Davvisámegiel Biibbal 2019 (Biibbal)
9

Álbmot dovddasta suttuidis

919,1 horsta … oaivvi alde morraša dahje gáhtamuša mearkan. ▶ moraštanvierut.Seammá mánu guokteloginjealját beaivvi israellaččat čoagganedje fástudit, horsta gárvun ja muolda oaivvi alde. 2Dat geat gulle Israela álbmogii, čulde iežaset buot vierrásiin, ja de sii dovddastedje iežaset suttuid ja áhčiideaset vearredaguid. 3Beaivvi njealjádasa sii čužžo iešguhtege sajistis ja lohke girjjis Hearrá, Ipmileaset, lága. Nuppi njealjádasa sii dovddastedje suttuideaset ja rohkadalle Hearrá, Ipmileaset. 4Ješua, Bani, Kadmiel, Šebanja, Bunni, Šerebja, Bani ja Kenani manne levilaččaid aládassii ja čurvo alla jienain Hearrá, Ipmileaset. 5De dadje levilaččat Ješua, Kadmiel, Bani, Hašabneja, Šerebja, Hodia, Šebanja ja Petahja: “Čuožžilehket máidnut Hearrá, Ipmileattet, guhte lea agálašvuođas agálašvuhtii!”

Máidnojuvvon lehkos

du hearvás namma,

dat lea aliduvvon buot máidnuma

ja rámádusa badjel.

6

9,6
Sál 103,21č
Jes 37,16
Apd 14,15
9,6 almmiveahka almmi veahka.Aivve don leat Hearrá.

Don leat sivdnidan almmi,

almmiid almmi ja buot dan veaga,

eatnama ja buot mii das lea,

mearaid ja buot mii dain lea.

Don ealihat buot,

ja almmiveahka rohkadallá du.

7

9,7
1 Mos 11,31
12,1eč
17,5
Don leat Hearrá Ipmil.

Don válljejit Abrama,

buktet su Uras Kaldeas

ja addet sutnje nama Abraham.

8

9,8
1 Mos 12,7+
Don oidnet ahte son lei dutnje oskkáldas.

Don dahket suinna lihtu,

lohpidit addit su nállái

eatnama mii gulai kanaanlaččaide,

hetlaččaide, amorlaččaide, perisselaččaide,

jebuslaččaide ja girgašlaččaide.

Ja don dollet iežat lohpádusa,

dasgo don leat oskkáldas.

9

9,9
2 Mos 3,7eč
14,9eč
Don oidnet min áhčiid

vártnuhisvuođa Egyptas,

don gullet sin čuorvasa Ruksesmeara gáttis.

10Don dahket mearkkaid

ja oavdudaguid faraoi,

su bálvaleddjiide ja su eatnama álbmogii,

dasgo don oidnet sin čeavlás meanuid

min áhčiid vuostá.

Nu don dahket alccesat nama

mii beaggá ain odnege.

11

9,11
2 Mos 14,21eč
15,4č
Sál 106,9
136,13č
Don luddejit ábi sin ovddas,

ja sii rasttildedje meara goikása mielde.

Muhto daid geat doarrádalle sin,

don suhppejit čiekŋalassii

dego geađggi veagalaš čáziide.

12

9,12
2 Mos 13,21čSál 105,39
Don láidejit sin balvabáccis beaivet,

ihkku don diktet dollabácci čuvget

geainnu man sii johte.

13

9,13
2 Mos 19,18eč
20,1eč
Sál 19,8č
Don njidjet Sinaivárrái,

don sárdnot singuin almmis,

addet sidjiide rivttes njuolggadusaid

ja luohtehahtti lágaid,

buriid gohččumiid ja báhkkomiid.

14Don almmuhit sidjiide

iežat bassi sabbaha,

ja don addet sidjiide báhkkomiid,

njuolggadusaid ja lágaid

du bálvaleaddji Mosesa bokte.

15

9,15
2 Mos 16,4+
Don addet sidjiide láibbi almmis,

go sii nelgo,

don diktet čázi golgat bávttis,

go sii goike.

Don gohččot sin mannat váldit oapmineaset

eatnama maid ledjet vurdnon

addit sidjiide.

16Muhto min áhčit ledje

čeavlát ja nággárat,

eai sii guldalan du báhkkomiid.

17

9,17
4 Mos 14,4
Sál 103,8
Joel 2,13
Sii biehttaledje jeagadeames eaige muitán

oavdduid maid don ledjet dahkan sidjiide.

Sii nággárušše ja mearridedje

máhccat Egypta šlávvavuhtii.

Muhto don attát ándagassii,

don leat árbmugas ja váibmoláđis Ipmil,

don leat guhkesmielalaš

ja du buorrevuohta lea stuoris,

don it hilgon sin.

18

9,18
2 Mos 32,4
Sii leikejedje gálbbi alcceseaset

ja dadje: “Dát lea du Ipmil

guhte doalvvui du eret Egyptas.”

Sii bilkidedje du sakka.

19

9,19
2 Mos 13,22
Muhto stuorra váibmoláđisvuođastat

don it dattetge guođđán sin meahccái.

Balvabázzi ii gáidan sis beaivet,

muhto čájehii sidjiide geainnu,

iige dollabázzi gáidan sis ihkku,

muhto čuvgii sidjiide geainnu man johtit.

20

9,20
5 Mos 8,16
Don addet iežat buori vuoiŋŋa máhttáhit sin,

don addet sidjiide manna borrat

ja čázi, go sii goike.

21

9,21
5 Mos 8,4
Don atnet sis fuola

njealljelogi jagi meahcis,

ii sis váilon mihkkege.

Sin biktasat eai nohkan

eaige juolggit bohtanan.

22

9,22
4 Mos 21,21eč33eč
Don addet sin oapmin

álbmogiid ja riikkaid

ja dahket daid sin rádjeeanamin.

Sii válde eatnamiid

mat gulle Sihonii, Hešbona gonagassii,

ja Ogii, Bašana gonagassii.

23

9,23
1 Mos 13,16+
Don addet sidjiide mánáid

nu ollu go almmis leat násttit.

Don buktet sin eatnamii

maid ledjet lohpidan

sin áhčiide.

24Ja mánát válde eatnama oapmineaset.

Don vuolidit sin ovddas kanaanlaččaid,

eatnama ássiid,

ja addet sin gihtii

gonagasaid ja eatnama olbmuid,

sii besse dahkat sidjiide maid dáhtto.

25

9,25
5 Mos 6,10č
Sii válde ladnegávpogiid

ja šattolaš eatnamiid.

Sii válde viesuid maid dievva ledje

buorit gálvvut,

čullojuvvon arvegáivvuid ja viidnegárddiid,

oliivagárddiid ja šattosmuoraid eatnatvuođa.

Sii borre, gallánedje ja buido,

sii návddašedje du stuorra attáldagaid.

26

9,26
5 Mos 32,15č
Muhto de sii ripme nággáruššat

ja vuostálastigohte du,

sii jorgaledje du láhkii selggiid.

Sii godde du profehtaid

geat nuktaledje sin

jorgalit fas du lusa,

sii bilkidedje du sakka.

27

9,27
Duop 3,915
Sál 106,40eč
Don addet sin vašálaččaid gihtii,

ja sii sorde sin.

Dalle sii čurvo du heađis

ja áŧestusas,

ja don gullet sin albmái.

Stuorra váibmoláđisvuođastat

don vuolggahit sidjiide bestiid

geat beste sin vašálaččaid gieđas.

28Muhto go sii ledje ožžon ráfi,

de sii ohpit dahke

dan maid don atnet bahán.

Don addet sin vašálaččaid gihtii

geat ráđđejedje sin.

Muhto go sii fas čurvo du,

de don gullet dan albmái,

ja stuorra váibmoláđisvuođastat

don gádjot sin eatnat gerddiid.

29

9,29
3 Mos 18,5
2 Gon 17,13eč
2 Muit 36,15eč
Esek 20,11
Don nuktalit álbmoga

jorgalit doallat du lága,

muhto sii ledje čeavlát

eaige guldalan du báhkkomiid.

Sii suddudedje du lágaid vuostá

mat addet eallima daidda geat dollet daid.

Vuosteháguin sii jorgaledje selggiid,

sii ledje nággárat eaige dáhtton guldalit.

30Don gierddahallet sin eatnat jagiid,

vuoiŋŋainat don várrejit sin

ja diktet iežat profehtaid nuktalit sin,

muhto sii eai dáhtton guldalit.

De don addet sin vierroálbmogiid gihtii,

31

9,31
Jer 30,11
Váid 3,22
Mal 3,6
muhto stuorra váibmoláđisvuođastat

don it duššadan sin áibbas

itge guođđán sin,

dasgo don leat árbmugas ja váibmoláđis Ipmil.

32Ja dál, min Ipmil, don stuorra,

veagalaš ja hirbmatlaš Ipmil

guhte doalat lihtu ja bisuhat árpmu,

ale loga smávisin

buot dan áŧestusa mii lea deaividan min

– min gonagasaid ja oaivámuččaid,

min báhpaid ja profehtaid,

min áhčiid ja oppa du álbmoga –

Assyria gonagasaid beivviid rájes

gitta dán beaivvi rádjái.

33

9,33
Dan 9,714
Don leat leamaš vuoigatlaš

juohke áššis mii lea deaividan min,

don leat leamaš oskkáldas

vaikko mii leat eallán ipmilmeahttumit.

34

9,34
Dan 9,68
Min gonagasat ja oaivámuččat,

min báhpat ja áhčit

eai doallan du lága,

sii eai guldalan du báhkkomiid

eaige várrehusaid

maid don addet sidjiide.

35Vaikko sii ásse iežaset riikkas

ja sis ledje buot buorit

maid don ledjet addán sidjiide,

viiddis ja šattolaš eatnamis

maid don ledjet addán sidjiide oapmin,

de sii eai bálvalan du

eaige jorgalan bahás vádjolusasteaset.

36Dál mii leat šlávat.

Eatnamis maid don addet min áhčiide

vai sii beasašedje návddašit dan šaddosiid

ja buriid attáldagaid,

das mii leat dál šlávvan.

37Eatnama valljugas šaddu

manná dál gonagasaide

geaid gihtii don leat addán min

min suttuid dihte.

Sii ráđđejit min rupmaša ja min omiid

aiddo nugo dáhttot.

Mii leat stuorra heađis.

Álbmot lohpida doallat lága

38Buot dán dihte mii dahkat duođalaš lohpádusa, ja min oaivámuččat, levilaččat ja báhpat seailidit dan iežaset seaillain.

10

101Áššegirjjis ledje dáid olbmuid namat:

Eatnanhearrá Nehemja, Hakalja bárdni, ja Sidkia, 2Seraja, Asarja, Jeremia, 3Pašhur, Amarja, Malkia, 4Hattuš, Šebanja, Malluk, 5Harim, Meremot, Obadja, 6Daniel, Ginneton, Baruk, 7Mešullam, Abia, Mijamin, 8Maaša, Bilgai, Šemaja. Dát ledje báhpat.

9Levilaččat: Ješua, Asanja bárdni, Binnui Henadada sogas ja Kadmiel 10ja sin virgeguoimmit Šebanja, Hodia, Kelita, Pelaja, Hanan, 11Mika, Rehob, Hašabja, 12Sakkur, Šerebja, Šebanja, 13Hodia, Bani ja Beninu.

14Álbmoga oaivámuččat: Paroš, Pahat-Moab, Elam, Sattu, Bani, 15Bunni, Asgad, Bebai, 16Adonia, Bigvai, Adin, 17Ater, Hiskia, Assur, 18Hodia, Hašum, Besai, 19Harif, Anatot, Nebai, 20Magpiaš, Mešullam, Hesir, 21Mešesabel, Sadok, Jaddua, 22Pelatja, Hanan, Anaja, 23Hosea, Hananja, Hašub, 24Halloheš, Pilha, Šobek, 25Rehum, Hašabna, Maaseja, 26Ahia, Hanan, Anan, 27Malluk, Harim ja Baana.

28Buot earát – báhpat, levilaččat, uksafávttat, lávlut, tempelbálvaleaddjit ja buohkat geat ledje čuoldán iežaset vieris álbmogiin ja dáhtto vádjolit Ipmila lága mielde, ja maiddái sin áhkát, bártnit ja nieiddat, buohkat geat nagadedje ipmirdit – 29

10,29
2 Gon 23,3
serve lohpádussii maid sin oaivámuččat ledje dahkan ja vurdno doallat Ipmila lága maid Ipmila bálvaleaddji Moses lei addán sidjiide, ja doahttalit dárkilit buot Hearrá, min ráđđejeaddji, báhkkomiid, lágaid ja njuolggadusaid.

30

10,30
2 Mos 34,15č
Sii lohpidedje: Mii eat náitte nieiddaideamet vierroálbmogiid olbmáide eatge váldde sin nieiddaid iežamet bártniide áhkkán. 31
10,31
2 Mos 20,85 Mos 15,1eč
Go eatnama olbmot buktet gálvvuideaset ja buotlágáš gortniid ja áiggošedje vuovdit daid sabbahin, de mii eat oastte sis maidege, eat sabbahin eatge eará bassebeaivvi. Juohke čihččet jagi mii diktit eatnama vuoiŋŋastit ja mii luoitit buot velggiid. 32Mii lohpidit maid máksit juohke jagi šekelgoalmmádasa Ipmileamet viesu bálvalusa várás, 33
10,33
3 Mos 24,5eč
4 Mos 28,1eč
10,33 mánočalbmebeivviid mánočalbmebeaivi.oaffarláibbiid, beaivválaš borramušoaffariid, beaivválaš boaldinoaffariid ja sabbatoaffariid várás, mánočalbmebeivviid ja allabasiid oaffariid, bassi attáldagaid ja suddooaffariid várás mat oaffaruššojuvvojit soabahussan Israelii, ja buot min Ipmila viesu bargguid várás.

34

10,34
3 Mos 6,5č
Mii, báhpat, levilaččat ja álbmot, leat vuorbádan guđe bearaš ain galgá buktit muoraid Ipmileamet vissui dihto áiggiid juohke jagi, vai Hearrá, min Ipmila, áltára alde sáhttá boaldit dola, nugo láhkii lea čállojuvvon.

35Mii lohpidit buktit juohke jagi Hearrá vissui min eatnama álgošattu ja buotlágán muoraid álgošattu. 36

10,36
2 Mos 13,2+
Maiddái min vuosttašriegádeaddji bártniid ja omiid, nugo láhkii lea čállojuvvon, min stuorraomiid ja smávvaomiid vuosttašriegádeddjiid, mii lohpidit buktit Ipmileamet vissui, báhpaide geat bálvalit doppe. 37
10,37
4 Mos 18,21
5 Mos 14,22
Vuosttaža das maid mii láibut, ja buotlágán muoraid, viinni ja oljju álgošattuid mii lohpidit buktit báhpaid vuorkálanjaide Ipmileamet vissui. Mii buktit logádasaid min eatnama šattuin levilaččaide geat čogget logádasaid buot min giliin. 38
10,38
4 Mos 18,26eč
Muhtun báhppa, Arona soga olmmoš, galgá mannat levilaččaid fárrui go sii čogget logádasaid, ja levilaččat galget buktit logádasaid logádasa Ipmileamet vissui, vuorkáviesu gámmáriidda. 39
10,39
2 Muit 31,11č
Daidda gámmáriidda israellaččat ja levilaččat galget buktit attáldagaid gortnis, viinnis ja oljjus. Doppe leat bassibáikki lihtit ja bálvaleaddji báhpaid, uksafávttaid ja lávluid biergasat. Mii eat oaččo goaridit Ipmileamet tempela.

11

Jerusalema ja Juda ássit

111Álbmoga oaivámuččat ásse Jerusalemii. Earát fas vuorbádedje, gosa sii galge ássat. Logádas galggai ássat Jerusalemii, bassi gávpogii, ja ovcci logádasa eará gávpogiidda. 2Álbmot rámidii olbmáid geat ledje miehtásat ássat Jerusalemii.

3

11,3
1 Muit 9,4eč
Dás logahallojuvvojit dat Juda provinssa bearašoaivámuččat geat ásse Jerusalemis. Maiddái eará Juda gávpogiin ásse israellaččat ja sin gaskkas báhpat, levilaččat, tempelbálvaleaddjit ja Salomo bálvaleddjiid mánát, guhtege iežas eatnamis ja iežas gávpogis. 4Jerusalemis ásse dát Juda ja Benjamina čearddaid olbmát: Juda čearddas: Ataja, Ussia bárdni, Peresa sogas; su áddjá lei Sakarja, gean áhčči lei Amarja, su Šefatja ja su Mahalalel. 5Su lassin Maaseja, Baruka bárdni, Šela sogas; su áddjá lei Kol-Hose, gean áhčči lei Hasaja, su Adaja, su Jojarib ja su Sakarja. 6Peresa sogas Jerusalemis ásse oktiibuot njeallječuođiguhttalogigávcci vearjoolbmá.

7Benjamina čearddas: Sallu, Mešullama bárdni; su áddjá lei Joed, gean áhčči lei Pedaja, su Kolaja, su Maaseja, su Itiel ja su Jesaja. 8Su lassin su fuolkkit, jálus soahteolbmát, oktiibuot ovccičuođiguoktelogigávcci olbmá. 9Daid benjaminlaččaid oaivámuš geat ásse Jerusalemis, lei Joel, Sikri bárdni, ja gávpoga vuolit oaivámuš lei Juda, Hassenua bárdni.

10Báhpat: Jedaja, Jojariba bárdni, Jakin 11ja Seraja, Hilkia bárdni, Ipmila tempela njunušolmmái; Seraja áddjá lei Mešullam, gean áhčči lei Sadok, su Merajot ja su Ahitub. 12Sin fuolkkit, geat bálvaledje tempelis, ledje oktiibuot gávccičuođiguoktelogiguokte. Báhpaide gulai vel Adaja, Jerohama bárdni; su áddjá lei Pelalja, gean áhčči lei Amsi, su Sakarja, su Pašhur ja su Malkia. 13Su fuolkkit, bearašoaivámuččat, ledje oktiibuot guoktečuođinjealljelogiguokte. Báhpaide gulai vel Amasai, Asarela bárdni; su áddjá lei Ahsai, gean áhčči lei Mešillemot, gean áhčči lei Immer. 14Su sogas ledje oktiibuot čuođiguoktelogigávcci olbmá, buohkat jálus soahteolbmát. Sin oaivámuš lei Sabdiel, Haggadola bárdni.

15Levilaččat: Šemaja, Haššuba bárdni; su áddjá lei Asrikam, gean áhčči lei Hašabja, gean áhčči lei Bunni. 16Šabbetai ja Josabad gulaiga levilaččaid oaivámuččaide, ja soai jođiheigga Ipmila viesu olgobargguid. 17De lei Mattanja, Mika bárdni; su áddjá lei Sabdi, gean áhčči lei Asaf. Son jođihii máidnunlávluma ja lávllui giittussálmma rohkadusa oktavuođas. De lei vel su fuolki Bakbukja, su sadjásaš, ja Abda, Šammua bárdni; Abda áddjá lei Galal, gean áhčči lei Jedutun. 18Bassi gávpogis ledje oktiibuot guoktečuođigávcciloginjeallje levilačča.

19Uksafávttat: Akkub, Talmon ja sudno virgeguoimmit geat fáktejedje poarttaid, oktiibuot čuođičiežalogiguokte. 20Eará israellaččat, báhpat ja levilaččat ásse buot eará Juda gávpogiin, guhtege iežas árbeeatnamis. 2111,21 Ofel >3,27.Tempelbálvaleaddjit ásse Ofelis, ja Siha ja Gišpa leigga sin njunnošat. 22Levilaččaid hoavda Jerusalemis lei Ussi, Bani bárdni; su áddjá lei Hašabja, gean áhčči lei Mattanja, gean áhčči lei Mika. Son gulai Asafa bártniide geat lávlo tempela ipmilbálvalusain. 23Sin várás gonagas lei addán gohččuma mii mearridii lávluid beaivválaš bargguid. 24Gonagasa veahkkin buot áššiin mat guske álbmogii, lei Petahja, Mešesabela bárdni, gii gulai Seraha, Juda bártni, nállái.

25Muhtumat Juda čeardda olbmuin ásse giliin maid birra ledje bealddut: Kirjat Arbas ja dan birasgiliin, Dibonis ja dan birasgiliin, Jekabseelis ja dan birasbáikkiin, 26Ješuas, Moladas ja Bet-Peletis, 27Hasar Šualis, Beer Šebas ja dan birasgiliin, 28Siklagis, Mekonas ja dan birasgiliin, 29En-Rimmonis, Soras ja Jarmutis, 30Sanoahis, Adullamis ja dan lagaš giliin, Lakišis ja dan lagaš bealdduin ja Asekas ja dan birasgiliin. Sin ássanguovlu olii Beer Šeba rájes Hinnomleagi rádjái.

31Benjamina čeardda olbmot ásse Gebas, Mikmasis, Ajas ja Betelis ja dan birasgiliin, 32Anatotis, Nobis ja Ananjas, 33Hasoris, Ramas ja Gittajimis, 34Hadidis, Seboimis ja Neballatis, 35Lodis, Onos ja Ge-Haharašimis. 36Muhtun levilaččaid juhkosat sirdojuvvojedje Judas Benjaminii.