Davvisámegiel Biibbal 2019 (Biibbal)
25

Israel jorrala bálvalit Baal-Peora

25125,1 Šittim Abel-Šittim, “Akasiajogaš”, guolbaniin Jápmameara nuortadavábealde. Gč. 33,49.Go israellaččat ledje orron Šittimii, de Israela olbmát furrošišgohte moablaš nissoniiguin. 2

25,2
31,16
Nissonat bovdejedje sin ipmileaset oaffarmállásiidda, ja olbmát borre oaffarbierggu ja rohkadalle sin ipmila. 3
25,3
23,28
5 Mos 3,29
4,3
Jos 22,17
Sál 106,28
Hos 9,10
25,3 Baal-Peor moablaš ipmil.Nu israellaččat serve Baal-Peorii, ja danin Hearrá moaráhuvai sidjiide. 4
25,4
5 Mos 21,22č
Hearrá celkkii Mosesii: “Váldde álbmoga oaivámuččaid ja harce sin Hearrá muođuid ovddas beaivváža čuovgasis, vai mu buolli moarri jorgalivččii eret Israelis.” 5Moses dajai Israela duopmáriidda: “Goddet čearddaineattet buot olbmáid geat leat searvan Baal-Peorii.”

625,6 midjanlaš nissoniin Midjanlaččain lei dan áiggi lihttu moablaččaiguin ja sii sohte Israela vuostá. Vrd. 22,4.7.Muhtun israellaš olmmái bođii midjanlaš nissoniin čearddas gaskii Mosesa ja oppa israellaččaid searvegotti oaidnut, go sii ledje čierrumin almmustusgoađi uksanjálmmis. 7

25,7
Sál 106,30
Go Pinehas gii lei báhppa Arona bártni Elasara bárdni, oinnii sudno, de son loaiddastii ovdan olbmuid gaskkas. Son válddii sáitti gihtii, 8manai olbmá maŋis goahteboššui ja rehttii sáittiin goappašagaid, israellaš olbmá ja midjanlaš nissona. Dalle israellaččaid giksi nogai, 9
25,9
1 Kor 10,8
muhto dasa ledje juo jápmán guokteloginjealljeduhát olbmo.

10Hearrá sártnui Mosesii:

11Pinehas, báhppa Arona bártni Elasara bárdni, lea soažžudan mu moari. Son lea áŋgirvuođain bealuštan mu gudni, ja danin mun in áŋgirvuođastan loahpahan israellaččaid. 12Cealkke sutnje ahte mun dagan suinna ráfilihtu 13

25,13
Sál 106,31
ja attán sutnje ja su nállái vuoigatvuođa leat báhppan agálaččat, danin go son áŋgirušai Ipmila beales ja doaimmahii soabahusa israellaččaide.

14Israellaš olmmái gii goddojuvvui oktan midjanlaš nissoniin, lei Simri, Salu bárdni, Simeona čeardda bearašoaivámuš. 15

25,15
31,8
Dan goddojuvvon midjanlaš nissona namma lei Kosbi. Su áhčči lei midjanlaš čeardaoaivámuš Sur.

16Hearrá sártnui Mosesii:

17

25,17
31,2
Fallehehket midjanlaččaid ja časket sin, 18dasgo sii leat iskan gávvilvuođain vahágahttit din. Sii fillejedje din bálvalit Baal-Peora ja atne das ávkin Kosbi, midjanlaš oaivámučča nieidda, gii goddojuvvui go giksi deaividii álbmoga Peora bálvaleami dihte.

Ođđa olmmošlohkan

19Go giksi lei vássán,

26

261de Hearrá celkkii Mosesii ja báhppa Elasarii, Arona bárdnái:

2Lohkki bearrašiid mielde guoktelotjahkásaččaid rájes buot Israela searvegotti soahteolbmáid.

3Moses ja báhppa Elasar geahčadeigga israellaččaid Moaba duolbadasain Jordangáttis Jeriko buohta. 4

26,4
1,1eč
Soai logaiga buohkaid guoktelogijahkásaččaid rájes dan gohččuma mielde maid Hearrá lei addán Mosesii.

Dát ledje dat israellaččat geat ledje vuolgán Egyptas:

5

26,5
2 Mos 6,14
1 Muit 5,3
Rubena, Israela vuosttašriegádeaddji, nálli lei Henok ja su sohka, Pallu ja su sohka, 6Hesron ja su sohka ja Karmi ja su sohka. 7Dát ledje rubenlaččaid sogat; dain geahčaduvvon olbmát ledje njealljelogigolbmaduhát čiežačuođigolbmalogi.

8Pallu nálli lei Eliab 9

26,9
16,1eč
Sál 106,16eč
ja Eliaba bártnit Nemuel, Datan ja Abiram. Datan ja Abiram leigga dat searvegotti ovddasteaddjit geat ovttas Koraha joavkkuin čuožžiledje Hearrá vuostá ja vuostálaste Mosesa ja Arona. 10Muhto eanan rabastii njálmmis ja njielastii sudno ja Koraha. Seammás dušše sin doarjaleaddjit, go dolla bolddii guoktečuođi vihttalogi olbmá. Nu sii šadde várrehussan. 11Muhto Koraha bártnit eai jápmán.

12

26,12
1 Mos 46,10
1 Muit 4,24eč
Simeona nálli lei Nemuel ja su sohka, Jamin ja su sohka, Jakin ja su sohka, 13Serah ja su sohka ja Saul ja su sohka. 14Dát ledje simeonlaččaid sogat; dain geahčaduvvon olbmát ledje guoktelogiguokteduhát guoktečuođi.

15

26,15
1 Mos 46,16
1 Muit 5,11eč
Gada nálli lei Sefon ja su sohka, Haggi ja su sohka, Šuni ja su sohka, 16Osni ja su sohka, Eri ja su sohka, 17Arod ja su sohka ja Areli ja su sohka. 18Dát ledje gadlaččaid sogat; dain geahčaduvvon olbmát ledje njealljelogiduhát vihttačuođi.

19

26,19
1 Mos 38,3eč
1 Muit 2,3eč
4,1eč
Juda bártnit leigga Er ja Onan geat jámiiga Kanaanii. 20Juda eará nálli lei Šela ja su sohka, Peres ja su sohka ja Serah ja su sohka. 21
26,21
Rut 4,18
1 Muit 2,5
Peresa nálli lei Hesron ja su sohka ja Hamul ja su sohka. 22Dát ledje judalaččaid sogat; dain geahčaduvvon olbmát ledje čiežalogiguhttaduhát vihttačuođi.

23

26,23
1 Mos 46,13
1 Muit 7,1eč
Isaskara nálli lei Tola ja su sohka, Puva ja su sohka, 24Jašub ja su sohka ja Šimron ja su sohka. 25Dát ledje isaskarlaččaid sogat; dain geahčaduvvon olbmát ledje guhttaloginjealljeduhát golbmačuođi.

26

26,26
1 Mos 46,14
Sebulona nálli lei Sered ja su sohka, Elon ja su sohka ja Jahleel ja su sohka. 27Dát ledje sebulonlaččaid sogat; dain geahčaduvvon olbmát ledje guhttalogiduhát vihttačuođi.

28Josefa nálli lei Manasse ja Efraim ja sudno sogat. 29

26,29
1 Muit 7,14eč
Manasse nálli lei Makir ja su sohka. Makirii riegádii Gilead geas surggiidii gileadlaččaid sohka. 30
26,30
Jos 17,2
Gileada nálli lei Ieser ja su sohka, Helek ja su sohka, 31Asriel ja su sohka, Šekem ja su sohka, 32Šemida ja su sohka ja Hefer ja su sohka. 33
26,33
27,1
36,11
Hefera bárdnái Selofhadii riegádedje dušše nieiddat; sin namat ledje Mahla, Noa, Hogla, Milka ja Tirsa. 34Dát ledje manasselaččaid sogat; dain geahčaduvvon olbmát ledje vihttalogiguokteduhát čiežačuođi.

35

26,35
1 Muit 7,20eč
Efraima nálli lei Šutelah ja su sohka, Beker ja su sohka ja Tahan ja su sohka. 36Šutelaha nálli lei Eran ja su sohka. 37Dát ledje efraimlaččaid sogat; dain geahčaduvvon olbmát ledje golbmalogiguokteduhát vihttačuođi.

Dát lei Josefa nálli sogaid mielde logahallojuvvon.

38

26,38
1 Muit 7,6eč
8,1eč
Benjamina nálli lei Bela ja su sohka, Ašbel ja su sohka, Ahiram ja su sohka, 39Šufam ja su sohka ja Hufam ja su sohka. 40Bela nálli lei Ard ja Naaman ja sudno sogat. 41Dát ledje benjaminlaččaid sogat; dain geahčaduvvon olbmát ledje njealljelogivihttaduhát guhttačuođi.

42

26,42
1 Mos 46,23
Dana nálli lei Šuham ja su sohka. Dát ledje danlaččaid sogat; 43dain geahčaduvvon olbmát ledje guhttaloginjealljeduhát njeallječuođi.

44

26,44
1 Muit 7,30eč
Ašera nálli lei Jimna ja su sohka, Jišvi ja su sohka ja Beria ja su sohka. 45Beria nálli lei Heber ja su sohka ja Malkiel ja su sohka. 46Ašera nieida lei Serah. 47Dát ledje ašerlaččaid sogat; dain geahčaduvvon olbmát ledje vihttalogigolbmaduhát njeallječuođi.

48

26,48
1 Muit 7,13
Naftali nálli lei Jahseel ja su sohka, Guni ja su sohka, 49Jeser ja su sohka ja Šillem ja su sohka. 50Dát ledje naftalilaččaid sogat; dain geahčaduvvon olbmát ledje njealljelogivihttaduhát njeallječuođi.

51

26,51
2 Mos 12,37
Geahčaduvvon israellaš olbmát ledje guhttačuođioktaduhát čiežačuođigolbmalogi.

52Hearrá sártnui Mosesii:

53Dáidda čearddaide galgá juogadit eatnama opmodahkan guđege čeardda olmmošlogu mielde. 54

26,54
33,54
Mađe stuorit čearda lea, dađi eambbo dasa galgá addit eatnama. Iešguhtege čearda galgá oažžut eatnama geahčaduvvon olbmáid logu mielde. 55Eatnama galgá juogadit vuorbádemiin, ja dan galgá addit iešguđege sohkii dan iežas čeardda guovllus. 56Guđege čeardda guovllus, leaččai dat dal stuoris dahje unni, eatnama galgá juogadit vuorbádemiin.

57

26,57
2 Mos 6,16eč
4 Mos 3,17eč
1 Muit 6,1eč
Levi nálli mii geahčaduvvui, lei Geršon ja su sohka, Kehat ja su sohka ja Merari ja su sohka.

58Levilaččaid sogat ledje maiddái Libni, Hebrona, Mahli, Muši ja Koraha sogat. Kehatii riegádii Amram; 59

26,59
2 Mos 2,1eč
6,20eč
1 Muit 6,2č
Amrama áhkká lei Jokebed, Levi nieida, gii lei riegádan Levii Egyptas. Jokebed riegádahtii Amramii Arona, Mosesa ja sudno oappá Mirjama. 60Aronii riegádedje Nadab, Abihu, Elasar ja Itamar. 61
26,61
3 Mos 10,1č
Nadab ja Abihu jámiiga go buvttiiga vieris dola Hearrá muođuid ovdii.

62Geahčaduvvon levilaččat mánnosaččaid rájes ledje guoktelogigolbmaduhát olbmá. Sii eai geahčaduvvon ovttas eará israellaččaiguin, dasgo sii eai ožžon opmodaga nugo eará israellaččat.

63Dát ledje dat israellaččat geaid Moses ja báhppa Elasar geahčadeigga Moaba duolbadasain Jordangáttis Jeriko buohta. 64

26,64
1,2eč
Sin gaskkas ii lean šat oktage dain geaid Moses ja Aron leigga geahčadan dalle go soai geahčadeigga israellaččaid Sinaimeahcis. 65
26,65
14,22–2429–33
32,11č
1 Kor 10,5
Dasgo Hearrá lei cealkán sin birra ahte sii jápmet meahccái. Sis leigga báhcán dušše Kaleb, Jefunne bárdni, ja Josua, Nuna bárdni.

27

Nieiddaid árbenvuoigatvuohta

271

27,1
26,33
Jos 17,3eč
Josefa bártni Manasse soga olbmos Selofhadis ledje vihtta nieidda; Selofhada áhčči lei Hefer, suges Gilead, su Makir ja su Manasse. Nieiddaid namat ledje Mahla, Noa, Hogla, Milka ja Tirsa. 2Sii bohte Mosesa, báhppa Elasara, oaivámuččaid ja oppa searvegotti ovdii almmustusgoađi uksanjálbmái ja dadje: 3
27,3
14,29
16,1eč
“Min áhčči jámii meahccái, muhto son ii gullan dan jovkui mii dagai Korahiin lihtu Hearrá vuostá, muhto son jámii iežas suttu dihte. Sus eai lean bártnit. 4Galggašiigo áhččámet namma nohkat su sogas dan dihte go sus ii lean bárdni? Atte midjiide opmodaga seammá láhkái go min áhči olbmábeale fulkkiide.”

5

27,5
3 Mos 24,12
Moses bijai sin ášši Hearrá muođuid ovdii. 6Hearrá sártnui Mosesii:

7Selofhada nieiddat leat vuoigadis. Divtte sin árbet eatnama seammá láhkái go sin olbmábeale fuolkkit; divtte sin áhči árbbi sirdašuvvat sidjiide. 827,8 bearaš.Sártno dasto israellaččaide ná: Jos muhtun olmmái jápmá iige sus leat bárdni, de diktet su árbbi sirdašuvvat su niidii. 9Jos sus ii leat nieida, de addet su árbbi su vieljaide. 10Jos sus eai leat vieljat, de addet su árbbi su áhči vieljaide. 11Jos su áhčis eai leat vieljat, de addet su árbbi su lagamus sogalažžii; son galgá árbet su. Dát láhka galgá gustot israellaččaide dan gohččuma mielde maid Hearrá lea addán Mosesii.

Josua biddjojuvvo bálvalussii

12

27,12
5 Mos 32,48č
Hearrá sártnui Mosesii: “Mana Abarimvárrái, de beasat geahčadit dan eatnama maid mun attán israellaččaide. 13
27,13
20,28
Go don leat geargan geahčadeames dan, de don váldojuvvot olbmuidat lusa, nugo du viellja Aronge váldojuvvui. 14
27,14
20,12č24
Go searvegoddi stuibmidii mu vuostá Sinmeahcis, de doai eahppi atnán mu bassin israellaččaid čalmmiin, muhto vuostálasttiide mu gohččuma čázi hárrái.” Dat lei Meriba čáhci Kadešis Sinmeahcis.

15Moses sártnui Hearrái: 16

27,16
16,22
“Vuoi Hearrá, Ipmil, don guhte attát buot olbmuide eallinvuoiŋŋa, vállje israellaččaide jođiheaddji 17
27,17
Matt 9,36
gii manná sin njunnošis, doalvu sin soahtat ja buktá sin ruoktot. Muđui Hearrá searvegoddi lea dego sávzaeallu mas ii leat báimman.”

18

27,18
1 Mos 41,38
5 Mos 3,28
31,7č
34,9
Hearrá celkkii Mosesii: “Rávkka lusat Josua, Nuna bártni, geas lea rievttes vuoigŋa, ja bija gieđaidat su oaivvi ala. 19Doalvvo su báhppa Elasara ja oppa searvegotti ovdii ja bija su bálvalussii sin oaidnut. 20Atte sutnje oasi iežat fámus, vai oppa Israela searvegoddi jeagada su. 2127,21 urim bassi bierggas mii adnojuvvui vuorbádeamis, go dáhtto diehtit Ipmila dáhtu. >2 Mos 28,30. ▶ urim ja tummim.Son oažžu loaiddastit báhppa Elasara ovdii, ja Elasar galgá bivdit vástádusa su ovddas Hearrás urima bokte. Su sáni mielde galget sii, son ja buot israellaččat suinna, vuolgit ja boahtit ruoktot, oppa searvegoddi.”

22Moses dagai nugo Hearrá lei gohččon su. Son rávkkai lusas Josua, doalvvui su báhppa Elasara ja oppa searvegotti ovdii, 23

27,23
8,10
Apd 13,3
bijai gieđa su oaivvi ala ja ásahii su bálvalussii, nugo Hearrá lei sárdnon Mosesa bokte.