Davvisámegiel Biibbal 2019 (Biibbal)
19

Bassivuođalágat

191Hearrá sártnui Mosesii:

2

19,2
11,44č
1 Pet 1,16
Cealkke oppa Israela searvegoddái: Lehket basit, dasgo mun, Hearrá, din Ipmil, lean bassi. 3
19,3
2 Mos 20,812
Juohkehaš dis galgá gudnejahttit eatnis ja áhčis ja doallat mu sabbahiid. Mun lean Hearrá, din Ipmil. 4
19,4
2 Mos 20,3č23
Allet jorgal eahpeipmiliid beallái. Allet daga alcceseattet leikejuvvon ipmilgovaid. Mun lean Hearrá, din Ipmil.

5

19,5
7,11eč
Go dii oaffaruššabehtet searvevuođaoaffara Hearrái, de dahket dan nu ahte dat lea Hearrá miela mielde. 6Dan galgá borrat seammá beaivvi go dat oaffaruššojuvvo, dahje maŋit beaivvi. Dan mii báhcá goalmmát beaivái, galgá boaldit. 7Jos soamis borrá dan goalmmát beaivvi, de dat lea fastivuohta, iige Hearrá dohkket oaffara. 8Dat gii borrá dan, šaddá sivalažžan, dasgo son lea dahkan eahpebassin dan mii lei basuhuvvon Hearrái. Son galgá jávkaduvvot iežas álbmogis.

9

19,9
23,22
5 Mos 24,19č
Rut 2,2č
Go šaddu ráddjojuvvo du eatnamis, de it oaččo čuohppat gortni bealdoravddaid ráje itge čoaggit gordneoivviid mat leat báhcán. 10It oaččo atnit maŋŋerádjama viidnegárddistat itge čoaggit gahččan viidnemurjjiid. Guođe daid gefiid ja vierrásiid várás. Mun lean Hearrá, din Ipmil.

11

19,11
2 Mos 20,15č
Ef 4,2528
Kol 3,9
1 Tess 4,6
Ehpet oaččo suoládit, ehpet gielistit ehpetge beahttit guhtet guimmiideattet. 12
19,12
2 Mos 20,7+
Ehpet oaččo vuordnut veriid mu nammii, dasgo dalle don dagat Ipmilat nama eahpebassin. Mun lean Hearrá. 13
19,13
5 Mos 24,14č
Jer 22,13
Jak 5,4
It oaččo váldit lagamuččastat veagal maidege itge rievidit sus maidege. It oaččo doallat beaivebálkkolačča bálkká alddát maŋit iđidii. 14
19,14
5 Mos 27,18
It oaččo garuhit bealjeheami itge bidjat čalmmeheami ovdii juoidá masa son jorrala, muhto bala Ipmilisttát. Mun lean Hearrá.

15

19,15
2 Mos 23,3
5 Mos 1,17
16,19
Sát 24,23č
Ehpet oaččo dahkat veriid dubmedettiin. It oaččo leat bealát geafi ávkin itge riggá ávkin, muhto dubme lagamuččat vuoiggalaččat. 16
19,16
Sál 15,3
Jer 9,8
Esek 22,9
It oaččo vázzit birra ja bostalit iežat vieljaid, it oaččo bivdit lagamuččat heakka. Mun lean Hearrá. 17
19,17
Matt 18,15
Luk 17,3
1 Joh 2,11
3,15
It oaččo vašuhit vieljat, muhto cuiggot su, amat šaddat sivalažžan su dihte. 18
19,18
5 Mos 6,5
Matt 5,43
19,19
22,39
Mark 12,31
Luk 10,27
Rom 12,19
13,9
Gal 5,14
Jak 2,8
It oaččo mávssahit geasage itge vašuhit álbmogat olbmuid, muhto ráhkis lagamuččat nugo iežat. Mun lean Hearrá.

19

19,19
5 Mos 22,911
Galggat doallat mu lágaid. Ale divtte omiinat guokte šlája seahkanaddat oktii. It oaččo gilvit guovttelágán siepmaniid beldosat. It oaččo atnit biktasiid mat leat gođđojuvvon guovttelágán láiggis.

20Jos olmmái veallá šlávvanissoniin gii lea lohpiduvvon áhkkán nuppi olbmái, muhto ii leat vel ostojuvvon friddjan dahje luitojuvvon friddjan, de dat olmmái galgá máksit vahátmávssu. Sudno ii oaččo goddit, danne go nisson ii lean luitojuvvon friddjan, 21muhto olmmái galgá buktit Hearrái almmustusgoađi uvssa lusa viercca iežas vealgeoaffarin. 22Go báhppa Hearrá muođuid ovddas lea doaimmahan sutnje soabahusa oaffaruššamiin viercca vealgeoaffarin, de son oažžu ándagassii suttu maid lea dahkan.

23Go dii boahtibehtet iežadet eatnamii ja gilvibehtet buotlágán šattosmuoraid, de galgabehtet diktit vuosttaš šaddosiid orrut. Golbma jagi šaddosat leat didjiide gildosat; allet bora daid. 24Muhto njealját jagis buot daid šaddosat galget basuhuvvot Hearrái ávvudemiin. 25Easkka viđát jagi oažžubehtet borrat daid šaddosiid. Ná dii oažžubehtet mihá eambbo šattu. Mun lean Hearrá, din Ipmil.

26

19,26
3,17
5 Mos 12,23
18,10č
2 Gon 21,6č
Ehpet oaččo borrat bierggu mas lea varra. Ehpet oaččo einnostit ehpetge lohkat mearkkaid. 2719,27 čuohppat vuovttaid … skávžžáid moraštanvierru mii lei gielddus báhpaide. ▶ moraštanvierut. Vrd. 21,5; 5 Mos 14,1č; Jer 9,26; 25,23; 49,32.Ehpet oaččo čuohppat vuovttaid geađđašiin ehpetge čuohppat skávžžáid. 28
19,28
5 Mos 14,1
Ehpet oaččo nádjat mearkkaid iežadet rupmašii jápmán olbmo dihte ehpetge bidjat boalddihuvvon čálamearkkaid iežadet liikái. Mun lean Hearrá.

29It oaččo heahppášuhttit nieiddat nu ahte divttát su šaddat fuorrán, vai fuorrávuohta ja heahpatlašvuohta ii deavdde eatnama. 30Galgabehtet doallat mu sabbahiid ja gudnejahttit mu bassibáikki. Mun lean Hearrá. 31

19,31
20,627
5 Mos 18,10č
1 Sam 28,7eč
Jes 8,19
Ehpet oaččo jorgalit jábmiid vuoiŋŋaid beallái ehpetge ohcat einnostusvuoiŋŋaid, vai dat eai daga din buhtismeahttumin. Mun lean Hearrá, din Ipmil. 32
19,32
1 Tim 5,1č
Čuožžil čurgesvuovttaga ovddas, gudnejahte vuoras olbmo ja bala Ipmilisttát. Mun lean Hearrá.

33

19,33
2 Mos 22,21+
Jos soames vieris ássá din eatnamii, de ehpet oaččo soardit su. 34Vieris gii ássá din luhtte galgá leat didjiide dego eatnamis riegádan olmmoš. Ráhkis su dego iežat, dasgo diihan maid leiddet vierrásat Egyptas. Mun lean Hearrá, din Ipmil.

35Ehpet oaččo verrošit go mearridehpet guhkkodat-, deaddo- dahje geassomihtu. 36

19,36
5 Mos 25,13–16
Sát 11,1
Mi 6,10č
Dis galget leat rivttes veavttat, rivttes veaktageađggit, rivttes efamihttu ja rivttes hinmihttu. Mun lean Hearrá, din Ipmil, gii bukten din Egyptas. 37
19,37
18,30
Dii galgabehtet doallat buot mu lágaid ja báhkkomiid ja eallit daid mielde. Mun lean Hearrá.

20

Ráŋggáštusmearrádusat

201Hearrá sártnui Mosesii:

2

20,2
18,21+
20,2 geađgádit geađgádeapmi.Cealkke israellaččaide: Jos muhtin israellaš dahje vieris gii ássá Israelis, oaffaruššá mánás Molokii, de son galgá ráŋggáštuvvot jápmimiin; dan guovllu olbmot galget geađgádit su. 3Ná mun jorgalan dan olbmá vuostá ja jávkadan su álbmogisttis. Sonhan lea oaffaruššan mánás Molokii, dahkan mu bassibáikki buhtismeahttumin ja heahppášuhttán mu bassi nama. 4Muhto jos dan guovllu olbmot eai daga oaidnin ahte dat olmmái lea oaffaruššan mánás Molokii eaige gotte su, 5de mun ieš jorgalan su ja su soga vuostá ja jávkadan su su álbmogis ja buohkaid geat su maŋis furrošit Molokiin. 6
20,6
19,31+
Jos soamis jorgala jábmiid vuoiŋŋaid ja einnostusvuoiŋŋaid beallái ja furroša daiguin, de mun jorgalan dan olbmo vuostá ja jávkadan su su álbmogis.

7

20,7
11,44+
Dii galgabehtet basuhit iežadet ja leat basit, danin go mun lean Hearrá, din Ipmil. 8Dii galgabehtet doallat mu lágaid ja doallat daid. Mun, Hearrá, lean basuhan din.

Suddu ja ráŋggáštus

9

20,9
2 Mos 21,17
5 Mos 27,16
Sát 20,20
Juohkehaš gii garuha áhčis ja eatnis, galgá ráŋggáštuvvot jápmimiin. Son lea garuhan áhčis ja eatnis, son lea sivalaš iežas jápmimii.

10

20,10
18,6–23
Jos olmmái furroša lagamuččas áhkáin, de goappašagat, olmmái ja nisson, galgaba ráŋggáštuvvot jápmimiin. 11Jos olmmái veallá áhčis áhkáin, de son heahppášuhttá áhčis. Soai goappašagat galgaba ráŋggáštuvvot jápmimiin, soai leaba sivalaččat iežaska jápmimii. 12Jos olmmái veallá manjiinis, de soai goappašagat galgaba ráŋggáštuvvot jápmimiin. Soai leaba dahkan fastivuođa, soai leaba sivalaččat iežaska jápmimii. 13Jos olmmái veallá olbmáin nugo olmmái veallá nissoniin, de soai goappašagat leaba dahkan fastivuođa ja galgaba ráŋggáštuvvot jápmimiin. Soai leaba sivalaččat iežaska jápmimii. 14Jos olmmái váldá áhkkán nissona ja su eatni, de dat lea heahpatlaš dahku, ja danin olbmá ja nissonguoktá galgá boaldit. Din gaskkas ii oaččo leat mihkkege heahpatlašvuođaid.

15Jos olmmái seahkanaddá omiin, de son galgá ráŋggáštuvvot jápmimiin, ja maiddái oami galgá njuovvat. 16Jos nisson lahkana oapmái vai beassá seahkanaddat dainna, de sihke nisson ja oapmi galget ráŋggáštuvvot jápmimiin. Nisson lea sivalaš iežas jápmimii ja nu maiddái oapmi.

17Jos olmmái váldá áhkkán iežas oappá, áhčis dahje eatnis nieidda, ja soai oaidniba goabbat guoimmiska álásvuođa, de dat lea heahpatlaš dahku. Soai galgaba jávkaduvvot iežaska álbmogis buohkaid oaidnut. Olmmái lea veallán oappáinis ja lea danin šaddan sivalažžan. 18Jos olmmái veallá nissoniin go nissonis leat mánodávddat, de soai leaba rahpan nissona vara ádjaga ja galgaba jávkaduvvot iežaska álbmogis. 19It oaččo veallát eatnát oappáin itge áhčát oappáin, danin go dat gii dahká nu, heahppášuhttá iežas oačči ja vara, ja guktot šaddaba sivalažžan. 20Dat gii veallá áhčis vielja áhkáin, heahppášuhttá áhčis vielja. Soai šaddaba sivalažžan ja jápmiba mánáheapmin. 21Jos soamis váldá áhkkán vieljas áhká, de dat lea fastivuohta. Go son lea heahppášuhttán vieljas, de soai šaddaba mánáheapmin.

22

20,22
18,28
19,37
Dii galgabehtet doallat buot mu lágaid ja báhkkomiid ja eallit daid mielde, vai eanan gosa mun doalvvun din ássat, ii vuovsse din olggos. 23Dii ehpet oaččo vádjolit daid álbmoga vieruid mielde maid mun áján eret din ovddas. Dat álbmogat leat dahkan buot dakkár fasttiid, ja mun lean fasttášišgoahtán daid. 24
20,24
2 Mos 3,8
1 Gon 8,53
Danin mun celken didjiide: Dii galgabehtet váldit sin eatnama oapmineattet, danin go mun attán dan didjiide opmodahkan, dan eatnama mas golgá mielki ja honnet. Mun, Hearrá, din Ipmil, lean sirren din eará álbmogiin. 25
20,25
11,2eč
Dii galgabehtet dahkat erohusa buhtis ja buhtismeahttun elliid ja buhtis ja buhtismeahttun lottiid gaskkas. Allet daga iežadet fastin nu ahte borrabehtet njealjejuolggat elliid, lottiid dahje njoammuid maid mun lean sirren buhtismeahttumin. 26
20,26
2 Mos 19,5
3 Mos 11,44č
Dii galgabehtet álo leat basuhuvvon munnje, dasgo mun, Hearrá, lean bassi, ja mun lean dahkan erohusa din ja eará álbmogiid gaskkas ja váldán din iežan álbmogin.

27

20,27
19,31
Dakkár olmmái dahje nisson geas lea jábmiid vuoigŋa dahje einnostusvuoigŋa, galgá ráŋggáštuvvot jápmimiin. Son galgá geađgáduvvot, son lea sivalaš iežas jápmimii.

21

Báhpaid bassivuođamearrádusat

211

21,1
10,5č
Esek 44,25
Hearrá sártnui Mosesii:

Cealkke báhpaide, Arona bártniide: Báhppa ii oaččo dahkat iežas buhtismeahttumin nu ahte guoská iežas soga olbmui gii lea jápmán, 2muđui go dalle go jábmi lea su lagaš fuolki: eadni, áhčči, bárdni, nieida, viellja 3dahje oabbá gii ii lean leamaš náitalan ja gii lea ássan su luhtte. 4Muhto son ii oaččo dahkat iežas buhtismeahttumin náitalan nissona dihte gii lea su fuolki.

5

21,5
19,27č
Esek 44,20
21,5 ráhket iežaset … rupmašii moraštanvierut. Gč. 19,27.Báhpat eai oaččo ráhket iežaset oaivvi gokkoge, eai čuohppat skávžžáid eaige nádjat mearkkaid iežaset rupmašii. 6Sii galget leat basuhuvvon Ipmilasaset, eaige sii oaččo dahkat Ipmila nama eahpebassin, dasgo sii guddet ovdan Hearrá dollaoaffariid, Ipmileaset biepmu, ja galget dan dihte leat basit.

7

21,7
Esek 44,22
Báhppa ii oaččo váldit áhkkán fuorránissona iige heahppášuhttojuvvon nissona iige nissona gean boadnjá lea hilgon, dasgo báhppa lea basuhuvvon Ipmilasas. 8
21,8
19,2
Dii galgabehtet atnit báhpa bassin, danin go son oaffaruššá biepmu din Ipmilii. Son galgá leat dutnje bassi, dasgo mun, Hearrá, guhte basuhan din, lean bassi. 9Jos báhpa nieida dahká iežas eahpebassin furrošemiin, de son dahká áhčis eahpebassin. Son galgá boldojuvvot.

10

21,10
2 Mos 28,41
3 Mos 8,12
10,6
Dat báhppa gii lea bajimuš vieljaidis gaskkas, gean oaivvi ala lea golggahuvvon vuoidanolju ja gii lea vihahuvvon báhppan ja oažžu gárvodit bassi biktasiid, ii oaččo diktit vuovttaid heaŋgát luovusin iige oaččo gaikkodit biktasiiddis. 11Son ii oaččo mannat jábmi lusa. Son ii oaččo šaddat buhtismeahttumin ii velá áhčis iige eatnis dihtege. 12Son ii oaččo vuolgit bassibáikkis iige dahkat Ipmilis bassibáikki eahpebassin, dasgo son lea vihahuvvon Ipmilis vuoidanoljjuin. Mun lean Hearrá.

13Áhkkán son galgá váldit eadneviđá nieidda. 14

21,14
21,7
Esek 44,22
Son ii oaččo váldit áhkkán leaskka, hilgojuvvon ja heahppášuhttojuvvon nissona iige fuorránissona; son oažžu váldit áhkkán dušše eadneviđá nieidda iežas álbmogis, 15amas eahpebasuhit iežas náli álbmogis gaskkas. Mun lean Hearrá guhte basuhan su.

16Hearrá sártnui Mosesii:

17

21,17
1 Tim 3,2
Tit 1,6č
Cealkke Aronii: Du nális ii oktage geas lea liitu, oaččo goassege loaiddastit oaffaruššat biepmu Ipmilii. 18Ii oktage geas lea liitu, oaččo loaiddastit ovdan oaffaruššat, ii oktage čalmmeheapme iige skierbmá, ii oktage gean muođuin lea vihki dahje gean rupmašis lea váili, 19ii oktage gean juolgi dahje giehta lea doddjon, 20ii oktage geas lea guvrečielgi dahje gii lea deagga šattus, ii oktage geas lea dieigi čalmmis dahje durvát dahje ribon dahje vigáiduvvan guolat. 21Báhppa Arona nális ii oktage geas lea liitu, oaččo loaiddastit oaffaruššat Hearrá dollaoaffariid. Jos sus lea liitu, de son ii oaččo loaiddastit oaffaruššat biepmu Ipmilii. 22Son oažžu gal borrat Ipmila biepmu, sihke dan mii lea allabassi ja dan mii lea bassi, 23muhto go sus lea liitu, de son ii oaččo boahtit ovdaloavdaga lusa iige loaiddastit áltára ovdii; muđui son eahpebasuha mu bassibáikki. Mun lean Hearrá guhte basuhan sin.

24Moses sártnui dán Aronii, su bártniide ja buot israellaččaide.