Davvisámegiel Biibbal 2019 (Biibbal)
24

241

24,1
3,31
23,17
Ale gáđaš bahás olbmuid,

ale vikka sin searvái.

2Sii jurddašit aivve veahkaválddi,

buot maid sii sárdnot

buktá lihkuhisvuođa.

3

24,3
14,1
Viissisvuođain viessu huksejuvvo,

jierbmi dahká dan nanusin,

4

24,4
21,20
diehtu deavdá dan gámmáriid

buot mávssolaš ja čáppa gálvvuiguin.

5

24,5
21,22
Dat gii lea viissis, lea gievra,

čeahpes olmmoš nanosmahttá

iežas fámu;

6

24,6
11,14+
soahtamii don dárbbašat

neavvagiid,

eatnat ráđđeaddiid vai vuoittát.

724,7 ráđđádallamis gávpotpoarttas. >1,21.Viissisvuohta lea doavkái beare allat;

ráđđádallamis son ii rabas njálmmi.

8Dat gii hutká baháid,

gohčoduvvo juonalažžan.

9Jallas olbmo juonat leat suddu,

buohkat fasttášit bilkideaddji.

10

24,10
Job 4,5
Jos don hearddohuvat

go boahtá áŧestus,

de du fápmu lea headju.

11

24,11
31,8
Jes 58,6
Gájo daid geat dolvojuvvojit jápmimii,

veahket daid geat suibot

steavlidanbáikái.

12

24,12
1 Sam 16,7
Sát 17,3+
Jos dajat: “Eathan mii dan diehtán”,

de son gii suokkarda váimmuid, oaidná,

du heakka goziheaddji diehtá,

ja son máksá juohkehažžii

su daguid bálkká.

13Bora honnega, bártnážan,

dasgo dat lea buorre,

fiinna honnet lea njálggat du guopmái.

14

24,14
23,18
Dakkár lea ipmárdus ja viissisvuohta

du sillui;

jos gávnnat dan,

dalle dus lea boahtteáigi,

iige du doaivu šatta duššin.

15

24,15
Sál 10,9
37,32
Ale vuođŋŋe vanhurskása viesu

dego ipmilmeahttun,

ale heavat su ruovttu.

16

24,16
Sál 37,24
Mi 7,8
Matt 18,21č
Čieža geardde sáhttá vanhurskkis

gahččat ja čuožžilit fas,

muhto ipmilmeahttumat gahččet

go lihkuhisvuohta boahtá.

17

24,17
Job 31,29
Ale illut go du vašálaš gahččá,

ale ávvut go son jorrala,

18vai Hearrá ii bahánivčče dutnje

ja jorgalivčče iežas moari sus eret.

19

24,19
Sál 37,1
73,2č
24,19 ipmilmeahttumiid sáhttá maid jorgaluvvot “sivalaččaid”, gč. v. 24.Ale hárpma bahádahkkiide

alege gáđaš ipmilmeahttumiid,

20

24,20
Sál 73,18č
Sát 13,9
danin go bahás olbmos

ii leat boahtteáigi,

ja ipmilmeahttumiid lámpá čáská.

21

24,21
1 Pet 2,17
Bártnážan, bala Hearrás

ja bala gonagasas.

Ale guoibmádala daiguin

geat áigot stuimmáskit.

22Lihkuhisvuohta sáhttá deaividit sin

fáhkkestaga.

Makkár dalle lea sin ráŋggáštus!

23

24,23
18,5
28,21
Maiddái dát leat viisáid sánit:

Dubmedettiin ii leat riekta geahččat

olbmo hápmái.

24Gii cealká sivalačča sivaheapmin,

dan buohkat garuhit ja soibmet,

25muhto daidda geat dubmejit riekta,

geavvá bures,

sin oassi lea lihkku ja buressivdnádus.

26Dego cummá baksamiidda

lea vuoiggalaš vástádus.

27Ollašuhte vuos doaimmaidat olgun

ja daga bealddu gárvvisin;

de dasto oaččut hukset iežat viesu.

28

24,28
19,5+
Ale duođaš lagamuččat vuostá

almmá ášši haga;

Almma it dáhto beahttit sániidatguin?

29

24,29
20,22
Ale daja:

“Nugo son dagai munnje,

nu munge dagan sutnje,

mun mávssahan sutnje su daguid.”

30Mun vázzen láikkes olbmá

bealddu meattá,

jierpmehis olbmá viidnegárddi guora.

31Gáskálasat ledje šaddan dasa dievva,

oppa eatnama gokče árvvohis rásit

ja geađgeáidi lei gahččan.

32Mun válden vuhtii dan maid oidnen,

ja mun válden das cuiggodusa.

33

24,33
6,10č
Nohkas vel veaháš,

ajihustte uhccánaš,

vuoiŋŋas ain oanehis bottu

ruossalas gieđaid,

34de geafivuohta falleha du

dego rievvár,

vádjitvuohta nugo vearjoolmmái.

25

251

25,1
2 Gon 18,1–8
25,1 Hiskia olbmát čállit ja viisát geat ledje gonagas Hiskia hoavas.Maiddái dát leat Salomo sátneláskkut. Daid leat Juda gonagasa Hiskia olbmát čohkken.

2

25,2
5 Mos 29,29
Jes 45,15
Rom 11,33
Ipmila gudni lea čiehkat ášši,

gonagasaid gudni lea dutkat ášši.

3Almmi allodat, eatnama čikŋodat

ja gonagasa jurdagat

eai leat guorahallamis.

4Earut skártta silbbas,

de silbarávdi sáhttá duddjot lihti.

5

25,5
16,12
Áje ipmilmeahttumiid eret

gonagasa luhtte,

de vuoigatlašvuohta nanne

su truvnnu.

6Ale rámppastala

gonagasa muođuid ovddas

alege gáibit saji stuorráid searvái.

7

25,7
Luk 14,7–11
Buoret lea gullat su cealkit:

“Boađe boaššoliidda”,

go šaddat čáhkket saji oaivámužžii.

Vaikko vel oainnášitge mii dáhpáhuvvá,

8de ale diggogoađe beare fargga.

Maid don dagat maŋimustá,

go du lagamuš

heahppášuhttá du?

9

25,9
11,13+
Čielggat iežat ášši lagamuččainat,

muhto ale ivtte nuppi olbmo

čiegusvuođa,

10muđui dat gii dan gullá,

soaibmá du,

eaige du šláddarat leat máhcaheames.

11

25,11
15,23
Golleehpelat silbaviđjjis

leat sánit mat sárdnojuvvojit

vuogas áigái.

12Dego golleriekkis, nugo gollečikŋa

lea viisá bagadus mieđamánas olbmui.

13

25,13
13,17
Dego muohttaga gálusvuohta

lájuid áigge

lea luohtehahtti áirras

vuolggaheaddjásis:

Son addá isidasas ođđa návccaid.

14

25,14
Jud 12
Biegga ja balva mii ii atte arvvi,

lea dat gii rámpo skeaŋkka

maid ii atte.

15

25,15
15,1
Gierdavašvuođain oaivámuččat

sártnuhuvvojit,

litna njuovčča doadjá dávttiid.

16Jos gávnnat honnega,

de bora maid dárbbašat,

amat gallánit das ja vuovssadit.

17Gallet hárve ustibat viesu,

amas čalmmástuvvat ja bahánit dutnje.

18

25,18
19,5+
Šluppot, miehkki

ja bastilis njuolla lea son

gii cealká vearreduođaštusa

lagamuččas vuostá.

19Dego mieska bátni

ja suibbodeaddji juolgi

lea dorvvastit behtolaš olbmui

heahtebeaivvi.

20Nugo olmmoš gii nuolada buolašin,

dego leiket sivrra hávvái

lea lávlut morašlažžii.

21

25,21
2 Gon 6,22
Matt 5,44
Rom 12,20
Jos du vašálaš nealgu,

de atte sutnje láibbi borrat,

jos son goiká,

de atte sutnje čázi juhkat.

2225,22 čohkket buolli hilaid máksit bahá buriin vai vašálaš gáhtá.Dalle don čohkket buolli hilaid

su oaivvi ala,

ja Hearrá máksá dan dutnje.

23Davvebiegga buktá arvvi,

sealggebeale sárdnun

suhttan ámadaju.

24

25,24
21,9
Buoret ássat dáhkkečiegas

go ovtta viesus bealkálas áhkáin.

25Nugo galbma čáhci goikan čoddagii,

nu lea buorre sáhka gáiddus eatnamis.

26Dego moiveája ja biliduvvon gáivo

lea vanhurskkis gii mieđiha

ipmilmeahttumii.

27

25,27
25,16
Ii leat buorre borrat ollu honnega;

ii leat gutnálaš háhpohaddat iežas gudni.

28

25,28
16,32
Dego gávpot man muvra

lea gaikojuvvon,

lea olmmái gii ii máhte ráđđet iežas.

26

261Nugo muohta geasset,

nugo arvi lájuid áigge,

nu lea gudni jallas olbmui.

2Dego girddašeaddji cizáš

ja sattáhalli beškkoš

lea ánssáškeahtes garuhus –

ii dat deaivit.

3

26,3
Sál 32,9
Sát 10,13
19,29
Spihčá hestii, suittehat ásenii,

rissi doavkki sealgái!

4Ale vástit doavkái

su jallavuođa mielde,

amat šaddat su láhkásažžan.

5Vástit doavkái su jallavuođa mielde,

amas navdit iežas viissisin.

6Juolggi čuolasta ja vahága bovde

dat gii vuolggaha jalla doalvut sáni.

7Loažža heaŋgájit lápmása juolggit,

nu maiddái sátnevádjasat jalla njálmmis.

8Nugo šleŋgui čadnojuvvon geađgi

lea jallii addojuvvon gudni.

9Dego bastilislátnjáoaksi

gárrenolbmo gieđas

lea sátnevájas jalla njálmmis.

1026,10 Masorehtalaš teaksta ii leat čielggas.Dego báhčči gii hávváduhttá summal,

lea dat gii bálkáha

jalla dahje meaddelmanni.

11

26,11
2 Pet 2,22
Dego beana mii máhccá

vuovssanasaidasas,

lea jalla gii geardu jallavuođaidis.

12

26,12
3,7
29,20
Rom 12,16
Jos oainnát olbmá

gii lea viissis iežas čalmmiin –

eambbo doaivu lea jallii go sutnje.

13

26,13
22,13
Láiki dadjá:

“Geainnus lea spire,

ledjon gasku gáhta!”

14Uksa jorrá gižaldagas,

láikkan fierada seaŋggastis.

15

26,15
19,24
Láiki nahkeha gieđa gárrái,

njálmmi rádjái giehta ii badján.

16Láiki navdá iežas viisábun

go čiehčasa

geat vástidit jierpmálaččat.

17Golgobeatnaga beljiide dohppe dat

gii suhttiha go earát bealkkašit.

18Dego mielaheapme gii báhčá

buolli ja goddi njuolaid,

19lea dat gii beahttá ustibis

ja de dadjá:

Munhan dušše leaikkastallen!

20

26,20
22,10
Go muorat leat nohkan,

de dolla jáddá,

go šláttardeaddji lea mannan,

de jaskkoda bealku.

21Činat áššui, muorat dollii,

bealkálas olmmái cahkkeha riiddu.

22

26,22
18,8
Sealggebealsárdnu ságat leat

dego herskot,

dat vudjot olbmo siskkildassii.

23Dego silbageardi láirálihtis

leat njálggisteaddji baksamat

ja bahás váibmu.

24Vaššás olmmoš guoktiluššá

baksamiiddisguin,

muhto siskkildasas

sus lea beahtus.

25

26,25
Sál 28,3
Jer 9,8
Son dahká jienas linisin,

muhto ale jáhke sutnje,

su váimmus leat čieža fastivuođa.

26Son čiehká vašis juonalašvuođain,

muhto čoakkalmasas

su bahávuohta boahtá albma.

27

26,27
Sál 7,16
9,16
35,8
57,7
Sárd 10,8
Dat gii roggá hávddi, gahččá dasa ieš,

gii fieraha geađggi,

dan ala dat fierrala.

28Gielástalli vašuha daid

geaid vahágahttá,

njálggástalli ráhkada heavu.