11
16,1eč
18,1eč
Jes 1,1
1,1 morešetlaš Morešet lei gávpot Judas, gč. v. 14.Dát lea Hearrá sátni mii bođii morešetlaš Mikai Juda gonagasaid Jotama, Ahasa ja Hiskia áigge, dát leat Mika oainnáhusat Samaria ja Jerusalema hárrái.
Samaria duopmu
2
Sál 11,4
Jes 1,2
Jer 25,30
Hab 2,20
Gullet, buot álbmogat,
guldal, eanan ja buot mii dus lea!
Hearrá, mu Ipmil,
duođašta din vuostá,
Hearrá ieš bassi tempelisttis.
3
Am 4,13
1,3 viesustis albmi. Gč. Sál 2,4.Gehččet, Hearrá vuolgá viesustis,
son njiedjá ja loaiddasta ovdan
eatnama dieváid badjel.
4
Várit suddet su vuolde
dego gáhčči dola ovddas,
leagit luoddanaddet dego čáhci
mii boršu bávtti badjel.
5Buot dát dáhpáhuvvá
Jakoba rihkkumiid dihte,
Israela álbmoga suttuid dihte!
Mii lea Jakoba rihkkun?
Iigo dat leat Samaria?
Mii lea Juda suddu?
Iigo dat leat Jerusalem?
6Mun dagan Samaria čievračopman,
fierahan dan geđggiid leahkái,
gaikkodan dan vuođđudusaid,
dagan dan geađgevieltin
ja viidnegárddiid steallin.
7
12,2č
Hos 2,2eč
Buot dan ipmilgovat cuvkejuvvojit,
buot fuorráattáldagat boldojuvvojit.
Mun dagan duššin buot eahpeipmiliid.
Fuorrábálkán dat daid čohkkii,
fuorrábálkán dat fas šaddet.
Vašálaš áitá Jerusalema
8
Jes 34,13
1,8 váccán rabas julggiid ja álásin Vrd. Jes 20,1eč.Dan dihte mun váidalan ja vuobaidan,
váccán rabas julggiid ja álásin.
Mun holvvun dego šakála,
luoimman dego struhcca.
9Samaria hávvi ii leat buorideames,
dat ollá Judai, mu álbmoga poarttaide,
gitta Jerusalema rádjái.
10
1,10–16 Hebreagielas leat ollu sátnestoahkamat báikenamaiguin. Vrd. Jes 10,28eč.Allet muital dan Gatis,
allet čiero jitnosii.
Fieradehket muolddas, dii Bet-Leafra olbmot!
11Vulget gávpogisttádet, dii Šafira ássit,
álásin ja heahppášuhttojuvvon!
Saanana olbmot eai beasa eret.
Bet-Haeselis gullo váidalančuorvvas,
dat doarjja lea váldojuvvon dis eret.
12
Dat geat ásset Marotis, vurdet buori,
muhto lihkuhisvuohta maid
Hearrá lea vuolggahan,
lea ollán gitta Jerusalema poarttaid rádjái.
131,13 Lakiš ladnegávpot gosa heasttat ja soahtevovnnat ledje čohkkejuvvon. Sion Jerusalem.Dii leŋgiidet heasttaid vovnnaid ovdii,
dii Lakiša ássit.
Dát lei Siona suttu álgu,
Israela rihkkumušat
bohte oidnosii din luhtte.
14
Addet Morešet-Gatii earroattáldaga!
Aksiba viesut leat beahttán
Israela gonagasaid.
15
Velá oktii, Mareša olbmot,
mun vuolggahan din vuostá
dakkára gii vuoitá din.
Israela hearvásvuohta
ferte fas báhtarit Adullamii.
16
Am 8,10
1,16 Čuohpat oaivvi báljisin ▶ moraštanvierut. ráhtogoaskima Ráhtogoaskimis lea báljes oaivi.Čuohpat oaivvi báljisin,
ráhke moraštemiin vuovttaidat
mánáidat dihte geat ledje du illu.
Daga iežat oaivvi báljisin
dego ráhtogoaskima oaivi,
dasgo sii leat dolvojuvvon du luhtte eret.
Vuoi fámolaččaid!
21
Vuoi daid geat hutket vearrivuođa
ja smihttet baháid oađđinsajisteaset!
Go iđit čuvggoda,
de sii ollašuhttet áigumušaideaset,
go dasa sis lea fápmu.
2
1 Gon 21
Jes 5,8
Sii anistuvvet eatnamiidda
ja rievidit daid,
sii váldet earáid viesuid.
Behttosiin sii váldet olbmás su viesu,
lagamuččasteaset su opmodaga.
3
Dan dihte cealká Hearrá:
Mun hutkkan dán sohkii lihkuhisvuođa
mas dii ehpet vealtta.
Dii ehpet šat váccaš čeavlájit,
dasgo bahás áiggit bohtet.
4Dan beaivvi dii bilkiduvvobehtet
ja din birra diktejuvvo váidaluslávlla:
“Mii leat duššaduvvon,
min álbmoga opmodat
lea juogaduvvon earrásiidda,
dat lea váldojuvvon mis.
Min eatnamat juogaduvvojit
jorralan olbmuide.”
5
Dalle Hearrá searvegottis ii leat
šat oktage vuorbádeamen
ja juogadeamen eatnama didjiide.
6
Am 7,16
“Ale profehtastala!” sii dadjet.
“Ii nie oaččo profehtastallat!
Ii diekkár heahpat deaivit min.
7Livččiigo Jakoba viessu garuhuvvon?
Leago Hearrá gierdameahttun,
dahkágo son dakkáriid?
Almma su sánit leat buorit
daidda geat vádjolit vuoigatlaččat?”
8Muhto dii meannudehpet
mu álbmogiin vašálaččaid láhkái.
Dii rivvebehtet gávtti ráfálaš olbmos,
doaruhehpet daid geat ellet oadjebassan.
9Dii ádjibehtet mu álbmoga etniid
sin ruovttuin mat leat sin hávskodat,
váldibehtet sin mánáin agibeaivái
gudni maid mun ledjen addán sidjiide.
10Vulget dal eret dás,
dáppe dii ehpet šat oaččo leat!
Dat lea buhtismeahttun,
dan heavahus lea gáfat.
11
Jos boađášii gielis ja behtolaš olmmoš
ja einnostivččii didjiide viinni ja vuollaga,
de son livččii profehta dán álbmogii!
Hearrá čohkke Israela bázahasa
12
40,11
Jer 23,3č
29,14
31,8
Esek 34,1eč
37,21
Mun čohkken din buohkaid, Jakob,
mun čoakkán Israela bázahasa
dego sávzzaid gárdái,
dego ealu guohtuneatnamii,
máraideaddji olmmošjoavkku.
13Son guhte rahpá geainnu,
manná sin ovddas,
sii bahkkejit olggos poartaráigge ja vulget.
Sin gonagas manná sin ovddas,
Hearrá lea sin njunnošis.
Álbmoga oaivámuččaid duopmu
31
Mun dadjen:
Gullet dal, Jakoba oaivámuččat,
dii Israela stivrejeaddjit!
Almma dii galggašeiddet diehtit,
mii lea vuoigat?
2
Am 5,15
Muhto dii vašuhehpet buori
ja ráhkistehpet bahá.
Dii njuovvabehtet olbmuin náhki
ja gaikubehtet oačči sin dávttiin.
3
Esek 11,5eč
24,1eč
Sii borret mu álbmoga oačči,
njaldet liikki ja cuvkejit sin dávttiid.
Sii bidjet daid dego biergguid báhtái,
nugo biergobihtáid ruitui.
4
Jer 11,11
Am 8,12
Go sii de čurvot Hearrái,
de son ii vástit sidjiide.
Dalle son čiehká ámadajus sin ovddas,
sin bahádaguid dihte.
5
Esek 13,1016
Ná cealká Hearrá daid profehtaid birra
guđet čádjidahttet mu álbmoga:
Sii lohpidit ráfi ja lihku
go fal ožžot juoidá suoskat,
muhto gulahit soađi daidda
geat eai atte maidege sin njálbmái.
6Dan dihte didjiide boahtá
idja mas eai oidnojuvvo oainnáhusat,
seavdnjatvuohta almmá einnostusaid haga.
Profehtaid beaivváš luoitáda,
beaivi sin birra šaddá seavdnjadin.
7
3,7 gokčet skávžžáideaset moraštanmearka.Dalle oaidnit šaddet heahpadii,
ja einnosteaddjit adnojuvvojit bilkun.
Buohkat gokčet skávžžáideaset,
danin go Ipmil ii vástit.
8
58,1
Muhto Hearrá vuoigŋa lea
deavdán mu fámuin,
vuoigatvuođain ja givrodagain,
vai mun čájehivččen Jakobii dan rihkkumiid
ja Israelii dan suttu.
9
Gullet juo, dii Jakoba soga oaivámuččat,
gullet, dii Israela ráđđejeaddjit!
Dii vašuhehpet vuoigatvuođa
ja dahkabehtet mohkkájin
dan mii lea njuolgat.
10Dii huksebehtet Siona varradaguiguin
ja Jerusalema vearrivuođain.
11
Sef 3,3č
Dán gávpoga oaivámuččat
dubmejit duolgguid vuostá,
dan báhpat berret mávssu oahpaheames,
dan profehtat einnostit, jos ožžot bálkká.
Dattetge sii mahkáš dorvvastit Hearrái
ja dadjet:
“Almma Hearrá lea minguin?
Ii min sáhte deaividit lihkohisvuohta!”
12
Din dihte Sion jorgojuvvo bealdun,
Jerusalem šaddá čievračopman
ja tempelvárri vuovdiluvvá.