Allet dubme
71
Jak 4,11
Allet dubme, amadet dubmejuvvot. 2
Mo dii dubmebehtet, nu diigis dubmejuvvobehtet, ja mainna mihtuin dii mihtidehpet, dainna didjiidegis mihtiduvvo.
3Manne don oainnát riba vieljat čalmmis, muhto it fuomáš hirssa iežat čalmmis? 4Mo don sáhtát dadjat vielljasat: “Divtte mu váldit riba eret du čalmmis”, go iežat čalmmis lea hirsa? 5Don guoktilaš! Váldde vuos hirssa eret iežat čalmmis, de don oainnát váldit riba eret vieljat čalmmis. 6
Sát 23,9
Allet atte beatnagiidda dan mii lea bassi, alletge bálkes bearraliiddádet spiinniid ovdii, vai dat eai duolmma daid, fallet din ja gaikkot din.
Átnot, de oažžubehtet!
7
Matt 21,22
Mark 11,24
Joh 14,13Jak 1,5
1 Joh 3,22
5,14č
Átnot, de oažžubehtet. Ohcet, de gávdnabehtet. Goalkkuhehket, de didjiide rabastuvvo. 8Danin go juohkehaš gii átnu, oažžu, ja juohkehaš gii ohcá, gávdná, ja juohkehažžii gii goalkkuha, rabastuvvo.
9Almma ii oktage dis atte bárdnásis geađggi go son sihtá láibbi, 10dahje addá gearbmaša go son sihtá guoli? 11Go vel diige geat lehpet bahát, máhttibehtet addit buriid attáldagaid iežadet mánáide, de sakka eambbo din almmálaš Áhčči addá buriid attáldagaid daidda geat sus daid átnot.
12
Buot maid dii dáhttubehtet olbmuid dahkat didjiide, dan dahket diigis sidjiide. Dasgo dát lea láhka ja profehtat.
Baskkes poarta
13
Sál 1,6
Mannet sisa baskkes poarttas. Dat poarta lea gallji ja geaidnu govdat mii doalvu gáđohussii, ja eatnagat mannet das sisa. 14
Muhto dat poarta lea baski ja geaidnu gárži mii doalvu eallimii, ja dušše hárvát dan gávdnet.
Vearreprofehtat
15
Váruhehket vearreprofehtain. Sii bohtet din lusa sávzzaid hámis, muhto siskkil sii leat gaikkodeaddji gumppet. 16
Gal 5,19eč
Jak 3,12
Šaddosiin dii dovdabehtet sin. Ii bastilislánjáin sáhte čoaggit viidnemurjjiid iige gáskálasain fiikoniid. 17Buorre muorra šaddada buriid šaddosiid, muhto heajos muorra šaddada gealbbohis šaddosiid. 18Ii buorre muorra sáhte šaddadit gealbbohis šaddosiid iige heajos muorra buriid šaddosiid. 19
Juohke muorra mii ii šaddat buriid šaddosiid, njeidojuvvo ja bálkestuvvo dollii. 20Šaddosiin dii nappo dovdabehtet sin.
21
Jak 1,22
2,14eč
Ii juohkehaš gii dadjá munnje “Hearrá, Hearrá”, beasa almmiriikii. Dohko beassá dat gii dahká mu almmálaš Áhči dáhtu. 22Eatnagat dadjet munnje dan beaivvi: “Hearrá, Hearrá! Almma mii profehtastalaimet du nammii, ájiimet olggos bahás vuoiŋŋaid du nammii ja dagaimet ollu veagalaš daguid du nammii?” 23
Matt 25,41eč
Muhto dalle mun dajan sidjiide njuolga: “Mun in dovdda din. Gáidet eret mu luhtte, bahádahkkit!”
Guokte huksejeaddji
24
Juohkehaš gii gullá dáid mu sániid ja dahká daid mielde, lea dego jierpmálaš olmmái gii huksii viesus bávtti ala. 25Ráššoarvi šoallagođii, jogat dulve ja riđđu čuzii vissui, muhto dat ii gahččan, danne go dat lei huksejuvvon bávtti ala. 26Ja juohkehaš gii gullá dáid mu sániid muhto ii daga daid mielde, lea dego jierpmehis olmmái gii huksii viesus sáddo ala. 27
Esek 13,10eč
Ráššoarvi šoallagođii, jogat dulve ja riđđu čuzii vissui, ja dat gahčai ja bieđganii visot.
28
Matt 11,1
13,53č
19,1
22,33
26,1
Go Jesus lei heaitán sárdnumis, de olbmot ovddošedje su oahpahusa. 29
Joh 7,46
Son oahpahii nugo go dat geas lea váldi, ii nugo sin čáloahppavaččat.