Davvisámegiel Biibbal 2019 (Biibbal)
6

Maid Hearrá gáibida?

61Gullet maid Hearrá cealká:

Čuožžil, čuoččut iežat ášši!

Lehkoset várit duođašteaddjin,

divtte dieváid gullat iežat jiena!

2Gullet Hearrá váidaga, várit,

dii eatnama agálaš vuođđudusat.

Hearrás lea ášši iežas álbmogiin,

son áigu diggot Israeliin.

3Álbmogan, maid mun lean dahkan dutnje?

Mainna mun lean váibadan du?

Vástit munnje!

4

6,4
2 Mos 15,20
Munhan bukten du Egyptas,

osten du friddjan šlávvaviesus,

vuolggahin Mosesa, Arona ja Mirjama

du oaivámužžan.

5

6,5
4 Mos 22,5eč18
23,8
24,5eč
25,1
Jos 3,1
4,19
24,9č
Álbmogan, muitte maid

Balak, Moaba gonagas, áiggui,

ale vajálduhte maid Bileam, Beora bárdni,

sutnje vástidii.

Muitte iežat mátkki Šittimis Gilgalii,

de don dovddiidat

Hearrá vuoigatlaš daguid.

6

6,6
Jes 1,11
Maid mun galggašin buktit,

go loaiddastan Hearrá ovdii,

gopmirdan almmi Ipmila ovdii?

Buvttášingo mun sutnje boaldinoaffariid,

jahkásaš gálbbiid?

7

6,7
Sál 50,13
6,7 oljojogaid oaffaruššojuvvon olju.Dáhttugo Hearrá duháhiid vierccaid,

logiidduháhiid oljojogaid?

Galggašingo mun oaffaruššat

vuosttašriegádeaddján iežan rihkkumis,

mánnán danin go suddudin?

8

6,8
5 Mos 10,12
Olmmoš, Hearráhan lea almmuhan dutnje

mii lea buorre.

Dušše dán son gáibida dus:

Daga dan mii lea vuoigat,

čájet oskkáldas ráhkisvuođa

ja vádjol vuollegaččat Ipmiliinnát.

Jerusalema duopmu

9Gullet, Hearrá rávká gávpoga!

Viissis dat gii ballá su namas.

Váldet vára, gávpoga ássit

ja mearrideaddjit!

10

6,10
3 Mos 19,36
Velá aingo dis leat

dán vearrivuođa viesus

vearrivuođain fidnejuvvon dávvirat

ja vádjigis efamihtu

maid mun lean garuhan?

11Sáhtášingo mun dohkkehit dan

ahte dii beahttibehtet veavttain

ja atnibehtet burssas

vearreveaktageđggiid?

12Du riggát leat veahkaválddálaččat,

du ássit gielástallet,

sin sánit leat behtolaččat.

13

6,13
3 Mos 26,18
Danin mun áiggun ráŋggáštit du,

duššadit du du suttuid dihte.

14

6,14
3 Mos 26,25č
Don borat, muhto it gallán;

du čoavji lea ain guorus.

Dan maid čoakkát, don it veaje várjalit,

ja dan maid fidnet várjaluvvot,

doalvu miehkki.

15

6,15
5 Mos 28,38eč
Don gilvvát, muhto it beasa láddjet,

don božát oliivvaid, muhto it beasa

vuoidat iežat oljjuin,

don duolmmat viidnemurjjiid,

muhto it beasa juhkat viinni.

16

6,16
1 Gon 16,2529č
Dii lehpet oamastan Omri ásahusaid,

Ahaba soga dagut

leamaš didjiide ovdagovvan,

seammá geainnuid dii lehpet vádjolan.

Dan dihte mun dagan du ávdimin

ja attán du ássiid hiddjiduvvot,

ja dii buohkat šaddabehtet guoddit

mu álbmoga heahpada.

7

Váidalus ja doaivu

71Vuoi mu!

Munnje lea geavvan nugo dalle

go šaddosat lea ráddjojuvvon

ja maŋimus viidnemuorjjit čoakkilduvvon:

Eai leat viidnemuorjjit borrat,

eai varas fiikonat njálbmái.

2

7,2
Sál 12,2
140,6
Hos 4,1
Oskkáldas olbmot leat jávkan eatnamis,

ii leat oktage vuoiggalaš olbmuid gaskkas.

Buohkat vuđgŋet varaid,

juohkehaš dáhttu bivdit firpmiin vieljas.

3

7,3
Sál 64,6č
Sii leat čeahpit dahkat dan mii lea bahá.

Oaivámuš gáibida duolgguid,

duopmár dubme mávssus,

fámolaš buktá ovdan iežas anistumiid;

de sii jorahit ášši nugo dáhttot.

4

7,4
Jes 22,5
Buoremus sis lea dego bastilislátnjá,

reháleamos vearrát go bastilislátnjágárdi.

Dat beaivi maid du várdájeaddjit

gulahedje, lea boahtán.

Ráŋggáštusbeaivi lea joavdan,

visot lea dušše moivi.

5

7,5
Sál 55,13eč
Jer 9,4
Ale jáhke lagamužžii,

ale dorvvas ustibii.

Várut ságaidat nissonis

gii veallá du salas.

6

7,6
Matt 10,35č
Dasgo bárdni badjelgeahččá áhčis,

nieida ceakkasta eadnásis,

mannji vuotnámasas.

Olbmá vašálaččat

leat su iežas dálu olbmot.

7

7,7
Sál 5,4
Muhto mun várdán Hearrá,

vuorddán iežan bestojumi Ipmila.

Mu Ipmil gullá mu!

Čuovga seavdnjadasas

8

7,8
Jes 9,2
Joh 8,12
Ale illut mu dihte, vašálažžan!

Vaikko mun gahččen,

de mun čuožžilan fas,

vaikko mun čohkkán seavdnjadasas,

de Hearrá lea mu čuovga.

9

7,9
Sál 43,1
Jer 50,34
7,9 su vanhurskkisvuođa Vrd. Jes 51,5; Joel 2,23.Mun lean suddudan Hearrá vuostá,

danin mun ferten gierdat su moari,

dassážii go son jođiha mu ášši

ja addá munnje vuoigatvuođa.

Son doalvu mu čuovgasii,

ja mun beasan oaidnit

su vanhurskkisvuođa.

10

7,10
Sál 42,411
Joel 2,17
Mu vašálaš oaidná dan ja heahpana,

son gii jearai mus:

“Gos lea Hearrá, du Ipmil?”

Mun beasan geahččat

go son dulbmojuvvo dego gáhta durdi.

11

7,11
Jes 26,15
Boahtá beaivi

goas du muvrrat huksejuvvojit,

goas du rájit gáidet.

12

7,12
Jes 19,18eč
Mi 4,1č
Dalle du olbmot máhccet Assyrias,

bohtet Egypta gávpogiin

– Egypta rájes gitta Eufrateanu rádjái –

mearas merrii, váris várrái.

13

7,13
3,4
Duot eatnamat šaddet ávdimin

ássiideaset dihte,

dan dihte maid sii leat dahkan.

14

7,14
5 Mos 33,28
Jer 50,19
Mi 5,3
Gozit soppiinat iežat álbmoga,

ealu mii lea du opmodat

ja ássá sierranassii gasku mehciid,

guhkkin gilvvaeatnamiin.

Doalvvo dan Bašana ja Gileada ealabáikkiide

nugo dološ áiggiid.

15Divtte min oaidnit oavdudaguid,

dego dalle go don vulget Egyptas.

16

7,16
Job 29,9
Álbmogat oidnet dan ja heahpanaddet,

vaikko leatge fámolaččat.

Sii fertejit bidjat gieđa njálmmi ovdii

ja čuožžut bealjeheapmin.

17

7,17
Sál 72,9
Jes 49,23
Sii njollot muoldda nugo gearpmaš,

dego eatnama njoammuspiret.

Sii bohtet čiehkádansajiineaset

doarggistemiin Hearrá, min Ipmila, ovdii.

Dus, Hearrá, sii suorganit ja ballet!

Ipmil, gii lea du veardásaš?

18

7,18
2 Mos 34,6č
Sál 103,38
Joel 2,13
Jona 4,2
Gii lea dakkár Ipmil go don,

guhte válddát eret vearredagu

ja attát suttu ándagassii

iežat álbmoga bázahassii?

Don it leat moaris agálaččat,

don dáhtut leat árbmugas.

19Don árpmihat min fasttain

ja sihkut min rihkkumiid.

Don bálkestat buot min suttuid

ábi čiekŋalassii.

20

7,20
1 Mos 12,2
Sál 89,3
Don čájehat oskkáldasvuođa Jakobii

ja árpmu Abrahamii,

nugo don vurdnot

min áhčiide don dološ áiggi.