Davvisámegiel Biibbal 2019 (Biibbal)
14

141Viissisvuohta hukse viesus,

jallavuohta gaikkoda dan iežas gieđaiguin.

2

14,2
8,13
21,8
Dat gii ballá Hearrás,

vádjola njulges geainnuid,

dat gii manná mohkkegeainnuid,

badjelgeahččá Hearrá.

3Jalla sánit šaddet rissin

su iežas sealgái,

viisáid baksamat leat sin várjalus.

4Geas eai leat vuovssát,

dan krubbá lea guorus,

gievrras burruid fámus

boahtá buorre šaddu.

5

14,5
6,19
12,17
Oskkáldas duođašteaddji ii gielástala,

vearreduođašteaddji vuoigŋá giellásiid.

6Bilkár ohcá viissisvuođa duššás,

jierpmálaš fidne dieđu álkit.

7Gáidda doavkki luhtte,

su ságain it gávnna dieđu.

8Jierpmálačča viissisvuohta lea

dovdat iežas geainnu,

jallaid jallavuohta beahttá.

9Bilkára viesus ássá sivalašvuohta,

muhto árbmu vuoigatlaš olbmuid luhtte.

10Váibmu dovdá iežas bákčasa,

iige dan ilu sáhte juogadit earáiguin.

11

14,11
Job 8,22
Sát 12,7
Ipmilmeahttumiid viessu

heavahuvvo,

vuoigatlaččaid goahti bissu.

12

14,12
16,25
Dat geaidnu mii orru olbmái

vuoigadin,

lea dattetge jápmima geaidnu.

13

14,13
Sárd 2,1č
Velá boagusteamisge

váibmu sáhttá bávččastit,

go illu nohká, de moraš báhcá.

14

14,14
1,31
Jes 3,10
Ávddahis olmmoš oažžu

maid ánssáša,

nu maiddái buorre olmmoš.

15Dáidemeahttun jáhkká juohke sátnái,

jierpmálaš olmmoš váruha lávkkiidis.

16Viissis ballá bahás ja garvá dan,

jalla lea rámppas iige ádde ballat.

17

14,17
14,29+
Hohppos olmmoš dahká jallavuođaid,

loavddes olmmoš gudnejahttojuvvo.

18Jallavuohta lea dáidemeahttumiid

hearva,

jierpmálaččaid oaivvis

lea dieđu gudnegierdu.

19Bahát šaddet gopmirdit

buriid olbmuide,

ipmilmeahttumat

vanhurskásiid poarttaid guoras.

20

14,20
19,7
Velá geafitge vašuhit

geafes olbmo,

riggás leat ustibat eatnat.

21

14,21
Sál 41,2
Dat gii badjelgeahččá lagamuččas,

sudduda,

lihkolaš dat gii árpmiha vártnuheami.

22Juonalaččat čádjidit,

dat geain leat buorit áigumušat,

ožžot buorrevuođa ja oskkáldasvuođa.

23

14,23
21,5
Buot rahčamuš

buktá valljugasvuođa,

guoros ságat dušše vahága.

24Riggodat lea viisáid kruvdnu,

dovkkiid gudnegierdu lea jallavuohta.

25

14,25
12,17
Oskkáldas duođašteaddji

gádju heakka,

gielisteaddji beahttá.

26Das gii ballá Hearrás,

lea nana suodji,

su mánát ožžot das báhtaransaji.

27

14,27
10,11
13,14
Hearrá ballu lea eallima ája,

dat veahkeha vealtat jápmima gielain.

28Álbmoga eatnatvuohta

lea gonagasa gudni,

olbmuid vátnivuohta šaddá

ráđđejeaddji heavvun.

29

14,29
12,16
14,17
15,18
29,22
Gierdavaččas lea eatnat ipmárdus,

hohpposmielat lasiha iežas jallodaga.

30Lojes váibmu lea rupmaša eallin,

gáđašvuohta guohcagahttá dávttiid.

31

14,31
17,5
Dat gii soardá vártnuheami,

bilkida su sivdnideaddji,

dat gii veahkeha váivváša,

gudnejahttá Ipmila.

32Ipmilmeahttun jorrala bahávuohtasis,

vuoigatlašvuohta

suodjala vanhurskása.

3314,33 dat lea amas Jorgalus čuovvu ▶ Septuaginta. ▶ Masorehtalaš teavsttas lea “dat almmuha iežas”.Viisodat vuoiŋŋasta

jierpmálaš olbmo váimmus,

muhto jallaid gaskkas dat lea amas.

34Vanhurskkisvuohta

lea álbmoga gudni,

muhto suddu lea álbmogiid heahpat.

35

14,35
1 Mos 41,37eč
Gonagas liiko jierpmálaš

bálvaleaddjái,

guttaheapmái son moaráhuvvá.

15

151

15,1
1 Sam 25,32č
Sát 25,15
Láđis vástádus loažžuda suhtu,

nordašuhtti sánit boktet moari.

2

15,2
13,16
Sárd 10,12
Jes 32,6
Viisáid sárdnumis goaiku diehtu,

dovkkiid njálmmis golgá jallodat.

3

15,3
Sál 139,1eč
Sát 5,21
Hebr 4,13
Hearrá geahčastat ollá juohke báikái,

dat vákšu sihke baháid ja buriid.

4

15,4
12,18
Njuokčama lodjivuohta

lea eallima muorra,

behtolaš sátni bávččagahttá.

5

15,5
10,17+
Jalla hilgu áhčis bagadusa,

jierpmálaš váldá vuhtii cuiggodusa.

6Vanhurskása viesus

lea stuorra riggodat,

ipmilmeahttuma dienas

manná duššás.

7Viisáid sánit gilvet dieđu,

jallaid jurdagat čádjádaddet.

8

15,8
1 Sam 15,22
Sát 21,27+
Ipmilmeahttumiid oaffara

Hearrá fasttáša,

vuoigatlaččaid rohkadus

lea sutnje dohkálaš.

9

15,9
11,20
Ipmilmeahttuma vádjolusa

Hearrá fasttáša,

dan gii váinnuha vanhurskkisvuođa,

son ráhkista.

10

15,10
29,1
Bagadus lea garas dasa

gii spiehkkasa bálgás,

dat gii vašuha cuiggodusa,

galgá jápmit.

11

15,11
Job 26,6
Jábmiidáimmu čiekŋalas

lea Hearrái almmus,

man sakka eambbo dalle

olbmuid váimmut!

12

15,12
9,7č
Bilkár ii liiko cuiggodussii,

viisáid lusa son ii mana.

13

15,13
12,25
Ilolaš váibmu čuvge ámadaju,

váimmu moraš hearddohuhttá olbmo.

14

15,14
18,15
Jierpmálaš olmmoš ohcá dieđu,

doavkkit hupmet aivve duššiid.

15Buot vártnuhis olbmo

beaivvit leat bahát,

muhto ilolaš váibmu ávvuda čađat.

16

15,16
16,8
Buoret uhccánaš Hearrá balus

go riggodat ja ollu ráfehisvuohta.

17

15,17
17,1
Buoret ruonasšaddoborramuš

ja ráhkisvuohta

go vuovssábiergu ja vašši.

18

15,18
28,25
29,22
Hohpposlunddot olmmái

boktá bealkkuid,

guhkesmielalaš olmmoš

jaskkodahttá nákkuid.

19

15,19
22,13
26,13
Láikkes olbmo geaidnu

lea bastilislátnjámiestta,

vuoiggalaččaid geaidnu lea jalgat.

20

15,20
10,1+
Viissis bárdni lea áhčis illu,

doavkkes olmmái badjelgeahččá eatnis.

21

15,21
10,23
Jallavuohta illudahttá jierpmeheami,

jierpmálaš olmmoš

vádjola njuolga ovddos.

22

15,22
11,14+
Áigumušat šaddet duššin

go ii ráđđádallojuvvo,

dat ovdánit go leat ollu ráđđeaddit.

23

15,23
16,1
25,11
Olmmái illuda go máhttá vástidit –

mii vel buoret go sátni vuogas áigái!

24Jierpmálaš vádjola bajás

eallima geainnu,

nu son vealtá mannamis

vuolás jábmiidáibmui.

25

15,25
5 Mos 19,14
27,17
Hearrá gaikkoda

čeavlás olbmuid viesu,

muhto leaskka rádjegeađggi son bisuha.

26Hearrá fasttáša baháid áigumušaid,

muhto ustitlaš sánit leat buhttásat.

27

15,27
17,23
Dat gii bivdá vearrevuoittu,

goarida iežas viesu,

dat gii vašuha duolgguid, eallá guhká.

28Vanhurskkis jurddaša

ovdal go vástida,

muhto ipmilmeahttumiid njálmmis

golgá bahávuohta.

29

15,29
Jak 5,16
Hearrá lea guhkkin eret

ipmilmeahttumiin,

muhto vanhurskásiid rohkadusa son gullá.

30Ustitlaš geahčastat

illudahttá váimmu,

buorre sáhka addá dávttiide ađđama.

31

15,31
12,1
13,18
Dat gii gullá dearvvašlaš cuiggodeami,

beassá viisáid searvái.

32

15,32
10,17+
Dat gii hilgu bagadusa, hilgu iežas,

gii oahppá cuiggodusas,

fidne áddejumi.

33

15,33
1,7
9,10
Hearrá ballu bagada viissisvuhtii,

gudni ovdal manná vuollegašvuohta.

16

161

16,1
19,21
Váimmu jurdagat gullet olbmui,

muhto vástádusa addá Hearrá.

2

16,2
21,2
24,12
Buot olbmo geainnut leat buhttásat

su iežas čalmmiin,

muhto Hearrá geahččala

olbmo vuoiŋŋa.

3

16,3
Sál 37,5
Bija Hearrá háldui buot maid dagat,

de du áigumušat lihkostuvvet.

4

16,4
Rom 9,19eč
Hearrá lea sivdnidan buot

dihto ulbmila várás,

ipmilmeahttumage

lihkuhisvuođa beaivái.

5

16,5
11,21č
Hearrá fasttáša

juohke čeavlás olbmo –

duođaid, eai sii beasa

ráŋggáškeahttá.

6

16,6
10,12
Árbmugasvuohta ja oskkáldasvuohta

soabahit suttu,

Hearrá ballu gáidada olbmo bahás.

7Go Hearrá liiko olbmo geainnuide,

de son oažžu ráfi velá vašálaččaidisguinge.

8

16,8
15,16
Buoret uhccánaš vuoigatvuođas

go stuorra vuoittut vearrivuođas.

9

16,9
19,21
Olmmoš jurddaša iežas geainnu,

muhto Hearrá stivre su lávkkiid.

10

16,10–15
1 Gon 3,9–28
Sárd 8,1–4
Gonagasa sátni

lea Ipmila mearrádus,

dubmedettiin son ii meaddát.

11

16,11
11,1+
Rivttes veavttat gullet Hearrái,

son lea dahkan buot veaktageđggiid.

12

16,12
20,28
25,5
Gonagasat fasttášit ipmilmeahttun

meanuid,

dasgo vanhurskkisvuohta

nanne truvnnu.

13Vuoigatlaš sárdnun

lea gonagasa miela mielde,

son ráhkista dan gii sárdnu duođa.

14

16,14
20,2
Gonagasa moarri lea jápmima áirras,

muhto viissis olmmái

jaskkodahttá su.

15

16,15
19,12
Gonagasa muođuid čuovga

mearkkaša eallima,

su buorredáhtolašvuohta

lea dego giđđaarvi.

16

16,16
3,14
8,1119
Buoret go golli

lea háhkat viissisvuođa,

mávssoleabbo go silba

lea háhkat jierpmi.

17Vuoigatlaččaid geaidnu garvá bahá,

heakkas várjala dat gii dárko lávkkiidis.

18

16,18
11,2
15,33
18,12
Čeavli doalvu hevvui,

goargatvuohta doalvu jorraleapmái.

19Buoret eallit vuollegažžan

ovttas vártnuhemiiguin

go juogadit sállaša čeavlás olbmuiguin.

20

16,20
Sál 2,12
Sát 3,5č
13,13
Jer 17,7č
Dat gii bargá jierpmálaččat,

gávdná buriid,

ávdugas dat gii dorvvasta Hearrái.

21Dat geas lea viissis váibmu,

gohčoduvvo jierpmálažžan,

sánálašvuohta jáhkiha olbmo.

22

16,22
13,14
Jierbmi lea viisásii eallima ája,

dovkkiid ráŋggáštus

lea sin iežaset jallavuohta.

23Viisá váibmu dahká su njálmmi

jierpmálažžan,

bidjá su baksamiidda ain eambbo oahpa.

24

16,24
12,25
Ustitlaš sánit leat dego honnet –

njálgát sillui

ja dearvvašlaččat rupmašii.

25

16,25
14,12
Dat mii orru leamen

rivttes geaidnu

sáhttá dattetge doalvut jápmimii.

26Bargi olbmo nealgi barggaha su,

su iežas čoavji gevre su.

27

16,27
Jak 3,6
Návccahis olmmái roggá bahávuođa,

su baksamiin buollá duššadeaddji dolla.

28

16,28
17,9
Juonalaš olmmái dahká bealkkuid,

šláttardeaddji earuha ustibaččaid.

29Veahkaválddálaš olmmái

fille lagamuččas,

doalvu su geidnui mii ii leat buorre.

30

16,30
6,12č
Dat gii geahččá siđvečalmmiid,

hutká bahá,

gii čárvu baksamiiddis,

lea dan juo ollašuhttán.

31

16,31
3,2
20,29
Čurges vuovttat leat gudnegierdu,

vanhurskkisvuođa geainnus

dat leat gávdnamis.

32

16,32
25,28
Buoret go soahtesáŋgár

lea gierdavaš olmmoš,

buoret lea ráđđet iežas miela

go váldit gávpoga.

33Vuorbi suhppejuvvo askái,

muhto Hearrá mearrida bohtosa.