Davvisámegiel Biibbal 2019 (Biibbal)
3

Viisodat ja Hearrá ballu

31

3,1
5 Mos 4,40
30,16
Sál 119,11
Bártnážan, ale vajáldahte

maid mun lean oahpahan dutnje,

vurke mu báhkkomiid váibmosat.

2Dat lasihit dutnje eallinjagiid,

addet dutnje ráfi ja lihku.

3

3,3
5 Mos 6,6–9
11,18
Sát 6,21
7,3
3,3 giesa … čeabehii mávssolaš čikŋan.Ale divtte buorrevuođa

ja oskkáldasvuođa gáidat luhtát –

giesa daid iežat čeabehii,

čále daid váimmot távvalii,

4

3,4
Luk 2,52
de Ipmil ja olbmot atnet du árvvus

du viissisvuođa dihte.

5

3,5
Sál 37,5
Sát 28,26
Dorvvas Hearrái oppa váimmus,

alege luohte iežat jierbmái.

6Jurddaš su gos dal vádjoleaččat,

de son dahká du bálgáid njuolgadin.

7

3,7
Jes 5,21
Rom 12,16
Ale leage jierbmái iežat čalmmiin;

bala Hearrás ja gáidda bahás.

8Dat šaddá dearvvasvuohtan

du rupmašii,

fápmun buot dan dávttiide.

9

3,9
2 Mos 23,19
Gudnejahte Hearrá

buot dainna mii dus lea,

buot dan álgošattuin maid leat šaddadan.

10

3,10
5 Mos 28,8
Dalle gortnit devdet du áittiid,

ja viidni golgá

du bohčingáriid badjel.

11

3,11
Job 5,17
Hebr 12,5
Bártnážan, ale hilggo

Hearrá bagadusa,

ale nuonddahala

go son cuiggoda du,

12

3,12
5 Mos 8,5
Sát 13,24
19,18
Alm 3,19
danne go Hearrá ráŋgu dan

gean son ráhkista,

son bagada dan bártni

gean son atná ráhkisin.

Lihkolaš dat gii lea gávdnan viisodaga

13

3,13
Sál 1,1
3,13 viisodaga >1,20.Lihkolaš dat olmmoš

gii lea gávdnan viisodaga,

dat gii lea joksan dieđu.

14

3,14
Job 28,15eč
Sát 8,1019
Buoret go silba lea viisodat,

dat addá buoret vuoittu go golli.

15

3,15
Job 28,18
Sát 8,11
Viisodat lea mávssoleabbo

go bearralat,

ii mihkkege buot dávviriin

leat dan veardásaš.

16Dan olgeš gieđas lea guhkes eallin,

dan gurut gieđas riggodat ja gudni.

17Viisodaga geainnuid

lea hávski vádjolit,

buot dan bálgát dolvot ráfái.

183,18 eallima muorra Vrd. 1 Mos 2,9; 3,22.Dat lea eallima muorra

buohkaide geat fáhtejit dan,

lihkolaš dat gii doallá das gitta.

19

3,19
1 Mos 1,1eč
Job 26,7eč
Sál 33,6eč
Sát 8,22eč
Hearrá vuođđudii eatnama

viisodagain,

son lebbii almmi ipmárdusain.

20Su diehtu rabai

čiekŋalasaid rávnnji

ja divttii balvvaid suolnni goaikut.

21Bártnážan, ane áimmuin

jierpmálašvuođa ja fuolalašvuođa,

ale luoitte daid gáidat

čalmmiidat ovddas,

22

3,22
1,9
danin go dat addet dutnje eallima,

dat leat čikŋa du čeabeha birra.

23

3,23
Sál 91,12
Sát 4,12
Dalle don vádjolat oadjebasat,

it nordda juolggát,

24

3,24
Sál 3,6
4,9
ja go leat veallánan, de oađát njálgát,

it bala mastege.

25

3,25
Sál 91,5
Ale bala fáhkkes suorggahusas,

ale garra dálkkis

mii deaivida ipmilmeahttumiid,

26dasgo Hearrá lea du dorvu,

son várjala du juolggi darváneames gillii.

Daga buori lagamužžasat!

27

3,27
Matt 5,42
Ale biehttal veahkeheames,

jos nubbi olmmoš dárbbaša veahki

ja don sáhtát dahkat sutnje buori.

28

3,28
3 Mos 19,18
Jos dus lea mihkkege maid addit,

de ale daja lagamužžasat:

“Mana dál ja boađe ihttin,

de mun attán dutnje!”

29Ale hutkka baháid lagamuččat vuostá

gii atná oadjebassan ássat du siidaguoibmin.

30Ale bealkke nuppiin almmá siva haga,

go son ii leat dahkan dutnje

maidege baháid.

31

3,31
23,17
24,1
Ale gáđaš veahkaválddálaš olbmá,

ale čuovvul su luottaid.

32

3,32
Sál 25,14
Hearrá fasttáša vearálaš olbmo,

muhto vuoigatlačča son atná ustibin.

33Hearrá garuha

ipmilmeahttumiid viesu,

muhto vanhurskásiid ruovttu

son buressivdnida.

34

3,34
Jak 4,6
1 Pet 5,5
Bilkideddjiid son bilkida,

muhto vuollegaččaide son addá árpmu.

35Viisát ožžot gudni,

jierpmeheamit guddet iežaset heahpada.

4

Ane viisodaga árvvus!

41Gullet, mánáidan, áhči neavvagiid,

guldalehket ja ohppet jierpmálašvuođa.

2Mun attán didjiide buori oahpa,

allet vajáldahte mu oahpahusa.

3Go mun bártnážin ledjen ruovttus

áhččán luhtte,

njuorasin ja eadnán áinnohažžan,

4

4,4
3 Mos 18,5
Sát 7,2
19,16
dalle áhčči oahpahii mu:

Doala gitta mu sániin,

doala mu báhkkomiid, de oaččut eallit.

5Hága viisodaga, hága jierpmi,

ale vajáldahte

maid mun dutnje cealkkán

alege gáidda das.

64,6 viisodaga >1,20.Ale hilggo viisodaga,

de dat gáhtte du,

ráhkis dan, de dat várjala du.

7Hága viissisvuođa,

dat lea buot mávssoleamos,

hága ipmárdusa buot dainna

mii dus lea.

8Goarggut viisodaga,

de dat alida du,

jos don fátmmastat dan,

de dat buktá dutnje gudni.

9

4,9
1,9
Dat bidjá du oaivái

čáppa gudnegierddu,

dat geige dutnje hearvás kruvnnu.

10

4,10
3,2
Gula, bártnážan,

váldde vuhtii mu sániid,

de du eallinjagit šaddet eatnagin.

11

4,11
Sál 23,3
27,11
32,8
Mun oahpahan dutnje

viisodaga geainnu,

mun oahpistan du rivttes bálgáide.

12

4,12
3,23
Go don váccát daid,

de ii mihkkege hehtte du,

go don viegat, de it guossal.

13

4,13
5 Mos 30,15–20
32,47
Biso álo bagadusas

maid leat ožžon,

ane dan áimmuin,

dat lea du eallin.

14

4,14
Sál 1,1
Ale vácce ipmilmeahttumiid bálgá,

ale vuolgge dan geidnui

man bahát vádjolit,

15divtte dan orrut alege vácce dan,

gáidda das ja mana meaddel.

16Ipmilmeahttumat eai sáhte oađđit

muđui go leat dahkan bahá,

sidjiide eai boađe nahkárat

jos sii eai leat jorralahttán ovttage.

17Vearrivuohta lea sin láibi,

veahkaváldi sin viidni.

18Vanhurskásiid bálggis lea dego

iđedisguovssu

mii šaddá šearradeabbon

ahte šearradeabbon dassá go

lea olles čuvges beaivi.

19

4,19
24,20
Ipmilmeahttumiid geaidnu

lea nugo seavdnjatvuohta,

sii eai dieđe masa vedjet guossalit.

20

4,20
5,1
Bártnážan, gula maid mun dajan,

guldal dárkilit mu sániid.

21

4,21
3,21
Ale goassege luoitte daid

čalmmiidat ovddas,

vurke daid čiekŋalassii iežat váibmui.

22

4,22
3,8
Dat addet eallima dasa

gii daid gávdná,

dálkasa olles su rupmašii.

23Várjal váimmot eambbo go

buot eará,

dainna go eallin vuolgá das.

24Ale suova iežat njálmmi

sárdnut vearálaččat,

ale ane baksamiiddát behttosii.

25Gehččoset du čalmmit

njuolga ovddos,

geahča dasa mii dus lea ovddabealde.

26Dárko dan luotta man leat vázzimin,

de don jođát álo nana eatnama alde.

27

4,27
5 Mos 5,32
Jos 1,7
Ale spiehkkas olgeš alege

gurut beallái,

jorgal lávkkiidat bahás eret.

5

Doalat eret eará olbmá áhkás!

51

5,1
4,20
Bártnážan, guldal mu viisodaga,

váldde vuhtii mu buriid neavvagiid,

2vai anát áimmuin ipmárdusa,

ja diehtu báidná du sániid.

3

5,3
Sál 55,22
Sát 2,16+
Vierronissonis lea honnet baksamiin,

su njuovčča lea litnáseabbo go olju,

4

5,4
Sárd 7,26
5,4 máron mirkošaddu mas lea rihča smáhkka. ▶ máron.muhto loahpas son lea rihča

dego máron,

bastil dego guovtteávjjot miehkki.

5

5,5
2,18+
Su juolggit vázzet jápmimii,

su lávkkit dolvot jábmiidáibmui.

6Ii son beroš eallima geainnus,

ii son fuomáš ahte lea láhppomin.

7Dan dihte, mánáidan, guldalehket mu,

allet gáidda mu sániin.

8Doalat guhkkin sus,

ale oppa lahkange su viesu uksii,

9

5,9
6,34č
vai it šattaše addit

iežat fámu earáide,

jagiidat árpmuhis hearrái,

10vai vierrásat eai anáše ávkki

du vuimmiin,

vai du rahčamušaid bohtosat

eai šattaše vierrása vissui.

11Don luoimmat go loahppa boahtá,

go du rumaš ja oažži sotná:

12“Manne mun vašuhin bagadusa

ja badjelgehččen cuiggodusa?

13Manne mun in guldalan

oahpaheddjiidan,

manne in váldán vuhtii sin sániid?

145,14 šaddan oasehisvuhtii Nuskošeapmi buktá almmolaš ráŋggáštusa ja bilkádusa.Mun ledjen goasii šaddan

oasehisvuhtii

oppa searvegotti ovddas.”

15

5,15
All 4,1215
Juga čázi iežat gáivvos,

golgi čázi iežat ádjagis.

16Galggašedjego du ádjagat

golgat gáhtaide,

du čáhcejogažat márkanšiljuide?

17Lehkoset dat aivvefal du,

ale juogat daid vierrásiiguin!

18

5,18
Sárd 9,9
Lehkos du ája buressivdniduvvon,

illut nuorravuođa áhká dihte.

19Eahcálaš sarvvaáldu,

liekkus gasella,

áhpásmahttos su raddi du juohke áigái,

leage álelassii juhkaluvvan

su ráhkisvuođas.

20

5,20
2,16
Manne, bártnážan, divttášit

eará nissona gárihuhttit iežat,

manne fátmmastivččet vierronissona?

21

5,21
Job 34,21
Hearrá oaidná gos olmmái vádjola,

son dárko buot su lávkkiid.

22

5,22
Sál 7,17
Ipmilmeahttun darvána

iežas vearredaguide,

roahkkasa suttuidis gillii.

23Son jápmá danne go

hilggui bagadusa,

stuorra jallavuođastis

son guosada.