Davvisámegiel Biibbal 2019 (Biibbal)
5

51Jos soamis lea hástojuvvon duođaštit, muhto ii duođaš vaikko sáhtášii, go juo lea oaidnán dahje boahtán diehtit juoidá, de son sudduda ja šaddá sivalažžan. 2

5,2
Kap.
Jos soamis fuomáškeahttá guoská masa nu mii lea buhtismeahttun, jogo buhtismeahttun meahcispire, oami dahje njoammu rábbái, de son šaddá buhtismeahttumin ja lea sivalaš. 3
5,3
Kap.
Jos soamis fuomáškeahttá guoská olbmo buhtismeahttunvuhtii, dakkár buhtismeahttunvuhtii mas ieš šaddá buhtismeahttumin, ja son de fuobmá iežas rihkkuma, de son lea sivalaš. 4Nu maiddái jos muhtin vuordnu fuomáškeahttá juoidá maid olmmoš jurdilkeahttá vuordnu, leaččai dal su áigumuš bahá dahje buorre, ja dasto fuobmá ahte son lea rihkkon, de son lea sivalaš. 5Go soamis lea šaddan sivalažžan muhtin dákkár dahkui, de son galgá dovddastit iežas rihkkuma. 6Son galgá iežas rihkkuma buhtadussan buktit Hearrái suddooaffarin njiŋŋelas smávvaoami, juogo sávzza dahje gáicca. Báhppa galgá soabahit su rihkkuma.

7Jos son ii suitte háhkat sávzza, de son galgá buktit Hearrái suttus buhtadussan guokte turtelduvvá dahje guokte eará duvvá, nuppi suddooaffarin ja nuppi boaldinoaffarin. 8Son galgá buktit daid báhppii gii vuos galgá oaffaruššat dan mii lea jurddašuvvon suddooaffarin. Báhppa galgá bonjastit das oaivvi gaskat, muhto ii oaččo luvvet dan. 9De son galgá riškkuhit veaháš suddooaffara vara áltára gilgii. Dat varra mii báhcá, galgá božistuvvot áltára gurrii. Dat lea suddooaffar. 10Nuppi duvvá son galgá dahkat boaldinoaffarin nugo lea mearriduvvon. Báhppa galgá doaimmahit soabahusa, ja de son oažžu ándagassii.

115,11 efa logádasa sullii 3,6 lihttera.Jos son ii suitte háhkat guokte turtelduvvá dahje guokte eará duvvá, de son galgá buktit oaffarattáldahkan efa logádasa sevlejuvvon jáffuid suddooaffarin dan suttu ovddas maid son lea dahkan. Son ii galgga golggahit dasa oljju iige bidjat ala suovvasiid, dasgo dat lea suddooaffar. 12Son galgá buktit jáffuid báhppii, ja báhppa galgá váldit daid čorpma dievva oasseoaffarin ja boaldit daid áltára alde oktan Hearrá dollaoaffariiguin. Dat lea suddooaffar. 13

5,13
2,310
Ja báhppa galgá soabahit dan suttu maid son lea dahkan, man ihkinassii dain suttuin mat dás leat daddjojuvvon, de son oažžu ándagassii. Dat mii báhcá oaffaris, gullá báhppii, nugo maiddái dat mii báhcá borramušoaffaris.

Vealgeoaffar

14Hearrá sártnui Mosesii:

15Jos soamis meannuda oskkáldasmeahttumit ja fuomáškeahttá sudduda dan dáfus mii lea basuhuvvon Hearrái, de son galgá buktit vealgeoaffarin Hearrái smávvaomiin viercca mii lea almmá vigi haga, dahje dan árvvu silbašekelin mii lea vihkkejuvvon bassibáikki šekeldeattuin. 16Son galgá buhtadit dan man dáfus lea suddudan, dainna mii lea bassi, ja lasihit dasa viđádasa. Son galgá addit dan báhppii, ja go báhppa lea doaimmahan soabahusa vealgeoaffarvierccain, de son oažžu ándagassii.

17Jos soamis fuomáškeahttá rihkku Hearrá báhkkoma ja dahká dan mii ii leat lobálaš, ja dasto ipmirda ahte lea sivalaš, de son šaddá guoddit iežas suddovealggi. 18Son galgá buktit báhppii vealgeoaffarin smávvaomiin viercca mii lea almmá vigi haga, dahje dan árvvu. Go báhppa lea doaimmahan dan suttu soabahusa maid son lea dahkan fuomáškeahttá, de son oažžu ándagassii. 19Dat lea vealgeoaffar; son lea šaddan sivalažžan Hearrá ovddas.

20Hearrá sártnui Mosesii:

21

5,21
2 Mos 22,7eč
4 Mos 5,5eč
Jos soamis sudduda ja meannuda oskkáldasmeahttumit Hearrá vuostá ja beahttá lagamuččas dan dáfus mii lea addojuvvon dahje oskkilduvvon su háldui, dahje rievida dahje váldá veagal lagamuččastis juoidá, 22dahje dan láhkái ahte šiitá leat gávdnan láhppon diŋgga, dahje dan láhkái ahte vuordnu vearreváliin muhtun dakkár suttu hárrái maid olmmoš sáhttá dahkat, 23de dat gii lea suddudan ja ipmirda ahte lea sivalaš, galgá addit ruoktot dan maid lea rievidan dahje váldán veagal, dahje dan mii lea oskkilduvvon su háldui, dahje láhppon diŋgga maid son lea gávdnan. 24Seammá láhkái galgá dahkat dain áššiin maid hárrái son lea vurdnon vearreváli. Son galgá máksit olles hatti ja lasihit dasa vel viđádasa. Go son ipmirda ahte lea sivalaš, de son galgá máksit buhtadusa eaiggádii. 25Son galgá buktit Hearrái vealgeoaffarin smávvaomiin viercca mii lea almmá vigi haga, dahje dan árvvu, ja addit dan báhppii vealgeoaffarin. 26Go báhppa lea doaimmahan su suttu soabahusa Hearrá muođuid ovddas, de son oažžu ándagassii, leaččai son dal dahkan maid ihkinassii mii lea dagahan su sivalažžan.

6

Oaffarmearrádusat

61Hearrá sártnui Mosesii:

2

6,2
1,3č
Atte Aronii ja su bártniide dán gohččuma: Dát leat boaldinoaffarmearrádusat. Boaldinoaffar galgá leat dolas áltára alde geažos ija iđida rádjái, iige áltárdolla oaččo jáddat. 3Báhppa galgá gárvodit liidnebiktasa ja liidnebuvssaid maiguin son gokčá iežas. Son galgá čoaggit gunaid mat leat báhcán boaldinoaffaris, ja bidjat daid áltára gurrii. 4
6,4
4,12
De son galgá molsut eará biktasiid ja doalvut gunaid siidda olggobeallái buhtis báikái. 5Dolla galgá leat álo buollimin áltára alde. Juohke iđida báhppa galgá lasihit muoraid dollii, bidjat boaldinoaffara dola ala ja boaldit dan alde searvevuođaoaffara buiddiid. 6Dolla galgá leat buollimin geažos áigge áltára alde; dat ii oaččo jáddat. 7
6,7
2,1eč
Dát leat borramušoaffarmearrádusat. Arona bártnit galget buktit borramušoaffara áltára lusa Hearrá muođuid ovdii. 8Báhppa galgá váldit čorpma dievva sevlejuvvon jáffuid ja oljju mii gullá borramušoaffarii, ja maiddái buot suovvasiid borramušoaffara alde, ja boaldit daid oasseoaffarin áltára alde, hádjan mii lea Hearrá miela mielde. 9Aron ja su bártnit ožžot borrat dan mii báhcá oaffaris. Dan galgá láibut suvrutkeahtes láibin ja borrat bassi sajis. Sii galget borrat dan almmustusgoađi ovdašiljus. 10Dan ii oaččo láibut suvrraláibin. Dat lea dat oassi maid mun lean addán sidjiide iežan dollaoaffariin. Dat lea allabassi seammá ládje go suddooaffar ja vealgeoaffar. 11Juohke olbmábealle Arona nális oažžu borrat dan; dat lea buolvvas bulvii din agálaš oassi Hearrá dollaoaffariin. Buot mii dasa guoská, šaddá bassin.

12Hearrá sártnui Mosesii: 13

6,13
4 Mos 4,16
6,13 efalogádas su. 3,6 lihttera.Aron ja su bártnit galget dan rájes go sii vuidojuvvojit, buktit Hearrái oaffarattáldahkan beaivválaš borramušoaffarin efalogádasa sevlejuvvon jáffuid, beali das iđedis ja beali eahkedis.

14

6,14
2,6
Jáffut galget sotkojuvvot bures oljjuin, goikaduvvot rávttu alde láibbážin ja buktojuvvot Hearrái borramušoaffarin, hádjan mii lea Hearrá miela mielde. 15Dat Arona bártniin gii vuidojuvvo báhppan su maŋŋil, galgá ráhkadit dan. Dat oaffar lea Hearrá agálaš oassi: Visot galgá boldojuvvot. 16Juohke borramušoaffar maid báhppa addá iežas ovddas, galgá leat ollesoaffar; dan ii oaččo borrat.

17Hearrá sártnui Mosesii: 18

6,18
4,2eč
Cealkke Aronii ja su bártniide: Dát leat suddooaffarmearrádusat: Dan báikkis gos boaldinoaffarealli goddojuvvo, galgá maiddái suddooaffarealli goddojuvvot Hearrá muođuid ovddas. Dat lea allabassi.

19

6,19
4,22–5,13
Báhppa gii oaffaruššá suddooaffara, oažžu borrat dan; dan galgá borrat bassi sajis, almmustusgoađi ovdašiljus.

20Buot mii guoská suddooaffarbirgui, šaddá bassin. Jos dan varra lea riškkihan biktasii, de don galggat bassat vara eret bassi sajis. 21Jos biergu lea vuššojuvvon láirelihtis, de lihti galgá cuvket. Jos dat lea vuššojuvvon veaikelihtis, de lihti galgá ruvvet ja doidit čáziin. 22Dušše báhppasogaid olbmát ožžot borrat dan, dat lea allabassi. 23

6,23
16,27
Hebr 13,11
Muhto suddooaffara man varra dolvojuvvo almmustusgoahtái doaimmahit soabahusa, ii oaččo borrat, muhto dan galgá boaldit dolas.

7

71

7,1
5,14eč
Dát leat vealgeoaffarmearrádusat. Dat oaffar lea allabassi. 2
7,2
1,35
6,18
Dan báikkis gos boaldinoaffarealli njuvvojuvvo, galgá njuovvat maiddái vealgeoaffarealli, ja dan vara galgá riškkuhit miehtá áltára. 3Eallis galgá oaffaruššat buot buoiddi, biehčama ja leavssusbuiddiid, 4
7,4
3,41015
goappašiid maninčalmmiid ja buoiddi mii lea daid alde njárččáid guoras, ja stuorit vuoivvasgeaži mii luvvejuvvo oktan maninčalmmiiguin. 5Báhppa galgá boaldit daid áltára alde dollaoaffarin Hearrái. Dat lea vealgeoaffar. 6Dušše báhpasogaid olbmát ožžot borrat dan. Dan galgá borrat bassi sajis, danin go dat lea allabassi.

7Vealgeoaffarii gusto seammá mearrádus go suddooaffarii: Oaffarealli bierggut gullet báhppii gii doaimmaha soabahusa. 8Go báhppa oaffaruššá soapmása beales boaldinoaffara, de son oažžu oaffarealli náhki. 9

7,9
2,1eč
Nu maiddái báhppa gii doaimmaha borramušoaffara, leaččai dat dal goikaduvvon uvnnas, bassojuvvon ruittus dahje goikaduvvon rávttu alde, oažžu dan mii báhcá. 10Muhto juohke eará borramušoaffar, leaččai dat dal láibojuvvon oljjuin dahje dan haga, gullá Arona bártniide oktasaččat.

11

7,11
3,1eč
Dát mearrádusat gusket searvevuođaoaffarii mii oaffaruššojuvvo Hearrái: 127,12 giittusoaffar.Jos soamis dáhttu buktit oaffara giittusoaffarin, de son galgá oaffaruššat giittusoaffara lassin oljjuin láibojuvvon suvrutkeahtes gáhkuid, oljjuin vuidojuvvon asehis suvrutkeahtes láibbážiid ja gáhkuid mat leat duhppejuvvon sevlejuvvon jáffuin ja oljjus. 13Gáhkuid lassin son galgá oaffaruššat oktanaga searvevuođaoaffariin suvruduvvon láibbiid, maid son oaffaruššá giittusoaffarin. 14Oaffarattáldagainis son galgá buktit Hearrái ovtta guđege šlájas. Báhppa gii riškkuha searvevuođaoaffara vara, oažžu daid. 15Searvevuođaoaffara bierggu mii buktojuvvo giittusoaffarin, galgá borrat seammá beaivvi go dat oaffaruššojuvvo, iige das oaččo guođđit maidege maŋit iđidii.

16

7,16
19,5č
Jos njuovvanoaffar lea lohpádusoaffar dahje eaktodáhtolaš oaffar, de dan galgá borrat seammá beaivvi go dat buktojuvvo, muhto dan mii báhcá, oažžu borrat maŋit beaivvi. 17Dan mii vel báhcá njuovvanoaffaris, galgá boaldit goalmmát beaivvi.

18Muhto jos soamis borrá searvevuođaoaffara bierggu goalmmát beaivvi, de su oaffar ii leat Hearrá miela mielde. Dat ii lohkkojuvvo buorrin dasa guhte buktá dan, dat lea baicca fastivuohta. Dat gii borrá dan, šaddá sivalažžan. 19Bierggu mii lea guoskan makkár buhtismeahttumii beare, ii oaččo borrat, muhto dan galgá boaldit. Juohkehaš gii lea buhtis, oažžu borrat searvevuođaoaffara bierggu. 20

7,20
22,1eč
Muhto juohkehačča gii lea buhtismeahttun ja borrá Hearrá searvevuođaoaffara bierggu, galgá jávkadit iežas álbmogis. 21Jos muhtin guoská masa nu mii lea buhtismeahttun, jogo olbmo buhtismeahttunvuhtii dahje buhtismeahttun spirii dahje njommui, ja dasto borrá Hearrá searvevuođaoaffara bierggu, de su galgá jávkadit iežas álbmogis.

22Hearrá sártnui Mosesii:

23

7,23
3,16č
Cealkke israellaččaide: Dii ehpet oaččo borrat stuorraoami, sávzza dahje gáicca buoiddi. 24
7,24
22,8
Ieš jápmán dahje jámas gaikkoduvvon ealli buoiddi oažžu geavahit eará atnui, muhto ehpet oaččo borrat dan. 25Juohkehačča gii borrá dakkár ealli buoiddi mii oaffaruššojuvvo dollaoaffarin Hearrái, galgá jávkadit iežas álbmogis. 26Ehpet oaččo borrat vara, ehpet lottiid ehpetge omiid vara, gos dal ásažehpetge. 27Juohkehačča gii borrá vara, galgá jávkadit iežas álbmogis.

28Hearrá sártnui Mosesii:

29Cealkke israellaččaide: Go soamis buktá oaffarin Hearrái searvevuođaoaffarealli, de son galgá addit oaffareallistis Hearrái oaffarattáldaga. 30

7,30
2 Mos 29,24č
3 Mos 10,14č
23,17eč
4 Mos 6,19č
7,30 bajidit mielgga oaffarin Oaffarattáldagat vihahuvvojedje dávjá Hearrái go báhpat bajidedje daid áltára ovdii. Vrd. 8,27–29; 2 Mos 29,24. ▶ bajidanoaffar.Son galgá buktit ovdan iežas gieđaiguin Hearrá dollaoaffariid, mielgga ja buot buoiddi. Son galgá bajidit mielgga oaffarin Hearrá muođuid ovddas. 31Báhppa galgá boaldit buoiddi áltára alde, muhto mielga gullá Aronii ja su bártniide. 32Oaffarealli olgeš čoarbbeali dii galgabehtet addit attáldahkan báhppii. 33Dat Arona bárdni gii oaffaruššá searvevuođaoaffara vara ja buoiddi, galgá oažžut olgeš čoarbbeali iežas oassin. 34Dasgo israellaččaid searvevuođaoaffariin mun lean váldán mielgga mii bajiduvvo ja čoarbbeali mii lea addojuvvon oaffarin, ja addán daid báhppa Aronii ja su bártniide. Sis lea agálaš vuoigatvuohta oažžut daid israellaččain.

35

7,35
2 Mos 29,27č
3 Mos 10,14č
Dát lea Arona ja su bártniid oassi Hearrá dollaoaffariin, dan beaivvi rájes go sii leat vihahuvvon Hearrá báhppan. 36Go sii leat vuidojuvvon, de israellaččaid galget addit sidjiide dan oasi Hearrá gohččuma mielde; dat lea sin agálaš vuoigatvuohta buolvvas bulvii.

37Dát leat dat mearrádusat mat gusket boaldinoaffarii, borramušoaffarii, suddooaffarii, vealgeoaffarii, báhpavihahanoaffarii ja searvevuođaoaffarii, 38dat mearrádusat maid Hearrá attii Mosesii Sinaiváris dalle go son gohčui israellaččaid buktit oaffariiddiset Sinaimeahcis.