Davvisámegiel Biibbal 2019 (Biibbal)
9

Viisodat rávká, jallodat oalgguha

919,1 Viisodat >1,20.Viisodat lea huksen alccesis viesu,

son lea fearran iežas čieža bácci.

2Son lea njuovvan njuovvanomiidis,

seaguhan viinni, láhčán beavddi

3

9,3
1,20
ja vuolggahan bálvánieiddaidis

čuorvut gávpoga dieváin:

4“Leatgo don dáidemeahttun?

Boađe dalle deike!”

Jierpmehemiide son dadjá:

5

9,5
Jes 55,1eč
Matt 22,1eč
Joh 6,35
“Bohtet, borret mu láibbi,

juhket viinni

maid mun ieš lean seaguhan!

6Jávkadehket dáidemeahttunvuođa,

de dii oažžubehtet eallit,

vádjolehket jierpmi geainnu

njuolga ovddos.”

7Dat gii ráŋgu bilkideaddji,

hiddjiduvvo,

gii cuiggoda ipmilmeahttuma,

bealkkahallá.

8

9,8
17,10
19,25
21,11
23,9
Ale cuiggot bilkideaddji,

dasgo dalle son vašuha du,

cuiggot viisses olbmo,

de son ráhkista du.

9Neavvo viisses olbmo,

de son viisu ain,

oahpat vanhurskása,

de son oahppá lasi.

10

9,10
1,7+
9,10 Basi dovdamuš soaitá maid jorgaluvvot “dovdat Basi”. Vrd. 5 Mos 33,2; Job 5,1; Sát 30,3; Sak 14,5.Hearrá ballu lea viissisvuođa álgu,

Basi dovdamuš lea ipmárdus.

11

9,11
3,216
4,10
Mun attán dutnje ollu beivviid,

mun lasihan dutnje eallinjagiid.

12Jos don leat viissis,

de du viisodat šaddá dutnje ávkin,

jos bilkidat, de don gillát das ieš.

13Jallavuohta lea mášohis nisson,

gehppesmielat ja jierpmeheapme.

14Son čohkká iežas viesu uvssa guoras,

su stuollu lea bajimusas gávpogis.

15Son čuorvu daidda

geat vázzet meattá,

daidda geat vádjolit geainnuset

njuolga ovddos:

16“Leatgo don dáidemeahttun?

Boađe dalle deike!”

Jierpmeheapmái son dadjá:

17

9,17
20,17
“Suoláduvvon čáhci lea njálggat,

čiegus láibi lea ásppas.”

18

9,18
2,18+
Muhto nubbi ii dieđe

ahte das orrot jámežat,

ahte nissona guossit

mannet jábmiidáimmu čieŋalvuhtii.

10

101

10,1
15,20
17,2125
19,13
23,1524
27,11
29,3
Salomo sátneláskkut.

Jierpmálaš bárdni illudahttá áhčis,

jierpmehis bárdni lea eatnis moraš.

2

10,2
11,4
Esek 7,19
Vearálaš vuoitu ii ávkkut,

vuoigatlašvuohta gádju jápmimis.

3Hearrá ii divtte vanhurskása nealgut,

ipmilmeahttuma anistumi son hilgu.

4

10,4
12,2427
13,4
Láikkes gieđat dahket geafin,

viššalis gieđat buktet rikkisvuođa.

5

10,5
6,8
Jierpmálaš olmmoš čohkke geasset,

dat gii oađđá láddjenáigge,

šaddá heahpadii.

6Vanhurskkis buressivdniduvvo

valljugasat,

ipmilmeahttuma njálmmis

lea veahkaváldi.

7

10,7
Sál 9,6
Sát 12,7
14,11
Vanhurskása muitu buressivdniduvvo,

ipmilmeahttuma namma guohcaga.

8Viissis olmmoš váldá vára

cuiggodusain,

dasa gii hállá jallaid, geavvá funet.

9

10,9
1,33
28,18
Láitemeahttun vádjola oadjebassan,

dasa gii manná mohkkegeainnuid,

geavvá bahás.

10

10,10
6,13+
Dat gii časkkaša čalmmiid, loavkida,

gii cuiggoda roahkkadit, dahká ráfi.

11

10,11
Sál 37,30
Sát 13,14
14,27
Vuoigatlaš olbmo njálbmi

lea eallima ája,

ipmilmeahttuma njálmmis

lea veahkaváldi.

12

10,12
17,9
1 Pet 4,8
Vašši boktá bealkkuid,

ráhkisvuohta gokčá

rihkkumiid eatnatvuođa.

13

10,13
19,29
Jierpmálačča baksamiin

boahtá viisodat,

jierpmehis olbmo sealggi cábmos soabbi!

14

10,14
18,7
Viisát vurkejit dieđu,

go duihmi sárdnu, de heavvu lea lahka.

15

10,15
18,11
Opmodat lea riggái nana ladni,

gefodat lea váivváša heavvu.

16Vanhurskása bálká addá eallima,

dat maid ipmilmeahttun skáhppo,

doalvu suddui.

17

10,17
6,23
12,1
13,118
15,532
Dat gii dohkkeha bagadusa,

čujuha eallima geidnui,

dat gii badjelgeahččá cuiggodusa,

čádjidahttá.

18Dat gii čiehká vaši, lea behtolaš,

jalla lea dat gii gilvá bahás ságaid.

19

10,19
13,3
17,27
18,6č21
21,23
Sárd 5,2
Gos leat ollu sánit,

das ii váillo suddu,

jierpmálaš olmmoš

stivre iežas njuokčama.

20Vanhurskása sárdnun lea válljusilba,

ipmilmeahttuma jurdagat

eai leat mange veara.

21

10,21
Sárd 10,12
Vanhurskása sánit

oahpistit eatnagiid,

jallaid jierpmehisvuohta

doalvu sin jápmimii.

22

10,22
Sál 127,2
Hearrá buressivdnádus

dahká rikkisin,

váivválaš rahčan ii lasit dasa maidege.

23

10,23
2,14
Jalla hávskodat lea dahkat baháid,

jierpmálačča illu lea viissisvuohta.

24

10,24
Job 3,25
Sát 1,27
Ipmilmeahttuma deaivida dat

mas son ballá,

vanhurskkis oažžu dan maid sávvá.

25

10,25
12,3
Matt 7,24eč
Go riđđu lea meaddel,

de ipmilmeahttun ii šat leat,

muhto vanhurskkis olmmoš ii lihkahuvvo.

26Nugo ettet bániide

ja suovva čalmmiide,

nu lea láikkes olmmoš

daidda geat vuolggahit su.

27

10,27
4,10
Hearrá ballu lasiha eallinbeivviid,

ipmilmeahttuma jagit oatnánit.

28

10,28
Job 8,13
Sál 1,6
Sát 11,23
Vanhurskásis lea illu vuordasis,

ipmilmeahttuma doaivu duššá.

29

10,29
Sál 37,39
Sát 14,26
Hearrá lea láitemeahttuma ladni,

muhto vearredahkkiid heavvu.

30

10,30
Sál 112,6
Sát 2,21č
Vanhurskkis ii lihkahuvvo goassege,

ipmilmeahttun ii beasa eallit eatnamis.

31

10,31
Sál 37,30
Vanhurskása njálmmis

boahtá viisodat,

behtolačča njálbmi buđđojuvvo.

32

10,32
Sárd 10,12
Vanhurskkis máhttá válljet

heivvolaš sániid,

ipmilmeahttuma sárdnun

lea aivve behtolašvuohta.

11

111

11,1
3 Mos 19,36
5 Mos 25,13eč
Sát 16,11
20,1023
Vearreveavttaid Hearrá fasttáša,

ollesdettot vihkkenlottaide

son liiko.

2

11,2
13,10
16,18
Gos lea čeavli, dohko boahtá heahpat,

vuollegaččaid páras

lea viissisvuohta.

3Vuoigatlaččaid oahpista

sin vuiges miella,

oskkáldasmeahttumiid duššada

sin behtolašvuohta.

4

11,4
10,2
Esek 7,19
Opmodat ii veahket moari beaivvi,

vanhurskkisvuohta gádju jápmimis.

5Láitemeahttun olbmo

vanhurskkisvuohta

dahká su geainnu dássidin,

ipmilmeahttun duššá iežas bahávuhtii.

6Vuoigatlaš olbmuid vanhurskkisvuohta

gádju sin,

behtolaččat darvánit iežaset himuide.

7

11,7
Sál 112,10
Sát 10,28
Go olmmái jápmá,

de su doaivu lea nohkan,

su fápmu ii šat atte doaivvu.

8

11,8
21,18
Vanhurskkis gáddjojuvvo áŧestusas,

ipmilmeahttun šaddá su sadjái.

9Ipmilmeahttun vahágahttá

sániidisguin lagamuččas,

diehtu gádju vanhurskásiid.

10

11,10
28,1228
Go vuoigatlaččaide geavvá bures,

de gávpot illuda,

go ipmilmeahttumat duššet,

de illu lea stuoris.

11Vuoigatlaččaid buressivdnádusat

huksejit gávpoga,

ipmilmeahttumiid ságat duššadit dan.

12

11,12
14,21
Jierpmeheapme

badjelgeahččá lagamuččas,

jierpmálaš olmmái orru jávohaga.

13

11,13
3 Mos 19,16
Sát 20,19
Šoambás olmmoš

muitala čiegusvuođaid,

luohtehahtti olmmái čiehká ášši.

14

11,14
15,22
20,18
24,6
Go ii leat stivrejupmi,

de álbmot jorrala,

ráđđeaddiid eatnatvuohta

addá bestojumi.

15

11,15
6,1+
Bahás geavvá dasa

gii dáhkida vierroolbmo,

dat gii biehttala addaleames gieđaid,

lea oadjebas.

16

11,16
10,4+
Liekkus nisson oažžu gudni,

viššalis olmmái háhká riggodaga.

17Buorredáhtolaš dahká buori alccesis,

dat gii lea goavvi, vahágahttá iežas.

18

11,18
22,8+
Ipmilmeahttun fidne

behtolaš vuoittu,

dat gii gilvá vanhurskkisvuođa,

oažžu bistevaš bálkká.

19Gii bissu vuoigatlažžan,

oažžu eallima.

Bahávuođa váinnuheapmi

doalvu jápmimii.

20

11,20
12,22
15,9
17,20
Hearrá fasttáša behtolaččaid,

muhto dat geat vádjolit láitemeahttumit,

leat su miela mielde.

21

11,21
Sál 32,10
34,22
Sát 12,21
16,5
Bahás olmmoš ii beasa goassege

ráŋggáškeahttá,

vanhurskásiid nálli gáddjojuvvo.

22Dego golleriekkis spiinni njunis

lea čáppa nisson geas váilu jierbmi.

23

11,23
10,28+
Vanhurskásiid hálidus buktá lihku,

ipmilmeahttumiid doaivu doalvu moarrái.

24Muhtun lea árvvas

ja oažžu ain eambbo,

nubbi hánohallá ja dattetge gefo.

25

11,25
Matt 7,2
2 Kor 9,6
Árvvas olmmoš oažžu ieš valji,

dat gii galleha iežáid, gallehuvvo ieš.

26Álbmot garuha dan

gii doallá gortni alddis,

dat gean gordni lea vuovdimassii,

buressivdniduvvo.

27

11,27
5,22
Dat gii ohcá buori,

gávdná lihku,

gii ohcá bahá, dasa dat boahtá.

28

11,28
Sál 1,3
52,10
92,13
Dat gii dorvvasta riggodahkasis,

gahččá,

vanhurskásat leat

dego rudnes lasttat.

29Dat gii goarida iežas viesu,

árbe biekka,

jalla šaddá bálvalit viisá.

30

11,30
10,11
Luk 5,10
11,30 eallima muorra >3,18.Vanhurskása šattus

lea eallima muorra,

veahkaváldi duššada eallima.

31

11,31
10,6č
11,31 Vanhurskkis … eatnama alde Septuagintas lea “Váttis lea vanhurskásii bestojuvvot”. Gč. 1 Pet 4,18.Vanhurskkis oažžu bálkkás

eatnama alde,

man sakka eambbo dalle

ipmilmeahttun ja suttolaš!