Davvisámegiel Biibbal 2019 (Biibbal)
5

Betlehemis boahtá ráfigonagas

51

5,1
2 Sam 7,813
Jes 9,6
11,1
Matt 2,16
Joh 1,1
7,42
5,1 Efrata Betlehema nubbi namma, dan čeardda mielde mii ásai doppe. Vrd. 1 Mos 35,16; Rut 1,2; 1 Sam 17,12. Israelii ráđđejeaddji David gulai betlehemlaš Efrata sohkii (1 Sam 17,12), ja su nális galggai boahtit boahttevaš gonagas (Messias).Don Betlehem, don Efrata,

don leat uhcimus Juda sogain!

Muhto dus mun divttán boahtit

Israelii ráđđejeaddji.

Su álgu lea dološ áiggiin,

agálašvuođa beivviin.

2

5,2
Jes 7,14
Mi 4,9č
Hearrá guođđá Israela dušše

dassážii go riegádahtti lea riegádahttán.

De israellaččaid lusa máhccet

sin vieljat geat leat báhcán.

3

5,3
Esek 34,23eč
Mi 4,4
Joh 10,1eč
Son čuožžila ja geahččá ealus

Hearrá fámuin,

Hearrá, su Ipmila, alla namas.

Sii besset ássat oadjebassan,

dál go su stuorisvuohta ollá

eatnama ravddaide.

4

5,4
Jes 9,6
Ef 2,14
Son lea min ráfi.

Go assyrialaččat bohtet min eatnamii

ja bahkkejit min ladniide,

de mii bidjat sin vuostá čieža báimmana,

gávcci oaivámučča.

55,5 Nimrod adnojuvvo Babylonia ja Assura gonagasválddi ásaheaddjin. Vrd. 1 Mos 10,8–12.Sii guođohit mihkiin Assyria,

rohttejuvvon vearjjuiguin Nimroda eatnama.

Son beastá min assyrialaččain,

go sii bohtet min eatnamii

ja bahkkejit min rájiid badjel.

6

5,6
2 Sam 17,12
Jes 4,3
Jakoba bázahas álbmogiid searvvis

lea dego Hearrá suoldni,

nugo arvečalmmit rásiin.

Dat ii dárbbaš ovttage olbmo

iige leat geange sávvamis.

7Jakoba bázahas álbmogiid searvvis,

ollu álbmogiid gaskkas,

lea dego ledjon meahci elliid gaskkas,

dego nuorra ledjon sávzaealus.

Dat falleha ja duolbmá,

dat gaikkoda, iige oktage gájo.

8Lokte gieđa vašálaččaidat vuostá,

nu ahte dat buot duššet!

9Dan beaivvi, cealká Hearrá,

mun duššadan buot du heasttaid

ja billistan du soahtevovnnaid.

10Mun duššadan

buot du eatnama gávpogiid

ja gaikkodan du ladniid.

11

5,11
5 Mos 18,10č
Mun duššadan du noaidegoansttaid,

eaige dus leat šat mearkačilgejeaddjit.

12

5,12
Jes 31,7
Sak 13,2
Mun duššadan du ipmilgovaid

ja geađgebácciid.

Dii ehpet šat gopmir ehpetge rohkadala

dan maid dii ieža lehpet duddjon.

13Mun gaikkun du ašeračuolddaid

ja duššadan du gávpogiid.

14Buolli moaristan mun mávssahan

daidda álbmogiidda mat eai dáhto gullat.