Davvisámegiel Biibbal 2019 (Biibbal)
1

11

1,1
1 Gon 3,12
4,29–34
Sárd 1–2
Salomo, Davida bártni, Israela gonagasa, sátneláskkut.

2Oahpahehkoset dat viisodaga

ja bagadusa,

vai olmmoš ádde jierpmálaš sániid

3ja váldá vuostá bagadusa

jierpmálašvuhtii, vanhurskkisvuhtii,

vuoigatvuhtii ja vuoigatlašvuhtii.

4Ožžoset dáidemeahttumat dain dáiddu,

nuorat dieđu ja dárkilvuođa.

5Viissisge viisu go gullá daid,

jierpmálašge oažžu dain bagadusa,

6oahppá ipmirdit sátnevádjasiid

ja veardádusaid,

ádde viisáid sániid ja árvádusaid.

7

1,7
Job 28,28
Sál 111,10
Sát 2,5
9,10
15,33
Hearrá ballu lea dieđu álgu,

muhto jalla badjelgeahččá

viisodaga ja bagadusa.

Ale vajáldahte maid leat oahppan!

8

1,8
6,20
23,22
Bártnážan, guldal áhčát cuiggodusa,

ale hilggo eatnát oahpahusa!

9Dat lea čáppa gudnegierdu du oaivái,

viđji mii čiŋaha du čeabeha.

101,10 bártnážan Ná sárdnu viisodaga oahpaheaddji iežas ▶ máhttájeaddjái.Go suttolaččat fillejit du, bártnážan,

de ale mieđit 11

1,11
Mi 7,2
go sii dadjet:

“Vuolgge minguin vuođgŋit varaid,

sokčat vigihemiid somá dihte!

12Njielastehkot sin eallinaga

dego jábmiidáibmu,

obbanaga nugo hávdi!

13Mii fidnet buotlágáš

mávssolaš dávviriid,

deavdit viesuideamet stajádusain.

14Don beasat juogadit sállaša minguin,

ruhtabursa mis lea oktasaš.”

15Bártnážan, ale searvva sidjiide,

ale goassege duolmmas sin bálgáid!

16

1,16
6,18
Jes 59,7
Sii dopmet bahá guvlui,

gáhččet golggahit vara.

17Eai lottit áicca fierpmi,

vaikko dat lebbejuvvo daid oaidnut,

18ja dát olbmát leat vuođgŋimin

iežaset vara,

iežaset heakka sii leat bivdimin.

19

1,19
15,27
1 Tim 6,10
Nu geavvá juohkehažžii

gii bivdá vearrevuoittu:

Dat váldá heakka das gii dan fidne.

Viisodat sárdnu

20

1,20
8,1
9,3
1,20 Viisodat Eanet teakstaosiin kap. 1-9 Viisodat govviduvvo sierra hápmin, jietnan mii sárdnu Ipmila sajis. Hebreagiel sánis mii jorgaluvvo “viisodat” lea hebreagillii feminiina genus; Viisodat govviduvvo nissonolmmožin.Viisodat čuorvu gáhtain,

márkanšiljuin dat diktá jienas gullot.

211,21 gávpoga poarttain sadji gos sii dolle ráđđádallamiid ja čovde diggeáššiid. Vrd. Rut 4,1eč.Šlábmás gáhtačiegain dat čuorvu,

sárdnu gávpoga poarttain:

22

1,22
Sál 94,8
“Man guhká dii dáidemeahttumat

ráhkistehpet dáidemeahttunvuođa?

Man guhká dii bilkideaddjit

illudehpet bilkideapmái

ja dii jallat vašuhehpet dieđu?

23Jorgalehket ja jeagadehket

mu cuiggodusaid!

Mun muitalan didjiide iežan dáhtu,

dieđihan didjiide sániidan.

24

1,24
Jes 65,12
66,4
Jer 7,13
Mun čurvon,

muhto dii ehpet dáhtton gullat,

mun várrejin,

muhto ii oktage beroštan.

25Dii ceakkasteiddet

buot mu neavvagiidda,

ehpet viššan gullat mu cuiggodusaid.

26Dan dihte mun boagustan

go lihkuhisvuohta deaivida din,

mun bilkidan go boahtá dat

maid dii gáfestuvvabehtet,

27go ballu falleha din

dego garra biegga

ja lihkuhisvuohta nugo riđđu,

go áŧestus ja heahti deaivida din.

28

1,28
Jes 59,2
Jer 11,11
Am 8,11č
Joh 7,34
Dalle dii čuorvubehtet mu,

muhto mun in vástit,

dii ohcabehtet mu, muhto ehpet gávnna.

29Dii vašuheiddet dieđu

ehpetge dáhtton ballat Hearrás,

30dii ehpet viššan guldalit mu neavvaga,

muhto badjelgeahčaidet mu cuiggodusaid.

31

1,31
Jes 3,10č
Danne dii borrabehtet

daguideattet šattuid

ja gallánehpet juonaideattetguin.

32Jorraleapmi goddá dáidemeahttumiid,

jallaid oadjebasvuohta duššada sin.

33Muhto dat gii mu gullá,

beassá ássat oadjebassan,

son ii dárbbaš ballat mange bahás.”

2

Hearrá addá viisodaga

21Bártnážan,

jos don válddát vuhtii mu sániid

ja vurket mu báhkkomiid iežat siste,

2nu ahte jorgalat bealji

gullat viisodaga,

rabastat váimmu ipmárdussii,

3rávkkat jierpmi

ja čuorvvut jitnosit áddejumi,

4

2,4
8,11
Matt 13,44–46
jos ozat dan dego silbba,

oččodat dan nugo čihkkojuvvon dávviriid,

5

2,5
1,7+
de dalle don ipmirdat Hearrá balu

ja áddet mii lea dovdat Ipmila.

6

2,6
Job 28,23eč
32,8
Sárd 2,26
Dasgo Hearrá addá viisodaga,

su njálmmis boahtá diehtu ja

ja áddejupmi.

7

2,7
1 Mos 15,1
5 Mos 33,29
Sál 3,4
Son veahkeha vuoigatlaččaid ovdánit,

son lea daid galba

geat vádjolit láitemeahttumit,

8son várjala vuoigatvuođa bálgáid

ja gáhtte oskkáldasaidis geainnuid.

9Dalle don ipmirdat vanhurskkisvuođa,

vuoigatvuođa ja vuoigatlašvuođa,

juohke buori bálgá.

10Viisodat deavdá du váimmu

ja diehtu addá dutnje ilu,

11dárkilvuohta lea du gáhttejeaddji,

ipmárdus du várjaleaddji.

12Dat gádjot du bahás geainnus,

olbmuin geat botnjet duohtavuođa,

13dain geat leat gáidan njulges bálgáin

ja vádjolit seavdnjadasa geainnuid,

14geat illudit go dahket bahá

ja ávvudit das mii lea bahá ja jorgut,

15geat vádjolit mohkkás bálgáid

ja spiehkastit vearrigeainnuide.

16

2,16
5,3
6,24
7,5
22,14
Viisodat beastá du vierronissonis,

sus gii dahká sániidis livttisin,

17sus gii lea guođđán

nuorravuođa ustibis

ja vajáldahttán lihtu Ipmiliinnis.

18

2,18
5,5
7,27
9,18
Su viessu vuodju jábmiidáibmui,

su geaidnu doalvu jámežiid lusa.

19Dat geat mannet su lusa,

eai goassege máhca,

eai sii gávnna eallima bálgá.

20Vádjol don baicce

buriid olbmuid geainnu

ja čuovo vanhurskásiid bálgáid.

21

2,21
Sál 37,929
Matt 5,5
Vuoigatlaččat ožžot ássat eatnamis,

láitemeahttun olbmot

besset orrut doppe,

22

2,22
Job 18,17
Sál 104,35
Sát 10,30
muhto ipmilmeahttumat

duššaduvvojit eatnamis,

behtolaš olbmot rohttejuvvojit

doppe eret.