Davvisámegiel Biibbal 2019 (Biibbal)
2

Nehemja oažžu vuolgit Jerusalemii

212,1 nisanmánus mánut.Gonagas Artaxerxesa guoktelogát ráđđenjagi, nisanmánus, mun ledjen oktii bidjan viinni gonagasa ovdii. Gonagas ii lean goassege ovdal oaidnán mu šlundin, ja go mun geigejin sutnje viinni, 2de son jearai mus: “Manne dus lea nu morašlaš hápmi? It don goit leat buozus. Ii dat sáhte leat eará go váibmomoraš.” Mun suorganin sakka 3

2,3
1,3
ja dadjen gonagassii: “Ellos gonagas agálaččat! Manne mus ii livčče morašlaš hápmi, go dat gávpot gosa mu áhčit leat hávdáduvvon lea duššaduvvon ja dan poarttat boldojuvvon?” 4Gonagas jearai: “Maid don sávat?” Dalle mun rohkadallen almmi Ipmila 5ja dadjen gonagassii: “Jos don anát buorrin, gonagas, ja jos du bálvaleaddji lea dohkálaš du čalmmiin, de divtte mu vuolgit Judai hukset ođđasis gávpoga gosa mu áhčit leat hávdáduvvon.” 6De gonagas gean bálddas dronnet lei čohkkámin, jearai mus: “Man guhká don jávkkat? Goas áiggut máhccat?” Mun evttohin áiggi, ja gonagas suovai mu vuolgit. 7De mun dadjen gonagassii: “Jos gonagas atná buorrin, de bija mu mielde reivviid Eanu oarjjabeali provinssa eatnanhearráide, vai sii veahkehit mu go mun mátkkoštan Judai, 8ja velá reivve Asafii, gonagasa vuovdefáldái, vai son addá munnje hirssaid tempelladni poartabielkkáid, gávpotmuvrra ja dan vistti várás gos mun ieš orun.” Ja gonagas attii munnje reivviid, dasgo mu Ipmila buorre giehta lei muinna.

9Go mun de ledjen boahtán Eanu oarjjabeale provinssa eatnanhearráid lusa, de mun adden sidjiide gonagasa reivviid. Gonagas lei maiddái bidjan mu mielde riidejeddjiid ja sin oaivámuččaid. 102,10 Sanballat Persia eatnanhearrá Samaria provinssas.Muhto go horonlaš Sanballat ja ammonlaš virgeolmmái Tobia dan gulaiga, de soai eaba liikon dasa ahte lei boahtán olmmái gii bivddii israellaččaid ávkki.

Nehemja dárkkista gávpotmuvrra

11Go mun ledjen joavdan Jerusalemii ja ledjen leamaš doppe golbma beaivvi, 12de mun vulgen ihkku olggos ja válden mielde dušše moadde olbmá. Mun in lean muitalan ovttage olbmui maid Ipmil lei ávžžuhan mu dahkat Jerusalema ávkin. Mun in váldán mielde eará ealli go dan mainna riidejin. 13

2,13
2 Muit 26,9
Guovdelaš ija mun mannen olggos Leahkepoartaráigge Guovdeádjaga ja Duvdnepoartta guvlui, geahčadin Jerusalema gaikojuvvon muvrraid ja boldojuvvon poarttaid. 14Mun riidejin Ájapoartta lusa ja Gonagasláddo gáddái, muhto de ii lean šat sadji beassat ovddos dainna elliin mainna mun riidejin. 15Ija áigge mun mannen leahkeráigge bajás ja dárkkistin muvrra. De mun jorggihin ja máhccen gávpogii Leahkepoartaráigge.

16Oaivámuččat eai diehtán gos mun ledjen fitnan dahje maid mun ledjen dahkan, dasgo mun in lean velá almmuhan áigumušaidan juvddálaččaide, in báhpaide inge hearráide, in oaivámuččaide inge earáide geaidda dát bargu gulai. 17Muhto dál mun dadjen sidjiide: “Dii oaidnibehtet ieža man heajos dilis mii leat. Jerusalem lea čievračopman ja dan poarttat leat boldojuvvon. Huksejehkot ođđasit Jerusalema muvrra, vai eat šat hiddjiduvvo!” 18De mun muitalin mo Ipmila buorre giehta lei leamaš muinna ja maid gonagas lei cealkán munnje. Sii dadje: “Dál mii huksegoahtit!” Ja sii bargagohte áŋgirit dán buori barggu.

19Muhto go horonlaš Sanballat, ammonlaš virgeolmmái Tobia ja arabalaš Gešem gulle dan, de sii bilkidedje ja hiddjidedje min ja dadje: “Mii dátgis lea maid dii lehpet dahkamin? Áigubehtetgo dii stuibmidit gonagasa vuostá?” 20

2,20
Ef 2,12
Mun vástidin sidjiide: “Almmi Ipmil diktá min lihkostuvvat. Mii, su bálvaleaddjit, áigut huksegoahtit. Muhto dis ii leat oassi iige vuoigatvuohta Jerusalemii, iige dis báze deike makkárge muitu.”

3

Jerusalema muvra huksejuvvo ođđasis

31

3,1
12,39
Jer 31,38
Sak 14,10
Bajimusbáhppa Eljašib ja eará báhpat álggahedje barggu. Sii huksejedje Sávzapoartta, vihahedje dan ja bidje dasa uvssaid. Nu sii jotke gitta Meatoartna ja Hananeltoartna rádjái. 2Das ovddos barge Jeriko olbmát ja dobbelis sin Sakkur, Imri bárdni.

3

3,3
2 Muit 33,14
Neh 12,39
Sef 1,10
Senaalaččat huksejedje Guollepoartta. Sii cehkko dan ja bidje dasa uvssaid main ledje lohkat ja smarttit. 4Dobbelis sin barggai Hakkosa bártni Uria bárdni Meremot, ja su dobbelis Mešullam gean áhčči lei Berekja, Mešesabela bárdni, ja dobbelis su Sadok, Baana bárdni. 53,5 Tekoa gávpot lullin Judas, profehta Amosa ruovttubáiki. Vrd. Am 1,1; 2 Muit 11,6.Dobbelis su barge Tekoa olbmát, muhto sin njunnošat eai vuollánan bargat hearráidasaset.

6

3,6
12,39
Boarespoartta divuiga Jojada, Paseaha bárdni, ja Mešullam, Besodja bárdni. Soai ceahkuiga dan ja bijaiga dasa uvssaid main ledje lohkat ja smarttit. 73,7 Mispa gávpot Jerusalema davábealde Benjamina eatnamis, adnojuvvui čoaggananbáikin duopmáriid áigge. Vrd. Duop 20,1; 1 Sam 7,5.Dobbelis sudno barge gibeonlaš Melatja, meronotlaš Jadon ja Gibeona ja Mispa olbmát. Mispa lei Eanu oarjjabeale provinssa eatnanhearrá ráđđenbáiki. 8
3,8
12,38
Dobbelis sin barggai gollerávdi Ussiel, Harhaja bárdni, ja dobbelis su vuoiddasseaguheaddji Hananja. Soai divuiga muvrra gitta Govdamuvrra rádjái. 9Das ovddos barggai Refaja, Hura bárdni, Jerusalema nuppi oasi oaivámuš. 10Dobbelis su, iežas viesu buohta, barggai Jedaja, Harumafa bárdni, ja dobbelis su Hattuš, Hašabneja bárdni.

11

3,11
12,38
Malkia, Harima bárdni, ja Haššub, Pahat-Moaba bárdni, divuiga čuovvovaš muvraoasi ja Uvdnatoartna. 12Dobbelis sudno barggai ovttas nieiddaidisguin Šallum, Halloheša bárdni, Jerusalema nuppi oasi oaivámuš. 13
3,13
2,13
Hanun divui Leahkepoartta ovttas Sanoaha ássiiguin. Sii huksejedje dan, bidje dasa uvssaid main ledje lohkat ja smarttit ja divvo vel duhát állana muvrra, gitta Duvdnepoartta rádjái. 14Duvdnepoartta divui Malkia, Bet-Hakkerema guovllu oaivámučča Rekaba bárdni. Son huksii poartta ođđasis ja bijai dasa uvssaid main ledje lohkat ja smarttit.

15

3,15
2,14
12,37
Jes 8,6
Joh 9,7
Ájapoartta divui Šallun, Mispa guovllu oaivámučča Kol-Hose bárdni. Son huksii dan ođđasis, govččai dan ja bijai dasa uvssaid main ledje lohkat ja smarttit. Son maiddái divui čáhcejođasláddo gáddemuvrra mii lei gonagasa gilvvagárddi buohta, gitta dan boardaga rádjái mii doalvu vuolás Davida gávpogis. 16Dobbelis su barggai Nehemja, Asbuka bárdni, Bet-Sura nuppi oasi oaivámuš. Son divui muvrra gitta Davida hávddiid, dahkuláddo ja soahteolbmáid viesu rádjái. 17Dobbelis su barge levilaččat, namalassii Rehum, Bani bárdni, ja dobbelis su Hašabja, Keila nuppi oasi oaivámuš, gii divui iežas oasi muvrras. 18Dobbelis sudno barggai Bavvai, Henadada bárdni, Keila nuppi oasi oaivámuš 19
3,19
2 Muit 26,9
ja dobbelis su eará osiin Eser, Ješua bárdni, Mispa oaivámuš, vearjoviesu boardaga buohta muvračiegas.

20Dobbelis su Baruk, Sakkaja bárdni, divui čuovvovaš oasi, muvrra čiegas gitta bajimusbáhppa Eljašiba viesu uvssa rádjái. 21Dobbelis su Meremot, Uria bárdni, Hakkosa áddjut, divui čuovvovaš oasi, Eljašiba viesu uvssa rájes gitta viesu geahčái. 22Dobbelis su barge báhpat geat orro gávpoga birrasis. 23Dobbelis sin Benjamin ja Haššub barggaiga iežaska viesuid buohta, ja das ovddos Asarja, Maaseja bárdni, Ananja áddjut, barggai iežas viesu buohta.

24Dobbelis su Binnui, Henadada bárdni, divui čuovvovaš oasi Asarja viesu luhtte gitta dan čiega rádjái gokko muvra jorgala eará guvlui. 25Dobbelis su Palal, Usaja bárdni, barggai čiega buohta ja dan toartna buohta mii báršá šloahtas, bajit toartna buohta mii lea fáktaviesu guoras. Dobbelis su Pedaja, Paroša bárdni, barggai 26gitta Čáhcepoartta rádjái nuortan ja dan toartna rádjái mii báršá šloahtas. 27Tekoa olbmát divvo čuovvovaš oasi stuorra báršetoartna rájes gitta Ofela muvrra rádjái.

28

3,28
2 Muit 23,15
Jer 31,40
Heastapoartta bajábealde barge báhpat, juohkehaš iežas viesu buohta. 29
3,29
2 Muit 31,14
Dobbelis sin Sadok, Immera bárdni, barggai iežas viesu buohta, ja dobbelis su barggai Šemaja, Šekanja bárdni, Nuortapoartta fákta. 30Dobbelis su divuiga čuovvovaš oasi Hananja, Šelemja bárdni, ja Hanun, Salafa guđát bárdni. Dobbelis sudno barggai Mešullam, Berekja bárdni, iežas tempelgámmára buohta. 31Dobbelis su barggai gollerávdi Malkia gitta tempelbálvaleddjiid ja gávpeolbmáid viesu rádjái, Geahčadanpoartta buohta, ja gitta čiega toardnagámmára rádjái. 32Toardnagámmára ja Sávzapoartta gaskkas barge gollerávdit ja gávpeolbmát.

4

Juvddálaččat áitojuvvojit

41

4,1
2,19
4,1 Sanballat >2,10.Go Sanballat gulai ahte mii huksiimet muvrra, de su moarri cahkiidii, ja son suhtai ja bilkidii juvddálaččaid. 2Son dajai ustibiiddásis ja Samaria soahteolbmáide: “Maid duot juvddálaš rávkkit leat dahkamin? Diktetgo sii áššiset báhcit Ipmila gihtii, oaffaruššet ja gerget ovtta beaivvis? Sáhttetgo sii dahkat ođasin buollán geđggiid mat leat čievračomain?” 3Ammonlaš Tobia gii čuoččui su bálddas, dajai: “Huksejehkoset! Jos riebange njuike sin geađgemuvrra ala, de dat gahččá.”

4Ipmileamet, gula mo mii bilkiduvvot! Divtte sin bilkádusa máhccat sin iežaset oaivái. Vare sii rieviduvvošedje ja dolvojuvvošedje fáŋgan vieris eatnamii! 5Ale čiega sin vearredagu alege jávkat sin suttu muođuidat ovddas, siihan leat bilkidan huksejeddjiid.

6Mii huksiimet ain muvrra, ja dat lei juo bealleallodagas. Álbmot lei viššalit mielde barggus.

74,7 ašdodlaččat filistalaččaid dološ gávpoga Ašdoda ássit; dalle dat lei Ašdoda provinssa oaivegávpot.Go Sanballat ja Tobia ja arabalaččat, ammonlaččat ja ašdodlaččat gulle ahte Jerusalema muvrraid divvun ovdánii ja ahte muvragaikáneamit devdojuvvojedje, de sii moaráskedje. 8Sii lihtodedje fallehit Jerusalema ja dagahit doppe moivvi. 9Mii rohkadalaimet Ipmileamet ja bijaimet fávttaid caggat sin ija beaivvi. 10Muhto Juda olbmot dadje: “Guoddit fámohuvvet, ollu lea čievra. Eat mii nagot hukset muvrra válmmasin.”

11Min vuostálastit dadje: “Sii eai árvit eaige fuomáš maidege ovdal go mii leat sin gaskkas. De mii goddit sin ja loahpahit sin barggu.” 12Juvddálaččat geat orro sin lahka, bohte ovtta nuppe háve muitalit sin áigumušaid midjiide. 13De mun gohččon olbmuid čuoččastit rabas sajiide muvrra vuollegeamos báikkiide. Mun bidjen sin čuožžut sogaid mielde miehkit, sáittit ja dávggit gieđas. 14Go mun ledjen geahčadan sin, de mun dadjen hearráide, oaivámuččaide ja earáide: “Allet bala sis! Muitet Hearrá, stuorrá ja hirbmatlačča, ja sohtet vieljaideattet, bártniideattet ja nieiddaideattet, áhkáideattet ja ruovttuideattet ovddas!”

15

4,15
Job 5,12
Min vašálaččat gulle ahte mii diđiimet sin áigumušaid. Ná Ipmil dagai daid duššin, ja mii buohkat beasaimet máhccat muvrra lusa, juohkehaš iežas bargui. 16Dan beaivvi rájes dušše bealli mu olbmáin barggai, dan botta go nubbi bealli čuoččui fáktan sáittit, galbbat ja dávggit gieđas ja ruovdebáiddit gárvun Juda álbmoga duohken, 17go sii huksejedje muvrra. Maiddái noađđeguddiin ledje vearjjut: Nuppiin gieđain sii barge ja nuppi gieđas sis lei vearju. 18Buot huksejeddjiin lei barggu botta miehkki alimiin. Mu bálddas jođii dorvečuojaheaddji. 19Mun dadjen hearráide, oaivámuččaide ja earáide: “Bargu lea stuoris ja viiddis, ja mii leat bieđgguid ja guhkkálagaid miehtá muvrra. 20
4,20
2 Mos 14,14+
Go dii gullabehtet dorvve jiena, gos dal leažžabehtet, de galgabehtet čoagganit min birra. Min Ipmil soahtá min ovddas.”

21De mii barggaimet ain, dan botta go bealli álbmogis čuoččui das sáittit gieđas, iđitroađi rájes gitta dassážii go násttit ihte. 22Dalle mun dadjen álbmogii: “Buohkat, maiddái bálvaleaddjit, galget idjadit Jerusalemis, nu ahte mii beassat fáktet ihkku ja bargat beaivet.” 23Mii eat beassan nuoladit, in mun eaige mu vieljat, eai bálvaleaddjit eaige fávttat geat johte mu mielde. Juohke olbmás lei vearju gieđas.