejolaš jorgalus lea “nugo doavki dolvojuvvo ráŋggáštuvvot láhkkit juolggis”.Dallánaga son čuovvula nissona,

dego vuoksá mii galgá njuvvojuvvot,

nugo sarvva mii manná gillii.

²³Nu son gáhččá gillii dego loddi

iige ipmir

ahte dat máksá su heakka,

ovdal go njuolla ludde su vuoivasa.

²⁴De gullet dal mu, mánáidan,

guldalehket maid mun dajan.

²⁵Allet fillehala vierronissona

geainnuide,

allet čádjádala su bálgáide,

²⁶danne go son lea časkán

eatnagiidda jápminhávi,

son lea goddán lohkameahttumiid.

²⁷

jábmiidáibmui,

dat manná vuolás jápmima gámmáriidda.