Davvisámegiel Biibbal 2019 (Biibbal)
16

161

16,1
19,21
Váimmu jurdagat gullet olbmui,

muhto vástádusa addá Hearrá.

2

16,2
21,2
24,12
Buot olbmo geainnut leat buhttásat

su iežas čalmmiin,

muhto Hearrá geahččala

olbmo vuoiŋŋa.

3

16,3
Sál 37,5
Bija Hearrá háldui buot maid dagat,

de du áigumušat lihkostuvvet.

4

16,4
Rom 9,19eč
Hearrá lea sivdnidan buot

dihto ulbmila várás,

ipmilmeahttumage

lihkuhisvuođa beaivái.

5

16,5
11,21č
Hearrá fasttáša

juohke čeavlás olbmo –

duođaid, eai sii beasa

ráŋggáškeahttá.

6

16,6
10,12
Árbmugasvuohta ja oskkáldasvuohta

soabahit suttu,

Hearrá ballu gáidada olbmo bahás.

7Go Hearrá liiko olbmo geainnuide,

de son oažžu ráfi velá vašálaččaidisguinge.

8

16,8
15,16
Buoret uhccánaš vuoigatvuođas

go stuorra vuoittut vearrivuođas.

9

16,9
19,21
Olmmoš jurddaša iežas geainnu,

muhto Hearrá stivre su lávkkiid.

10

16,10–15
1 Gon 3,9–28
Sárd 8,1–4
Gonagasa sátni

lea Ipmila mearrádus,

dubmedettiin son ii meaddát.

11

16,11
11,1+
Rivttes veavttat gullet Hearrái,

son lea dahkan buot veaktageđggiid.

12

16,12
20,28
25,5
Gonagasat fasttášit ipmilmeahttun

meanuid,

dasgo vanhurskkisvuohta

nanne truvnnu.

13Vuoigatlaš sárdnun

lea gonagasa miela mielde,

son ráhkista dan gii sárdnu duođa.

14

16,14
20,2
Gonagasa moarri lea jápmima áirras,

muhto viissis olmmái

jaskkodahttá su.

15

16,15
19,12
Gonagasa muođuid čuovga

mearkkaša eallima,

su buorredáhtolašvuohta

lea dego giđđaarvi.

16

16,16
3,14
8,1119
Buoret go golli

lea háhkat viissisvuođa,

mávssoleabbo go silba

lea háhkat jierpmi.

17Vuoigatlaččaid geaidnu garvá bahá,

heakkas várjala dat gii dárko lávkkiidis.

18

16,18
11,2
15,33
18,12
Čeavli doalvu hevvui,

goargatvuohta doalvu jorraleapmái.

19Buoret eallit vuollegažžan

ovttas vártnuhemiiguin

go juogadit sállaša čeavlás olbmuiguin.

20

16,20
Sál 2,12
Sát 3,5č
13,13
Jer 17,7č
Dat gii bargá jierpmálaččat,

gávdná buriid,

ávdugas dat gii dorvvasta Hearrái.

21Dat geas lea viissis váibmu,

gohčoduvvo jierpmálažžan,

sánálašvuohta jáhkiha olbmo.

22

16,22
13,14
Jierbmi lea viisásii eallima ája,

dovkkiid ráŋggáštus

lea sin iežaset jallavuohta.

23Viisá váibmu dahká su njálmmi

jierpmálažžan,

bidjá su baksamiidda ain eambbo oahpa.

24

16,24
12,25
Ustitlaš sánit leat dego honnet –

njálgát sillui

ja dearvvašlaččat rupmašii.

25

16,25
14,12
Dat mii orru leamen

rivttes geaidnu

sáhttá dattetge doalvut jápmimii.

26Bargi olbmo nealgi barggaha su,

su iežas čoavji gevre su.

27

16,27
Jak 3,6
Návccahis olmmái roggá bahávuođa,

su baksamiin buollá duššadeaddji dolla.

28

16,28
17,9
Juonalaš olmmái dahká bealkkuid,

šláttardeaddji earuha ustibaččaid.

29Veahkaválddálaš olmmái

fille lagamuččas,

doalvu su geidnui mii ii leat buorre.

30

16,30
6,12č
Dat gii geahččá siđvečalmmiid,

hutká bahá,

gii čárvu baksamiiddis,

lea dan juo ollašuhttán.

31

16,31
3,2
20,29
Čurges vuovttat leat gudnegierdu,

vanhurskkisvuođa geainnus

dat leat gávdnamis.

32

16,32
25,28
Buoret go soahtesáŋgár

lea gierdavaš olmmoš,

buoret lea ráđđet iežas miela

go váldit gávpoga.

33Vuorbi suhppejuvvo askái,

muhto Hearrá mearrida bohtosa.

17

171

17,1
15,17
Buoret goikeláibebihttá ja ráfi

go viesu dievva herskot ja bealku.

2Jierpmálaš šlávva

ráđđe gealbbohis bártni

ja oažžu árbet ovttas vieljažiiguin.

3

17,3
1 Gon 8,39
Sál 7,10
17,3
26,2
66,10
139,23
Sát 27,21
Jer 11,20
17,10
Silbii stážžu, gollái uvdna,

olbmuid váimmuid geahččala Hearrá.

4Bahás olmmoš guldala bahás ságaid,

gielástalli billisteaddji sániid.

5

17,5
14,31
Dat gii bilkida geafi,

hiddjida su sivdnideaddji,

guhte illuda nuppi oasehisvuođa dihte,

ii beasa ráŋggáškeahttá.

6

17,6
Sál 128,6
Mánáidmánát leat vuorrasiid

kruvdnu,

bártniid gudni sin áhčit.

7Stuorra sánit eai soaba doavkái,

velá uhcit giellásat ráđđejeaddjái.

8

17,8
18,16
21,14
Dat gii atná duolgguid,

gáddá daid leavvedolgin:

Gosa ihkinassii son boahtá,

de son birge.

9

17,9
10,12+
Dat gii bivdá ustitvuođa,

gokčá meaddádusa,

gii dan muitáha, ádjá ustibis eret.

10Cuiggodus cieggá jierpmálažžii

buorebut go čuođi časkkástaga jallii.

11Bahás olmmoš bivdá aivve stuimmi;

su vuostá vuolggahuvvo

árpmuhis áirras.

12Buoret lea boahtit guovžža njeaiga

mas čivggat leat rieviduvvon,

go jalla njeaiga su mielahisvuođas.

13Jos olmmoš mávssaha buori baháin,

de su viesus oasehisvuohta ii gáidda.

14Álggahit bealkku lea

dego ráhpat buođu;

heaitte eret ovdal go bealku buollá!

15

17,15
2 Mos 23,7
5 Mos 25,1
Jes 5,23
Dat gii dubme sivalačča sivaheapmin

ja dat gii dubme vigiheami sivalažžan –

Hearrá fasttáša goappašagaid.

16Maid ávkkuha ruhta jalla gieđas?

Sáhttágo son oastit viissisvuođa

go sus juo váilu jierbmi?

17Ustiba ráhkisvuohta

ii beahte goassege,

viellja lea riegádan veahkehit heađis.

18

17,18
6,1+
Jierpmeheapme lea dat

gii addala gieđaid

ja dáhkida lagamuččas ovddas.

19

17,19
18,12
Dat gii ráhkista bealkkuid,

ráhkista suttu,

dat gii dahká uvssas allagin,

ohcá iežas heavu.

20Behtolaš olmmoš ii gávnna lihku,

guoktilaš njuovčča jorralahttá.

21

17,21
10,1+
Morraša oažžu dat

geas lea doavkkes bárdni,

jierpmeheami áhčis

ii leat mihkkege iluid.

22

17,22
14,30
Ilolaš váibmu addá dearvvašvuođa,

hearddohuvvan miella ástada dávttiid.

23

17,23
2 Mos 23,6eč
3 Mos 19,15
5 Mos 16,19
Sát 15,27
Bahás olmmoš roggá duolgguid

ozastis

vai beassá botnjat vuoigatvuođa.

24Jierbmás olmmoš atná viisodaga

čalmmiid ovddas,

jalla várdá máilmmi ravddaid.

25

17,25
10,1+
Doavkkes bárdni lea váivin

áhččásis,

bahča morašin

dasa guhte riegádahtii su.

26Bahá lea jos sivaheapme sáhkohaddá,

beanta vuoigatvuođa vuostá

jos gutnálaš spihččejuvvo.

27

17,27
10,19+
Jierpmálaš seastá sániidis,

lotkesmielat lea viissis.

28

17,28
Job 13,5
Velá doavkige adnojuvvo viissisin

jos son orru jávohaga,

jierpmálažžan

jos son doallá njálmmi gitta.

18

181Iešlágán olmmoš bivdá iežas hálu;

son falleha buot mii lea jierpmálaš.

2

18,2
12,23
Doavki ii beroš áddet,

son dáhttu dušše muitalit

iežas oaiviliid.

3Badjelgeahččan čuovvu

ipmilmeahttuma,

heahpada mielde boahtá bilku.

4

18,4
20,5
Olbmo sánit leat čiekŋalis čázit,

viissisvuođa ája lea

golggiideaddji jogaš.

5

18,5
17,1524,23
Ii leat buorre doallat

sivalaš olbmo beali

ja botnjat sivaheami vuoigatvuođa.

6Jalla baksamat dagahit bealkkuid,

su njálbmi bivdá rissiid.

7

18,7
10,19+
Doavkki njálbmi lea sutnje heavvun,

su sánit šaddet giellan sutnje alccesis.

8

18,8
Sát 26,22
Šláttardeaddji sánit leat dego

herskot,

dat vudjot olbmo siskkildassii.

9Láikkes bargi lea billisteaddji viellja.

10

18,10
Sál 61,4
Hearrá namma lea nana toardna,

vanhurskkis viehká dohko

ja gávdná suoji.

11

18,11
10,15
Riggá opmodat lea su nana ladni,

dego alla muvra – nu son gáddá.

12

18,12
16,18+
Čeavli doalvu jorraleapmái,

vuollegašvuohta lea geaidnu gudnái.

13Jos muhtun vástida

ovdal go lea guldalan,

de son lea doavki ja oažžu heahpada.

14

18,14
17,22
Roahkkatvuođain olmmoš

gierdá buozalvasage,

muhto gii gierdá hearddohuvvan miela?

15Jierpmálaš háhká dieđu,

viisát guldalit ja ohppet.

16

18,16
17,8+
Attáldat rahpá uvssaid,

doalvu su stuorráid lusa.

17Dat gii rievttis vuosttažin sárdnu,

lea vuoigadis –

dassážii go vuostálasti

suokkardišgoahtá su sániid.

18Vuorbi loahpaha riidduid,

dat čoavdá fámolaš

olbmáid gaskavuođaid.

19Loavkašuvvan viellja lea dego

ladnegávpot,

riiddut dego poarttaid smarttit.

20

18,20
12,14
Njálmmi sániin olmmoš gallána,

baksamiid šaddosat dieldnadit su.

21

18,21
Jak 3,5č
Njuokčama hálddus

lea jápmin ja eallin,

gii dan stivre,

beassá návddašit dan šaddosa.

22

18,22
12,4
19,14
Lihku gávdná dat gii áhká gávdná,

son lea ožžon Hearrá buorredáhtu.

23Váivváš átnu vuollegaččat,

rikkis vástida garra sániiguin.

24

18,24
17,17
Ollu ustibat – uhccán ustitvuohta,

duohta ustit lea oskkáldasat go viellja.