Davvisámegiel Biibbal 2019 (Biibbal)
8

Jesus galleha njealljeduhát olbmo

81De ledje fas ollu olbmot boahtán čoahkkái iige sis lean mihkkege borramuššan. De Jesus rávkkai lusas máhttájeddjiidis ja celkkii: 28,2 árkkášan njuorrasit >1,41.“Mun árkkášan njuorrasit dáid olbmuid. Sii leat leamaš mu luhtte juo golbma beaivvi, iige sis leat mihkkege borramuššan. 3Jos mun luoittán sin vuolgit borakeahttájin ruoktot, de sii vuoimmehuvvet mátkkis. Muhtumat sis leat boahtán guhkkin.” 4Máhttájeaddjit dadje sutnje: “Mo dáppe meahcis sáhttá fidnet nu ollu láibbi ahte dat galleha dáid buohkaid?” 5Jesus jearai: “Galle láibbi dis leat?” Sii vástidedje: “Čieža.” 6Jesus gohčui olbmuid čohkánit eatnamii. De son válddii dan čieža láibbi, giittii, doadjalii láibbiid ja attii máhttájeddjiide. Máhttájeaddjit juogadedje daid dasto álbmogii. 7Sis ledje maid moadde smávva guoláža. Jesus buressivdnidii guolážiid ja gohčui daidge juogaduvvot. 8Olbmot borre ja gallánedje, ja báhcán bihtát čohkkejuvvojedje čieža veaddelihti dievva. 9Das ledje lahka njealljeduhát olbmo. Go Jesus lei luoitán sin mannat ruoktot, 108,10 Dalmanuta soaitá leat seammá gávpot go Magdala.de son dallán lávkii máhttájeddjiidisguin fatnasii ja manai Dalmanuta guovlluide.

Farisealaččat gáibidit mearkka

11

8,11
Matt 12,31
Luk 11,16
Joh 6,30č
Farisealaččat bohte ja ákkastallagohte Jesusiin. Geahččalan dihte su sii dáhtto sus mearkka almmis. 12Jesus šuohkihii lossadit ja celkkii: “Manne dát buolva gáibida mearkka? Duođaid, mun cealkkán didjiide: Dán bulvii ii addojuvvo mearka.” 13De son vulggii sin luhtte, lávkii fas fatnasii ja manai nuppi beallái jávrri.

Láibi ja suvrradáigi

14Máhttájeaddjit ledje vajáldahttán váldimis mielde láibbi; sis lei dušše okta láibi fatnasis. 15

8,15
Luk 12,1
8,15 Herodes Herodes Antipas. >6,14.Jesus rávvii sin: “Váruhehket farisealaččaid ja Herodesa suvrradáiggis!” 16Muhto sii dadje guhtet guimmiidasaset ahte sis ii lean láibi. 17
8,17
6,52
Jesus fuomášii dan ja celkkii: “Manne dii dadjabehtet ahte dis ii leat láibi? Ehpetgo dii veláge árvit ehpetge ádde maidege? Leago din váibmu nu buššon? 18
8,18
Jer 5,21
Esek 12,2
Mark 4,12+
Dishan leat čalmmit, ehpetgo dii oainne? Dishan leat bealjit, ehpetgo dii gula? Ja ehpetgo dii muitte: 19
8,19
6,41eč
Go mun doadjalin dan vihtta láibbi vihttaduhát olbmui, de galle veaddelihti dievva báhcán láibebihtáid dii čohkkiidet?” Sii vástidedje: “Guoktenuppelohkái.” 20
8,20
8,8č
“Ja go mun doadjalin dan čieža láibbi njealljeduhát olbmui, de galle veaddelihti dievva láibebihtáid dii dalle čohkkiidet?” Sii vástidedje: “Čieža.” 21Jesus celkkii sidjiide: “Ehpetgo dii veláge ádde?”

Jesus buorida čalmmeheami Betsaidas

22Sii bohte Betsaidai. Doppe muhtumat bukte Jesusa lusa čalmmehis olbmo ja sihte Jesusa guoskkahit su. 23

8,23
5,23Joh 9,6
8,23 čolgadii >7,33.Jesus válddii čalmmeheami gihtii ja láidii su gávpoga olggobeallái. De son čolgadii olbmá čalmmiide, bijai gieđaid su čalmmiid ala ja jearai: “Oainnátgo maidege?” 24Olmmái rabastii čalmmiid ja dajai: “Mun oainnán olbmuid – oainnán dego muoraid, muhto dat váccašit.” 25Jesus bijai fas gieđaid su čalmmiid ala, ja dalle olbmá oaidnu čielggai. Son lei ollásit buorránan ja oinnii čielgasit visot. 26Jesus vuolggahii su ruoktot ja celkkii: “Ale oppa finage gávpogis.”

Petera dovddastus

27Jesus ja su máhttájeaddjit vulge Kaisarea Filippi birasbáikkiide. Go sii ledje mátkkis dohko, de son jearai máhttájeddjiin: “Geanin olbmot dadjet mu?” 28

8,28
6,14č
Sii vástidedje: “Muhtumat Johannes gásttašeaddjin, soapmásat Elian, earrásatgis dadjet ahte don leat muhtun profehtain.” 29
8,29
Matt 14,33
Joh 6,69
11,27
1 Joh 4,15
8,29 Messias beastigonagas gean juvddálaččat vurde. ▶ Messias.Jesus jearai: “Naba dii, geanin dii dadjabehtet mu?” Peter vástidii sutnje: “Don leat Messias.” 30
8,30
1,44+
Muhto Jesus gilddii sin garrasit muitaleames iežas birra geasage.

Jesus einnosta iežas jápmima

31

8,31
Hos 6,2
Matt 16,21Mark 9,1231
10,33č
8,31 bajimusbáhpat Jerusalema alimus báhpat. ▶ bajimusbáhppa. golmma beaivvi geažes Dán lohkanvuogi mielde rehkenastojuvvojit sihke dat beaivi go Jesus jápmá ja dat beaivi go son bajásčuožžila.Dasto Jesus oahpahišgođii sidjiide ahte Olbmobárdni ferte gillát ollu. Álbmoga vuorrasat, bajimusbáhpat ja čáloahppavaččat hilgot su, ja son goddojuvvo, muhto golmma beaivvi geažes son čuožžila jábmiid luhtte. 32Dan son muitalii rahpasit. Dalle Peter válddii su sierra ja cuiggodišgođii su. 33Muhto Jesus jorggihii, geahčai máhttájeddjiidasas ja cuiggodii Petera: “Gáidda mu ovddas, Sáhtán! Du jurdagat eai leat Ipmila, muhto olbmuid jurdagat.”

Jesusa čuovvun

34

8,34
Matt 10,38č
Luk 14,27
8,34 váldit iežas ruossa čujuha virrui ahte olmmoš gii russiinávlejuvvui ieš guttii doaresmuora steavlidanbáikái. Gč. Joh 19,17.Jesus rávkkai lusas olbmuid ja máhttájeddjiidis ja celkkii sidjiide: “Jos guhtege dáhttu vádjolit mu luottaid, de son galgá biehttalit iežas, váldit iežas ruossa ja čuovvut mu. 35Dasgo dat gii dáhttu gádjut iežas eallima, massá dan, muhto dat gii massá iežas eallima mu ja evangeliuma dihte, gádju dan. 36Mii ávkkiid das lea olbmui jos son vuoitá alccesis oppa máilmmi, muhto massá iežas sielu? 37Mainna olmmoš sáhttá oastit iežas sielu ruoktot? 38
8,38
Matt 10,3325,31+
Guhte dán oskkáldasmeahttun ja suttolaš buolvvas heahpana mu ja mu sániid dihte, su dihte Olbmobárdnige heahpana, go son boahtá Áhčis hearvásvuođas bassi eŋgeliiguin.”

9

91

9,1
13,30
Son celkkii vel: “Duođaid, mun cealkkán didjiide: Muhtumat dain geat leat čuožžumin dás, eai muosát jápmima ovdal go oidnet ahte Ipmila riika lea boahtán fámuin.”

Máhttájeaddjit oidnet Jesusa hearvásvuođa

2

9,2
5,37+
Guđa beaivvi geažes Jesus válddii mielddis Petera, Jakoba ja Johannesa ja doalvvui sin alla várrái gos sii ledje oktonassii. Doppe su hápmi nuppástuvai sin oaidnut, 3ja su biktasat šadde nu čeaskadin ahte ii oktage báidni eatnama alde máhte vilggodahttit daid nu čeaskadin. 4Sidjiide almmustuvai Elia ja suinna Moses, ja soai sártnodeigga Jesusiin. 59,5 Rabbi juvddálaš čáloahppavaččaid árvonamma. Gč. Joh 1,38.De Peter celkkii Jesusii: “Rabbi, lea buorre ahte mii leat dáppe. Mii dahkat dása golbma goađi: dutnje, Mosesii ja Eliai.” 6Son ii diehtán maid dajašii, danne go sii ledje sakka suorganan. 7
9,7
5 Mos 18,15
Matt 3,17Mark 1,11
De bođii balva mii suoivvanasttii sin, ja balvvas gullui jietna: “Dát lea mu ráhkis Bárdni. Guldalehket su!” 8Ja fáhkkestaga, go sii geahčastedje birra, de sii eai oaidnán das šat ovttage earret Jesusa okto.

9

9,9
1,44+
Go sii ledje njiedjamin váris, de Jesus gilddii sin muitaleames geasage maid sii ledje oaidnán, ovdal go Olbmobárdni lea čuožžilan jábmiid luhtte. 10Sii vurkejedje Jesusa sániid ja árvaladde gaskaneaset maid bajásčuožžileapmi jábmiid luhtte mearkkaša. 11
9,11
Mal 4,5
9,11 Elia >6,15.Sii jerre Jesusis: “Manne čáloahppavaččat dadjet ahte Elia ferte vuos boahtit?” 12
9,12
Jes 53,3č
Son vástidii: “Elia boahtáge vuos ja ráhkada buot gárvvisin. Muhto manne de lea čállojuvvon Olbmobártni birra ahte son badjelgehččojuvvo ja šaddá gillát ollu? 13
9,13
Matt 11,14
Mun cealkkán didjiide ahte Elia lea juo boahtán, ja sii dahke sutnje maid áigo, nugo lea čállojuvvon su birra.”

Jesus ádjá olggos bahás vuoiŋŋa

14Go Jesus ja dát golmmas máhcce eará máhttájeddjiid lusa, de sii oidne ollu olbmuid máhttájeddjiid birra ja muhtun čáloahppavaččaid nákkáhallamin singuin. 15Go olbmot áice Jesusa, de sii dohppehalle ballui. Sii viehkaledje su lusa ja dearvvahedje su. 16Jesus jearai sis: “Mas dii nákkáhallabehtet?” 17Muhtun olmmái álbmogis vástidii: “Oahpaheaddji, mun bukten du lusa bárdnán geas lea gielahis vuoigŋa. 18Dat dohppe su gos ihkinassii. Dat bálkesta su veallut, ja son soalssida, gáská bániid ja stirdu. Mun sihten du máhttájeddjiid ádjit dan olggos, muhto sii eai nagodan dan dahkat.” 19Dalle Jesus vástidii: “Vuoi dán eahpeoskkolaš buolvva! Man guhká mun vel ferten leat din gaskkas? Man guhká šattan gierdat din? Buktet bártni mu lusa.” 20Sii bukte bártni Jesusa lusa. Go vuoigŋa oinnii Jesusa, de dallánaga dat gaikugođii bártni nu ahte son gahčai, fieradii eatnamis ja soalssidii. 21Jesus jearai bártni áhčis: “Man guhká son lea leamaš diekkár?” Áhčči vástidii: “Dan rájes go lei uhcci. 229,22 Árpmit min >1,41.Vuoigŋa lea máŋgii bálkestan su sihke dollii ja čáhcái vai beassá goddit su. Árpmit min ja veahket, jos veaját maidege!” 23

9,23
11,23č
Jesus celkkii sutnje: “Jos veaján? Buot lea vejolaš dasa gii osku.” 24Dallánaga bártni áhčči čurvii: “Mun oskkun! Veahket mu mu eahpeoskkus!” 25Go Jesus oinnii ain eambbo olbmuid čoahkkaneamen dasa, de son šikkui buhtismeahttun vuoiŋŋa ja celkkii: “Gielahis ja bealjehis vuoigŋa, mun gohčun du: Vuolgge olggos bártnis alege goassege šat mana sutnje!” 26
9,26
1,26
Dalle vuoigŋa huikkii, gaikkui bártni sakka ja vulggii sus olggos. Bárdni šattai dego jábmin, ja eatnagat dadje: Dál son jámii. 27Muhto Jesus válddii su gihtii ja veahkehii su čuoččahit, ja son čuožžilii.

28Go Jesus lei boahtán vissui ja dušše su máhttájeaddjit ledje das, de sii jerre sus: “Manne mii eat veadján ádjit vuoiŋŋa olggos bártnis?” 29Son vástidii: “Dán šlája ii sáhte ádjit olggos muđui go rohkadusain.” 9,29 Ođđaset giehtačállosat lasihit: “ja fástudemiin.”

Jesus einnosta fas iežas jápmima

30Sii vulge doppe ja vádjoledje Galilea čađa. Jesus ii dáhtton earáid diehtit dan, 31

9,31
Hos 6,2
Matt 16,21Mark 8,31
10,33č
9,31 golmma beaivvi geažes >8,34.danne go son lei oahpaheamen máhttájeddjiidis. Son celkkii sidjiide: “Olbmobárdni addojuvvo olbmuid gihtii, ja sii goddet su, muhto golmma beaivvi geažes son čuožžila jábmiid luhtte.” 32Máhttájeaddjit eai ádden maid son oaivvildii sániidisguin, muhto eai arvan jearrat sus.

Gii lea stuorimus?

33Sii jovde Kapernaumii. Go Jesus lei boahtán ruoktot, de son jearai máhttájeddjiin: “Maid dii sártnodeiddet gaskaneattet mátkkis?” 34Muhto sii orro jávohaga, dasgo sii ledje nákkáhallan das guhtemuš sis lea stuorimus. 35

9,35
10,43č
Jesus čohkánii, rávkkai lusas dan guoktenuppelohkása ja celkkii sidjiide: “Jos guhtege dáhttu leat vuosttamuš, de son ferte leat maŋimuš ja buohkaid bálvaleaddji.” 36De son divui sin gaskii máná, fátmmastii dan ja celkkii sidjiide: 37
9,37
Matt 10,40
Luk 10,16
Joh 13,20
“Gii mu nammii váldá lusas dákkár máná, dat váldá lusas mu. Ja gii váldá lusas mu, dat ii váldde lusas mu muhto su gii mu lea vuolggahan.”

Min beali dahje min vuostá

38Johannes dajai sutnje: “Oahpaheaddji, mii oinniimet muhtuma ádjimin olggos bahás vuoiŋŋaid du nammii. Mii gilddiimet su dan dihte go son ii čuovo min.” 39

9,39
1 Kor 12,3
Muhto Jesus vástidii: “Allet gieldde su. Ii oktage gii dahká oavddu mu nammii, sáhte dalán sárdnut baháid mu birra. 40
9,40
Matt 12,30
Gii ii leat min vuostá, dat lea min beali.

Várrehus vearránusain ja jorralemiin

41

9,41
Matt 10,42
9,41 Kristusii >1,1; 8,29.Duođaid, mun cealkkán didjiide: Gii addá didjiide guvssi dievva čázi juhkat dan dihte go dii gullabehtet Kristusii, dat oažžu jur vissásit bálkkás. 42Muhto jos guhtege vearránahttá ovtta dáin uhcahaččain geat oskot munnje, de sutnje livččii buoret ahte son bálkestuvvošii merrii millogeađgi čeabehis.

43

9,43
Matt 5,30
9,43 helvehii loahpaáiggi ráŋggáštanbáiki. ▶ helvet.Jos du giehta vearránahttá du, de čuohpa dan gaskat. Buoret lea beassat eallimii rámbin go atnit goappašiid gieđaid ja mannat helvehii, čáskatmeahttun dollii, 449,44.46 gos … čáskka Dát vearssat váilot boarráseamos giehtačállosiin. Vrd. v. 48 ja Jes 66,24.gos máhtu ii jáme iige dolla čáskka. 45Jos du juolgi vearránahttá du, de čuohpa dan gaskat. Buoret lea beassat eallimii skierbmán go atnit goappašiid julggiid ja mannat helvehii 46gos máhtu ii jáme iige dolla čáskka. 47
9,47
Matt 5,29
Jos du čalbmi vearránahttá du, de bálkes dan luhtát. Buoret lea beassat čalbmebeallin Ipmila riikii go atnit goappašiid čalmmiid ja bálkestuvvot helvehii 48
9,48
Jes 66,24
Matt 7,23
25,41
Jud 7
Alm 20,10
gos máhtu ii jáme iige dolla čáskka. 499,49 Dán vearssa maŋimuš oassi lea dušše ođđaset giehtačállosiin. sáltejuvvo Sálti gulai lihttui maid Ipmil lei dahkan israellaččaiguin. Gč. 3 Mos 2,13. ▶ sálti.Dasgo juohkehaš sáltejuvvo dolain, ja juohke oaffar sáltejuvvo sálttiin. 50
9,50
Matt 5,13
Rom 12,18
Kol 4,6
Sálti lea ávkkálaš. Muhto jos sálti veagahuvvá, de mo dii oažžubehtet dan fas sálttisin? Atnet sáltti alddiineattet, ja ellet ráfis guhtet guimmiideattetguin.”

10

Náittus ja earráneapmi

10110,1 Jordana don beallái >3,8.Jesus vulggii doppe ja bođii Judeai Jordana don beallái. Ollu olbmot čoagganedje fas su lusa, ja son oahpahii sin nugo láviige. 2Su lusa bohte maid muhtun farisealaččat geat jerre sus: “Leago boatnjás lohpi earránit áhkástis?” Sii dáhtto geahččalit su. 3Son vástidii sidjiide: “Makkár mearrádusaid Moses lea addán didjiide?” 4

10,4
5 Mos 24,1
Matt 5,31č
Sii dadje: “Moses suovai boatnjá čállit earrogirjji ja earránit áhkástis.” 5Dalle Jesus celkkii sidjiide: “Din váimmu garasvuođa dihte Moses čálii didjiide dán mearrádusa. 6
10,6
1 Mos 1,27
Muhto máilmmi álggus Ipmil sivdnidii sudno olmmájin ja nissonin. 7
10,7
1 Mos 2,24
Dan dihte olmmái guođđá áhčis ja eatnis ja eallá áhkáinis, 8ja dat guovttis šaddaba oktan oažžin. Soai eaba leat šat guokte; soai leaba okta oažži. 9Ja maid Ipmil lea ovttastahttán, dan ii olmmoš oaččo earuhit.”

10Go sii ledje oktonassii, de máhttájeaddjit jerre sus ođđasis dán ášši. 11

10,11
Matt 5,32
Luk 16,18
1 Kor 7,10č
Jesus celkkii sidjiide: “Gii earrána áhkástis ja náitala nuppiin, dat rihkku náitosa, 12ja jos nisson earrána boatnjástis ja náitala nuppiin, de son rihkku náittosdili.”

Jesus ja mánát

13Olbmot bukte Jesusa lusa mánáid, vai son guoskkahivččii daid, muhto máhttájeaddjit šiggo daid geat bukte mánáid. 14Go Jesus dan oinnii, de son suhtai ja celkkii sidjiide: “Diktet mánáid boahtit mu lusa, alletge hehtte sin. Dasgo Ipmila riika gullá dakkáraččaide. 15

10,15
Matt 18,3
Duođaid, mun cealkkán didjiide: Dat gii ii váldde vuostá Ipmila riikka nugo mánná, dat ii eisege beasa dan sisa.” 16Son válddii mánáid sallii, bijai gieđaid sin ala ja buressivdnidii sin.

Jesus ja rikkis olmmái

17Go Jesus lei vuolgimin doppe, de muhtun olmmái bođii viega, čippostii su ovdii ja jearai: “Buorre oahpaheaddji, maid mun galggan dahkat vai árben agálaš eallima?” 18Jesus vástidii: “Manne don gohčodat mu buorrin? Ii oktage leat buorre earret Ipmila. 19

10,19
2 Mos 20,12eč
Donhan dovddat báhkkomiid: It oaččo goddit, it oaččo rihkkut náittosdili, it oaččo suoládit, it oaččo cealkit vearreduođaštusa, it oaččo váldit nuppis dan mii lea su, gudnejahte áhčát ja eatnát.” 20Olmmái dajai sutnje: “Oahpaheaddji, buot dáid mun lean doallan nuorravuođa rájes.” 21
10,21
Matt 6,19eč
Jesus geahčai sutnje, anii su ráhkisin ja celkkii: “Okta dus váilu. Mana ja vuovdde buot mii dus lea, ja atte ruđaid gefiide, de dus lea dávvir almmis. Boađe dasto ja čuovo mu.” 22Olmmái šattai lossa millii dáid sániid dihte. Son vulggii eret morrašis, danne go sus lei ollu opmodat.

23

10,23
4,19
Jesus jorgalii, geahčai máhttájeddjiidasas ja celkkii: “Man váttis lea daidda geain lea ollu opmodat, beassat Ipmila riikii!” 2410,24 Muhtun giehtačállosat lasihit sániid: “sidjiide geat luhttet riggodahkii”.Máhttájeaddjit imaštalle su sániid, muhto son geardduhii: “Mánážiiddán, man váttis lea beassat Ipmila riikii! 25Álkit lea kamelii mannat nállošalmmi čađa go riggái beassat Ipmila riikii.” 26Máhttájeaddjit hirpmástuvve vel eambbo ja dadje guhtet guoibmáseaset: “Gii dalle sáhttá bestojuvvot?” 27
10,27
1 Mos 18,14
Job 42,2
Mark 14,36
Luk 1,37
Jesus geahčai sidjiide ja celkkii: “Olbmuide dat gal lea veadjemeahttun, muhto ii Ipmilii. Ipmilii buot lea vejolaš.”

28Dalle Peter dajai sutnje: “Nabai mii? Mii leat guođđán visot ja čuvvon du.” 29Jesus vástidii: “Duođaid, mun cealkkán didjiide: Gii ihkinassii mu ja evangeliuma dihte lea guođđán viesus, vieljaidis dahje oappáidis, eatnis, áhčis dahje mánáidis dahje bealdduidis, 30dat oažžu čuođigeardásaččat: Dán máilmmis viesuid, vieljaid ja oappáid, etniid ja mánáid ja bealdduid – muhto maiddái doarrádallamiid – ja boahtti máilmmis agálaš eallima. 31Muhto eatnat vuosttamuččat šaddet maŋimužžan ja maŋimuččat vuosttamužžan.”

Jesus einnosta vel oktii iežas jápmima

32Go sii de manne bajás Jerusalema geainnu, de Jesus manai ovddemusas. Máhttájeaddjit ledje suorganan, ja olbmot geat bohte sin maŋis, ballagohte. Dalle son válddii fas guoktenuppelohkái máhttájeaddjis sierra ja sárdnugođii sidjiide dan mii sutnje dáhpáhuvvá: 33

10,33
8,31
9,31
“Geahča, mii mannat bajás Jerusalemii, ja Olbmobárdni addojuvvo bajimusbáhpaid ja čáloahppavaččaid gihtii. Sii dubmejit su jápmimii ja addet su báhkiniid gihtii, 34
10,34
Hos 6,2
Matt 16,21+
geat bilkidit ja čolget ja spihččejit su ja goddet su. Muhto golmma beaivvi geažes son čuožžila jábmiid luhtte.”

Jesus ja Sebedeusa bártnit

35Jakob ja Johannes, Sebedeusa bártnit, bođiiga Jesusa lusa ja dajaiga: “Oahpaheaddji, moai dáhtošeimme du dahkat munnuide juoidá.” 36Jesus jearai: “Maid doai dáhttubeahtti ahte mun dagan dudnuide?” 37Soai vástideigga: “Go du hearvásvuohta boahtá, de divtte munno čohkkát iežat bálddas, nuppi olgeš ja nuppigis gurut bealde.” 38

10,38
14,36
Luk 12,50
Joh 18,11
Jesus celkkii sudnuide: “Doai eahppi dieđe maid átnubeahtti. Sáhttibeahttigo doai juhkat dan geara maid mun jugan dahje gásttašuvvot dainna gásttain mainna mun gásttašuvvon?” 39
10,39
Apd 12,2
Soai vástideigga: “De sáhtte.” Jesus celkkii sudnuide: “Dan geara maid mun jugan, doaige šaddabeahtti juhkat, ja dainna gásttain mainna mun gásttašuvvon, doaige gásttašuvvobeahtti. 40Muhto ii leat mu ášši mearridit gii čohkká mu olgeš ja gii gurut bealde. Dat sajit leat daidda geaidda dat leat mearriduvvon.”

41Go eará logis dan gulle, de sii suhtte Jakobii ja Johannesii. 42

10,42
Luk 22,25eč
Muhto Jesus rávkkai sin lusas ja celkkii: “Dii diehtibehtet ahte dat geat adnojuvvojit ráđđejeaddjin, sordet álbmogiid, ja eatnama stuorrát stivrejit daid garra gieđain. 43
10,43
Matt 23,11
Mark 9,35
Joh 13,14č
Muhto nu ii oaččo leat din gaskkas. Gii din gaskkas dáhttu šaddat stuorisin, dat galgá leat earáid bálvaleaddji, 44ja gii din gaskkas dáhttu leat vuosttamuš, dat galgá leat buohkaid šlávva. 45
10,45
1 Kor 1,620
Fil 2,5eč
1 Tim 2,6
1 Pet 1,18
10,45 lonis lei submi maid fertii máksit addit friddjavuođa olbmui gii muđui livččii áššálaš jápmit, dahje oastit luovus šláva. ▶ lonistanruhta.Ii Olbmobárdnige boahtán bálvaluvvot, muhto bálvalit ja addit heakkas lonisin eatnagiid ovddas.”

Čalmmehis Bartimeus

46Sii bohte Jerikoi. Go Jesus de vulggii gávpogis oktanaga máhttájeddjiidisguin ja ollu olbmuiguin, de geaidnoguoras čohkkái čalmmehis gearjideaddji Bartimeus, Timeusa bárdni. 4710,47 Davida bárdni vuidojuvvon beastigonagasa namma. árpmit greikkagillii eleison. >Matt 17,15. Vrd. Matt 9,27; 15,22; 20,30č; Mark 10,48; Luk 16,24; 17,13; 18,38č.Go son gulai ahte nasaretlaš Jesus lei mannamin das meaddel, de son čuorvugođii: “Jesus, Davida bárdni, árpmit mu!” 48Olusat šiggo su vai son jávohuvašii, muhto son čuorvvui vel jitnoseappot: “Davida bárdni, árpmit mu!” 49Dalle Jesus orustii ja celkkii: “Rávket su deike.” Sii manne rávkat čalmmeheami ja dadje sutnje: “Ale bala! Čuožžil, son rávká du.” 50Olmmái nuolastii oalgebiktasa, njuikii čuoččat ja bođii Jesusa lusa. 5110,51 Rabbuni seammá go Rabbi, muhto alit stiilla sátni. Gč. Joh 20,16. >9,5.Jesus jearai sus: “Maid don dáhtut ahte mun dagan dutnje?” Čalmmeheapme vástidii: “Rabbuni, daga mu oaidnin.” 52

10,52
Matt 9,22
Mark 5,34
Luk 7,50
8,48
17,19
Dalle Jesus celkkii sutnje: “Vázzil, du osku lea beastán du.” Dallánaga olmmái šattai oaidnin, ja son vádjolišgođii Jesusa mielde.