Davvisámegiel Biibbal 2019 (Biibbal)
7

71

7,1
5,14eč
Dát leat vealgeoaffarmearrádusat. Dat oaffar lea allabassi. 2
7,2
1,35
6,18
Dan báikkis gos boaldinoaffarealli njuvvojuvvo, galgá njuovvat maiddái vealgeoaffarealli, ja dan vara galgá riškkuhit miehtá áltára. 3Eallis galgá oaffaruššat buot buoiddi, biehčama ja leavssusbuiddiid, 4
7,4
3,41015
goappašiid maninčalmmiid ja buoiddi mii lea daid alde njárččáid guoras, ja stuorit vuoivvasgeaži mii luvvejuvvo oktan maninčalmmiiguin. 5Báhppa galgá boaldit daid áltára alde dollaoaffarin Hearrái. Dat lea vealgeoaffar. 6Dušše báhpasogaid olbmát ožžot borrat dan. Dan galgá borrat bassi sajis, danin go dat lea allabassi.

7Vealgeoaffarii gusto seammá mearrádus go suddooaffarii: Oaffarealli bierggut gullet báhppii gii doaimmaha soabahusa. 8Go báhppa oaffaruššá soapmása beales boaldinoaffara, de son oažžu oaffarealli náhki. 9

7,9
2,1eč
Nu maiddái báhppa gii doaimmaha borramušoaffara, leaččai dat dal goikaduvvon uvnnas, bassojuvvon ruittus dahje goikaduvvon rávttu alde, oažžu dan mii báhcá. 10Muhto juohke eará borramušoaffar, leaččai dat dal láibojuvvon oljjuin dahje dan haga, gullá Arona bártniide oktasaččat.

11

7,11
3,1eč
Dát mearrádusat gusket searvevuođaoaffarii mii oaffaruššojuvvo Hearrái: 127,12 giittusoaffar.Jos soamis dáhttu buktit oaffara giittusoaffarin, de son galgá oaffaruššat giittusoaffara lassin oljjuin láibojuvvon suvrutkeahtes gáhkuid, oljjuin vuidojuvvon asehis suvrutkeahtes láibbážiid ja gáhkuid mat leat duhppejuvvon sevlejuvvon jáffuin ja oljjus. 13Gáhkuid lassin son galgá oaffaruššat oktanaga searvevuođaoaffariin suvruduvvon láibbiid, maid son oaffaruššá giittusoaffarin. 14Oaffarattáldagainis son galgá buktit Hearrái ovtta guđege šlájas. Báhppa gii riškkuha searvevuođaoaffara vara, oažžu daid. 15Searvevuođaoaffara bierggu mii buktojuvvo giittusoaffarin, galgá borrat seammá beaivvi go dat oaffaruššojuvvo, iige das oaččo guođđit maidege maŋit iđidii.

16

7,16
19,5č
Jos njuovvanoaffar lea lohpádusoaffar dahje eaktodáhtolaš oaffar, de dan galgá borrat seammá beaivvi go dat buktojuvvo, muhto dan mii báhcá, oažžu borrat maŋit beaivvi. 17Dan mii vel báhcá njuovvanoaffaris, galgá boaldit goalmmát beaivvi.

18Muhto jos soamis borrá searvevuođaoaffara bierggu goalmmát beaivvi, de su oaffar ii leat Hearrá miela mielde. Dat ii lohkkojuvvo buorrin dasa guhte buktá dan, dat lea baicca fastivuohta. Dat gii borrá dan, šaddá sivalažžan. 19Bierggu mii lea guoskan makkár buhtismeahttumii beare, ii oaččo borrat, muhto dan galgá boaldit. Juohkehaš gii lea buhtis, oažžu borrat searvevuođaoaffara bierggu. 20

7,20
22,1eč
Muhto juohkehačča gii lea buhtismeahttun ja borrá Hearrá searvevuođaoaffara bierggu, galgá jávkadit iežas álbmogis. 21Jos muhtin guoská masa nu mii lea buhtismeahttun, jogo olbmo buhtismeahttunvuhtii dahje buhtismeahttun spirii dahje njommui, ja dasto borrá Hearrá searvevuođaoaffara bierggu, de su galgá jávkadit iežas álbmogis.

22Hearrá sártnui Mosesii:

23

7,23
3,16č
Cealkke israellaččaide: Dii ehpet oaččo borrat stuorraoami, sávzza dahje gáicca buoiddi. 24
7,24
22,8
Ieš jápmán dahje jámas gaikkoduvvon ealli buoiddi oažžu geavahit eará atnui, muhto ehpet oaččo borrat dan. 25Juohkehačča gii borrá dakkár ealli buoiddi mii oaffaruššojuvvo dollaoaffarin Hearrái, galgá jávkadit iežas álbmogis. 26Ehpet oaččo borrat vara, ehpet lottiid ehpetge omiid vara, gos dal ásažehpetge. 27Juohkehačča gii borrá vara, galgá jávkadit iežas álbmogis.

28Hearrá sártnui Mosesii:

29Cealkke israellaččaide: Go soamis buktá oaffarin Hearrái searvevuođaoaffarealli, de son galgá addit oaffareallistis Hearrái oaffarattáldaga. 30

7,30
2 Mos 29,24č
3 Mos 10,14č
23,17eč
4 Mos 6,19č
7,30 bajidit mielgga oaffarin Oaffarattáldagat vihahuvvojedje dávjá Hearrái go báhpat bajidedje daid áltára ovdii. Vrd. 8,27–29; 2 Mos 29,24. ▶ bajidanoaffar.Son galgá buktit ovdan iežas gieđaiguin Hearrá dollaoaffariid, mielgga ja buot buoiddi. Son galgá bajidit mielgga oaffarin Hearrá muođuid ovddas. 31Báhppa galgá boaldit buoiddi áltára alde, muhto mielga gullá Aronii ja su bártniide. 32Oaffarealli olgeš čoarbbeali dii galgabehtet addit attáldahkan báhppii. 33Dat Arona bárdni gii oaffaruššá searvevuođaoaffara vara ja buoiddi, galgá oažžut olgeš čoarbbeali iežas oassin. 34Dasgo israellaččaid searvevuođaoaffariin mun lean váldán mielgga mii bajiduvvo ja čoarbbeali mii lea addojuvvon oaffarin, ja addán daid báhppa Aronii ja su bártniide. Sis lea agálaš vuoigatvuohta oažžut daid israellaččain.

35

7,35
2 Mos 29,27č
3 Mos 10,14č
Dát lea Arona ja su bártniid oassi Hearrá dollaoaffariin, dan beaivvi rájes go sii leat vihahuvvon Hearrá báhppan. 36Go sii leat vuidojuvvon, de israellaččaid galget addit sidjiide dan oasi Hearrá gohččuma mielde; dat lea sin agálaš vuoigatvuohta buolvvas bulvii.

37Dát leat dat mearrádusat mat gusket boaldinoaffarii, borramušoaffarii, suddooaffarii, vealgeoaffarii, báhpavihahanoaffarii ja searvevuođaoaffarii, 38dat mearrádusat maid Hearrá attii Mosesii Sinaiváris dalle go son gohčui israellaččaid buktit oaffariiddiset Sinaimeahcis.

8

Báhpaid vihaheapmi

81Hearrá sártnui Mosesii:

2

8,2
2 Mos 28,1–29,35
30,30
40,9–15
Buvtte Arona ja su bártniid, sin báhpabiktasiid, vuoidanoljju, suddooaffarvuovssá, goappašiid vierccaid ja veaddelihti mas leat suvrutkeahtes láibbit 3ja rávkka oppa searvegotti almmustusgoađi uvssa ovdii.

4Moses dagai nugo Hearrá lei gohččon su, ja searvegoddi čoahkkanii almmustusgoađi uvssa ovdii. 5Moses dajai searvegoddái: “Ná Hearrá lea gohččon dahkat.” 6Moses divttii Arona ja su bártniid loaiddastit ovdan, ja son basai sin čáziin. 78,7 efoda bajimusbáhpa bivttas. ▶ efod.Son gárvvuhii Aronii báiddi, boahkánasttii su, gárvvuhii sutnje olgguldasbiktasa ja dan ala efoda maid son giddii efoda boahkániin. 88,8 urim ja tummim bassi biergasat mat vuorbádemiin adnojuvvojedje dalle go dáhtto diehtit Ipmila dáhtu. >2 Mos 28,30. ▶ urim ja tummim.Son bijai sutnje raddeleahpi ja dan sisa urima ja tummima. 9De son bijai Arona oaivái turbána ja čanai ovddabeallái lieđi mii lei čielga gollis, bassi oaivečiŋa, nugo Hearrá lei gohččon su. 10

8,10
2 Mos 30,25eč
Moses válddii vuoidanoljju ja vuoiddai goađi ja buot mii lei dan siste, ja basuhii dan buot. 11Son riškkuhii oljju čieža geardde áltára ala, vuoiddai áltára ja buot dan dárbašiid ja basadanáldása ja dan juolggi ja ná basuhii daid. 12
8,12
2 Mos 29,7eč
Son golggahii vuoidanoljju Arona oaivái, vuoiddai su ja vihahii su virgái.

13Dasto Moses divttii Arona bártniid loaiddastit ovdan. Son gárvvuhii sidjiide báiddi, boahkánasttii sin ja bijai sidjiide turbániid oaivái, nugo Hearrá lei gohččon su.

14Moses buvttii suddooaffarvuovssá, ja Aron ja su bártnit bidje gieđaid vuovssá oaivvi ala. 158,15 áltárčoarvái áltárčoarvi.De Moses gottii vuovssá, válddii dan vara ja sihkui dan suorpmain guđege áltárčoarvái juohke beallái ja buhtistii áltára. Vara mii lei báhcán, son leikii áltára gurrii, ja son basuhii áltára ja doaimmahii dasa soabahusa. 16Son válddii buot leavssusbuiddiid ja stuorit vuoivvasgeaži ja goappašiid maninčalmmiid ja daid buoiddi ja bolddii daid áltára alde. 17Muhto vuovssá oktan náhkiin, biergguin ja gubmuiguin son bolddii siidda olggobealde, nugo Hearrá lei gohččon su.

18Dasto Moses buvttii boaldinoaffarviercca, ja Aron ja su bártnit bidje gieđaid viercca oaivvi ala. 19Moses gottii viercca ja riškkuhii vara miehtá áltára. 20Son ruvjii viercca ja bolddii dan oaivvi, ruvjjiid ja buoiddi. 21Siskilušaid ja julggiid son basai čáziin. De son bolddii oppa viercca áltára alde. Dat lei boaldinoaffar, hádja mii lei Hearrá miela mielde, dollaoaffar Hearrái, nugo Hearrá lei gohččon Mosesa.

22

8,22
2 Mos 29,19eč
Dasto Moses buvttii nuppi viercca, báhpavihahanviercca, ja Aron ja su bártnit bidje gieđaid dan oaivvi ala. 23Moses gottii viercca, válddii veaháš vara ja sihkui dan Arona olgeš bealji buoiddážii, olgeš bealgái ja olgeš juolgebealgái. 24Son rávkkai dasto ovdan Arona bártniid ja sihkui vara sin olgeš bealji buoiddážii, olgeš bealgái ja olgeš juolgebealgái ja riškkuhii miehtá áltára vara mii lei báhcán. 25Son válddii buoiddi, biehčama, buot leavssusbuiddiid, stuorit vuoivvasgeaži, goappašiid maninčalmmiid ja daid buoiddi ja olgeš čoarbbeali. 26Veaddelihtis mas atne suvrutkeahtes láibbiid Hearrá muođuid ovddas, son válddii ovtta suvrutkeahtes gáhku, ovtta oljjuin láibojuvvon gáhku ja ovtta asehis láibbáža ja bijai daid buiddiid ja olgeš čoarbbeali ala. 27Buot daid son attii Arona ja su bártniid gihtii ja divttii sin bajidit daid oaffarin Hearrá muođuid ovdii. 28Dasto Moses válddii daid fas sin gieđas ja bolddii daid áltára alde oktan boaldinoaffariin. Dat lei báhpavihahanoaffar, hádja mii lea Hearrá miela mielde, dollaoaffar Hearrái. 29Moses válddii mielgga ja bajidii dan oaffarin Hearrá muođuid ovddas. Dat lei Mosesa oassi báhpavihahanvierccas, nugo Hearrá lei gohččon su. 30Ja Moses válddii vuoidanoljju ja vara áltára alde ja riškkuhii dan Arona ja su bártniid biktasiidda. Dan láhkái son vihahii Arona ja su bártniid ja sin biktasiid.

31

8,31
2 Mos 29,32
Moses dajai Aronii ja su bártniide: “Vuššet bierggu almmustusgoađi uvssa guoras. Doppe dii galgabehtet borrat dan oktan láibbiin mii lea báhpavihahanveaddelihtis, nugo munnje lea celkojuvvon: Aron ja su bártnit galget borrat dan. 32Dan mii báhcá bierggus ja láibbis, dii galgabehtet boaldit. 33
8,33
2 Mos 29,35
Čieža beaivvi dii galgabehtet orrut almmustusgoađi uvssa ovddas, dassá go din báhpavihahanbeaivvit leat gollan; čieža beaivvi bistá din báhpavihaheapmi. 34Nugo odne lea dahkkojuvvon, nu Hearrá lea gohččon dahkat, vai dii oažžubehtet soabahusa. 35Dii galgabehtet orrut almmustusgoađi uvssa ovddas čieža beaivvi ijatbeaivái ja dahkat Hearrá gohččuma mielde, muđui dii jápmibehtet. Nu munnje lea celkojuvvon.” 36Aron ja su bártnit dahke buot dan maid Hearrá lei gohččon Mosesa bokte.

9

Arona vuosttaš oaffar

91Gávccát beaivvi Moses rávkkai lusas Arona ja su bártniid ja Israela vuorrasiid. 2Son dajai Aronii: “Váldde burrogálbbi suddooaffarin ja viercca boaldinoaffarin, goappašagaid almmá vigi haga, ja buvtte daid Hearrá muođuid ovdii. 3Cealkke israellaččaide: Buktet bohká suddooaffarin ja burrogálbbi ja lábbá boaldinoaffarin, goappašagaid jahkásaččaid ja almmá vigi haga. 4Buktet maiddái vuovssá ja viercca searvevuođaoaffarin, oaffaruššojuvvot Hearrá muođuid ovddas, ja borramušoaffara mii lea vuidojuvvon oljjuin, danin go odne Hearrá almmustuvvá didjiide.”

5Sii bukte almmustusgoađi ovdii buot maid Moses lei gohččon. Oppa searvegoddi loaiddastii ovdan ja čuoččui Hearrá muođuid ovddas. 6Moses dajai: “Ná Hearrá lea gohččon din dahkat, ja de su hearvásvuohta almmustuvvá didjiide.” 7

9,7
Kap.
Aronii Moses dajai: “Loaiddas áltára lusa ja oaffaruša iežat suddooaffara ja boaldinoaffara ja doaimmat soabahusa alccesat ja álbmogii. Oaffaruša dasto álbmoga oaffara ja doaimmat soabahusa dasa, nugo Hearrá lea gohččon.”

8Aron loaiddastii áltára lusa ja gottii iežas suddooaffargálbbi. 9Arona bártnit geigejedje sutnje vara, ja son buonjostii suorpma dasa ja sihkui vara áltára čorvviide, ja vara mii lei báhcán, son leikii áltára gurrii. 10Suddooaffarealli buoiddi ja maninčalmmiid ja stuorit vuoivvasgeaži son bolddii áltára alde dan gohččuma mielde maid Hearrá lei addán Mosesii. 11Biergguid ja náhki son bolddii siidda olggobealde. 12Dasto Aron gottii boaldinoaffarealli. Su bártnit geigejedje sutnje vara, ja son riškkuhii dan miehtá áltára. 13Sii geigejedje sutnje boaldinoaffarealli ruvjjiid ja oaivvi, ja son bolddii daid áltára alde. 14Dasto son basai siskilušaid ja julggiid ja bolddii daid oktan boaldinoaffariin áltára alde.

15De Aron buvttii ovdan álbmoga oaffara, válddii álbmoga suddooaffarbohká ja gottii dan suddooaffarin seammá ládje go iežas oaffareallige. 16Son válddii maiddái boaldinoaffarealli ja oaffarušai dan mearriduvvon vuogi mielde. 17

9,17
2 Mos 29,39č
Son buvttii ovdan borramušoaffara, válddii das čorpma dievva ja bolddii dan áltára alde. Dan son oaffarušai iđitboaldinoaffara lassin. 18De son gottii vuovssá ja viercca álbmoga searvevuođaoaffarin. Arona bártnit geigejedje sutnje vara, ja son riškkuhii dan miehtá áltára.

19Vuovssá ja viercca buiddiid, biehčama, leavssusbuiddiid, maninčalmmiid ja stuorit vuoivvasgeaži, 20buot dáid buiddiid sii bidje mielggaid gurrii. Aron bolddii buiddiid áltára alde. 21Muhto mielggaid ja olgeš čoarbbeali Aron bajidii oaffarin Hearrá muođuid ovddas, nugo Moses lei gohččon. 22

9,22
4 Mos 6,23č
De Aron bajidii gieđaid álbmoga guvlui ja buressivdnidii sin. Son njiejai áltáris go lei geargan oaffaruššamis suddooaffara, boaldinoaffara ja searvevuođaoaffara.

23

9,23
2 Mos 40,34
4 Mos 9,6
Moses ja Aron manaiga almmustusgoahtái, ja go soai bođiiga doppe olggos, de soai buressivdnideigga álbmoga. Dalle Hearrá hearvásvuohta almmustuvai oppa álbmogii. 24
9,24
1 Mos 15,17
Duop 6,21
1 Gon 18,38č
1 Muit 21,26
2 Muit 7,1
Hearrá luhtte vulggii dolla, ja dat lovttii boaldinoaffara ja buiddiid áltára alde. Oppa álbmot oinnii dan, ja buohkat ledje ávus ja luoitádedje eatnamii muđolassii.