Dearvvuođat
11
1 fáŋgan Paulus čállá girjji dan botta go lea giddagasas. Vrd. v. 9, 13, 23. Timoteus okta Paulusa mielbargiin. ▶ Timoteus. Filemon šlávaeaiggát ja searvegotti guossoheaddji.Mun Paulus gii lean fáŋgan Kristus Jesusa dihte, ja viellja Timoteus dearvvahetne ráhkis ustibame ja bargoguoibmáme Filemona, 2
1 Kor 16,19
Kol 4,15
2 Apfia sáhttá leat Filemona eamit. Arkippos várra lea seammá olmmoš gii namahuvvo Kol 4,17; olmmái geas ledje doaimmat Kolossa searvegottis. Sáhttá leat lagas bearašlahttu, várra Filemona bárdni dahje viellja.oabbáme Apfia, soahteguoibmáme Arkipposa ja searvegotti mii čoaggana du vissui.
3
Ipmila, min Áhči, ja Hearrá Jesus Kristusa árbmu didjiide.
Filemona osku ja ráhkisvuohta
4
1 Tess 1,2+
Mun giittán álo Ipmila go muittán du rohkadusainan. 5Mun lean gullan du oskkus Hearrá Jesusii ja dan mo don ráhkistat su ja buot bassi olbmuid. 6
Mun rohkadalan ahte munno oktasaš osku veahkehivččii du áddet buot dan buori maid Kristus lea midjiide addán. 7
Du ráhkisvuohta, vieljažan, lea sakka illudahttán ja jeđđen mu, danne go don leat arvvosmahttán bassi olbmuid.
Filemon ja Onesimos
8Vaikko mus lea Kristusa addin vuoigatvuohta mearridit maid don galggat dahkat, 9de mun ráhkisvuođa dihte milloseappot ávžžun du dákkáražžan go lean. Mun Paulus, boares olmmoš juo ja dál maiddái fáŋga Kristus Jesusa dihte, 1010 Onesimosa beales Šlávva Onesimos lea báhtaran hearrástis Filemonis. Paulus lea veahkehan su kristtalaš oskui ja dál vuolggaha su ruoktot hearrás lusa.ánun du iežan bárdnán Onesimosa beales gean áhččin mun lean šaddan dan botta go lean leamaš fáŋgan. 1111 ávkkálaš Onesimos mearkkaša “ávkkálaš”. Gč. v. 20.Ovdal son lei dutnje ávkkeheapme, dál son lea ávkkálaš sihke dutnje ja munnje. 1212 vuolggahan su dál ruoktot Antihka ortnegiid mielde Paulus fertii vuolggahit šláva su eaiggádii. Kol 4,9 Onesimos namuhuvvo dajaldagain “okta dis”, mii mearkkaša ahte son lea Kolossa olmmoš.Mun vuolggahan su dál ruoktot du lusa – su, iežan váimmu. 13
Mun áinnas doalašin su dáppe, vai son bálvalivččii mu du sajis, go mun lean láhkkiin evangeliuma dihte. 14
Muhto almmá du mieđiheami haga mun in dáhto dahkat maidege, vai daid buriid maid dagat, don dagat eaktodáhtus itge bákkus. 15Son várra gárttai muhtun áigái eret du luhtte vai oaččut su ruoktot agibeaivái, 16
it šat šlávvan, muhto mávssoleabbon go šlávva, ráhkis vielljan. Son lea hui ráhkis munnje – man sakka ráhkkáseabbo dutnje, sihke olmmožin ja vielljan Hearrás!
17Jos don dalle anát mu iežat ustibin, de váldde su vuostá dego mu. 18Jos son lea dahkan dutnje maidege veriid dahje lea dutnje maidege velggolaš, de čále dan mu oaivái. 19
Gal 6,11
Kol 4,18
2 Tess 3,17
Mun Paulus čálán dán iežan gieđain: Mun mávssán dan. Mun gal sáhtášin dadjat ahte don leat munnje velggolaš velá ieš iežatge. 20Duođaid, vieljažan, vare don livččet munnje ávkin Hearráme dihte. Áhpásmahte mu váimmu Kristusis! 21Mun čálán dainna luohttámušain ahte don dagat maid mun ánun, ja mun dieđán ahte don dagat velá eambbo go mun ánun. 22
22 guosselanja Antihkas verddevuohta lei deaŧalaš vierru. Sihke guossoheaddjis ja guossis ledje geatnegasvuođat. Dákkár verddevuohta lei maid hui deaŧalaš álgokristtalaččaide, vrd. Rom 12,13; 1 Kor 16,10; 2 Kor 11,8č.Ja de velá: Ráhkat munnje guosselanja, danin go mus lea dat doaivu ahte dii rohkadusaideattet dihte oažžubehtet mu lusadet.
2323 Epafras okta Paulusa bargoguimmiin. Vrd. Kol 1,7; 4,12.Epafras, mu fáŋgaguoibmi Kristus Jesusa dihte, cealká didjiide dearvvuođaid. 2424 Markus Vrd. Kol 4,10; 2 Tim 4,11; 1 Pet 5,13. Sáhttá leat seammá olmmoš go Johannes gean liigenamma lei Markus Apd 12,12.25; 13,5.13; 15,37.39. Aristarkos lei Paulusa fárus su mátkkiin. Vrd. Apd 19,29; 20,4; 27,2; Kol 4,10. Demas ja Lukas báhkinlaš ja kristtalaš bargoguoimmit. Demas lei navdimis Tessalonika olmmoš. Doavttir Lukas čálii árbevieruid mielde Luk ja Apd. Vrd. Kol 4,14; 2 Tim 4,10č.Dearvvuođaid celket maiddái mu bargoguoimmit Markus, Aristarkos, Demas ja Lukas.
25
Hearrámet Jesus Kristusa árbmu lehkos din vuoiŋŋain!