Davvisámegiel Biibbal 2019 (Biibbal)
6

Nasiraláhka

61Hearrá sártnui Mosesii:

26,2 nasiran Hebreagiel sátni nasir mearkkaša “vihahuvvon”. ▶ nasira.Cealkke israellaččaide: Jos muhtun olmmái dahje nisson dahká duođalaš lohpádusa doallat iežas sierra vai beassá leat Hearrá nasiran, 3de son ii oaččo juhkat viinni ja garra juhkamuša. Son ii oaččo juhkat etteha mii lea dahkkojuvvon viinnis dahje garra juhkamušas, ii juhkat viidnemuorjesáhpi iige borrat varas dahje goikaduvvon viidnemurjjiid. 4

6,4
Am 2,11č
Nu guhká go son lea nasiran, de son ii oaččo borrat maidege maid viidnemuoras oažžu, ii siskkoža iige garaid. 5
6,5
Duop 13,5
Nu guhká go su nasiralohpádus bistá, de ráhkenniibi ii oaččo boahtit su oaivái. Nu guhká go son lea Hearrá nasiran, de son lea bassi ja galgá diktit vuovttaidis šaddat veaiddalis. 6Buot daid beivviid maid son lea Hearrá nasiran, de son ii oaččo mannat jábmi lahka. 7
6,7
6,18
Vaikko sus jámášii áhčči dahje eadni, viellja dahje oabbá, de son ii oaččo dahkat iežas buhtismeahttumin sin dihte. Su vuovttat leat mearkan das ahte son lea Ipmila nasira. 8Nu guhká go son lea nasiran, de son lea basuhuvvon Hearrái.

9Jos muhtun fáhkkestaga jápmá su lahka, nu ahte su nasiravuovttat šaddet buhtismeahttumin, de son galgá ráhket oaivvi báljisin dan beaivvi go son fas lea buhtis; čihččet beaivvi son galgá ráhket oaivvi. 10Gávccát beaivvi son galgá buktit guokte turtelduvvá dahje guokte eará duvvá báhppii almmustusgoađi uvssa ovdii. 11Báhppa galgá oaffaruššat nuppi suddooaffarin ja nuppigis boaldinoaffarin. Ná báhppa doaimmaha sutnje soabahusa dan suttu dihte maid son dagai go guoskkahii rupmaša. Seammá beaivvi son galgá fas basuhit oaivvis 12vai livččii Hearrá nasiran nu guhká go álggus lei lohpidan. Vealgeoaffarin son galgá buktit jahkásaš lábbá. Vuosttaš beaivvit eai lohkkojuvvo, danin go su nasiramearka lei šaddan buhtismeahttumin.

13Dát lea nasiraláhka. Go nasiraáigi lea dievvan, de nasira galgá boahtit almmustusgoađi uvssa ovdii 14ja buktit Hearrái boaldinoaffarin jahkásaš viercalábbá mii lea almmá vigi haga, suddooaffarin jahkásaš njiŋŋelas lábbá mii lea almmá vigi haga ja searvevuođaoaffarin viercca mii lea almmá vigi haga, 15veaddelihti dievva suvrutkeahtes láibbiid mat leat ráhkaduvvon sevlejuvvon jáffuin, oljjuin láibojuvvon gáhkuid ja oljjuin vuidojuvvon suvrutkeahtes láibbážiid ja velá borramušoaffara ja juhkamušoaffara mat gullet daidda. 16Báhppa galgá doalvut buot daid Hearrá muođuid ovdii ja oaffaruššat suddooaffara ja boaldinoaffara, 17oaffaruššat viercca searvevuođaoaffarin Hearrái ja oktan dainna veaddelihti dievva suvrutkeahtes láibbiid ja vel oaffaruššat borramušoaffara ja juhkamušoaffara.

18

6,18
Apd 18,18
21,24
Nasira galgá almmustusgoađi uvssa ovddas ráhket eret nasiravuovttaidis ja bálkestit daid dollii mii buollá searvevuođaoaffara vuolde. 19Go vierca lea vuššojuvvon, de báhppa galgá váldit das čoamohasa ja vel nasira veaddelihtis suvrutkeahtes gáhku ja suvrutkeahtes láibbáža ja bidjat daid nasira gihtii maŋŋil go nasira lea ráhken eret nasiravuovttaidis. 206,20 bajidit biepmuid oaffarin Oaffarattáldagat vihahuvvojedje dávjá Hearrái go báhpat bajidedje daid áltára ovdii. Vrd. 2 Mos 29,24eč; 3 Mos 7,30; 8,27–29.De báhppa galgá bajidit biepmuid oaffarin Hearrá muođuid ovddas. Dat lea basuhuvvon báhppii, nugo maiddái mielga mii bajiduvvo ja čoarbbealli mii lea addojuvvon oaffarin. Das maŋŋil nasira oažžu fas juhkat viinni.

21Dát láhka gusto nasirii ja daidda oaffarattáldagaide maid son nasiralohpádusas geažil lea geatnegas buktit Hearrái. Daidda lassin son oažžu velá addit maid suitá. Son galgá maiddái dahkat visot maid lea lohpidan nasiralága gáibádusaid lassin.

Hearrá buressivdnádus

22Hearrá sártnui Mosesii:

23Cealkke Aronii ja su bártniide: Go dii buressivdnidehpet Israela, de celket ná:

24

6,24
Sál 121,7č
Hearrá buressivdnidivččii du

ja várjalivččii du,

25

6,25
Sál 67,2
Hearrá čuvgešii muođuidis dutnje

ja livččii dutnje árbmugas.

26Hearrá jorgalivččii čalmmiidis

du ala

ja attášii dutnje ráfi.

27Go sii ná buressivdnidit Israela mu nammii, de mun buressivdnidan dan.
7

Oaivámuččaid attáldagat

71

7,1
2 Mos 40,17eč
Go Moses lei geargan ceggemis goađi, de son vuoiddai oljju dan ja áltára ala ja basuhii dan ja buot biergasiid mat daidda gulle. Go son lei vuoidan ja basuhan daid, 2
7,2
1,4–16
de bohte ovdan Israela oaivámuččat, bearašoaivámuččat geat ledje čearddaid oaivámuččat ja hovdejedje geahčaduvvon olbmáid. 3Sii bukte iežaset oaffarattáldahkan Hearrái guđaid vovnnaid maid badjel lei govččas ja guoktenuppelohkái vuovssá, ovttaid vovnnaid ain guovtti oaivámuččas ja ovtta vuovssá iešguđege oaivámuččas. Buot daid sii bukte goađi ovdii. 4Hearrá celkkii Mosesii: 5
7,5
3,21–37
4,4–33
“Váldde vuostá sin attáldagaid. Dat galget adnojuvvot almmustusgoađi bálvalandoaimmain. Juogat daid levilaččaide dan mielde, mo sii dárbbašit daid doaimmaineaset.”

6Moses válddii vuostá vovnnaid ja vuovssáid ja attii daid levilaččaide. 7Guvttiid vovnnaid ja njeallje vuovssá son attii geršonlaččaide sin bálvalandoaimmaid várás. 8Njeljiid vovnnaid ja gávcci vuovssá son attii merarilaččaide sin doaimmaide maid sii barge Itamara, Arona bártni, geahčus. 9Muhto kehatlaččaide son ii addán maidege, danin go sin bargun lei atnit váras bassi biergasiid maid sii galge guoddit oalggi alde.

10

7,10
Esek 43,18–26
Go áltár lei vuidojuvvon, de oaivámuččat bukte vihahanoaffara ja bidje attáldagaideaset áltára ovdii. 11Hearrá celkkii Mosesii: “Oaivámuččat galget buktit oaffarattáldagaideaset áltára vihaheapmái, guhtege iežas beaivvi.”

12Vuosttažin buvttii oaffarattáldagas Juda čeardda oaivámuš Nahšon, Amminadaba bárdni. 137,13 čuođigolbmalogi šekela sullii 1560 grámma. čiežalogi šekela sullii 840 grámma. >3,47.Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 147,14 logi šekela sullii 120 grámma.gollelihtti mii dettii logi šekela, man dievva ledje suovvasat, 15nuorra vuoksá, vierca ja jahkásaš láppis boaldinoaffarin, 16bohkká suddooaffarin 17ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Nahšona, Amminadaba bártni, oaffarattáldat.

18Nuppi beaivvi buvttii oaffarattáldagas Isaskara čeardda oaivámuš Netanel, Suara bárdni. 19Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 20gollelihtti mii dettii logi šekela, man dievva ledje suovvasat, 21nuorra vuoksá, vierca ja jahkásaš láppis boaldinoaffarin, 22bohkká suddooaffarin 23ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Netanela, Suara bártni, oaffarattáldat.

24Goalmmát beaivvi bođii Sebulona čeardda oaivámuš Eliab, Helona bárdni. 25Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 26gollelihtti mii dettii logi šekela ja man dievva ledje suovvasat, 27nuorra vuoksá, vierca ja jahkásaš láppis boaldinoaffarin, 28bohkká suddooaffarin 29ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Eliaba, Helona bártni, oaffarattáldat.

30Njealját beaivvi bođii Rubena čeardda oaivámuš Elisur, Šedeura bárdni. 31Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 32gollelihtti mii dettii logi šekela, man dievva ledje suovvasat, 33nuorra vuoksá, vierca ja jahkásaš láppis boaldinoaffarin, 34bohkká suddooaffarin 35ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Elisura, Šedeura bártni, oaffarattáldat.

36Viđát beaivvi bođii Simeona čeardda oaivámuš Šelumiel, Surišaddaja bárdni. 37Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 38gollelihtti mii dettii logi šekela, man dievva ledje suovvasat, 39nuorra vuoksá, vierca ja jahkásaš láppis boaldinoaffarin, 40bohkká suddooaffarin 41ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Šelumiela, Surišaddaja bártni, oaffarattáldat.

42Guđát beaivvi bođii Gada čeardda oaivámuš Eljasaf, Deuela bárdni. 43Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 44gollelihtti mii dettii logi šekela, man dievva ledje suovvasat, 45nuorra vuoksá, vierca ja jahkásaš láppis boaldinoaffarin, 46bohkká suddooaffarin 47ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Eljasafa, Deuela bártni, oaffarattáldat.

48Čihččet beaivvi bođii Efraima čeardda oaivámuš Elišama, Ammihuda bárdni. 49Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 50gollelihtti mii dettii logi šekela, man dievva ledje suovvasat, 51nuorra vuoksá, vierca ja jahkásaš láppis boaldinoaffarin, 52bohkká suddooaffarin 53ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Elišama, Ammihuda bártni, oaffarattáldat.

54Gávccát beaivvi bođii Manasse čeardda oaivámuš Gamliel, Pedasura bárdni. 55Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 56gollelihtti mii dettii logi šekela, man dievva ledje suovvasat, 57nuorra vuoksá, vierca ja jahkásaš láppis boaldinoaffarin, 58bohkká suddooaffarin 59ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Gamliela, Pedasura bártni, oaffarattáldat.

60Ovccát beaivvi bođii Benjamina čeardda oaivámuš Abidan, Gidoni bárdni. 61Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 62gollelihtti mii dettii logi šekela, man dievva ledje suovvasat, 63nuorra vuoksá, vierca ja jahkásaš láppis boaldinoaffarin, 64bohkká suddooaffarin 65ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Abidana, Gidoni bártni, oaffarattáldat.

66Logát beaivvi bođii Dana čeardda oaivámuš Ahieser, Ammišaddaja bárdni. 67Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 68gollelihtti mii dettii logi šekela, man dievva ledje suovvasat, 69nuorra vuoksá, vierca ja jahkásaš láppis boaldinoaffarin, 70bohkká suddooaffarin 71ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Ahiesera, Ammišaddaja bártni, oaffarattáldat.

72Oktanuppelogát beaivvi bođii Ašera čeardda oaivámuš Pagiel, Okrana bárdni. 73Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 74gollelihtti mii dettii logi šekela, man dievva ledje suovvasat, 75nuorra vuoksá, vierca ja jahkásaš láppis boaldinoaffarin, 76bohkká suddooaffarin 77ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Pagiela, Okrana bártni, oaffarattáldat.

78Guoktenuppelogát beaivvi bođii Naftali čeardda oaivámuš Ahira, Enana bárdni. 79Su oaffarattáldat lei silbafáhtta mii dettii čuođigolbmalogi šekela, silbabollu mii dettii čiežalogi šekela bassibáikki šekeldeattu mielde, goappašagaid dievva sevlejuvvon jáffut ja oljjuin seaguhuvvon dáigi borramušoaffarin, 80gollelihtti mii dettii logi šekela, man dievva ledje suovvasat, 81nuorra vuoksá, vierca ja jahkásaš láppis boaldinoaffarin, 82bohkká suddooaffarin 83ja guokte vuovssá, vihtta viercca, vihtta bohká ja vihtta jahkásaš lábbá searvevuođaoaffarin. Dát lei Ahira, Enana bártni, oaffarattáldat.

84Dát ledje attáldagat maid Israela oaivámuččat bukte vihahanoaffarin dalle go áltár vuidojuvvui: guoktenuppelohkái silbafáhta, guoktenuppelohkái silbabollu ja guoktenuppelohkái gollelihti. 857,85 guokteduhát njeallječuođi šekela sullii 28,8 kilo. >3,47.Juohke silbafáhtta dettii čuođigolbmalogi šekela ja juohke bollu čiežalogi šekela. Lihtiin lei oktiibuot guokteduhát njeallječuođi šekela silba bassibáikki šekeldeattu mielde. 867,86 čuođiguoktelogi šekela sullii 1440 grámma.Dat guoktenuppelohkái gollelihti maid dievva ledje suovvasat, dedde guhtege logi šekela bassibáikki šekeldeattu mielde. Lihtiin lei golli oktiibuot čuođiguoktelogi šekela. 87Boaldinoaffara eallit ledje guoktenuppelohkái vuovssá, guoktenuppelohkái viercca ja guoktenuppelohkái jahkásaš lábbá oktan borramušoaffariiguin mat daidda gulle, ja guoktenuppelohkái bohká suddooaffarin. 88Searvevuođaoaffara eallit ledje guokteloginjeallje vuovssá, guhttalogi viercca, guhttalogi bohká ja guhttalogi jahkásaš lábbá. Dát ledje vihahanattáldagat mat addojuvvojedje maŋŋil go áltár lei vuidojuvvon.

89

7,89
2 Mos 25,20–22
Sál 80,2
Go Moses manai almmustusgoahtái sárdnut Hearráin, de son gulai lihtumearkka árkka soabahussaji bajábealde kerubaid gaskkas jiena sárdnumin alccesis. Doppe Hearrá sártnui sutnje.

8

Lámppát biddjojuvvojit sadjáseaset

81Hearrá sártnui Mosesii:

2

8,2
2 Mos 25,37
Cealkke Aronii: “Go don bijat sadjáseaset dan čieža lámppá, de geahča bearrái ahte daid čuovga báitá njuolga lámpájuolggi ovdii.”

3

8,3
2 Mos 27,20č
3 Mos 24,3č
Aron dagai nu. Son bijai lámppáid sadjáseaset, nu ahte daid čuovga báittii lámpájuolggi ovdii dan gohččuma mielde maid Hearrá lei addán Mosesii. 4
8,4
2 Mos 25,3140
Lámpájuolgi lei duddjojuvvon gollis ja dan juolgi ja lieđđelasttat ledje derpojuvvon oktan bihttán. Dat lei duddjojuvvon aiddo dakkáražžan go Hearrá lei čájehan Mosesii.

Levilaččat vihahuvvojit

5Hearrá sártnui Mosesii:

6Čuoldde levilaččaid eará israellaččain ja buhtis sin. 7

8,7
19,9
Hebr 9,13č
Ná don galggat meannudit go buhtistat sin: Riškkut sin ala buhtistančázi, ja sii galget ráhket guolggaid oppa rupmašis ja bassat biktasiiddiset. Ná sii buhtistuvvojit. 8Sii galget váldit nuorra vuovssá ja borramušoaffara mii dasa gullá ja mii lea ráhkaduvvon sevlejuvvon jáffuin ja oljjuin seaguhuvvon dáiggis. Galggat váldit eará nuorra vuovssá suddooaffarin. 9Buvtte levilaččaid almmustusgoađi ovdii ja rávkka čoahkkái oppa Israela searvegotti. 10Buvtte dasto levilaččaid Hearrá ovdii ja divtte israellaččaid bidjat gieđaid sin ala. 118,11 bajidanoaffarin >6,20.Aron galgá Hearrá muođuid ovddas basuhit levilaččaid bajidanoaffarin israellaččaid beales, ja ná sii leat vihahuvvon bálvalit Hearrá. 12Levilaččat galget bidjat gieđaid vuovssáid oaivvi ala, ja don galggat oaffaruššat nuppi vuovssá suddooaffarin ja nuppigis boaldinoaffarin Hearrái levilaččaid suttuid soabahussan. 13Bija levilaččaid bálvalit Arona ja su bártniid ja basut sin bajidanoaffarin Hearrái.

14

8,14
3,45
Ná don galggat čuoldit levilaččaid eará israellaččain, nu ahte sii šaddet mu opmodahkan. 15Das maŋŋil sii besset bálvalit almmustusgoađis. Don galggat buhtistit sin ja basuhit sin bajidanoaffarin, 16
8,16
3,912č
dasgo sii leat čuldojuvvon munnje. Mun lean čuoldán sin alccesan buot daid sadjái geat rahpet eatnigoaŧu, buot israellaččaid vuosttašriegádeddjiid sadjái. 17Buot israellaččaid vuosttašriegádeaddjit gullet munnje, sihke olbmuid ja omiid. Dan beaivvi go mun godden buot egyptalaččaid vuosttašriegádeddjiid, de mun basuhin israellaččaid vuosttašriegádeddjiid alccesan. 18Dál mun válddán levilaččaid alccesan buot israellaččaid vuosttašriegádeddjiid sadjái. 19
8,19
1,53
3,9
18,22č
Mun lean čuoldán sin eará israellaččain ja addán sin Aronii ja su bártniide, vai sii dahket israellaččaid bálvalusdoaimmaid almmustusgoađis ja ná doaimmahit sidjiide soabahusa. Dalle lihkuhisvuohta ii deaivit israellaččaid, go sii lahkanit bassibáikái.

20Moses, Aron ja oppa Israela searvegoddi dahke levilaččaide aiddo dan gohččuma mielde maid Hearrá lei addán Mosesii. 21Levilaččat buhtistedje iežaideaset ja basse biktasiiddiset, ja Aron basuhii sin bajidanoaffarin Hearrái ja doaimmahii sidjiide soabahusa sin suttuin, nu ahte sii buhtásmuvve. 22Das maŋŋil levilaččat doaimmahišgohte bálvalusa almmustusgoađis Arona ja su bártniid geahčus. Ná devdojuvvui gohččun maid Hearrá lei addán Mosesii.

23Hearrá sártnui Mosesii:

24

8,24
4,3
Dát mearrádus gusto levilaččaide: Guoktelogiviđajahkásažžan sii leat geatnegasat dahkagoahtit bargobálvalusa almmustusgoađis, 25muhto go sii devdet vihttalogi jagi, de sii luitojuvvojit bargogeatnegasvuođas eaige oaččo šat bálvalit. 26Sii ožžot ain veahkehit vieljaideaset almmustusgoađi doaimmain, muhto sii eai oaččo dahkat bálvalusdoaimmaid. Ná don galggat ordnet levilaččaid bálvalusdoaimmaid.