Betlehemis boahtá ráfigonagas
51
Jes 9,6
11,1
Matt 2,16
Joh 1,1
7,42
5,1 Efrata Betlehema nubbi namma, dan čeardda mielde mii ásai doppe. Vrd. 1 Mos 35,16; Rut 1,2; 1 Sam 17,12. Israelii ráđđejeaddji David gulai betlehemlaš Efrata sohkii (1 Sam 17,12), ja su nális galggai boahtit boahttevaš gonagas (Messias).Don Betlehem, don Efrata,
don leat uhcimus Juda sogain!
Muhto dus mun divttán boahtit
Israelii ráđđejeaddji.
Su álgu lea dološ áiggiin,
agálašvuođa beivviin.
2
Mi 4,9č
Hearrá guođđá Israela dušše
dassážii go riegádahtti lea riegádahttán.
De israellaččaid lusa máhccet
sin vieljat geat leat báhcán.
3
Mi 4,4
Joh 10,1eč
Son čuožžila ja geahččá ealus
Hearrá fámuin,
Hearrá, su Ipmila, alla namas.
Sii besset ássat oadjebassan,
dál go su stuorisvuohta ollá
eatnama ravddaide.
4
Ef 2,14
Son lea min ráfi.
Go assyrialaččat bohtet min eatnamii
ja bahkkejit min ladniide,
de mii bidjat sin vuostá čieža báimmana,
gávcci oaivámučča.
55,5 Nimrod adnojuvvo Babylonia ja Assura gonagasválddi ásaheaddjin. Vrd. 1 Mos 10,8–12.Sii guođohit mihkiin Assyria,
rohttejuvvon vearjjuiguin Nimroda eatnama.
Son beastá min assyrialaččain,
go sii bohtet min eatnamii
ja bahkkejit min rájiid badjel.
6
Jes 4,3
Jakoba bázahas álbmogiid searvvis
lea dego Hearrá suoldni,
nugo arvečalmmit rásiin.
Dat ii dárbbaš ovttage olbmo
iige leat geange sávvamis.
7Jakoba bázahas álbmogiid searvvis,
ollu álbmogiid gaskkas,
lea dego ledjon meahci elliid gaskkas,
dego nuorra ledjon sávzaealus.
Dat falleha ja duolbmá,
dat gaikkoda, iige oktage gájo.
8Lokte gieđa vašálaččaidat vuostá,
nu ahte dat buot duššet!
9Dan beaivvi, cealká Hearrá,
mun duššadan buot du heasttaid
ja billistan du soahtevovnnaid.
10Mun duššadan
buot du eatnama gávpogiid
ja gaikkodan du ladniid.
11
Mun duššadan du noaidegoansttaid,
eaige dus leat šat mearkačilgejeaddjit.
12
Sak 13,2
Mun duššadan du ipmilgovaid
ja geađgebácciid.
Dii ehpet šat gopmir ehpetge rohkadala
dan maid dii ieža lehpet duddjon.
13Mun gaikkun du ašeračuolddaid
ja duššadan du gávpogiid.
14Buolli moaristan mun mávssahan
daidda álbmogiidda mat eai dáhto gullat.
Maid Hearrá gáibida?
61Gullet maid Hearrá cealká:
Čuožžil, čuoččut iežat ášši!
Lehkoset várit duođašteaddjin,
divtte dieváid gullat iežat jiena!
2Gullet Hearrá váidaga, várit,
dii eatnama agálaš vuođđudusat.
Hearrás lea ášši iežas álbmogiin,
son áigu diggot Israeliin.
3Álbmogan, maid mun lean dahkan dutnje?
Mainna mun lean váibadan du?
Vástit munnje!
4
Munhan bukten du Egyptas,
osten du friddjan šlávvaviesus,
vuolggahin Mosesa, Arona ja Mirjama
du oaivámužžan.
5
23,8
24,5eč
25,1
Jos 3,1
4,19
24,9č
Álbmogan, muitte maid
Balak, Moaba gonagas, áiggui,
ale vajálduhte maid Bileam, Beora bárdni,
sutnje vástidii.
Muitte iežat mátkki Šittimis Gilgalii,
de don dovddiidat
Hearrá vuoigatlaš daguid.
6
Maid mun galggašin buktit,
go loaiddastan Hearrá ovdii,
gopmirdan almmi Ipmila ovdii?
Buvttášingo mun sutnje boaldinoaffariid,
jahkásaš gálbbiid?
7
6,7 oljojogaid oaffaruššojuvvon olju.Dáhttugo Hearrá duháhiid vierccaid,
logiidduháhiid oljojogaid?
Galggašingo mun oaffaruššat
vuosttašriegádeaddján iežan rihkkumis,
mánnán danin go suddudin?
8
Olmmoš, Hearráhan lea almmuhan dutnje
mii lea buorre.
Dušše dán son gáibida dus:
Daga dan mii lea vuoigat,
čájet oskkáldas ráhkisvuođa
ja vádjol vuollegaččat Ipmiliinnát.
Jerusalema duopmu
9Gullet, Hearrá rávká gávpoga!
Viissis dat gii ballá su namas.
Váldet vára, gávpoga ássit
ja mearrideaddjit!
10
Velá aingo dis leat
dán vearrivuođa viesus
vearrivuođain fidnejuvvon dávvirat
ja vádjigis efamihtu
maid mun lean garuhan?
11Sáhtášingo mun dohkkehit dan
ahte dii beahttibehtet veavttain
ja atnibehtet burssas
vearreveaktageđggiid?
12Du riggát leat veahkaválddálaččat,
du ássit gielástallet,
sin sánit leat behtolaččat.
13
Danin mun áiggun ráŋggáštit du,
duššadit du du suttuid dihte.
14
Don borat, muhto it gallán;
du čoavji lea ain guorus.
Dan maid čoakkát, don it veaje várjalit,
ja dan maid fidnet várjaluvvot,
doalvu miehkki.
15
Don gilvvát, muhto it beasa láddjet,
don božát oliivvaid, muhto it beasa
vuoidat iežat oljjuin,
don duolmmat viidnemurjjiid,
muhto it beasa juhkat viinni.
16
Dii lehpet oamastan Omri ásahusaid,
Ahaba soga dagut
leamaš didjiide ovdagovvan,
seammá geainnuid dii lehpet vádjolan.
Dan dihte mun dagan du ávdimin
ja attán du ássiid hiddjiduvvot,
ja dii buohkat šaddabehtet guoddit
mu álbmoga heahpada.
Váidalus ja doaivu
71Vuoi mu!
Munnje lea geavvan nugo dalle
go šaddosat lea ráddjojuvvon
ja maŋimus viidnemuorjjit čoakkilduvvon:
Eai leat viidnemuorjjit borrat,
eai varas fiikonat njálbmái.
2
140,6
Hos 4,1
Oskkáldas olbmot leat jávkan eatnamis,
ii leat oktage vuoiggalaš olbmuid gaskkas.
Buohkat vuđgŋet varaid,
juohkehaš dáhttu bivdit firpmiin vieljas.
3
Sii leat čeahpit dahkat dan mii lea bahá.
Oaivámuš gáibida duolgguid,
duopmár dubme mávssus,
fámolaš buktá ovdan iežas anistumiid;
de sii jorahit ášši nugo dáhttot.
4
Buoremus sis lea dego bastilislátnjá,
reháleamos vearrát go bastilislátnjágárdi.
Dat beaivi maid du várdájeaddjit
gulahedje, lea boahtán.
Ráŋggáštusbeaivi lea joavdan,
visot lea dušše moivi.
5
Jer 9,4
Ale jáhke lagamužžii,
ale dorvvas ustibii.
Várut ságaidat nissonis
gii veallá du salas.
6
Dasgo bárdni badjelgeahččá áhčis,
nieida ceakkasta eadnásis,
mannji vuotnámasas.
Olbmá vašálaččat
leat su iežas dálu olbmot.
7
Muhto mun várdán Hearrá,
vuorddán iežan bestojumi Ipmila.
Mu Ipmil gullá mu!
Čuovga seavdnjadasas
8
Joh 8,12
Ale illut mu dihte, vašálažžan!
Vaikko mun gahččen,
de mun čuožžilan fas,
vaikko mun čohkkán seavdnjadasas,
de Hearrá lea mu čuovga.
9
Jer 50,34
7,9 su vanhurskkisvuođa Vrd. Jes 51,5; Joel 2,23.Mun lean suddudan Hearrá vuostá,
danin mun ferten gierdat su moari,
dassážii go son jođiha mu ášši
ja addá munnje vuoigatvuođa.
Son doalvu mu čuovgasii,
ja mun beasan oaidnit
su vanhurskkisvuođa.
10
Joel 2,17
Mu vašálaš oaidná dan ja heahpana,
son gii jearai mus:
“Gos lea Hearrá, du Ipmil?”
Mun beasan geahččat
go son dulbmojuvvo dego gáhta durdi.
11
Boahtá beaivi
goas du muvrrat huksejuvvojit,
goas du rájit gáidet.
12
Mi 4,1č
Dalle du olbmot máhccet Assyrias,
bohtet Egypta gávpogiin
– Egypta rájes gitta Eufrateanu rádjái –
mearas merrii, váris várrái.
13
Duot eatnamat šaddet ávdimin
ássiideaset dihte,
dan dihte maid sii leat dahkan.
14
Jer 50,19
Mi 5,3
Gozit soppiinat iežat álbmoga,
ealu mii lea du opmodat
ja ássá sierranassii gasku mehciid,
guhkkin gilvvaeatnamiin.
Doalvvo dan Bašana ja Gileada ealabáikkiide
nugo dološ áiggiid.
15Divtte min oaidnit oavdudaguid,
dego dalle go don vulget Egyptas.
16
Álbmogat oidnet dan ja heahpanaddet,
vaikko leatge fámolaččat.
Sii fertejit bidjat gieđa njálmmi ovdii
ja čuožžut bealjeheapmin.
17
Jes 49,23
Sii njollot muoldda nugo gearpmaš,
dego eatnama njoammuspiret.
Sii bohtet čiehkádansajiineaset
doarggistemiin Hearrá, min Ipmila, ovdii.
Dus, Hearrá, sii suorganit ja ballet!
Ipmil, gii lea du veardásaš?
18
Sál 103,38
Joel 2,13
Jona 4,2
Gii lea dakkár Ipmil go don,
guhte válddát eret vearredagu
ja attát suttu ándagassii
iežat álbmoga bázahassii?
Don it leat moaris agálaččat,
don dáhtut leat árbmugas.
19Don árpmihat min fasttain
ja sihkut min rihkkumiid.
Don bálkestat buot min suttuid
ábi čiekŋalassii.
20
Sál 89,3
Don čájehat oskkáldasvuođa Jakobii
ja árpmu Abrahamii,
nugo don vurdnot
min áhčiide don dološ áiggi.