Viđát lávlla
51Hearrá, muitte mo midjiide
lea geavvan,
geahča mo mii hiddjiduvvot.
2
Min opmodat lea šaddan
vierrásiid gihtii,
min viesut leat gártan
vierroolbmuid oapmin.
3Mii leat šaddan áhčihis mánnán,
min eatnit leat šaddan leaskan.
4Mii fertet oastit min iežamet čázi,
mii šaddat máksit min iežamet muoraid.
5Min vuortnuheddjiid geasis
lea min niskkis,
mii leat váiban, eat beasa vuoiŋŋastit.
6
Mii geigiimet gieđa Egyptii ja Assyriai
vai oččošeimmet láibbi borrat.
7
Jer 2,5
7,25eč
16,10eč
Min áhčit suddudedje.
Sii eai leat šat eambbo;
mii gillát ráŋggáštusa.
85,8 Šlávat Babylona gonagasa virgeolbmái bilkideaddji namahus; sii vuolidedje Juda álbmoga.Šlávat ráđđejit min,
ii oktage rohtte min sin gieđas.
9Heakkaváras mii viežžat láibámet,
miehkki áitá meahcis.
10Min liiki njallá dego láiráomman,
min rumaš buollá nealggis.
11Vuoitit rihpet nissoniin Sionis,
nuorra nieiddain Juda gávpogiin.
12
Váid 4,16
Sii harcejit oaivámuččaid,
vuorrasat eai adnojuvvo maninge.
13Nuorra olbmát fertejit
jorahit millogeđggiid,
bártnážat suoibasaddet
go guddet muorranođiid.
14Vuorrasat eai čoaggan šat portii,
nuorat eai čuojat šat čuojanasaideaset.
15Min váimmu illu lea nohkan,
dánsun lea nuppástuvvan morašin.
16
Jer 13,18
Gudnegierdu lea gahččan min oaivvis.
Vuoi min, mii leat suddudan!
17Dan dihte min váibmu lea buozas,
dan dihte min čalmmit leat sevnnjodan.
18
Sionvárri lea šaddan ávdimin,
doppe ruohtadit dál riebanat.
19
146,10
Hearrá, don ráđđet agálaš áigái,
du truvdnu bissu buolvvas bulvii.
20
Manne don leat vajáldahttán min agás,
guođđán min agálaš áigái?
21
Jer 31,18
Máhcat min lusat, Hearrá,
de mii máhccat.
Divtte min beivviid šaddat dakkáražžan
go dat ledje dolin.
22Muhto don leat hilgon min áibbas,
du moarri lea garas.