Davvisámegiel Biibbal 2019 (Biibbal)
34

Kanaana ráját

341Hearrá sártnui Mosesii: 2

34,2
2 Mos 23,31
5 Mos 11,24
Jos 1,4
13–19
Esek 47,13eč
Atte israellaččaide dán gohččuma. Dii boahtibehtet dál Kanaanii, dan eatnamii maid oažžubehtet oapmineattet. Dát leat Kanaana eatnama ráját:

3

34,3
Jos 15,1eč
34,3 Jápmameara Hebreagiela mielde “Sáltejávri”.Lullin din eatnama rádjá manná Sinmeahcis Edoma guora. Dát rádjá álgá nuortin Jápmameara lulágeažis, 434,4 Akrabbimgorgŋehat Negevis, Jápmameara lulleoarjjabealde.gávvá de Akrabbimgorgŋehaga guvlui ja manná dan lulábeali Sina bokte Kadeš Barnea lulábeallái. Doppe rádjá manná Hasar-Addarii ja Asmonii, 534,5 Egypta rádjejoga filistalaččaid eatnama lulleoarjjabealde; rádjejohka Israela ja Egypta gaskkas.gávvá de Egypta rádjejoga guvlui ja dan mielde merrii. 6Oarjin din rádjá lea Gaskamearra. Dat lea din oarjerádjá. 734,7 Horvárrái Kanaana rájá alde davvin. Nubbi várri, mas lea seammá namma, lei lulágeahčen Edoma rájá alde, gosa Aron jámii, vrd. 20,22eč; 33,37eč.Dát lea din davverádjá: Merkejehket rájá Gaskamearas Horvárrái, 8
34,8
13,21
Horváris Lebo-Hamatii doppe Sedadii. 9Doppe rádjá manná Sifronii ja ain Hasar-Enana rádjái. Dat lea din davverádjá. 10Nuortarájá dii galgabehtet merket Hasar-Enanis Šefamii 11gokko rádjá manná vulos Riblai, Ajina nuorttabeallái ja doppe ain Gennesaretjávregátti nuorttabeale várrevieltái. 12Doppe rádjá manná Jordanii ja dan mielde Jápmamerrii.

Dát lea din eanan, ja dát leat dan ráját.

13Moses attii israellaččaide dán gohččuma: “Dát lea dat eanan maid galgabehtet juogadit gaskkaneattet vuorbádemiin. Hearrá lea gohččon addit dan ovcci čerdii ja ovtta čeardabeallái, 14

34,14
32,33
dasgo Rubena ja Gada čearddaid ja Manasse čeardabeale bearrašat leat juo ožžon iežaset oasi eatnamis. 15Dát guokte čeardda ja okta čeardabealle leat juo ožžon opmodagaset Jordana nuorttabealde Jeriko buohta.”

16Hearrá sártnui Mosesii:

17Dát guovttos, báhppa Elasar ja Josua, Nuna bárdni, leaba dat olbmát geat galgaba juogadit didjiide eatnama. 18Dán bargui galgabehtet váldit vel oaivámučča guđege čearddas. 19Dát leat dat olbmát: Juda čearddas Kaleb, Jefunne bárdni, 20Simeona čearddas Samuel, Ammihuda bárdni, 21Benjamina čearddas Elidad, Kislona bárdni, 22Dana čearddas oaivámuš Bukki, Jogli bárdni, 23Josefa bártni Manasse čearddas oaivámuš Hanniel, Efoda bárdni, 24ja Efraima čearddas oaivámuš Kemuel, Šiftana bárdni, 25Sebulona čearddas oaivámuš Elisafan, Parnaka bárdni, 26Isaskara čearddas oaivámuš Paltiel, Assana bárdni, 27Ašera čearddas oaivámuš Ahihud, Šelomi bárdni, 28ja Naftali čearddas oaivámuš Pedahel, Ammihuda bárdni.

29Dáid olbmáid Hearrá mearridii juogadit opmodaga israellaččaide Kanaana eatnamis.

35

Levilaččaid gávpogat ja guohtuneatnamat

351Hearrá sártnui Mosesii Moaba duolbadasain Jordangáttis Jeriko buohta:

2Gohčo israellaččaid earuhit opmodagasteaset gávpogiid maidda levilaččat ožžot ássat. Dii galgabehtet maiddái addit levilaččaide guohtuneatnamiid gávpogiid birra. 3Dát gávpogat leat sin ássanbáikkit, ja guohtuneatnamat leat sin omiid ja buot sin eará šibihiid várás. 435,4 duhát állana sullii 500 mehtera.Guohtuneatnamat maid dii addibehtet levilaččaide, galget ollit duhát állana juohke guvlui gávpotmuvrras. 5Guohtuneatnama guđege ravdda guhkkodat gávpoga birra galgá leat guokteduhát állana nuortta, luli, oarjji ja davi bealde, ja gávpot lea dan gasku. Dákkár guohtuneatnamiid levilaččat galget oažžut gávpogiiddiset birra.

6

35,6
2 Mos 21,13
5 Mos 4,41eč
19,2eč
Jos 20,2eč
35,6 guhtta dorvogávpoga Vrd. v. 9eč ja Jos 20–21.Daidda gávpogiidda maid dii earuhehpet levilaččaide, gullet guhtta dorvogávpoga maidda olmmošgoddit sáhttet báhtarit. Daidda lassin galgabehtet addit sidjiide vel njealljelogiguokte eará gávpoga. 7Dii galgabehtet addit levilaččaide oktiibuot njealljelogigávcci gávpoga ja daid guohtuneatnamiid. 8
35,8
Jos 21,3–42
Go dii váldibehtet daid gávpogiid israellaččaid opmodagas, de galgabehtet váldit ollu stuorra čearddain ja unnán smávva čearddain. Juohke čearda galgá addit levilaččaide gávpogiid dan eatnama sturrodaga mielde maid čearda lea ožžon opmodahkanis.

Dorvogávpogat

9Hearrá sártnui Mosesii:

10

35,10
5 Mos 19,1–13
Cealkke israellaččaide: Go dii mannabehtet Jordana rastá Kanaanii, 11de galgabehtet válljet alcceseattet muhtun dorvogávpogiid, vai juohkehaš gii lea goddán olbmo áiccakeahttáivuođas, beassá báhtarit. 12Dát gávpogat leat didjiide dorvobáikkit maidda varramávssaheaddji ii beasa, iige olmmošgoddi oaččo goddojuvvot jos son ii leat almmolaččat dutkojuvvon ja dubmejuvvon. 13Galgabehtet earuhit dorvogávpogin guhtta iežadet gávpogiin. 14Dain golbma galget earuhuvvot Jordana nuorttabealde ja golbma maid Kanaanis. 15Sihke israellaččaide ja vierrásiidda ja mátkkálaččaide geat orrot álbmoga gaskkas, dát guhtta gávpoga leat dorvobáikkit. Daidda sáhttá báhtarit juohkehaš gii lea goddán olbmo vahágis.

16

35,16
2 Mos 21,12
3 Mos 24,17
Muhto jos muhtin časká ruovdeneavvuin nuppi jámas, de son lea sorbmejeaddji ja galgá ráŋggáštuvvot jápmimiin. 17Jos muhtin časká nuppi nu stuorra geđggiin ahte dainna sáhttá časkit jámas, ja nubbi jápmá, de dat gii časkkii, lea sorbmejeaddji, ja son galgá ráŋggáštuvvot jápmimiin. 18Jos muhtin časká nuppi muorain mii sáhttá adnojuvvot goddinvearjun, ja nubbi jápmá, de son lea sorbmejeaddji ja galgá ráŋggáštuvvot jápmimiin. 19Varramávssaheaddji galgá goddit sorbmejeaddji dalán go fáhte su. 20Jos muhtin norddasta nuppi bahás áigumušain dahje bahádáhtolaččat bálkesta su njeaiga juoidá nu ahte son jápmá, 21dahje čorbmada nuppi vašis nu ahte son jápmá, de son galgá ráŋggáštuvvot jápmimiin, danin go son lea sorbmejeaddji. Varramávssaheaddji oažžu goddit sorbmejeaddji dalán go fáhte su.

22Muhto jos muhtin áiccakeahttáivuođas norddasta nuppi olbmo geainna ii lean riidalan, dahje bálkesta su njeaiga juoga diŋgga almmá bahás áigumuša haga, 23dahje oainnekeahttá deaivá nubbái dakkár geđggiin mainna sáhttá goddit, nu ahte nubbi jápmá, ja vaikko son ii lean dan nuppi vašálaš iige dáhtton sutnje maidege baháid, 24de dalle searvegoddi galgá dubmet olmmošgoddi ja varramávssaheaddji gaskka dáid mearrádusaid mielde. 25Searvegoddi galgá gádjut olmmošgoddi varramávssaheaddji gieđas ja doalvut su ruoktot dorvogávpogii masa son lei báhtaran. Doppe son galgá orrut dassážii go bajimusbáhppa gii lea vuidojuvvon bassi oljjuin, jápmá. 26Jos olmmošgoddi manná olggobeallái dan dorvogávpoga rájá masa lea báhtaran, 27ja varramávssaheaddji fáhte su doppe, de varramávssaheaddji oažžu goddit olmmošgoddi iige šatta sivalažžan su varrii. 28Olmmošgoddi ferte orrut dorvogávpogis dassážii go bajimusbáhppa jápmá. Easka bajimusbáhpa jápmima maŋŋil son oažžu máhccat ruktosis. 29Dát láhka galgá gustot didjiide buolvvas bulvii, gos dal ásažehpetge.

30

35,30
5 Mos 17,6
19,15
2 Kor 13,1
Hebr 10,28
Jos muhtin goddá nuppi olbmo, de sorbmejeaddji oažžu goddojuvvot dušše duođašteddjiid duođaštusaid vuođul. Muhto ovtta duođašteaddji duođaštusa vuođul ii oaččo geange dubmet jápmimii.

31Jos muhtin lea sorbmen nuppi ja nu ánssášan jápminduomu, de ehpet oaččo váldit ruđa mii fállojuvvo lonástussan sorbmejeaddji heakka gádjuma várás; son galgá ráŋggáštuvvot jápmimiin. 32Allet suova lonistanruđa vuostáge sorbmejeaddji gii lea báhtaran dorvogávpogii, máhccat ruoktot ovdal go bajimusbáhppa lea jápmán.

33

35,33
1 Mos 4,10
9,62 Sam 21,1eč
Sál 106,38
Hos 4,2č
Hebr 12,24
Allet eahpebasut eatnama gos ássabehtet. Varra eahpebasuha eatnama, ja eatnama masa varra lea golggahuvvon sáhttá buhtistit varravealggis dušše dan varain gii vara lei golggahan. 34
35,34
2 Mos 29,45
3 Mos 26,11
Allet daga buhtismeahttumin eatnama gos ássabehtet, ja gos maiddái mun, Hearrá, ásan din gaskkas.

36

Nieiddaid árbenvuoigatvuohta

361

36,1
26,29
Josefa náli olbmo Gileada, Makira bártni, Manasse áddjuba, bearašoaivámuččat bohte Mosesa ja Israela čearddaid oaivámuččaid ovdii 2
36,2
26,55č
27,6č
Jos 17,3eč
ja dadje: “Hearrá gohčui du juogadit vuorbádemiin eatnama opmodahkan israellaččaide. Hearrá lea maid gohččon du addit vielljamet Selofhada árbbi su nieiddaide. 3Muhto jos sii náitalit israellaččain gii gullá eará čerdii, de sin árbeoassi sirdašuvvá eret min áhčiid opmodagas ja laktása dan čeardda opmodahkii masa sii šaddet gullat. Dat oassi váldojuvvo eret min opmodagas. 4
36,4
3 Mos 25,10eč
36,4 ávvujahki >3 Mos 25,10.Dalle go Israelis lea ávvujahki, de nieiddaid árbeoassi laktojuvvo bissovaččat dan čeardda opmodahkii masa sii leat šaddan gullat, ja dalle oassi mii lea addojuvvon sidjiide, lea gaikkihuvvon eret min áhčiid čeardda opmodagas.”

5Hearrá gohččuma mielde Moses dajai israellaččaide:

Josefa náli čearda lea vuoigadis. 6Ná Hearrá lea mearridan Selofhada nieiddaid áššis: Sii ožžot náitalit geainna hálidit, go beare náitalit dakkár sohkii mii gullá sin áhči čerdii. 7Israellaččaid eanan ii oaččo sirdašuvvat čearddas nubbái, muhto buohkat galget doallat gitta iežaset čeardda opmodagas. 836,8–9 bearaš.Dan dihte nieida gii árbe áhčis opmodaga, galgá náitalit olbmáin gii gullá su áhčiid čeardda sohkii. Ná juohke israellaš beassá doallat áhčiidis opmodaga. 9Eanan ii oaččo sirdašuvvat čearddas nubbái, muhto juohke Israela čearda beassá doallat gitta iežas opmodagas.

10Selofhada nieiddat dahke nugo Hearrá lei gohččon Mosesa. 11Selofhada nieiddat Mahla, Tirsa, Hogla, Milka ja Noa náitaledje áhčiset vieljaid bártniiguin. 12Sii náitaledje Josefa bártni Manasse sohkii, ja sin opmodat bisui dan čearddas masa sin áhčiid sohka gulai.

13Dát leat dat báhkkomat ja mearrádusat maid Hearrá attii Mosesa bokte israellaččaide Moaba duolbadasain, Jordangáttis, Jeriko buohta.