Davvisámegiel Biibbal 2019 (Biibbal)
2

Nubbi lávlla

212,1 julggiid vulloša jáhkkimis lihtuárka. Vd Sál 132,7č.Gal juo Hearrá lea moaristis gokčan

Siona sevdnjes balvvaiguin!

Son lea bálkestan Israela

hearvásvuođa almmis vuolás eatnamii.

Ii son seastán iežas julggiid vulloša

moaris beaivvi.

2

2,2
5 Mos 28,52
Hearrá duššadii seasttekeahttá

buot Jakoba ássansajiid,

vašis son gaikkodii

visot Juda ladniid.

Son heavahii ja heahppášuhtii riikka

ja dan oaivámuččaid.

3

2,3
4,11
Buolli moaristis son cuvkii

Israela gorges fámu,

son rohttii ruoktot suodjaleaddji gieđas

go vašálaš bođii.

Son bolddii Jakoba dego dolla

man njuokčamat loktet buot.

4

2,4
Sál 7,13
Nugo vašálaš son gelddii dávggi,

gearggusin báhčit njuola.

Nugo vuostálasti son gottii buot

mii lei leamaš hávskái min čalbmái.

Nieida Siona goahtái

son golggahii iežas moari dego dola.

5Hearrá bođii vašálažžan,

son duššadii Israela,

heavahii buot dan šloahtaid

ja billistii dan ladniid.

Son devddii Juda morrašiin

ja vártnuhisvuođain.

6Son gaikkodii goađis

dego olmmoš duššada gilvvagárddi,

son billistii bassibáikkis.

Hearrá divttii feastta ja sabbaha

vajálduvvat Sionis.

Garra moaris son hilggui

gonagasa ja báhpa.

7

2,7
Sál 74,4
89,40č
Hearrá hilggui iežas áltára

ja guđii bassibáikkis.

Ladnemuvrraid son attii

vašálačča gihtii.

Vašálaččaid čuorvasat

skádje Hearrá viesus

dego bassebeaivvi čuorvasat.

8

2,8
Jes 34,11
Hearrá mearridii billistit

Siona muvrraid.

Son čavgii mihttobátti

vai beassá gaikkodit daid,

son ii rohtten gieđa ruoktot

duššadeames.

Seainnit ja muvrrat šadde moraštit,

oktanaga dat gahčče.

9

2,9
Sál 74,9
Gávpoga poarttat

leat vudjon eatnamii,

son lea cuvken ja doadján daid bummaid.

Gonagas ja oaivámuččat

leat dál vieris eatnamis,

láhka ii oahpahuvvo,

profehtat eai šat oaččo

oainnáhusaid Hearrás.

10

2,10
Jer 6,26
2,10 botkkuhit muoldda … morašbiktasa moraštanmearka. Vrd. 1 Mos 37,34; 1 Sam 4,12; Job 2,1. ▶ moraštanvierut.Siona vuorrasat

čohkkájit eatnamis jávohaga.

Sii botkkuhit muoldda oaivvi ala

ja čatnet morašbiktasa alimiid birra.

Jerusalema nieiddat

sodjalahttet oaivvi eatnamii.

11

2,11
1,2
4,4
Mu čalmmit sotnet čierrumis,

mu siskkildas báttada.

Mu fápmu lea golgan eatnamii,

danne go mu álbmot lea duššamin.

Unnoraččat ja njammimánát

roahppánit gávpoga gáhtaide.

12Sii ánuhallet etniineaset

láibbi ja viinni.

Hávváduvvan olbmuid láhkái

sii gahččet gávpoga gáhtaide,

rohttejit maŋimuš vuoiŋŋanasa

eatniset fátmmis.

13

2,13
Jer 15,18
30,12
Maid mun dajašin dutnje,

nieida Jerusalem,

manin mun veardidivččen du?

Mainna veardádusain

jeđđešin du, Sion?

Stuoris dego áhpi lea du váddu,

gii máhtášii du dálkkastit?

14

2,14
Jer 5,31
14,14–16
23,1621
29,9
Esek 13,6eč
Du profehtaid oainnáhusat

ledje giellásat ja behtolaččat.

Eai sii almmustahttán dutnje

du suddovealggi,

eai sii jorgalan du vuorbbi.

Sin profetiat ledje behtolaš

ja čádjidahtti sánit.

15

2,15
Sál 50,2
Jer 18,16
19,8
Buohkat geat mannet meattá,

doškejit bilkidemiin gieđaid oktii.

Sii njurgot dutnje, Jerusalem,

ja bárdet oaivvi:

“Dátgo lea dat gávpot mii gohčoduvvui

čábbodagastis ollisin,

oppa máilmmi ávvun?”

16Buot du vašálaččat

njezzot dutnje.

Sii njurgot, gižahit bániid ja dadjet:

“Mii leat vuoitán!

Dát de lea dat beaivi

maid mii vurddiimet,

dál beasaimet oaidnit dan

iežamet čalmmiiguin.”

17

2,17
5 Mos 28,15
Hearrá lea dahkan dan maid áiggui,

son lea ollašuhttán sánis

maid lei almmuhan áigá juo.

Seasttekeahttá son gaikkodii du,

divttii du vašálačča illudit

ja attii du vuostálastiide fámu.

18Čuorvvo jitnosit Hearrá,

váidal heađát, nieida Sion!

Divtte gatnjaliid golgat johkan

ija beaivvi,

ale udno alccesat vuoiŋŋadusa

alege atte čalmmiidasat mášu.

19

2,19
3,41
Lihka ihkku, čuorvvo jitnosit

idjagohcinvuoruid álggus,

golggat váimmot dego čázi

Hearrá muođuid ovdii.

Bajit gieđaid su beallái

ja rohkadala mánáidat heakka ovddas.

Sii vuoimmehuvvet nealgái

juohke gáhtačihkii.

20

2,20
5 Mos 28,53eč
Jer 19,9
Váid 4,10
Geahča, Hearrá,

fuomáš geainna don leat meannudan ná!

Nissonat borret goaŧuset šaddosiid,

iežaset mánáid

geaid leat riegádahttán!

Báhpat ja profehtat goddojuvvojit

Hearrá bassibáikái!

21Nuorat ja boarrásat veallájit eatnamis,

olgun gáhtaguorain.

Mu nieiddat ja nuorra olbmát

leat gahččan miehkkái.

Don goddet sin moarát beaivvi,

don sorbmejit almmá seasttekeahttá.

22Don rávket balddáhusaid

juohke guovllus dego ávvudeapmái.

Hearrá moari beaivvi

ii oktage beassan báhtarussii,

ii oktage birgehan heakkas.

Vašálaš gottii mánáid

geaid mun ledjen riegádahttán

ja šaddadan.

3

Goalmmát lávlla

31Mun lean olmmái

gii lean šaddan gillát

Hearrá moari rissi.

2Son lea ádján mu seavdnjadassii,

moskkuseavdnjadii.

3Mu vuostái son lea bajidan gieđas

ain ođđasis.

4

3,4
1,13
Son gaikkodii mu oačči

ja loahpahii mu liikki,

cuvkii buot mu dávttiid.

5Son huksii muvrra mu ovdii,

birastahtii mu mirkkuin ja váivviin.

6

3,6
Sál 143,3
Son bijai mu ássat seavdnjadassii,

olbmuid gaskii geat leat jápmán áigá juo.

7

3,7
Job 19,8
Sál 88,9
Son válddii mu gitta

aman beassat báhtarussii,

son čanai mu lossa láhkkiiguin.

8

3,8
Job 19,7
Sál 22,3
Vaikko mun bárggun ja fuoikkun,

de son ii gula mu rohkadusa.

9Son muvrii mu geainnu gitta

čullojuvvon geđggiiguin,

dagai mu bálgá veadjemeahttumin johtit.

10

3,10
Hos 13,7č
Son lei munnje

nugo njágadeaddji guovža,

dego ledjon mii lea čiehkádan.

11Son čádjidahtii mu luottas,

gaikkodii mu ja guđii mu njaŋgát.

12

3,12
Sál 7,13
Váid 2,4
Son gelddii dávggis ja divui mu

njuolaidis moallan.

13Son ráiggai mu monimuččaid

njuollaskuohpus njuolaiguin.

14

3,14
Job 30,9
Sál 69,12eč
Jer 20,7
Mun gárten buot olbmuid bogostahkan,

sin bilkolávllan beaivvis beaivái.

15

3,15
Jer 23,15
3,15 márona mirkošaddu mas lea rihča smáhkka. ▶ máron.Son gallehii mu rihča urtasiiguin,

attii munnje márona juhkat.

16Son dettii mu vuolás gavjii,

cuvkii mu bániid čievrrain.

17

3,17
Jer 16,5
Buot buorre lea jávkan mu eallimis,

mun vajáldahtten mii lihkku lea.

18Mun dadjen: Mun in šat veaje,

Hearrá lea váldán mus doaivvu.

19Mun muittán iežan vártnuhisvuođa

ja ruovttuhisvuođa,

dat lea munnje máron ja mirko.

20Dan mun jurddašan álo,

dat čuohcá munnje sakka.

21Dat givssida mu,

ja mun váivašuvan.

22

3,22
Neh 9,31
Hearrá árbmugasvuođas

ii leat loahppa,

su váibmoláđisvuohta ii noga goassege.

23

3,23
Sál 52,3
Dat lea ođas juohke iđida,

stuoris lea su oskkáldasvuohta.

24

3,24
Sál 16,5
73,26
119,57
3,24 mu oassi dajaldat mii álggus adnojuvvui go lei sáhka levilaččain. Go eanan juhkkojuvvui čearddaid gaskii, de levilaččat eai ožžon oasi. Hearrá lei sin oassi. Vrd. 4 Mos 18,20; 5 Mos 10,9.Mun dajan: Hearrá lea mu oassi,

mun dorvvastan sutnje.

25

3,25
Sál 40,2
42,6
Hearrá lea buorre dasa

gii vuordá su ja ohcá su.

26Buorre lea jaskatvuođas

vuordit veahki Hearrás.

27

3,27
Sál 94,12
Buorre lea olbmái

guoddit geassá nuorravuođas.

28Čohkkájehkos son okto ja orros jávohaga,

go Hearrá bidjá su guoddit nođiid,

29deddos son ámadaju eatnamii

– ain sáhttá leat doaivu.

30

3,30
Sál 123,3č
Jes 50,6
Matt 5,39
Jorgalehkos son niera dasa gii doške,

gallehuvvos son hiddjádusain.

31Hearrá ii hilggo agálaččat.

32

3,32
Jes 54,8
Jos son lea moraštahttán,

de son fastain árpmiha

stuorra oskkáldasvuođastis.

33

3,33
Esek 33,11
Ii leat su miela mielde vuortnuhit

ja moraštahttit olbmuid.

34Go dulbmet julggiid vuollái

buot eatnama fáŋggaid,

35go botnjet olbmo vuoigatvuođa

Alimusa čalmmiid ovddas,

36go biehttalit olbmos su vuoigatvuođa

– iigoson Hearrá oainne dan?

37

3,37
Sál 33,9
Am 3,6
Gean sátni ollašuvvá?

Almma visot dáhpáhuvvá

nugo Hearrá cealká?

38

3,38
Jes 45,7
Almma bahá ja buorre boahtá

nugo Alimus gohčču?

39Manne dalle ealli olmmoš váidala

suttuidis bálkká?

40

3,40
Jes 55,7
Suokkardehkot ja guorahallot

geainnuideamet

ja máhccot Hearrá lusa.

41Bajidehkot gieđaid ja váimmu

albmái, Ipmila guvlui.

42

3,42
1,18
Mii leat suddudan

ja nággáruššan du vuostá,

don it leat addán ándagassii.

43Don gokčet iežat moriin

ja doarrádallet min,

don goddet seasttekeahttá.

44

3,44
Jes 1,15
59,12
Don gokčet iežat balvvaiguin

maid čađa rohkadus ii beasa.

45Don dahket min rihpan

ja hilggohassan

álbmogiid gaskii.

46Buot min vašálaččat

njezzot midjiide.

47

3,47
Jer 48,43
Min oassin lea šaddan hirbma ja hávdi,

heavahus ja duššadeapmi.

48

3,48
Jer 9,1
Váid 1,16
Gatnjalat golget mu čalmmiin,

danne go mu álbmot lea duššamin.

49Mu gatnjalat golget heaittekeahttá,

dat eai noga

50

3,50
Jes 63,15
ovdal go Hearrá geahččá vuolás

almmis ja oaidná.

51Munnje čuohcá geahččat

iežan gávpoga nieiddaid bákčasa.

52Dat geat doarridit mu almmá siva haga,

bivdaledje mu dego lotti.

53

3,53
Jer 38,6
Sii ádje mu eallinaga gáivui,

sii geađgádedje mu.

54

3,54
Jona 2,4–6
Čázit bádde mu oaivvi badjel,

mun jurddašin: Dát lea mu loahppa.

55

3,55
Sál 18,4–7
Jona 2,3
Hearrá, mun čuorvvun du nama

gáivvo čiekŋalasas.

56Don gulat mu čuorvasa –

ale dahpa beljiidat go mun ánuhan

geahpádusa ja bestojumi.

57

3,57
Sál 145,18
Don boađát mu lusa go mun čuorvvun,

don cealkkát: Ale bala!

58Hearrá, don čuoččuhat mu ášši,

don lonistat mu heakka.

59Don oainnát dan vearrivuođa

maid mun gillán, Hearrá.

Veahket mu oažžut vuoigatvuođa!

60Don oainnát mu vašálaččaid

mávssahanhálu,

buot sin bahás juonaid.

61Hearrá, don gulat go sii hiddjidit mu,

don oainnát sin bahás áigumušaid.

62Mu vašálaččat savkkástallet

ja humeštit mu vuostá duojážassii.

63

3,63
3,14+
Fuomáš, mo sii dahket mu bogostahkan

gos sii ain čohkkájit dahje čuččodit.

64

3,64
Sál 94,2
Jer 51,56
Hearrá, mávssat sidjiide sin daguid.

65Sevnnjodahte sin jierpmi,

divtte garuhusa deaivat sidjiide.

66

3,66
Sál 79,6
Hearrá, doarrit sin moaristat,

ale suova sin eallit

iežat almmi vuolde.

4

Njealját lávlla

41Gal juo lea golli devkkodan,

giimmagan čielgaseamos golli!

Bassi, mávssolaš geađggit leat suhppojuvvon

buot gáhtačiegaide.

2Siona hearvás bártnit,

mávssoleappot go čielga golli –

dál sii adnojuvvojit láirálihttin,

láirálihttedahkki duodjin.

34,3 struhccaloddi ii fuola iežas čivggain. Vrd. Job 39,19eč.Velá šakálatge njamahit

ja gallehit čivggaideaset,

muhto mu álbmoga nieiddat

leat šaddan goavvin,

galššasin dego meahci struhccaloddi.

4

4,4
Sál 137,6
Váid 2,11č
Njammimáná njuovčča goiká,

darvána guopmái.

Mánážat ánuhit láibbi,

muhto ii oktage atte.

5Dat geat ovdal borre

fiinna borramušaid,

nelgot jámas gáhtaide.

Dat geat gárvodedje purpura,

skurbet dál luotneduvnniid.

6

4,6
1 Mos 19,24
Jer 23,14
Sodoma duššaduvvui

čalbmeravkalanbottus,

olbmogiehta ii guoskan dasa.

Muhto stuorit go Sodoma suddu

lea mu álbmoga rihkus.

7Siona oaivámuččat

ledje buhttáseappot go muohta,

vielgadeappot go mielki.

Sin rumaš lei ruoksadeabbo go korálla,

sin hápmi safira láhkásaš.

8Dál sii leat čáhppadeappot go giehpa,

olmmoš ii dovdá sin gáhtas.

Sin liiki darvána dávttiide,

dat lea goikan dego muorra.

9Geat gahčče miehkkái

leat lihkoleappot go dat

geat nelgot jámas,

geat sotnet ja goarránit

eatnama šattuid váile.

10

4,10
2,20Esek 5,10
Njuorasváimmot eatnit

vušše iežaset mánáid.

Dat ledje sidjiide biebmun

mu álbmoga heavvaneami beaivvi.

11

4,11
2,3
Hearrá gurrii iežas vaši,

golggahii buolli moaris.

Son cahkkehii Sionii dola

mii loahpahii dan gitta vuođđudusa rádjái.

12Eai jáhkkán eatnama gonagasat,

ii báhčán ovttage olbmo millii,

ahte muhtun beaivvi

vuostálasti ja vašálaš

boađášii sisa Jerusalema poarttain.

13

4,13
Jer 26,8eč
Dat dáhpáhuvai

profehtaid suttuid dihte,

báhpaid rihkkosiid geažil.

Sii golggahedje gávpogis

vigihis olbmuid vara.

14

4,14
4 Mos 35,33
Nugo čalmmeheamit

sii dál čádjádallet gáhtain

varahuvvan biktasiin

maidda eai oččoše oppa guoskatge.

15

4,15
3 Mos 13,45
“Gáidet! Buhtismeahttun boahtá!”

olbmot čurvot sin ovddas.

“Gáidet, gáidet! Allet guoskkat sin!”

Sii báhtarit, golggadit vieris eatnamiin,

ja álbmogat dadjet:

“Dáppe sii eai oaččo šat orrut guhkit.”

16

4,16
5,12
Hearrá ieš lea biđgen sin,

son ii geahča šat eambbo sin beallái.

Báhpat eai gudnejahttojuvvo,

boarrásat eai adnojuvvo maninge.

17

4,17
Jes 30,57
Jer 37,5–8
Esek 29,6eč
4,17 álbmoga egyptalaččat.Mii gaiváimet duššás veahki boahtit,

dassážii go čalmmit hilaštišgohte.

Fáktentoartnasteamet

mii várdáimet veahkeheaddji,

álbmoga mii ii dattetge sáhttán gádjut.

18Olbmot fáktejit min lávkkiid,

mii eat bálle vázzit bálgáideamet.

Min loahppa lea lahka, min áigi lea nohkan.

Duođaid, min loahppa lea boahtán.

19Min doarrádallit ledje falibut

go almmi goaskimat.

Váriin sii doarrádalle min,

meahcis sii njágahedje min.

20

4,20
2 Gon 25,5č
Jer 52,811
4,20 Olmmái gean … eallinvuoigŋa gonagas.Olmmái gean Hearrá lea vuoidan,

min eallinvuoigŋa,

gahčai sin bivdoroggái.

Miihan leimmet jurddašan:

“Su suoivanis mii eallit

álbmogin álbmogiid gaskkas.”

21

4,21
Sál 137,7
Jer 25,1521
49,12
Esek 25,12eč
35,2eč
4,21 Us Joba ruovttueanan. >Job 1,1. Us lea maid olbmonamma mas lea oktavuohta Edomiin; gč. 1 Mos 36,28.Ávvut ja illut fal, Edom,

don gii ásat Usa eatnamis.

Maiddái dutnje geigejuvvo cearki –

don juhkaluvat ja nuoladat álás.

22

4,22
Jes 40,2
Du vealgi lea máksojuvvon, Sion,

Hearrá ii doalvvo du šat

eret iežat eatnamis.

Muhto du, Edom, son ráŋggášta,

du vearredaguid son ozahallá,

du suttuid son almmustahttá.