Álbmot dovddasta suttuidis

9¹9,1 horsta … oaivvi alde morraša dahje gáhtamuša mearkan. ▶ moraštanvierut.Seammá mánu guokteloginjealját beaivvi israellaččat čoagganedje fástudit, horsta gárvun ja muolda oaivvi alde. ²Dat geat gulle Israela álbmogii, čulde iežaset buot vierrásiin, ja de sii dovddastedje iežaset suttuid ja áhčiideaset vearredaguid. ³Beaivvi njealjádasa sii čužžo iešguhtege sajistis ja lohke girjjis Hearrá, Ipmileaset, lága. Nuppi njealjádasa sii dovddastedje suttuideaset ja rohkadalle Hearrá, Ipmileaset. ⁴Ješua, Bani, Kadmiel, Šebanja, Bunni, Šerebja, Bani ja Kenani manne levilaččaid aládassii ja čurvo alla jienain Hearrá, Ipmileaset. ⁵De dadje levilaččat Ješua, Kadmiel, Bani, Hašabneja, Šerebja, Hodia, Šebanja ja Petahja: “Čuožžilehket máidnut Hearrá, Ipmileattet, guhte lea agálašvuođas agálašvuhtii!”

Máidnojuvvon lehkos

du hearvás namma,

dat lea aliduvvon buot máidnuma

ja rámádusa badjel.

⁶

Don leat sivdnidan almmi,

almmiid almmi ja buot dan veaga,

eatnama ja buot mii das lea,

mearaid ja buot mii dain lea.

Don ealihat buot,

ja almmiveahka rohkadallá du.

⁷

Don válljejit Abrama,

buktet su Uras Kaldeas

ja addet sutnje nama Abraham.

⁸

Don dahket suinna lihtu,

lohpidit addit su nállái

eatnama mii gulai kanaanlaččaide,

hetlaččaide, amorlaččaide, perisselaččaide,

jebuslaččaide ja girgašlaččaide.

Ja don dollet iežat lohpádusa,

dasgo don leat oskkáldas.

⁹

vártnuhisvuođa Egyptas,

don gullet sin čuorvasa Ruksesmeara gáttis.

¹⁰Don dahket mearkkaid

ja oavdudaguid faraoi,

su bálvaleddjiide ja su eatnama álbmogii,

dasgo don oidnet sin čeavlás meanuid

min áhčiid vuostá.

Nu don dahket alccesat nama

mii beaggá ain odnege.

¹¹

ja sii rasttildedje meara goikása mielde.

Muhto daid geat doarrádalle sin,

don suhppejit čiekŋalassii

dego geađggi veagalaš čáziide.

¹²

ihkku don diktet dollabácci čuvget

geainnu man sii johte.

¹³

don sárdnot singuin almmis,

addet sidjiide rivttes njuolggadusaid

ja luohtehahtti lágaid,

buriid gohččumiid ja báhkkomiid.

¹⁴Don almmuhit sidjiide

iežat bassi sabbaha,

ja don addet sidjiide báhkkomiid,

njuolggadusaid ja lágaid

du bálvaleaddji Mosesa bokte.

¹⁵

go sii nelgo,

don diktet čázi golgat bávttis,

go sii goike.

Don gohččot sin mannat váldit oapmineaset

eatnama maid ledjet vurdnon

addit sidjiide.

¹⁶Muhto min áhčit ledje

čeavlát ja nággárat,

eai sii guldalan du báhkkomiid.

¹⁷

oavdduid maid don ledjet dahkan sidjiide.

Sii nággárušše ja mearridedje

máhccat Egypta šlávvavuhtii.

Muhto don attát ándagassii,

don leat árbmugas ja váibmoláđis Ipmil,

don leat guhkesmielalaš

ja du buorrevuohta lea stuoris,

don it hilgon sin.

¹⁸

ja dadje: “Dát lea du Ipmil

guhte doalvvui du eret Egyptas.”

Sii bilkidedje du sakka.

¹⁹

don it dattetge guođđán sin meahccái.

Balvabázzi ii gáidan sis beaivet,

muhto čájehii sidjiide geainnu,

iige dollabázzi gáidan sis ihkku,

muhto čuvgii sidjiide geainnu man johtit.

²⁰

don addet sidjiide manna borrat

ja čázi, go sii goike.

²¹

njealljelogi jagi meahcis,

ii sis váilon mihkkege.

Sin biktasat eai nohkan

eaige juolggit bohtanan.

²²

álbmogiid ja riikkaid

ja dahket daid sin rádjeeanamin.

Sii válde eatnamiid

mat gulle Sihonii, Hešbona gonagassii,

ja Ogii, Bašana gonagassii.

²³

nu ollu go almmis leat násttit.

Don buktet sin eatnamii

maid ledjet lohpidan

sin áhčiide.

²⁴Ja mánát válde eatnama oapmineaset.

Don vuolidit sin ovddas kanaanlaččaid,

eatnama ássiid,

ja addet sin gihtii

gonagasaid ja eatnama olbmuid,

sii besse dahkat sidjiide maid dáhtto.

²⁵

ja šattolaš eatnamiid.

Sii válde viesuid maid dievva ledje

buorit gálvvut,

čullojuvvon arvegáivvuid ja viidnegárddiid,

oliivagárddiid ja šattosmuoraid eatnatvuođa.

Sii borre, gallánedje ja buido,

sii návddašedje du stuorra attáldagaid.

²⁶

ja vuostálastigohte du,

sii jorgaledje du láhkii selggiid.

Sii godde du profehtaid

geat nuktaledje sin

jorgalit fas du lusa,

sii bilkidedje du sakka.

²⁷

ja sii sorde sin.

Dalle sii čurvo du heađis

ja áŧestusas,

ja don gullet sin albmái.

Stuorra váibmoláđisvuođastat

don vuolggahit sidjiide bestiid

geat beste sin vašálaččaid gieđas.

²⁸Muhto go sii ledje ožžon ráfi,

de sii ohpit dahke

dan maid don atnet bahán.

Don addet sin vašálaččaid gihtii

geat ráđđejedje sin.

Muhto go sii fas čurvo du,

de don gullet dan albmái,

ja stuorra váibmoláđisvuođastat

don gádjot sin eatnat gerddiid.

²⁹

jorgalit doallat du lága,

muhto sii ledje čeavlát

eaige guldalan du báhkkomiid.

Sii suddudedje du lágaid vuostá

mat addet eallima daidda geat dollet daid.

Vuosteháguin sii jorgaledje selggiid,

sii ledje nággárat eaige dáhtton guldalit.

³⁰Don gierddahallet sin eatnat jagiid,

vuoiŋŋainat don várrejit sin

ja diktet iežat profehtaid nuktalit sin,

muhto sii eai dáhtton guldalit.

De don addet sin vierroálbmogiid gihtii,

³¹

don it duššadan sin áibbas

itge guođđán sin,

dasgo don leat árbmugas ja váibmoláđis Ipmil.

³²Ja dál, min Ipmil, don stuorra,

veagalaš ja hirbmatlaš Ipmil

guhte doalat lihtu ja bisuhat árpmu,

ale loga smávisin

buot dan áŧestusa mii lea deaividan min

– min gonagasaid ja oaivámuččaid,

min báhpaid ja profehtaid,

min áhčiid ja oppa du álbmoga –

Assyria gonagasaid beivviid rájes

gitta dán beaivvi rádjái.

³³

juohke áššis mii lea deaividan min,

don leat leamaš oskkáldas

vaikko mii leat eallán ipmilmeahttumit.

³⁴

min báhpat ja áhčit

eai doallan du lága,

sii eai guldalan du báhkkomiid

eaige várrehusaid

maid don addet sidjiide.

³⁵Vaikko sii ásse iežaset riikkas

ja sis ledje buot buorit

maid don ledjet addán sidjiide,

viiddis ja šattolaš eatnamis

maid don ledjet addán sidjiide oapmin,

de sii eai bálvalan du

eaige jorgalan bahás vádjolusasteaset.

³⁶Dál mii leat šlávat.

Eatnamis maid don addet min áhčiide

vai sii beasašedje návddašit dan šaddosiid

ja buriid attáldagaid,

das mii leat dál šlávvan.

³⁷Eatnama valljugas šaddu

manná dál gonagasaide

geaid gihtii don leat addán min

min suttuid dihte.

Sii ráđđejit min rupmaša ja min omiid

aiddo nugo dáhttot.

Mii leat stuorra heađis.

Álbmot lohpida doallat lága

³⁸Buot dán dihte mii dahkat duođalaš lohpádusa, ja min oaivámuččat, levilaččat ja báhpat seailidit dan iežaset seaillain.

10¹Áššegirjjis ledje dáid olbmuid namat:

Eatnanhearrá Nehemja, Hakalja bárdni, ja Sidkia, ²Seraja, Asarja, Jeremia, ³Pašhur, Amarja, Malkia, ⁴Hattuš, Šebanja, Malluk, ⁵Harim, Meremot, Obadja, ⁶Daniel, Ginneton, Baruk, ⁷Mešullam, Abia, Mijamin, ⁸Maaša, Bilgai, Šemaja. Dát ledje báhpat.

⁹Levilaččat: Ješua, Asanja bárdni, Binnui Henadada sogas ja Kadmiel ¹⁰ja sin virgeguoimmit Šebanja, Hodia, Kelita, Pelaja, Hanan, ¹¹Mika, Rehob, Hašabja, ¹²Sakkur, Šerebja, Šebanja, ¹³Hodia, Bani ja Beninu.

¹⁴Álbmoga oaivámuččat: Paroš, Pahat-Moab, Elam, Sattu, Bani, ¹⁵Bunni, Asgad, Bebai, ¹⁶Adonia, Bigvai, Adin, ¹⁷Ater, Hiskia, Assur, ¹⁸Hodia, Hašum, Besai, ¹⁹Harif, Anatot, Nebai, ²⁰Magpiaš, Mešullam, Hesir, ²¹Mešesabel, Sadok, Jaddua, ²²Pelatja, Hanan, Anaja, ²³Hosea, Hananja, Hašub, ²⁴Halloheš, Pilha, Šobek, ²⁵Rehum, Hašabna, Maaseja, ²⁶Ahia, Hanan, Anan, ²⁷Malluk, Harim ja Baana.

²⁸Buot earát – báhpat, levilaččat, uksafávttat, lávlut, tempelbálvaleaddjit ja buohkat geat ledje čuoldán iežaset vieris álbmogiin ja dáhtto vádjolit Ipmila lága mielde, ja maiddái sin áhkát, bártnit ja nieiddat, buohkat geat nagadedje ipmirdit – ²⁹

³⁰

³⁴

³⁵Mii lohpidit buktit juohke jagi Hearrá vissui min eatnama álgošattu ja buotlágán muoraid álgošattu. ³⁶

Jerusalema ja Juda ássit

11¹Álbmoga oaivámuččat ásse Jerusalemii. Earát fas vuorbádedje, gosa sii galge ássat. Logádas galggai ássat Jerusalemii, bassi gávpogii, ja ovcci logádasa eará gávpogiidda. ²Álbmot rámidii olbmáid geat ledje miehtásat ássat Jerusalemii.

³

⁷Benjamina čearddas: Sallu, Mešullama bárdni; su áddjá lei Joed, gean áhčči lei Pedaja, su Kolaja, su Maaseja, su Itiel ja su Jesaja. ⁸Su lassin su fuolkkit, jálus soahteolbmát, oktiibuot ovccičuođiguoktelogigávcci olbmá. ⁹Daid benjaminlaččaid oaivámuš geat ásse Jerusalemis, lei Joel, Sikri bárdni, ja gávpoga vuolit oaivámuš lei Juda, Hassenua bárdni.

¹⁰Báhpat: Jedaja, Jojariba bárdni, Jakin ¹¹ja Seraja, Hilkia bárdni, Ipmila tempela njunušolmmái; Seraja áddjá lei Mešullam, gean áhčči lei Sadok, su Merajot ja su Ahitub. ¹²Sin fuolkkit, geat bálvaledje tempelis, ledje oktiibuot gávccičuođiguoktelogiguokte. Báhpaide gulai vel Adaja, Jerohama bárdni; su áddjá lei Pelalja, gean áhčči lei Amsi, su Sakarja, su Pašhur ja su Malkia. ¹³Su fuolkkit, bearašoaivámuččat, ledje oktiibuot guoktečuođinjealljelogiguokte. Báhpaide gulai vel Amasai, Asarela bárdni; su áddjá lei Ahsai, gean áhčči lei Mešillemot, gean áhčči lei Immer. ¹⁴Su sogas ledje oktiibuot čuođiguoktelogigávcci olbmá, buohkat jálus soahteolbmát. Sin oaivámuš lei Sabdiel, Haggadola bárdni.

¹⁵Levilaččat: Šemaja, Haššuba bárdni; su áddjá lei Asrikam, gean áhčči lei Hašabja, gean áhčči lei Bunni. ¹⁶Šabbetai ja Josabad gulaiga levilaččaid oaivámuččaide, ja soai jođiheigga Ipmila viesu olgobargguid. ¹⁷De lei Mattanja, Mika bárdni; su áddjá lei Sabdi, gean áhčči lei Asaf. Son jođihii máidnunlávluma ja lávllui giittussálmma rohkadusa oktavuođas. De lei vel su fuolki Bakbukja, su sadjásaš, ja Abda, Šammua bárdni; Abda áddjá lei Galal, gean áhčči lei Jedutun. ¹⁸Bassi gávpogis ledje oktiibuot guoktečuođigávcciloginjeallje levilačča.

¹⁹Uksafávttat: Akkub, Talmon ja sudno virgeguoimmit geat fáktejedje poarttaid, oktiibuot čuođičiežalogiguokte. ²⁰Eará israellaččat, báhpat ja levilaččat ásse buot eará Juda gávpogiin, guhtege iežas árbeeatnamis. ²¹11,21 Ofel >3,27.Tempelbálvaleaddjit ásse Ofelis, ja Siha ja Gišpa leigga sin njunnošat. ²²Levilaččaid hoavda Jerusalemis lei Ussi, Bani bárdni; su áddjá lei Hašabja, gean áhčči lei Mattanja, gean áhčči lei Mika. Son gulai Asafa bártniide geat lávlo tempela ipmilbálvalusain. ²³Sin várás gonagas lei addán gohččuma mii mearridii lávluid beaivválaš bargguid. ²⁴Gonagasa veahkkin buot áššiin mat guske álbmogii, lei Petahja, Mešesabela bárdni, gii gulai Seraha, Juda bártni, nállái.

²⁵Muhtumat Juda čeardda olbmuin ásse giliin maid birra ledje bealddut: Kirjat Arbas ja dan birasgiliin, Dibonis ja dan birasgiliin, Jekabseelis ja dan birasbáikkiin, ²⁶Ješuas, Moladas ja Bet-Peletis, ²⁷Hasar Šualis, Beer Šebas ja dan birasgiliin, ²⁸Siklagis, Mekonas ja dan birasgiliin, ²⁹En-Rimmonis, Soras ja Jarmutis, ³⁰Sanoahis, Adullamis ja dan lagaš giliin, Lakišis ja dan lagaš bealdduin ja Asekas ja dan birasgiliin. Sin ássanguovlu olii Beer Šeba rájes Hinnomleagi rádjái.

³¹Benjamina čeardda olbmot ásse Gebas, Mikmasis, Ajas ja Betelis ja dan birasgiliin, ³²Anatotis, Nobis ja Ananjas, ³³Hasoris, Ramas ja Gittajimis, ³⁴Hadidis, Seboimis ja Neballatis, ³⁵Lodis, Onos ja Ge-Haharašimis. ³⁶Muhtun levilaččaid juhkosat sirdojuvvojedje Judas Benjaminii.