Davvisámegiel Biibbal 2019 (Biibbal)
3

Levilaččat geahčaduvvojit

31Dan áigge go Hearrá sártnui Mosesiin Sinaiváris, de Arona ja Mosesa sohkii gulle dát olbmát: 2

3,2
2 Mos 6,23
Arona bártnit ledje Nadab, vuosttašriegádeaddji, ja Abihu, Elasar ja Itamar. 3
3,3
2 Mos 28,41
3 Mos 8,6eč
Dát ledje Arona bártnit geat ledje vuidojuvvon ja vihahuvvon bálvalit báhppan. 4
3,4
3 Mos 10,1eč
Muhto Hearrá divttii Nadaba ja Abihu jápmit, danin go Sinaimeahcis soai buvttiiga vieris dola Hearrá muođuid ovdii. Sudnos eai lean bártnit. Danin dušše Elasar ja Itamar bálvaleigga ain báhppan áhčiska Arona geahčus.

5Hearrá sártnui Mosesii:

6Rávkka čoahkkái Levi čeardda olbmáid ja doalvvo sin báhppa Arona lusa. Sii galget leat su bálvaleaddjit 7

3,7
1,5053
16,9
ja atnit su ja oppa searvegotti beales daid doaimmaid maid galgá doaimmahit almmustusgoađi ovddas. 8Sii galget atnit váras buot almmustusgoađi biergasiid ja doaimmahit goađis daid doaimmaid mat leat mearriduvvon israellaččaide. 9
3,9
8,16
18,6
Bija levilaččaid bálvalit Arona ja su bártniid, danin go sii leat israellaččain dat geat leat addojuvvon Aronii veahkkin. 10
3,10
1,51
Gohčo Arona ja su bártniid atnit váras báhpavirggiset, muhto juohke olggobealolmmoš gii dasa seahkána, galgá goddojuvvot.

11Hearrá sártnui Mosesii:

12

3,12
3,41
Mun lean čuoldán levilaččaid eará israellaččain buot israellaččaid vuosttašriegádeddjiid sadjái, daid sadjái geat vuosttažin rahpet eatniset goaŧu. Levilaččat leat mu, 13
3,13
2 Mos 13,2
22,29
34,19
danin go buot vuosttašriegádeaddjit gullet munnje. Dan beaivvi go mun časken jámas buot vuosttašriegádeddjiid Egyptas, de mun basuhin alccesan buot Israela vuosttašriegádeddjiid, sihke olbmuid ja omiid vuosttašriegádeddjiid. Dat gullet munnje. Mun lean Hearrá.

14

3,14
26,57–62
Hearrá sártnui Mosesii Sinaimeahcis:

15Loga ja geahčat Levi náli sogaid mielde ja bearrašiid mielde. Galggat geahčadit buot olbmábeale mánnosaččaid rájes.

16Ja Moses geahčadii sin dan gohččuma mielde maid lei ožžon Hearrás.

17

3,17
2 Mos 6,16č
Levi bártnit ledje Geršon, Kehat ja Merari. 18Geršona bártnit ja sin sogat ledje Libni ja Šimi. 19Kehata bártnit ja sin sogat ledje Amram, Jishar, Hebron ja Ussiel. 20Merari bártnit ja sin sogat ledje Mahli ja Muši. Dát ledje levilaččaid sogat, bearrašiid mielde.

21Geršonis surggiidedje Libni ja Šimi sogat. Dát ledje geršonlaččaid sogat. 22Dat geat lohkkojuvvojedje ja geahčaduvvojedje, buot olbmábealle mánnosaččaid rájes, ledje buohkanassii čiežaduhát vihttačuođi. 23Geršonlaččaid sogaid siida lei goađi duohken, oarjjabealde, 24ja sin bearrašiid oaivámuš lei Eljasaf, Laela bárdni. 25

3,25
4,24č
Geršonlaččaid bargu lei atnit váras almmustusgoađi, dan loavdagiid, goađi gokčasiid, almmustusgoađi uvssa gokčasa, 26ovdašilju loavdagiid, ovdašilju uvssa gokčasa, ovdašilju mii lei goađi ja áltára birra, báttiid ja buot doaimmaid mat dasa gulle.

27Kehatis surggiidedje Amrama, Jishara, Hebrona ja Ussiela sogat. Dát ledje kehatlaččaid sogat. 28Olbmábealle mánnosaččaid rájes lei buohkanassii gávcciduhát guhttačuođi. Sii galge atnit váras bassi biergasiid. 29Kehatlaččaid sogaid siida lei goađi guoras, lulábealde. 30

3,30
2 Mos 6,22
3 Mos 10,4
Kehatlaš sogaid bearrašiid oaivámuš lei Elisafan, Ussiela bárdni. 31
3,31
4,4č
Kehatlaččaid bargun lei atnit váras árkka, beavddi, lámpájuolggi, áltáriid ja bassi biergasiid mat geavahuvvojedje ipmilbálvalusas, ovdaloavdaga ja buot doaimmaid mat daidda gulle. 32Levilaččaid bajimus oaivámuš lei Elasar, báhppa Arona bárdni. Son galggai geahččat bearrái daid geat galge atnit váras bassi biergasiid.

33Meraris surggiidedje Mahli ja mahlilaččat ja mušilaččat, merarilaš sogat. 34Meararilaččat lohkkojuvvojedje ja geahčaduvvojedje, ja olbmábealle mánnosaččaid rájes lei buohkanassii guhttaduhát guoktečuođi. 35Merarilaččaid sogaid bearrašiid oaivámuš lei Suriel, Abihajila bárdni. Sin siida lei goađi guoras, davábealde. 36Merarilaččaid bargu lei atnit váras goađi fielluid, doaresmuoraid, stoalppuid, daid julggiid ja eará biergasiid ja buot doaimmaid mat dasa gulle, 37ja vel stoalppuid mat ledje ovdašilju birra, daid julggiid, giddennávlliid ja báttiid.

38Mosesa ja Arona ja Arona bártniid siida lei almmustusgoađi ovddas, nuorttabealde. Sii galge israellaččaid beales doaimmahit bassibáikki doaimmaid. Jos olggobealolmmoš seahkánii sin doaimmaide, de son galggai goddojuvvot.

39Hearrá gohččuma mielde Moses ja Aron logaiga ja geahčadeigga levilaččaid sogaid mielde, ja sin olbmábealli mánnosaččaid rájes lei buohkanassii guoktelogiguokteduháha.

40Hearrá sártnui Mosesii:

Geahčat buot Israela olbmábeale vuosttašriegádeddjiid mánnosaččaid rájes ja loga sin logu. 41

3,41
2 Mos 13,12
22,29
4 Mos 3,12č
Galggat čuoldit levilaččaid munnje buot israellaččaid vuosttašriegádeddjiid sadjái, ja levilaččaid omiid buot israellaččaid omiid vuosttašriegádeddjiid sadjái. Mun lean Hearrá.

42Moses divttii lohkat ja geahčadit buot israellaččaid vuosttašriegádeddjiid mánnosaččaid rájes, nugo Hearrá lei gohččon. 43Vuosttašriegádeaddji bártnit lohkkojuvvojedje, ja sii ledje buohkanassii guoktelogiguokteduhát guoktečuođičiežalogigolbma.

44Hearrá sártnui Mosesii:

45Buot israellaččaid vuosttašriegádeddjiid sadjái galggat váldit levilaččaid, ja israellaččaid omiid sadjái levilaččaid omiid. Levilaččat gullet munnje. Mun lean Hearrá. 46Muhto go israellaččaid vuosttašriegádeaddjit leat guoktečuođičiežalogigolbma eambbo go levilaččat, 473,47 vihtta šekela sullii 60 grámma. Gč. 2 Mos 30,13.de váldde sin lonisteami várás vihtta šekela juohkehačča nammii. Okta šekel vástida guoktelogi gera bassibáikki šekeldeattu mielde. 48Atte silbbaid Aronii ja su bártniide lonástussan vuosttašriegádeddjiin geaid lohku manná badjel levilaččaid logu.

49Moses válddii lonistansilbba mii dárbbašuvvui lonistit vuosttašriegádeddjiid geaid lohku manai badjel levilaččaid logu. 503,50 duhátgolbmačuođiguhttalogivihtta šekela sullii 15,5 kilo.Dáid silbbaid, duhátgolbmačuođiguhttalogivihtta šekela bassibáikki šekeldeattu mielde, son válddii máksun israellaččaid vuosttašriegádeddjiin. 51Moses attii lonistansilbbaid Aronii ja su bártniide, nugo Hearrá lei gohččon su dahkat.

4

Levilaččaid barggut

41Hearrá sártnui Mosesii ja Aronii:

2Lohkki levilaččain Kehata náli sogaid mielde ja bearrašiid mielde, 3

4,3
8,24č
4,3 golbmalogijahkásaččaid Maŋŋelaš mearriduvvui ahte levilaččat galge dahkat bálvalusa go sii ledje deavdán guoktelogivihtta dahje guoktelogi jagi. Vrd. 8,24; 1 Muit 23,24.27.buot olbmáid golbmalogijahkásaččaid rájes vihttalogijahkásaččaid rádjái. Soahtebálvalusa sajis sii galget bálvalit almmustusgoađis. 4Kehatlaččaid bargu lea almmustusgoađis atnit váras allabassi biergasiid.

54,5 ovdaloavdaga basimus boaššu ovddabealde. lihtumearkka guokte geađgetávvala mat ledje árkkas. Gč. 2 Mos 40,20. lihtuárka.Go siida vuolgá johtui, de Aron ja su bártnit galget váldit vuolás gokči ovdaloavdaga ja gokčat dainna lihtumearkka árkka. 6Sii galget bidjat dan ala delfiinnanáhkkegokčasa ja lebbet bajimužžan alitrukses liinni. De sii galget nahkehit guoddinstákkuid sadjáseaset.

7Oaffarláibebeavddi ala sii galget lebbet alitrukses liinni; dan ala galgá bidjat fáhtaid, guvssiid, bolluid ja juhkamušoaffarmukkaid. Oaffarláibbit galget leat beavddi alde oppa áigge. 8Daid ala sii galget lebbet karmosinrukses liinni, ja dan galgá gokčat delfiinnanáhkkegokčasiin. De sii galget nahkehit guoddinstákkuid sadjáseaset.

9Sii galget váldit alitrukses liinni ja gokčat dainna lámpájuolggi, dan lámppáid, basttaid, vuolušlihtiid ja buot oljolihtiid mat dárbbašuvvojit dan atnui, 10ja sii galget giessat lámpájuolggi ja dan dárbašiid delfiinnanáhkkegokčasa sisa. De sii galget bidjat buot daid guoddinmuoraid ala.

114,11 Gollesuovasáltára suovasáltár. Vrd. 2 Mos 30,1eč.Gollesuovasáltára ala sii galget lebbet alitrukses liinni ja dan ala delfiinnanáhkkegokčasa. De sii galget nahkehit guoddinstákkuid sadjáseaset.

12Sii galget maid váldit buot biergasiid mat adnojuvvojit bassibáikki ipmilbálvalusas, giessat daid alitrukses liinni sisa ja de gokčat daid delfiinnanáhkkegokčasiin. De sii galget bidjat buot daid guoddinmuoraid ala.

134,13 oaffaráltáris boaldinoaffaráltár lei bronssas. Vrd. 2 Mos 27,1eč.Go sii leat rádjan gunaid oaffaráltáris, de sii galget lebbet áltára ala purpurrukses liinni 14ja bidjat dan ala buot biergasiid mat adnojuvvojit oaffaruššamis: dollalihtiid, gáffaliid, goaivvuid ja lihtiid, buot áltára dárbašiid, ja dasto lebbet daid ala delfiinnanáhkkegokčasa. De sii galget nahkehit guoddinstákkuid sadjáseaset.

15

4,15
7,9
1 Muit 15,15
Go siida vuolgá johtui, de kehatlaččat ožžot boahtit guoddit bassi biergasiid ja daid dárbašiid easkka maŋŋil go Aron ja su bártnit leat gokčan daid. Govččakeahtes bassi biergasiidda sii eai oaččo guoskat, amaset jápmit. Almmustusgoađi biergasiid guoddin lea kehatlaččaid bargu.

16Elasar, báhppa Arona bárdni, galgá atnit váras lámpáoljju, njálggahájat suovvasiid, beaivválaš borramušoaffara ja vuoidanoljju. Son galgá atnit váras oppa goađi ja buot dan bassi biergasiid.

17Hearrá sártnui Mosesii ja Aronii:

18Alli divtte kehatlaččaid sogaid čuhppojuvvot levilaččaid čearddas! 19Dahkki sidjiide ná, vai sii besset eallit eaige jáme go bohtet allabassi biergasiid lahka: Aron ja su bártnit galget mannat ja čilget juohkehažžii maid guhtege galgá bargat ja maid guoddit. 20

4,20
1 Sam 6,19
Kehatlaččat eai oaččo eai čalbmeravkalanboddiige boahtit goahtái ja oaidnit govččakeahtes bassi biergasiid, muđui sii jápmet.

21Hearrá sártnui Mosesii:

22Loga maid Geršona náli bearrašiid mielde ja sogaid mielde. 23Loga ja geahčat buot olbmáid golbmalogijahkásaččaid rájes vihttalogijahkásaččaid rádjái. Sii galget soahtebálvalusa sajis dahkat bargobálvalusa almmustusgoađis. 24Dát leat barggut maid geršonlaččaid sogat galget bargat ja maid guoddit: 25Sii galget guoddit goađi loavddabihtáid, almmustusgoađi, goađi gokčasa ja delfiinnanáhkkegokčasa mii lea dan alde, almmustusgoađi uvssa gokčasa, 26ovdašilju loavdagiid, ovdašilju poartaráiggi gokčasa ja buot biergasiid mat adnojuvvojit daid dikšumis. Sii galget doaimmahit buot bargguid mat gullet dáidda doaimmaide. 27Geršonlaččat galget dahkat buot bargguideaset, sihke guoddima ja eará bargguid, Arona ja su bártniid gohččumiid mielde. Galgabehtet geahččat bearrái ahte sii atnet váras buot dan maid galget guoddit. 28Dát leat barggut mat leat mearriduvvon geršonlaččaid sogaide, ja sii galget doaimmahit daid Itamara, báhppa Arona bártni, geahčus.

29Loga ja geahčat Merari náli sogaid mielde ja bearrašiid mielde. 30Geahčat buot olbmáid golbmalogijahkásaččaid rájes vihttalogijahkásaččaid rádjái. Merarilaččat galget dahkat bargobálvalusa almmustusgoađis. 31Sii galget guoddit dáid dárbašiid: goađi fielluid ja daid doaresmuoraid, stoalppuid ja julggiid, 32stoalppuid mat leat ovdašilju birra ja daid julggiid, giddennávlliid, báttiid ja buot dárbašiid mat adnojuvvojit daid gieđahallamis ja dikšumis. Galgabehtet neavvut sin čielgasit ja nammadit juohke diŋgga maid sii galget guoddit. 33Dát barggut leat mearriduvvon merarilaččaid sogaide, ja sii galget dahkat daid Itamara, báhppa Arona bártni, geahčus.

34Moses, Aron ja searvegotti oaivámuččat lohke ja geahčadedje Kehata náli sogaid mielde ja bearrašiid mielde, 35buot olbmáid golbmalogijahkásaččaid rájes vihttalogijahkásaččaid rádjái, daid geat galge atnit váras almmustusgoađi bargguid. 36Sii ledje sogaid mielde lohkkojuvvon guokteduhát čiežačuođivihttalogi. 37Dán veardde kehatlaččaid sogain ledje olbmát geat geahčaduvvojedje almmustusgoađi bargguid várás. Moses ja Aron geahčadeigga sin Hearrá sáni mielde Mosesa bokte.

38Geršonlaččat geat geahčaduvvojedje sogaid mielde ja bearrašiid mielde, 39olbmát golbmalogijahkásaččaid rájes vihttalogijahkásaččaid rádjái geat galge atnit váras almmustusgoađi bargguid, 40ledje sogaid mielde ja bearrašiid mielde lohkkojuvvon guokteduhát guhttačuođigolbmalogi. 41Dán veardde geršonlaččaid sogain ledje olbmát geat galge bargat almmustusgoađi bargguid. Moses ja Aron logaiga ja geahčadeigga sin dan gohččuma mielde maid Hearrá lei addán.

42Merarilaččat geat geahčaduvvojedje sogaid mielde ja bearrašiid mielde, 43olbmát golbmalogijahkásaččaid rájes vihttalogijahkásaččaid rádjái geat galge atnit váras almmustusgoađi bargguid, 44ledje sogaid mielde lohkkojuvvon golbmaduhát guoktečuođi. 45Dán veardde ledje merarilaččaid sogain olbmát geaid Moses ja Aron logaiga ja geahčadeigga Hearrá sáni mielde Mosesa bokte.

46Levilaččat geaid Moses, Aron ja Israela oaivámuččat lohke ja geahčadedje sogaid mielde ja bearrašiid mielde, 47olbmát golbmalogijahkásaččaid rájes vihttalogijahkásaččaid rádjái geat galge guoddit dahje bargat eará bargguid almmustusgoađis, 48ledje buohkanassii gávcciduhát vihttačuođigávccilogi. 49Hearrá sáni mielde Mosesa bokte juohkehaš sis mearriduvvui bargat dahje guoddit dan maid guhtege galggai, ja sii geahčaduvvojedje nugo Hearrá lei gohččon Mosesa.

5

Siida buhtistuvvo

51Hearrá sártnui Mosesii:

2

5,2
3 Mos 12–15
19
Gohčo israellaččaid vuolggahit siiddas eret juohke spihtálačča ja juohkehačča geas lea golgan ja juohkehačča gii lea šaddan buhtismeahttumin go lea guoskan rupmašii. 3
5,3
35,34
5 Mos 23,14
Vuolggahehket sin eret, sihke olbmáid ja nissoniid; dii galgabehtet bidjat sin siidda olggobeallái. Sii eai oaččo dahkat buhtismeahttumin siidda gos mun ásan israellaččaid gaskkas.

4Israellaččat dahke nu ja bidje buhtismeahttumiid siidda olggobeallái dan gohččuma mielde maid Hearrá lei addán Mosesii.

Vahátbuhtadusláhka

5Hearrá sártnui Mosesii:

6Cealkke israellaččaide: Jos soames olmmái dahje nisson dahká suttu maid olmmoš dahká go lea oskkáldasmeahttun Hearrái, de son šaddá sivalažžan. 7

5,7
3 Mos 5,15č
Sál 32,5
Sát 28,13
Son galgá dovddastit suttu maid lea dahkan, buhttet vahága ollásii dasa gean vuostá lea rihkkon, ja lasihit buhtadussii vel viđátoasi dan árvvus. 85,8 lonisteaddji dán oktavuođas fuolki gii sáhttá váldit buhtadusa vuostá dan sajis gii lea gillán vahága. Vrd. 3 Mos 25,48č. ▶ lonisteaddji.Muhto jos dan olbmos ii leat lonisteaddji gii sáhttá váldit vuostá buhtadusa, de buhtadus gullá Hearrái. Dan galgá addit báhppii. Dasa lassin son galgá buktit soabahusviercca mainna báhppa doaimmaha soabahusa sivalažžii. 9Buot bassi attáldagat maid israellaččat addet oaffarattáldahkan ja buktet báhppii, gullet báhppii. 10Juohke báhppa oažžu alccesis buot bassi attáldagaid mat sutnje buktojuvvojit; buot maid muhtin addá báhppii, báhppa oažžu alccesis.

Oskkáldasmeahttunvuođa dutkan

11Hearrá sártnui Mosesii:

12Cealkke israellaččaide: Jos áhkká lea oskkáldasmeahttun 13ja veallá eará olbmáin, de son šaddá buhtismeahttumin vaikko ášši ii boađege albma, go nisson ii leat dohppehallan dagustis eaige su vuostá leat duođašteaddjit. 14Jos boadnji liikká balaha ahte su áhkká lea leamaš oskkáldasmeahttun ja nu šaddan buhtismeahttumin, de son galgá, leaččai dal balaheapmái ágga dahje ii, 15doalvut áhkás báhpa lusa ja buktit efalogádasa bivgejáffuid oaffarin áhkás ovddas. Muhto son ii oaččo golggahit jáffuide oljju iige bidjat ala suovvasiid, dasgo dát borramušoaffar addojuvvo balahahkesvuođa dihte. Dat lea muittuhusoaffar man ulbmilin lea buktit albma, leago balaheapmái ágga.

16Báhppa galgá doalvut nissona ovdan ja divvut su Hearrá muođuid ovdii. 17

5,17
2 Mos 32,20
Son galgá váldit bassi čázi láirelihttái ja de váldit veaháš muoldda goađi láhttis ja bidjat čáhcái. 18Go báhppa lea buktán nissona Hearrá muođuid ovdii, de son galgá gálgat nissona vuovttaid luovus ja bidjat su gieđaide muittuhanoaffara, balahahkesvuođa borramušoaffara. Báhpa gieđas galgá leat rihčačáhci mii buktá garuhusa.

19Báhppa galgá vuortnuhit nissona ja dadjat sutnje: “Jos ii oktage vierroolmmái leat veallán duinna, ja don it leat beahttán boatnját itge leat dahkan iežat buhtismeahttumin, muhto leat leamaš oskkáldas boadnjásat, de allos dát rihčačáhci mii buktá garuhusa, vahágahtto du. 20Muhto jos don leat beahttán boatnját ja dahkan iežat buhtismeahttumin ja soames eará go du boadnji lea veallán duinna” 21– dás báhppa galgá vuortnuhit nissona ja cealkit sutnje garuhusváli – “de dahkos Hearrá du garuhusa mearkan iežat álbmoga gaskkas. Diktos Hearrá du goaŧu sotnat ja du čoavjji bohtanit. 22Mannos dát rihčačáhci du siskilušaide, bohttehehkos dat du čoavjji ja sotnadehkos du goaŧu!” Ja nisson galgá dadjat: “Amen, šaddos nu!”

23Báhppa galgá čállit daid garuhusa sániid ja doidit daid rihčačáhcái. 24Čázi son galgá jugahit nissonii, nu ahte dat manná su siskiluššii ja dahká boaldi bákčasa. 25De báhppa váldá nissona gieđas balahahkesvuođaoaffara, bajida dan Hearrá muođuid ovddas ja buktá dan áltára lusa. 26De báhppa galgá váldit oaffaris čorpma dievva oasseoaffarin ja boaldit dan áltára alde. Dasto son galgá jugahit čázi nissonii. 27Go nisson lea juhkan čázi, de dáhpáhuvvá ná: Jos nisson lea šaddan buhtismeahttumin go lea leamaš oskkáldasmeahttun boadnjásis, de čáhci mii buktá garuhusa, manná su siskiluššii ja dahká boaldi bákčasa. Su čoavji bohtana ja su goaŧŧu sotná, ja nisson šaddá garuhusa mearkan iežas álbmoga gaskkas. 28Jos nisson ii leat dahkan iežas buhtismeahttumin muhto lea vigiheapme, de čáhci ii vahágahte su, ja son sáhttá ain šaddat áhpeheapmin.

29Dát lea balahahkesvuođaláhka: Go nisson lea oskkáldasmeahttun boadnjásis ja dahká iežas buhtismeahttumin, 30dahje go boadnji balaha áhkás, de son galgá doalvut áhkás Hearrá muođuid ovdii, ja báhppa galgá meannudit suinna nugo dán lágas lea mearriduvvon. 31Boadnji lea sivaheapme, muhto nisson galgá guoddit dan siva maid son ieš lea dagahan alccesis.