Davvisámegiel Biibbal 2019 (Biibbal)
1

111,1 Malaki namma mearkkaša “mu áirras” dahje “mu eŋgel”. Gč. 3,1.Profehtasátni. Hearrá sátni maid Malaki sártnui Israelii.

Hearrá ráhkista Israela

2

1,2
1 Mos 25,23eč
Rom 9,13
Mun lean ráhkistan din, cealká Hearrá. Muhto dii jearrabehtet: “Man ládje don leat ráhkistan min?” Jakob ja Esau leigga vieljažat, cealká Hearrá. Mun ráhkistin Jakoba, 3
1,3
Jes 34,13
1,3 árbeeatnama Edom.muhto Esau mun vašuhin. Mun dahken su váriid ávdimin, su árbeeatnama guorba meahccin. 4Go edomlaččat dadjet: “Mii leat roahppánan, muhto mii hukset ođđasis dan mii lea billistuvvon,” de dalle Hearrá, Almmiveagaid Ipmil, cealká: Huksejehkoset, muhto mun gaikkodan visot. Sin eanan gohčoduvvo bahávuođa eanamin ja danin álbmogin masa Hearrá lea moaris agálaččat. 5Dii oaidnibehtet dan iežadet čalmmiiguin ja dadjabehtet: “Hearrá lea stuoris, su váldi ollá badjel Israela rájiid.”

Báhpat badjelgehččet Hearrá

6

1,6
2 Mos 20,12
5 Mos 32,6
Bárdni gudnejahttá áhčis ja bálvá isidis. Muhto jos mun dal lean áhčči, de manne dii ehpet gudnejahte mu? Jos mun lean isit, de manne dii ehpet bala mus? Dán mun, Hearrá, Almmiveagaid Ipmil, cealkkán didjiide, báhpat, geat badjelgeahččabehtet mu nama. Dii dadjabehtet: “Mo mii badjelgeahččat du nama?” 7Nu ahte lehpet buktán mu áltárii buhtismeahttun borramuša. “Mo mii leat dahkan dan buhtismeahttumin?” dii jearrabehtet. Nu ahte din mielas Hearrá beavdi ii leat mange veara. 8
1,8
3 Mos 22,20eč
Mal 1,14
Go dii buktibehtet čalmmehis oaffarelliid, de iigo dat leat vearrut? Go dii buktibehtet oaffaruššojuvvot ealli mii lea skierbmá ja skibas, de iigo dat leat vearrut? Doalvvomat diekkára eatnanhearrásat, gáttátgo su liikot dutnje ja váldit du vuostá ustitlaččat? Ná cealká Hearrá, Almmiveagaid Ipmil. 9Ja diekkár oaffariid dii buktibehtet Ipmilasadet! Dakkáriiguin dii viggabehtet sojahit Ipmila alcceseattet árbmugassan. Go dii dahkabehtet diekkáriid, de gáddibehtetgo su deavdit din sávaldagaid? Ná cealká Hearrá, Almmiveagaid Ipmil.

10

1,10
Jes 1,13
Jer 6,20
Am 5,21č
Vare muhtun dis dahpašii tempeluvssaid, amadet beassat cahkkehit duššás dola mu áltárii! Mun in beroš dis inge fuola din oaffarattáldagain, cealká Hearrá, Almmiveagaid Ipmil. 11
1,11
Joh 4,21eč
Beaivváža badjáneami eatnamiid rájes gitta beaivváža luoitádeami eatnamiid rádjái mu namma lea stuoris. Juohke báikkis munnje oaffaruššojuvvojit suovasoaffarat ja buhtis oaffarat, dasgo mu namma lea stuoris álbmogiid gaskkas, cealká Hearrá, Almmiveagaid Ipmil. 12Muhto dii eahpebasuhehpet dan go dadjabehtet ahte Hearrá beavdi lea buhtismeahttun ja ahte su borramuš ii leat mange veara. 13Dii dadjabehtet: “Vuoi, makkár rahčamuš!” ja dušše cuskkihehpet, cealká Hearrá, Almmiveagaid Ipmil. Go dii buktibehtet oaffarattáldahkan ealli mii lea suoláduvvon, skibas dahje skierbmá, de gáddibehtetgo ahte mun liikošin din oaffarii? cealká Hearrá. 14
1,14
3 Mos 1,310
22,18eč
Sál 47,38
Garuhuvvon lehkos behtolaš olmmoš gii lea lohpidan oaffaruššat Hearrái ealustis varrása, muhto de oaffaruššáge gálddaha. Dasgo mun lean stuorra gonagas, cealká Hearrá, Almmiveagaid Ipmil, ja álbmogat ballet mu namas.

2

21Ja dál, báhpat, dát báhkkon guoská didjiide: 2

2,2
5 Mos 28,15eč
Jos dii ehpet gula mu ehpetge olles váimmus gudnejahte mu nama, cealká Hearrá, Almmiveagaid Ipmil, de mun vuolggahan didjiide garuhusa, ja mun jorgalan din buressivdnádusa garuhussan. Mun lean juo jorgalan dan, danne go dii ehpet leat bidjan dan váibmoseattet. 3
2,3
Nah 3,6
Mun doaján din eallinfámu, ja din oaffarfeasttaid njuovvanbázahasaid mun bálkestan din muođuid njeaiga. 4Ipmirdehket dál ahte mun lean addán didjiide dán báhkkoma, vai mu lihttu Leviin bisošii fámus, cealká Hearrá, Almmiveagaid Ipmil. 5
2,5
4 Mos 3,45
18,21
Mu lihttu suinna lei dát: Mun attán sutnje eallima ja ráfi, ja son gudnejahttá mu ja ballá mu namas. 62,6 luohtehahtti bagadus Báhpa bargui gulai oahpahit Ipmila dáhtu. Gč. v. 9.Su sániin lei luohtehahtti bagadus, iige su baksamiin lean behtolašvuohta. Son vádjolii muinna stáđđásit ja oskkáldasat ja hehttii eatnagiid geassimis suddovealggi badjelasaset. 7
2,7
3 Mos 10,11
5 Mos 21,5
33,10
Hag 1,13
Báhpa baksamat áimmahuššet dieđu, su njálmmis olbmot vižžet bagadusa, dasgo son lea Hearrá, Almmiveagaid Ipmila, áirras. 8Muhto dii lehpet spiehkastan geainnus, din bagadus lea jorralahttán eatnagiid. Dii lehpet rihkkon mu lihtu maid mun dahken Leviin, cealká Hearrá, Almmiveagaid Ipmil. 9
2,9
5 Mos 1,17
1 Sam 2,30
Dan dihte mun lean dahkan din badjelgeahčahassan ja headjun oppa álbmoga čalmmiin. Dii ehpet leat vádjolan mu geainnuid, muhto geahččabehtet olbmuid hápmái go dulkobehtet lága.

Hearrá ii dohkket earráneami

10

2,10
5 Mos 32,6
Ef 4,6
Almma mis buohkain lea seammá áhčči? Almma okta ja seammá Ipmil lea sivdnidan min? Manne mii dalle beahttit guhtet guoibmámet eatge ane bassin áhčiideamet lihtu? 11
2,11
Esra 9,1eč
Neh 13,23eč
Juda lea leamaš oskkáldasmeahttun, Judas ja Jerusalemis leat dahkkojuvvon fasttes dagut. Juda lea heahppášuhttán bassi báikki maid Hearrá ráhkista, ja váldán áhkkán vieris ipmila nieiddaid. 122,12 Masorehtalaš teaksta ii leat čielggas.Vare Hearrá duššadivččii Jakoba gođiin juohkehačča gii dahká nie! Allos sutnje báhco oktage oaffaruššat oaffariid Hearrái, Almmiveagaid Ipmilii. 13Nuppádassii dii lehpet dahkan ná: Dii lehpet gokčan Hearrá áltára gatnjaliiguin, dii lehpet čirron ja šuohkkán, dan dihte go son ii šat beroš din oaffarattáldagain iige váldde dis vuostá maidege. 14
2,14
Sát 2,17
Dii jearrabehtet: “Manin?” Danin go don leat hilgon áhkát, vaikko son lea du beallelaš ja lihtuguoibmi. Hearrá lea duođašteaddji dudno gaskkas, du ja du áhká gean don váldet juo nuorravuođas. 152,15 Masorehtalaš teaksta ii leat čielggas.Iigo okta leat sivdnidan sutnje rupmaša ja vuoiŋŋa. Ja maid de ohcá dat okta? Máná gii gullá Ipmilii? De váldet vára. Ale beahte du nuorravuođa áhká 16
2,16
5 Mos 24,1eč
Hos 2,19
Matt 19,5eč
Dat gii hilgu áhkás ja earrána sus, cealká Hearrá, Israela Ipmil, son duolvada iežas vearrivuođain, cealká Hearrá, Almmiveagaid Ipmil. De váldet vára, allet beahte!

Hearrá boahtá dubmet

17Dii váibadehpet Hearrá sániideattetguin, muhto jearrabehtet liikká: “Mainna lágiin mii váibadit su?” Nu ahte dadjabehtet: “Dat geat dahket baháid, leat buorit Hearrá čalmmiin, dakkáriidda son liiko.” Dahje go jearrabehtet: “Gos lea Ipmila vuoigatvuohta?”