Davvisámegiel Biibbal 2019 (Biibbal)
11

Buhtis ja buhtismeahttun eallit

111Hearrá sártnui Mosesii ja Aronii:

2

11,2
5 Mos 14,3eč
Cealki israellaččaide: Buot eananelliin dii oažžubehtet borrat njealjejuolggagiid 3main leat guovttesuorat guohpirat ja mat smirezastet. 4Muhto dii ehpet oaččo borrat dáid elliid, vaikko dat smirezastet dahje vaikko dain leat guohpirat: kamela mii gal smirezastá muhto mas eai leat guohpirat, dat lea buhtismeahttun; 5báktemievri mii gal smirezastá, muhto mas eai leat guohpirat, dat lea buhtismeahttun; 611,6 njoammil … smirezastá Njoammil suolbmuda biepmu seammá láhkái go smirezasti eallit. Go dat lea njiellan suinniid, de dávjá dat čolgada ja suoská daid oktii vel.njoammil mii gal smirezastá, muhto mas eai leat guohpirat, dat lea buhtismeahttun; 7spiidni mas gal leat guovttesuorat guohpirat, muhto mii ii smires, dat lea buhtismeahttun. 8Daid bierggu ehpet oaččo borrat ja daid rábbái ehpet oaččo guoskat. Dat leat buhtismeahttumat.

9Dii oažžubehtet borrat čáhceelliid main leat veavssit ja čuopmasat. 10Muhto dii galgabehtet fasttášit buot elliid mat ellet mearas ja jogain ja main eai leat veavssit eaige čuopmasat, ležžet dal smávvaeallit dahje eará čáhceeallit. 11Daid dii galgabehtet atnit fastin; daid ehpet oaččo borrat, ja daid jápma gorudiid galgabehtet fasttášit. 12Buot čázi heakkalaččaid main eai leat veavssit eaige čuopmasat, dii galgabehtet atnit fastin.

13Dáid lottiid dii galgabehtet fasttášit ehpetge oaččo daid borrat: goaskin, čuonjáráhtogoaskin, skávžáráhtogoaskin, 14suorrehávka ja eará hávkkat, 15buot garjálottit, 16struhcca, skuolfi, skávli ja buot fállit, 17cihceskuolfi, skárfa ja lidnu, 18bealljeloađgu, pelikána ja čiekčá, 19gáhttoháigir ja eará háigirat, vuoktaloddi ja náhkkesoadjá.

20Buot njealjejuolggat smávva soajálaččaid dii galgabehtet fasttášit. 21Buot njealjejuolggat smávva soajálaččain dii oažžubehtet borrat daid main eará julggiid lassin leat njuikunjuolggit. 22Dáin dii oažžubehtet borrat buot johtti rásselohkuid, buot solamrásselohkuid, buot hargolrásselohkuid ja buot hagabrásselohkuid. 23Buot eará njealjejuolggat smávva soajálaččaid dii galgabehtet fasttášit.

24

11,24
5,2
Dát mearrádusat gusket elliide mat dahket din buhtismeahttumin. Juohkehaš gii guoská daid rábbái, lea buhtismeahttun eahkeda rádjái, 25ja dat gii lea guoddán dakkár ráppi, galgá bassat biktasiiddis, ja son lea buhtismeahttun eahkeda rádjái. 26Dákkárat leat eallit main leat guohpirat, maid guohpirat eai leat ollásit guovttesuoragat ja mat eai smirezastte, dat leat buhtismeahttumat. Dat gii guoská daidda, šaddá buhtismeahttumin. 27Buot njealjejuolggat eallit main leat rápmážat, leat buhtismeahttumat. Juohkehaš gii guoská daid rábbái, lea buhtismeahttun eahkeda rádjái. 28Dat gii lea guoddán dakkár ráppi, galgá bassat biktasiiddis, ja son lea buhtismeahttun eahkeda rádjái. Dáid dii galgabehtet atnit buhtismeahttumin.

29Dát smávvaeallit mat lihkadit eatnamis, leat buhtismeahttumat: buoidda, sáhpán ja buot lakkisšlájat, 30gekko, koahlakkis, letaalakkis, salamander ja kameleona. 31Buot dát smávvaeallit leat buhtismeahttumat. Juohkehaš gii guoská daidda go dat leat jápmán, lea buhtismeahttun eahkeda rádjái. 32Buot maid ala dakkár jápma ealli gahččá, šaddá buhtismeahttumin, leaččai dat dal muorradiŋga, bivttas, náhkki, horsta dahje eará atnudiŋga. Dan galgá doidit čázis, ja dat lea buhtismeahttun eahkeda rádjái; de dat lea fas buhtis. 33Jos dakkár ealli gahččá láirelihttái, de buot mii das lea, šaddá buhtismeahttumin, ja lihti galgá cuvket. 34Buot borramuš maid muđui sáhttá borrat, muhto mii lea guoskkahan dan čázi, šaddá buhtismeahttumin, ja buot juhkamuš maid muđui sáhttá juhkat, šaddá buhtismeahttumin dakkár lihtis. 35Láibunuvnna dahje ommana man ala dakkár jápma ealli gahččá, ferte gaikut, danin go dat lea šaddan buhtismeahttumin. 36Muhto ája dahje arvegáivo bissu buhtisin. Dušše dat gii guoská jápma eallái, šaddá buhtismeahttumin. 37Jos jápma ealli gahččá gilvvagortniid ala mat leat gilvimassii, de dat bissot almmatge buhtisin, 38muhto jos gilvvagortnit leat šaddan lávttasin ja jápma ealli gahččá daid ala, de dii galgabehtet atnit daid buhtismeahttumin.

39Jos dakkár eananealli maid dii muđui oččošeiddet borrat, jápmá, de dat gii guoská dan rábbái, lea buhtismeahttun eahkeda rádjái. 40

11,40
17,15
Dat gii borrá dan ráppi bierggu, galgá bassat biktasiiddis, ja son lea buhtismeahttun eahkeda rádjái. Dat gii guoddá dakkár ráppi, galgá bassat biktasiiddis, ja son lea buhtismeahttun eahkeda rádjái.

41Buot smávvaeallit mat njommot eatnamis, leat fasttit, daid ii oaččo borrat. 42Eatnamis lihkadeaddji njoammut dahje smávvaeallit main leat njeallje juolggi dahje eambbo, leat fasttit; daid ehpet oaččo borrat. 43Allet daga iežadet buhtismeahttumin nu ahte guoskkahehpet dakkár eallái, ja váruhehket muđuige šaddamis dain buhtismeahttumin. 44

11,44
2 Mos 22,31
3 Mos 19,2
20,725č
Mun lean Hearrá, din Ipmil, lean bassi, ja danin dii galgabehtet doallat iežadet buhtisin ja bassin. Allet daga iežadet buhtismeahttumin nu ahte guoskkahehpet mange smávva ealli mii lihkada eatnamis. 45
11,45
19,36
22,32č
Mun lean Hearrá guhte bukten din Egyptas vai mun livččen din Ipmil. Lehket dan dihte basit, danin go mun lean bassi.

46Dát lea láhka mii guoská eananelliide ja lottiide ja buot heakkalaččaide mat lihkadit čázis, ja buot heakkalaččaide mat lihkadit eatnamis. 47Ná dii máhttibehtet earuhit buhttása buhtismeahttumis ja daid elliid maid oažžu borrat, dain elliin maid ii oaččo borrat.

12

Riegádahtti buhtástus

121Hearrá sártnui Mosesii:

2

12,2
15,19
Cealkke israellaččaide: Go nisson lea riegádahttán bártni, de son lea čieža beaivvi buhtismeahttun, seammá láhkái go dalle go sus leat mánodávddat. 3
12,3
1 Mos 17,12
Luk 1,59
2,21
Gávccát beaivvi bárdnemáná ovdaliiki galgá čuhppojuvvot. 4Nisson galgá orrut ruovttus vel golbmalogigolbma beaivvi, vai buhtásmuvvá vardimis. Son ii oaččo guoskat masage mii lea bassi, iige son oaččo boahtit bassibáikái ovdal go su buhtástusáigi lea nohkan. 5Go nisson lea riegádahttán nieidda, de son lea buhtismeahttun guokte vahku, seammá láhkái go dalle go sus leat mánodávddat. Son galgá orrut ruovttus vel guhttalogiguhtta beaivvi buhtismeahttumin vardimis. 6Go su buhtástusáigi bártni dahje nieidda riegádahttima maŋŋil lea nohkan, de son galgá buktit báhppii almmustusgoađi uvssa lusa jahkásaš lábbá boaldinoaffarin ja duvvá dahje turtelduvvá suddooaffarin. 7Báhppa galgá oaffaruššat daid Hearrái ja doaimmahit sutnje soabahusa, ja nu son šaddá buhtisin iežas vardimis. Dát láhka guoská nissonii gii lea riegádahttán máná, jogo bártni dahje nieidda. 8
12,8
5,7
Luk 2,24
Jos nisson ii suitte oaffaruššat lábbá, de son galgá váldit guokte turtelduvvá dahje guokte eará duvvá, nuppi boaldinoaffarin ja nuppi suddooaffarin, ja báhppa galgá doaimmahit sutnje soabahusa. De nisson lea buhtis.

13

Láhka spihtáldávddas

131Hearrá sártnui Mosesii ja Aronii:

2

13,2
5 Mos 24,8
13,2 spihtáldávda Hebreagiel sátni sáhttá maid mearkkašit iešguđetlágán ihtalumiid ja liikedávddaid. ▶ spihtáldávda. Sátni adnojuvvo maid dalle go lea sáhka biktasiid ja viesuid guohppagis. Vrd. 13,47eč; 14,33eč.Jos soapmásii šaddá bohtaneapmi, ihtalupmi dahje vilges dielku mii sáhttá leat spihtáldávda, de su galgá doalvut báhppa Arona dahje muhtun su soga báhpa lusa. 3Báhppa galgá geahčadit ihttondielkku, ja jos guolggat leat vilggodan ja dielku lea čiekŋaleappos go eará liiki, de dat lea spihtáldávda. Go báhppa oaidná dan, de son galgá gulahit su buhtismeahttumin. 4Jos dielku lea vielgat, muhto dat ii leat čiekŋaleappos go eará liiki eaige guolggat leat vilggodan, de báhppa galgá sirret buohcci eará olbmuin čieža beaivái. 5Čihččet beaivvi báhppa galgá geahčadit su, ja jos son oaidná ahte ihttondielku ii leat nuppástuvvan iige viidon, de son galgá sirret su eará olbmuin vel čieža beaivái. 6Čihččet beaivvi báhppa galgá fas geahčadit su, ja jos son oaidná ahte ihttondielku lea gilggodan iige leat viidon, de báhppa galgá gulahit su buhtisin; dat lea dušše ihtalupmi. Buohcci galgá bassat biktasiiddis, ja de son lea buhtis.

7Muhto jos ihtalupmi viidu su liikkis maŋŋil go son lea čájehan iežas báhppii ja báhppa gulahii su buhtisin, de son galgá fas mannat báhpa lusa. 8Báhppa galgá geahčadit su, ja jos son oaidná ahte ihtalupmi lea viidon, de son galgá gulahit su buhtismeahttumin; dat lea spihtáldávda.

9Jos muhtun buohccá spihtáldávdii, de su galgá doalvut báhpa lusa. 10Báhppa galgá geahčadit su, ja jos liikkis dalle lea vilges bohtaneapmi, jos guolggat leat vilggodan ja jos bohtaneapmái lea šaddan liigeoažži, 11de dat lea bissovaš spihtáldávda. Su ii dárbbaš šat sirret eará olbmuin, go son lea juo gávnnahuvvon buhtismeahttumin, ja báhppa galgá gulahit su buhtismeahttumin.

12Jos spihtáldávda ihtá liikái, nu ahte dat lea buohcci olbmo liikkis oaivvi rájes gitta julggiid rádjái miehtá buot, 13de báhppa galgá geahčadit su. Jos báhppa oaidná ahte spihtáldávda gokčá oppa rupmaša, de son galgá gulahit su buhtisin. Go buohcci lea vilggodan ollásit, de son lea buhtis. 14Muhto jos liikái ihtá liigeoažži, de son lea dallánaga buhtismeahttun. 15Go báhppa oaidná liigeoačči, de son galgá gulahit su buhtismeahttumin. Dat lea liigeoažži, son lea buhtismeahttun; dat lea spihtáldávda. 16Muhto jos liigeoažži nuppástuvvá ja vilggoda, de buohcci galgá mannat báhpa lusa. 17Báhppa galgá geahčadit su, ja jos son oaidná ahte ihttondielku lea vilggodan, de báhppa galgá gulahit su buhtisin; son lea fas buhtis.

18Jos soapmása liikái ihtá buogu mii dasto buorrána, 19ja de buhkko sadjái ihtá vilges bohtaneapmi dahje čuvgesrukses dielku, de son galgá mannat báhpa lusa. 20Báhppa galgá geahčadit su, ja jos dielku lea čiekŋaleappos go eará liiki ja guolggat dakko leat vilggodan, de báhppa galgá gulahit su buhtismeahttumin; buhkko sadjái lea ihtán spihtáldávda. 21Muhto jos báhppa geahčadettiin oaidná ahte guolggat eai leat vilggodan iige dielku leat čiekŋaleappos go eará liiki ja ahte dat lea gilggodan, de son galgá sirret su eará olbmuin čieža beaivái. 22Jos dielku viidu liikkis, de báhppa galgá gulahit su buhtismeahttumin; dat lea spihtáldávda. 23Muhto jos dielku bissu seammalágánin iige viiddo, de dat lea buhkko uddu, ja báhppa galgá gulahit su buhtisin.

24Jos soamis lea ožžon liikái buolláma ja dasa ihtá oažži čuvgesrukses dahje vilges dielkun, 25de báhppa galgá geahčadit su. Jos son oaidná ahte guolggat leat vilggodan ja dielku lea čiekŋaleappos go eará liiki, de buollámii lea ihtán spihtáldávda. Báhppa galgá gulahit su buhtismeahttumin; dat lea spihtáldávda. 26Muhto jos báhppa geahčadettiin oaidná ahte dielkkus eai leat vilges guolggat iige dat leat čiekŋaleappos go eará liiki ja ahte dat lea gilggodan, de báhppa galgá sirret su eará olbmuin čieža beaivái. 27Čihččet beaivvi báhppa galgá geahčadit su, ja jos dielku lea viidon, de báhppa galgá gulahit su buhtismeahttumin; dat lea spihtáldávda. 28Muhto jos dielku ii leat nuppástuvvan iige viidon liikkis, ja jos dat lea gilggodan, de dat lea buolláma uddu. Báhppa galgá gulahit su buhtisin, dasgo dat lea dušše buolláma uddu.

29Jos olbmái dahje nissonii šaddá ihtalupmi oaiveassái dahje skávžžáid vuollái, 30de báhppa galgá geahčadit ihttondielkku. Jos dat lea čiekŋaleappos go eará liiki ja das leat guvggodan njárbes guolggat, de báhppa galgá gulahit su buhtismeahttumin. Dat lea ruobbi, spihtáldávda oaiveasis dahje skávžžáid vuolde. 31Jos báhppa geahčadettiin oaidná ahte ruobbás sadji ii leat čiekŋaleappos go eará liiki, muhto das eai leat čáhppes guolggat, de son galgá sirret buohcci eará olbmuin čieža beaivái. 32Čihččet beaivvi báhppa galgá geahčadit buohcci, ja jos ruobbi ii leat viidon eaige das leat guvges guolggat iige dat leat čiekŋaleappos go eará liiki, 33de buohcci galgá ráhket vuovttaid ja skávžžáid, muhto diktit ruobbesaji leat ráhkekeahttá. Báhppa galgá sirret buohcci eará olbmuin vel čieža beaivái. 34Čihččet beaivvi báhppa galgá geahčadit ruoppi, ja jos son oaidná ahte dat ii leat viidon iige čiekŋaleappos go eará liiki, de báhppa galgá gulahit su buhtisin. Buohcci galgá bassat biktasiiddis, ja de son lea buhtis. 35Muhto jos ruobbi viidu liikkis maŋŋil go son lea gulahuvvon buhtisin, 36de báhppa galgá geahčadit su. Jos ruobbi lea viidon liikkis, de báhppa ii dárbbaš ohcat guvges guolggaid; dat olmmoš lea buhtismeahttun. 37Muhto jos báhppa oaidná ahte ruobbi ii leat nuppástuvvan ja dasa leat šaddan čáhppes guolggat, de ruobbi lea buorránan. Dat olmmoš lea buhtis, ja báhppa galgá gulahit su buhtisin.

38Jos olbmá dahje nissona liikái šaddet vilges dielkkut, 39de báhppa galgá geahčadit daid. Jos dielkkut leat šovkesvielgadat, de dat lea dakkár ihtalupmi mii ii leat váralaš; dat olmmoš lea buhtis.

40Jos olmmái massá vuovttaid oalát nu ahte su oaivi báljaga, de son lea liikká buhtis. 41Seammá ládje son lea buhtis, jos son massá vuovttaid oaivečohkas. 42Muhto jos su báljagan oaivái dahje oaivečohkkii šaddá čuvgesrukses dielku, de dasa lea ihtán spihtáldávda. 43Báhppa galgá geahčadit su, ja jos son gávdná čuvgesrukses bohtaneami báljagan oaivvis dahje báljagan oaivečohkas, ja dat orru leamen spihtáldávda, 44de dat olmmái lea spihtálaš. Son lea buhtismeahttun, ja báhppa galgá gulahit su buhtismeahttumin; dan olbmás lea dávda oaiveasis.

45

13,45
Esek 24,1722
Mi 3,7
Dat geas lea spihtáldávda, galgá atnit gaikkoduvvon biktasiid, vázzit rabas oivviid, čiehkat skávžžáid ja čuorvut: “Buhtismeahttun, buhtismeahttun!” 46
13,46
14,3
4 Mos 5,2č
12,14
Nu guhká go sus lea duot dávda, de son lea buhtismeahttun. Son lea buhtismeahttun, ja son galgá ássat sierranassii siidda olggobealde.

4713,47 spihtálguohpa Seammá hebreagiel sátni lea jorgaluvvon “spihtáldávda”. Vrd. 13,2eč.Jos spihtálguohpa ihtá ullobiktasii dahje beallemasbiktasii, 48dahje mange diŋgii mii lea čuldojuvvon dahje gođđojuvvon beallemasas dahje ullus, dahje náhkkái dahje náhkkeduodjái, 49ja dielku lea ruodnájeaddji dahje ruoksájeaddji, leaččai dat dal biktasis, náhkis, čuldojuvvon ja gođđojuvvon duojis dahje náhkkeduojis, de dat lea spihtálguohpa, ja dan galgá čájehit báhppii. 50Báhppa galgá geahčadit dielkku ja bidjat čieža beaivái sierra dan diŋgga mas dielku lea. 51Čihččet beaivvi son galgá fas geahčadit dan, ja jos dielku lea viidon biktasis dahje čuldojuvvon dahje gođđojuvvon duojis dahje náhkkeduojis, de dat lea bahášlájat spihtál, ja dat duodji dahje diŋga lea buhtismeahttun. 52Dat galgá boldojuvvot, leaččai dat dal bivttas dahje juoga mii lea čuldojuvvon dahje gođđojuvvon ullus dahje beallemasas dahje náhkkeduodji, mii ihkinassii masa dielku lea boahtán. Danin go dat lea bahášlájat spihtál, de dan diŋgga dahje duoji galgá boaldit.

53Muhto jos báhppa geahčadettiin gávnnaha ahte dielku ii leat viidon biktasis dahje čuldojuvvon dahje gođđojuvvon duojis dahje náhkkeduojis, 54de son galgá gohččut bassat dan diŋgga mas dielku lea, ja bidjat dan sierra vel čieža beaivái. 55Báhppa galgá geahčadit dielkku bassama maŋŋil, ja jos dat ii leat nuppástuvvan iige viidon, de duot diŋga dahje duodji lea buhtismeahttun; dan galgá boaldit. Dat lea guohcageapmi, gokko dat dal leažžáge. 56Muhto jos báhppa geahčadettiin gávnnaha ahte dielku lea gilggodan bassama maŋŋil, de son galgá gaikut dan eret biktasis dahje náhkis dahje čuldojuvvon dahje gođđojuvvon duojis. 57Jos dielku ihtá ođđasis biktasii dahje čuldojuvvon dahje gođđojuvvon duodjái dahje náhkkeduodjái, de dat lea viidon. Dakkár diŋgga mas dielku lea, galgá boaldit. 58Jos dielku jávká biktasis dahje čuldojuvvon dahje gođđojuvvon diŋggas dahje duojis dahje náhkkeduojis go dat bassojuvvo, de dan galgá bassat vel nuppádis, ja de dat lea buhtis.

59Dása nohká láhka mii guoská spihtálii mii lea ullobiktasis dahje beallemasbiktasis, čuldojuvvon dahje gođđojuvvon duojis ja náhkkeduojis; dán lága mielde dan galgá gulahit buhtisin dahje buhtismeahttumin.