Sátneláskkut 12 - Davvisámegiel Biibbal 2019 (Biibbal) - RAAMATTU.FI

Davvisámegiel Biibbal 2019 (Biibbal)

12

12¹

12,1

Sál 141,5
Sát 10,17+
Dat gii ráhkista bagadusa,

ráhkista dieđu,

doavki lea dat gii vašuha cuiggodusa.

²Buorre olmmoš oažžu árpmu Hearrás,

behtolaš olbmo son dubme sivalažžan.

³

12,3

10,25
Bahávuohta ii atte olbmui coavcci,

muhto vanhurskásiid ruohtas

ii lihkahuvvo.

⁴

12,4

31,10č
Hágas áhkká lea boadnjás kruvdnu,

guttaheapme lea dego

dávttiid guohcageapmi.

⁵Vanhurskásiid mearri

lea vuoiggalašvuohta,

ipmilmeahttumiid ulbmi lea beahtus.

⁶

12,6

1,18
Ipmilmeahttumiid ságat

vuđgŋet vara,

vuoigatlaččaid sánit gádjot sin.

⁷

12,7

14,11
Matt 7,24eč
Ipmilmeahttumat njeidojuvvojit

eaige šat leat,

vuoigatlaččaid viessu

bissu nanusin.

⁸Nu olmmoš rámiduvvo

go sus lea jierbmi,

duihmi šaddá badjelgeahčahassan.

⁹

12,9

13,7
Buoret badjelgehččojuvvon olmmoš

geas lea bálvá

go stuorástalli geas váilu láibi.

¹⁰

12,10

27,23
Vuoigatlaš olmmoš

atná fuola omiinis,

ipmilmeahttumiid váibmu

lea árpmuheapme.

¹¹

12,11

28,19
Dat gii gilvá bealddus,

borrá gallás,

gii háhpohallá guorusvuođa,

lea jierpmeheapme.

¹²Ipmilmeahttuma hálidus

lea bahái,

vanhurskásiid ruohtas lea nanus.

¹³Ipmilmeahttuma behtolaš sánit

šaddet sutnje giellan,

vanhurskkis beassá áŧestusas.

¹⁴

12,14

Sál 62,13
Sát 13,2
18,20
Matt 16,27
Njálmmi sánit gallehit olbmo,

su gieđaid dagut

máksojuvvojit sutnje.

¹⁵

12,15

18,2
Jalla atná iežas vádjolusa vuoigadin,

viissis dat gii guldala rávvagiid.

¹⁶

12,16

14,29+
Jalla moarri gulustuvvá dallánaga,

viissis olmmoš ii beroš

juohke bilkosánis.

¹⁷

12,17

6,19
14,25
Ávdás duođašteaddji muitala duođa,

vearreduođašteaddji sárdnu behttosa.

¹⁸

12,18

15,4
Jurddaškeahtes sánit

čuggejit dego miehkki,

viisáid sárdnun dálkkoda.

¹⁹Duohta sánit bissot agálaččat,

behtolaš ságat

dušše čalbmeravkalanbotta.

²⁰Juonalaččaid váimmus lea beahtus,

dat geat nevvodit buorrái, besset illudit.

²¹

12,21

Sál 91,10
Sát 11,21+
Ii mihkkege baháid

deaivit vuoigatlačča,

ipmilmeahttumiin

leat ollu lihkuhisvuođat.

²²Hearrá fasttáša gielis olbmuid,

vuoigatlaččat leat su miela mielde.

²³Jierpmálaš olmmoš čiehká

maid diehtá,

doavki gulaha

iežas diehtemeahttunvuođa.

²⁴

12,24

10,4+
Viššalis giehta oažžu fámu,

láikodat doalvu šlávvabargui.

²⁵

12,25

16,24
Moraš losidahttá olbmo váimmu,

ustitlaš sátni illudahttá dan.

²⁶12,26 vealtá bahás ▶ Masorehtalaš teaksta ii leat čielggas.Vanhurskkis vealtá bahás,

ipmilmeahttumiid geaidnu čádjidahttá.

²⁷

12,27

10,4+
Láiki ii fidne sállaša,

viššalis olmmoš

oažžu mávssolaš dávviriid.

²⁸

12,28

10,16
Matt 7,13č
Vanhurskkisvuođa bálgás

lea eallin,

dat geaidnu ii leat jápmima geaidnu.