Davvisámegiel Biibbal 2019 (Biibbal)
12

Sabbaha hearrá

121

12,1
5 Mos 23,25
Daid áiggiid Jesus sabbahin váccii gordnebealddu čađa. Su máhttájeaddjit borastuvvagohte ja ripme doahput gordneoivviid ja borrat. 2
12,2
2 Mos 20,8eč
Joh 5,10
Farisealaččat oidne dan ja dadje Jesusii: “Geahča dál, du máhttájeaddjit dahket dan maid sabbahin ii leat lobálaš dahkat.” 3
12,3
1 Sam 21,1eč
Jesus vástidii: “Ehpetgo leat lohkan maid David dagai, go son ja su olbmát ledje nealgumin? 4
12,4
3 Mos 24,8č
12,4 Ipmila vissui dás Noba bassibáiki, Jerusalema lahka. Gč. 1 Sam 21,1. oaffarláibbiid láibi mii biddjojuvvui ovdan bassibáikái oaffarattáldahkan Hearrái. Báhpat molso daid juohke sabbaha, ja dalle báhpain lei lohpi borrat láibbiid. Vrd. 3 Mos 24,5–9; 1 Sam 21,1–6. ▶ oaffar ja soabahus.Son manai Ipmila vissui ja borai oaffarláibbiid maid duššefal báhpain lei lohpi borrat, ii sus iige su olbmáin. 5
12,5
4 Mos 28,9
Dahje ehpetgo leat lohkan lágas ahte báhpat tempelis rihkkot sabbaha ja leat almmatge sivaheamit? 6Mun cealkkán didjiide: Dá dis lea eambbo go tempel. 7
12,7
Hos 6,6
Matt 9,13
Jos dii áddešeiddet maid dát sátni mearkkaša: Váibmoláđisvuođa mun dáhtun, inge oaffara, de dii ehpet dubmeše sivahis olbmuid. 8Dasgo Olbmobárdni lea sabbaha hearrá.”

9Jesus vulggii das ja manai sin synagogai. 10

12,10
Luk 6,9
13,14eč
14,3
Joh 5,16
9,1416
Doppe lei olmmái geas giehta lei ástan. Farisealaččat jerre Jesusis vai besset su váidit: “Leago sabbahin lobálaš buoridit?” 11
12,11
Luk 14,5
Joh 9,16
Jesus vástidii sidjiide: “Jos muhtumis dis lea sávza ja dat gahččá roggái sabbahin, de almma son dohppe dan ja lokte dan doppe bajás? 12Ja olmmošhan lea ollu mávssoleabbo go sávza. Gal sabbahin lea lobálaš dahkat buriid.” 13De son celkkii olbmái: “Geige gieđa.” Olmmái geigii gieđa, ja dat šattai seammá dearvvašin go nubbi giehtage. 14Dalle farisealaččat manne olggos ja ráđđádallagohte, mo sii sáhttet goddit Jesusa.

Hearrá bálvaleaddji

15

12,15
4,24
Go Jesus dan gulai, de son vulggii doppe. Eatnagat vádjoledje su maŋis, ja son buoridii buot buhcciid. 16
12,16
8,4+
Son gilddii sin garrasit muitaleames gii son lea, 17vai ollašuvvá dat mii lea celkojuvvon profehta Jesaja bokte: 18
12,18
Jes 42,1eč
Matt 3,16č
Dát lea mu bálvaleaddji gean mun lean válljen; su mun ráhkistan, ja son illudahttá mu sielu. Mun bijan Vuoigŋan su badjelii, ja son gulaha álbmogiidda vuoigatvuođa. 19Ii son bealkke iige čuorvvo, iige oktage gula su jiena gáhtas. 20Doddjon skáhčira son ii cuvke, suovasteaddji veaikka son ii jáddat, muhto ovddida vuoigatvuođa vuitui. 21Su nammii álbmogat bidjet doaivvu.

Jesus ja Beelsebul

22

12,22
9,32eč
Dasto Jesusa lusa buktojuvvui čalmmehis ja gielahis olmmái geas lei bahás vuoigŋa. Jesus buoridii su, nu ahte olmmái sártnui ja oinnii. 23
12,23
1,1+
Buohkat ovddošedje ja dadje: “Iigoson dát leat Davida Bárdni?” 2412,24 Beelsebul >10,25.Go farisealaččat dan gulle, de sii dadje: “Bahás vuoiŋŋaid oaivámučča Beelsebula vehkiin son ádjá olggos bahás vuoiŋŋaid.” 25Jesus diđii sin jurdagiid ja celkkii sidjiide: “Juohke riika mii juohkása ja soahtá iežainis, duššá, iige oktage gávpot dahje bearaš biso, jos dat lea juohkásan. 26Jos Sáhtán ádjá olggos Sáhtána, de dalle son lea čuožžilan iežas vuostá. Mo sáhttá su riika dalle bissut? 27
12,27
Apd 19,13eč
Jos mun áján bahás vuoiŋŋaid olggos Beelsebula vehkiin, de gean vehkiin din iežadet olbmot ádjet daid olggos? Dan dihte sii šaddet din duopmárin. 28
12,28
Apd 10,38
12,28 Ipmila riika.Muhto jos mun áján bahás vuoiŋŋaid olggos Ipmila Vuoiŋŋa fámuin, de dallehan Ipmila riika lea boahtán din lusa. 29
12,29
Jes 49,24č
Mo oktage sáhttá bahkket gievrras olbmá vissui ja stajidit su biergasiid, jos son ii vuos čana su? Dalle easkka son sáhttá stajidit su viesu. 30
12,30
Mark 9,40
Gii ii leat muinna, dat lea mu vuostá; gii ii muinna čohkke, dat biđge.

31

12,31
Hebr 6,4eč
10,26
1 Joh 5,16
Danne mun cealkkán didjiide: Juohke suddu ja bilkádus addojuvvo olbmuide ándagassii, muhto Vuoiŋŋa bilkádus ii ándagassii addojuvvo. 32Gii sárdnu juoidá Olbmobártni vuostá, de dasa addojuvvo ándagassii, muhto gii sárdnu Bassi Vuoiŋŋa vuostá, de dasa ii ándagassii addojuvvo, ii dálá iige boahtti máilmmis.

Muorra ja šaddosat

33

12,33
7,16eč
Jos muorra lea buorre, de dan šattusge lea buorre, muhto jos muorra lea heittot, de dan šattusge leat heittot. Šaddosisttis muorra dovdojuvvo. 34
12,34
3,7
15,1823,33
Dii gearbmaščivggat, mo dii geat lehpet bahát, sáhttibehtet sárdnut buriid, go dii ieža lehpet bahát? Mii váimmu deavdá, dan njálbmi sárdnu. 35Buorre olmmoš buktá buorrevuođa rájustis ovdan buriid, bahás olmmoš bahávuođa rájustis baháid. 36
12,36
Jak 3,2eč
Mun cealkkán didjiide: Juohke duššálaš sánis maid olbmot dadjet, sii šaddet vástidit duopmobeaivvi. 37Sániidat mielde don celkojuvvot sivaheapmin, ja sániidat mielde don dubmejuvvot sivalažžan.”

Jona mearka

38

12,38
16,1
21,23
Joh 2,18
4,48
6,30
1 Kor 1,22
Dalle muhtun čáloahppavaččat ja farisealaččat dadje Jesusii: “Oahpaheaddji, atte dás min oaidnut mearkka.” 39Muhto Jesus vástidii sidjiide: “Dát bahás ja oskkáldasmeahttun buolva gáibida mearkka, muhto áidna mearka mii dasa addojuvvo, lea profehta Jona mearka. 40
12,40
Jona 2,1
Matt 16,21+
Nugo Jona lei stuorra guoli čoavjjis golbma beaivvi ja golbma ija, nu Olbmobárdni lea eatnama ozas golbma beaivvi ja golbma ija. 41
12,41
Jona 3,5
Ninive olbmot bajásčuožžilit dupmui oktan dán buolvvain ja dubmejit dan. Sii jorgaledje go Jona sárdnidii, ja dás dis lea eambbo go Jona. 42
12,42
1 Gon 10,1eč
Matt 12,6
12,42 Lullieatnama dronnet Saba dronnet. Vrd. 1 Gon 10,1–13.Lullieatnama dronnet čuožžila dupmui oktan dán buolvvain ja dubme dan. Son bođii eatnama gežiin gullat Salomo viissisvuođa, ja dás dis lea eambbo go Salomo.

43Go buhtismeahttun vuoigŋa vuolgá olbmos, de dat vádjola ávdin báikkiid ja ohcá vuoiŋŋadansaji, muhto ii gávnna. 44De dat dadjá: Mun máhcan vissosan mas vulgen. Go dat boahtá ja gávdná viesus guorusin, suohpalastojuvvon ja čiŋahuvvon, 45

12,45
2 Pet 2,20
de dat viežžá čieža vel vearrát vuoiŋŋa, ja dat bohtet sisa ja ásset dohko. Nu dan olbmo dilli šaddá vearrábun go su ovddit dilli. Nu geavvá maiddái dán bahás bulvii.”

Jesusa duohta bearaš

46

12,46
13,55+
Go Jesus ain lei sárdnumin olbmuide, de su eadni ja vieljat bohte. Sii čužžo olgun ja bivde beassat su ságaide. 4712,47 Dát vearsa váilu muhtun boares giehtačállosiin.Muhtun bođii dadjat Jesusii: “Du eadni ja vieljat leat olgun ja bivdet beassat du ságaide.” 48Muhto Jesus vástidii dasa gii lei buktán sáni: “Gii lea mu eadni, geat leat mu vieljat?” 4912,49 vieljat vieljat ja oappát.Ja son čujuhii gieđain máhttájeddjiidasas ja celkkii: “Gehččet, dát leat mu eadni ja vieljat. 50
12,50
Joh 15,14
Hebr 2,11
Juohkehaš gii dahká mu almmálaš Áhči dáhtu, lea mu viellja ja oabbá ja eadni.”

13

Veardádus gilvi birra

131

13,1
Luk 5,1–3
Seammá beaivvi Jesus vulggii olggos, manai jávregáddái ja čohkánii. 2Su lusa čoahkkanedje dalle nu ollu olbmot ahte son fertii mannat fatnasii. Son čohkkái fatnasis, ja olbmot čužžo jávregáttis, 313,3 veardádusaiguin Jesus lávii atnit giellagovaid go oahpahii. ▶ veardádus.ja son sártnui sidjiide guhká veardádusaiguin ja celkkii:

“Gilvi vulggii gilvit. 4Ja go son gilvvii, de muhtun gilvagat gahčče geaidnogurrii, ja lottit bohte ja borre daid. 5Muhtun gilvagat gahčče geađgás eatnamii mas ii lean ollu muolda. Dat ihte johtilit, dainna go dakko ii lean assás eanan, 6muhto go beaivváš badjánii, de dat bulle ja goldne, danin go dain ii lean ruohtas. 7Muhtun gilvagat gahčče bastilislánjáid gaskii, ja bastilislánját šadde ja hávkadedje daid. 8Muhto muhtun gilvagat gahčče buori eatnamii ja šaddadedje šattu, čuođigeardásaš, guhttalogigeardásaš ja golbmalogigeardásaš šattu. 9

13,9
11,15
13,43
Mark 4,923
Luk 14,35
Alm 2,7
13,9
Geas leat bealjit, dat gullos!”

Veardádusaid mearkkašupmi

10Máhttájeaddjit bohte su lusa ja jerre: “Manne don sártnut olbmuide veardádusaiguin?” 11

13,11
11,25
Rom 16,25
1 Kor 2,7
4,1
Ef 1,9
3,3č
Kol 1,26
Son vástidii: “Danin go dii lehpet beassan diehtit almmi riikka čiegusvuođaid, muhto sii eai. 12
13,12
25,29+
Geas lea, dasa addojuvvo, ja son oažžu valljugasat, muhto geas ii leat, das váldojuvvo eret velá datge mii sus lea. 13Mun sártnun sidjiide veardádusaiguin, dasgo sii oidnet eaige dattetge oainne ja gullet eaige dattetge gula eaige ádde. 14
13,14
Jes 6,9č
Joh 12,40
Apd 28,26č
Rom 11,8
Nu ollašuvvá Jesaja profehtasátni sidjiide: Dii gullabehtet muhto ehpet ipmir, dii oaidnibehtet muhto ehpet ádde. 15Dasgo dán álbmoga váibmu lea buššon. Illá sii gullet beljiiguin, ja čalmmiid sii leat čárven, nu ahte eai oainne čalmmiiguin eaige gula beljiiguin eaige ádde váimmuin eaige jorgal nu ahte mun beasan buoridit sin. 16
13,16
16,17
Luk 10,23č
Muhto ávdugasat leat din čalmmit mat oidnet ja din bealjit mat gullet. 17Duođaid, mun cealkkán didjiide: Ollu profehtat ja vanhurskásat leat áibbašan oaidnit dan maid dii oaidnibehtet, muhto eai leat beassan oaidnit, ja gullat dan maid dii gullabehtet, muhto eai leat beassan gullat.

Jesus čilge veardádusa gilvi birra

18Gullet dál maid veardádus gilvi birra mearkkaša. 19Álo go muhtun gullá sága riikka birra iige ádde dan, de boahtá Bahá ja gaiku eret dan mii lea gilvojuvvon su váibmui. Dát lea dat mii gilvojuvvui geaidnogurrii. 20Dat mii gilvojuvvui geađgás eatnamii, lea son gii váldá sáni vuostá iluin dalán go gullá dan, 21muhto go sus ii leat ruohtas, de son bissu dušše muhtun áiggi. Go dasto boahtá áŧestus ja doarrádallojupmi sáni dihte, de son jorrala dallánaga. 22

13,22
6,24
1 Tim 6,9
Dat mii gilvojuvvui bastilislánjáid gaskii, lea dat gii gullá sáni, muhto geas sátni ii atte šattu, danin go dán máilmmi fuolat ja riggodaga fillehus hávkadit dan. 23Muhto dat mii gilvojuvvui buori eatnamii, lea son gii gullá sáni ja ádde dan ja šaddada šattu: čuođigeardásaš, guhttalogigeardásaš ja golbmalogigeardásaš šattu.”

Veardádus árvvohis rásiid birra

24Jesus muitalii sidjiide nuppi veardádusa: “Almmi riika lea dego olmmái gii gilvvii beldosis buriid gilvagiid. 2513,25 árvvohisrásiid jáhkkimis mirkkorássi mii lea nisorási láhkái go ihtá.Muhto go buohkat ledje oađđimin, de bođii su vašálaš, gilvvii nisuid gaskii árvvohisrásiid ja manai eret. 26Go rásit ihte ja dahkagohte gordneoivviid, de ihte maiddái árvvohisrásit. 27Bálvaleaddjit manne dalle isideaset lusa ja jerre: ‘Hearrá, almma don gilvet beldosat buriid gilvagiid? Gos dasa de leat boahtán árvvohisrásit?’ 28Isit vástidii: ‘Vašálaš lea dan dahkan.’ Bálvaleaddjit jerre: ‘Dáhtutgo ahte mii mannat gaikut daid eret?’ 29Son vástidii: ‘In, danin go dii veadjibehtet oktanaga árvvohisrásiiguin gaikut nisuidge. 30

13,30
3,12
Diktet goappašagaid šaddat gitta láddjenáiggi rádjái. Go láddjenáigi boahtá, de mun cealkkán ládjobargiide: Gaikot vuos árvvohisrásiid ja čatnet gihppun boaldima várás, muhto nisuid čohkkejehket mu áitái.’”

Sennetsiepman

3113,31 sennetsiepman hui uhca siepmanaš, sullii 760 siepmana juohke grámmas; dattetge šaddu sáhttá leat badjel 2 mehtera alu.Son muitalii sidjiide nuppi veardádusa: “Almmi riika lea dego sennetsiepman maid olmmái gilvvii beldosis. 32

13,32
Esek 17,23
13,32 muorra sáhttá govvidit máilmmiriikka. Vrd. Esek 31,6; Dan 4,12.21.Dat lea uhcit go buot eará siepmanat, muhto go dan ihtu lea šaddan stuorisin, de dat lea stuorit go eará urtasat. Maŋimuš dat lea dego muorra, nu ahte almmi lottit bohtet ja dahket besiid dan ovssiide.”

Suvrradáigi

3313,33 suvrradáiggi Suvrradáiggiin láibbodettiin láibu vurkii oasáža geavvan dáiggis. Go son fas áiggui láibut, de son duhppii suvrradáiggi ođđa dáigái vai dat gis geavvá. golmma mihtu jáffuid su. 36 l dahje 20 kg jáffu. ▶ mihttu ja deaddu.Son muitalii sidjiide vel nuppi veardádusa: “Almmi riika lea suvrradáiggi láhkásaš maid nisson soatká golmma mihtu jáffuid sisa, ja de suvru buot.”

34

13,34
Mark 4,33č
Buot dáid Jesus sártnui olbmuide veardádusaiguin. Almmá veardádusaid haga son ii sárdnon sidjiide maidege, 35
13,35
Sál 78,2
vai ollašuvvá dat mii lea celkojuvvon profehta bokte: Mun rabastan njálmmi ja sártnun veardádusaiguin, mun almmuhan dan mii lea leamaš čihkosis máilmmi sivdnideami rájes.

Jesus čilge veardádusa árvvohis rásiid birra

36Dasto Jesus luittii olbmuid mannat. Go son lei boahtán vissui, de máhttájeaddjit bohte su lusa ja dadje: “Čilge midjiide veardádusa bealddu árvvohis rásiid birra.” 37Son vástidii sidjiide: “Dat gii gilvá buriid gilvagiid, lea Olbmobárdni. 38

13,38
1 Joh 3,10
Bealdu lea máilbmi. Buorit gilvagat leat riikka mánát, ja árvvohisrásit leat bahágasa mánát. 39
13,39
Alm 14,15
Vašálaš mii gilvvii árvvohisrásiid, lea Sáhtán. Gordneládju lea máilmmi loahppa, ja ládjobargit leat eŋgelat. 40Nugo árvvohisrásit čohkkejuvvojit ja boldojuvvojit dolas, nu geavvá máilmmi loahpasge. 41
13,41
Sef 1,3
Matt 24,31+
Olbmobárdni vuolggaha eŋgeliiddis, ja sii čohkkejit su riikkas buohkaid geat jorralahttet earáid ja dahket vearrivuođa. 42
13,42
Dan 3,6
Alm 21,8
Eŋgelat bálkestit sin buolli ommanii. Doppe sii čirrot ja gižahit bániid. 43
13,43
Dan 12,3
Muhto vanhurskásat báitet dalle Áhčiset riikkas dego beaivváš. Geas leat bealjit, dat gullos!

Dávvir, bearral ja nuohtti

44Almmiriika lea dego dávvir mii lei čihkkojuvvon beldui. Olmmái gávdná dan ja čiehká dan fas eatnamii, ja ilus son vuolgá ja vuovdá buot mii sus lea ja oastá dan bealddu.

45Almmiriika lea maiddái dego gávpeolmmái gii lea ohcamin čáppa bearraliid. 46Go son gávdná divrras bearrala, de son vuovdá buot mii sus lea, ja oastá dan.

4713,47 nuohtti guhkes nuohtti (gitta 250 mehtera guhku) maid guokte fatnasa gesse. ▶ guollebivdu.Almmiriika lea maiddái dego nuohtti mii suhppojuvvo jávrái ja bivdá buotlágán guliid. 48Go dat lea dievvan, de bivdit gesset dan gáddái, čohkánit ja čohkkejit buriid guliid goriide, muhto bálkestit fuones guliid. 49

13,49
25,32
Nu geavvá máilmmi loahpas: Eŋgelat vulget, čuldet baháid vanhurskásiid searvvis 50
13,50
8,1213,42+
ja bálkestit sin buolli ommanii. Doppe sii čirrot ja gižahit bániid.

51Lehpetgo dal ádden buot dán?” Sii vástidedje: “De leat.” 5213,52 čáloahppavaš oahpaheaddjit geat galge čilget lága juvddálaš servodagas. ▶ čáloahppavaččat.Dalle son celkkii sidjiide: “Danne lea juohke čáloahppavaš gii lea šaddan almmi riikka máhttájeaddjin dego dáluisit gii buktá ovdan vuorkkástis ovdan sihke ođđasa ja boarrása.”

Jesus ii váldojuvvo vuostá iežas ruovttugávpogis

53

13,53
7,28+
Go Jesus lei muitalan dáid veardádusaid, de son vulggii doppe 54
13,54
2,23
Luk 4,16
Joh 7,15
13,54 ruovttugávpogasas Nasaret.ja manai ruovttugávpogasas. Son oahpahii olbmuid sin synagogas, nu ahte sii ovddošedje ja jerre: “Gos boahtá dán olbmo viisodat, gos dan fápmu dahkat oavdudaguid? 55
13,55
12,46
Mark 6,3
Joh 2,12
6,42
7,5
Apd 1,14
13,55 snihkkára Josef, ▶ muorrabargu.Almma son lea dat snihkkára bárdni? Almma su eatni namma lea Maria, ja Jakob, Josef, Simon ja Judas leat su vieljat? 56Su oappát maid ásset dáppe gos miige. Gos lea son ožžon buot dán?” 57
13,57
Joh 4,44
Ja sii vearránedje sus. Muhto Jesus celkkii sidjiide: “Ii mange eará báikkis profehta badjelgehččojuvvo nugo iežas ruovttugávpogis ja iežas ruovttus.” 58Ja go sii eai dáhtton oskut sutnje, de son ii dahkan doppe eatnat veagalaš daguid.

14

Johannes gásttašeaddji steavliduvvo

14114,1 guovllugonagas Herodes Herodes Antipas, Herodes stuorrá bárdni. Son ráđđii Galilea ja Perea 4 o.Kr.–39 m.Kr. gč. 2,1; Luk 3,1. ▶ Herodesa sohka.Daid áiggiid guovllugonagas Herodes gulai ságaid Jesusa birra. 2Son dajai hoavvaolbmáidasas: “Dat lea Johannes gásttašeaddji. Son lea čuožžilan jábmiid luhtte, ja danne sus leat dakkár fámut.” 3

14,3
4,12
Herodes lei dohppen Johannesa, čatnan su láhkkiiguin ja bidjan giddagassii Herodiasa, vieljas Filipa áhká dihte, 4
14,4
3 Mos 18,16
20,21
danin go Johannes lei dadjan Herodesii: “Dus ii leat lohpi váldit su áhkkán.” 5
14,5
11,9
21,26
Luk 1,76č
Herodes livččii dáhtton goddit Johannesa, muhto son balai olbmuin, geat atne Johannesa profehtan. 6Muhto go Herodes lei ávvudeamen riegádanbeaivvis, de Herodiasa nieida dánssui gussiide. Herodes liikui dasa nu sakka 7ahte vuordnumiin lohpidii addit sutnje maid ihkinassii son dáhtošii. 8Eadni ávžžuhii nieiddas dadjat: “Atte munnje Johannes gásttašeaddji oaivvi gári siste.” 9Gonagas šlunddui, muhto go son lei gussiid gullut vurdnon váli, de son gohčui addit niidii maid son siđai. 10Son bijai sáni giddagassii ja gohčui steavlidit Johannesa. 11Johannesa oaivi buktojuvvui gári siste ja addojuvvui niidii, ja nieida doalvvui dan eadnásis. 12Johannesa máhttájeaddjit bohte dasto viežžat rupmaša ja hávdádedje dan. De sii manne muitalit Jesusii, mii lei dáhpáhuvvan.

Jesus galleha vihttaduhát olbmá

13Go Jesus dan gulai, de son vulggii fatnasiin ávdin báikái, vai beassá leat okto. Muhto olbmot gulle dan, ja gávpogiin vulge olusat vácci su maŋŋái. 1414,14 árkkášii sin >9,36.Go Jesus bođii gáddái ja oinnii buot daid olbmuid, de son árkkášii sin njuorrasit ja buoridii sin buhcciid.

15

14,15
15,32eč
Eahkedis máhttájeaddjit manne su lusa ja dadje: “Dát lea ávdin báiki, ja lea juo maŋŋit. Luoitte olbmuid vuolgit, vai sii besset mannat giliide oastit alcceseaset borramuša.” 16Muhto Jesus celkkii: “Eai sii dárbbaš vuolgit gosage. Addet dii sidjiide borrat.” 17Sii dadje: “Mis eai leat dás eambbo go vihtta láibbi ja guokte guoli.” 18Jesus celkkii: “Vižžet daid munnje.” 19
14,19
26,26+
14,19 rohkadalai giittusrohkosa lei juvddálaš oskku árbevierru rohkadallat beavderohkosa.De son gohčui olbmuid čohkánit rássegieddái, válddii dan vihtta láibbi ja guokte guoli, geahčai bajás albmái ja rohkadalai giittusrohkosa. Son doadjalii láibbiid ja attii máhttájeddjiide, ja máhttájeaddjit adde daid olbmuide. 20
14,20
2 Gon 4,43č
Buohkat borre ja gallánedje. Maŋŋil sii čohkkejedje bihtáid mat ledje báhcán, guoktenuppelohkái veaddelihti dievva. 21Dat geat borre, ledje árvvu mielde vihttaduhát olbmá, ja vel nissonat ja mánát.

Jesus vádjola čáhcegierragis

22De Jesus gohčui máhttájeddjiid lávket fatnasii ja vuolgit ovdalis jávrri nuppe beallái, dan botta go son ieš luoittášii olbmuid vuolgit. 23

14,23
Luk 5,16
6,12
Go son lei geargan luoitimis sin, de son manai várrái, vai beassá rohkadallat oktonassii.

Go šattai eahket, de son lei doppe okto. 24Fanas lei juo guhkkin eret gáttis, ja dat ražai garrasit báruid vuostá, danin go lei vuostebiegga. 2514,25 njealját idjagohcinvuorus golbma maŋimus diimmu ovdal beaivebadjáneami. idja ja beaivi.Njealját idjagohcinvuorus Jesus bođii vácci jávrri alde sin lusa. 26

14,26
Luk 24,37
Go máhttájeaddjit oidne su vázzimin jávrri alde, de sii suorganedje ja dadje: “Diet lea gobmi!” Ja sii huike balus. 2714,27 mun dat lean sáhttá maid jorgaluvvot “mun lean”. ▶ Mun lean.Muhto dan seammás Jesus sártnui sidjiide: “Lehket roahkkadat, mun dat lean. Allet bala.”

28Dalle Peter dajai sutnje: “Hearrá, jos dat leat don, de gohčo mu boahtit lusat čáhcegierraga mielde.” 29Jesus celkkii: “Boađe!” Peter lávkii fatnasis ja vádjolišgođii čáhcegierraga mielde Jesusa lusa. 30

14,30
8,25č
Muhto go son oinnii dan garra dálkki, de son ballái ja vuodjugođii. Son čurvii: “Hearrá, gájo mu!” 31Dan seammás Jesus geigii gieđa, dollii su ja celkkii: “Don uhccán oskkolaš. Manne don eahpidit?” 32Go soai leigga lávken fatnasii, de biegga ložžii. 33
14,33
16,16
27,54
Joh 1,49
Ja buohkat geat ledje fatnasis, luoitádedje su ovdii ja dadje: “Don leat duođaid Ipmila bárdni!”

Buohccit buorránit

34Go sii ledje ollen rastá, de sii bohte gáddái Gennesaretis. 35

14,35
4,24
Go dan guovllu olbmot oidne gii lei boahtán, de sii vuolggahedje sáni miehtá dan guovllu, ja nu buot buohccit buktojuvvojedje Jesusa lusa. 36
14,36
9,21
Luk 6,19
14,36 bivttasdiehpi >9,20.Sii bivde beassat guoskkahit su bivttasdiehpi, ja buohkat geat dan guoskkahedje, buorránedje.