Davvisámegiel Biibbal 2019 (Biibbal)
1

Vuosttaš lávlla

11

1,1
Jes 54,4
1,1 Kap. 1–4 leat alfabehtalaš divttat. Juohke vearsa álgá eará hebreagiel alfabehta bustávain. gávpot Jerusalem, govviduvvon nissonolmmožin. Váidaluslávlagat govvidit lihkuhisvuođaid mat čuhce gávpogii go babylonialaččat válde dan 587 o.Kr. ja oassi álbmogis dolvojuvvui fáŋgavuhtii.Gal juo lea okto dat gávpot

mas ovdal ledje nu ollu olbmot!

Álbmogiid njunuš

lea šaddan leaskan,

eatnamiid dronnet

bargá šlávvabarggu.

2

1,2
Jer 9,17
1,2 ráhkisteddjiin vieris álbmogat main Juda lei ohcan doarjaga.Son čierru bahččagit ihkku,

gatnjalat golget su nieraid mielde.

Ii oktage su ráhkisteddjiin

leat jeđđemin su.

Buot su ustibat leat beahttán su,

leat šaddan su vašálažžan.

3

1,3
5 Mos 28,65
Juda šattai gierdat guhká

váivvi ja áŧestusa,

dál dat lea dolvojuvvon eatnamisttis.

Dál dat ássá vierroálbmogiid gaskkas

iige gávnna muosi.

Doarrideaddjit jukse su,

ii lean geaidnu man báhtarit.

4

1,4
Jes 3,26
Jer 14,2
Siona bálgát moraštit,

ii oktage boađe doallat basiid.

Su poarttat leat ávdimin,

su báhpat šuhkket,

nieiddat vuobaidit.

Bahča lea Siona moraš.

5

1,5
5 Mos 28,43č
Su vuostálastiin lea fápmu,

su vašálaččat leat oadjebasat.

Hearrá diktá su gillát

su eatnat suttuid dihte.

Su mánát šadde mannat fáŋgavuhtii,

vašálaččat dolvo sin eret.

6Nieida Sion lea massán

buot hearvásvuođa.

Su oaivámuččat ledje dego sarvagat

mat eai gávdnan guohtuma.

Vuoimmeheapmin sii báhtaredje

doarrideaddjis.

7Heađis ja ruovttuhisvuođas

Jerusalem muitá divrras dávviriid

mat sus leat leamaš

gitta dološ áiggi rájes.

Dál go su álbmot gahčai vašálačča gihtii,

de ii oktage boahtán veahkkin.

Su vašálaččat gehčče sutnje bilkidemiin

ja boagustedje su heavu.

8

1,8
Esek 16,37
Sakka lea Jerusalem suddudan,

danne buohkat fasttášit su.

Dat geat ovdal gudnejahtte su,

badjelgehččet su dál

go oidnet su álásin.

Son šuohkká ja jorggiha nuppos.

9

1,9
Jes 47,7
Luk 19,42
Buhtismeahttunvuohta duolvvida

su bivttashelmmiid.

Ii son jurddašan makkár loahppa

sutnje boahtá,

čiekŋalassii son lea vudjon.

Ii oktage jeđđe su.

Hearrá, geahča mu vártnuhisvuhtii!

Geahča mo vašálaš goarggastallá!

10

1,10
5 Mos 23,3
Neh 13,1
Sál 79,1
Apd 21,28
Vašálaš geigii gieđa

váldit buot su divrras dávviriid.

Son šattai oaidnit vierrásiid

mannamin bassibáikái,

daid geaid don, Hearrá, ledjet gieldán

boahtimis iežat searvegoddái.

11Oppa su álbmot šuohkká

ja ohcá láibbi.

Olbmot lonuhit divrras dávviriiddiset

borramušain

vai bissot heakkas.

Geahča, Hearrá, geahča

man badjelgehččojuvvon mun lean.

12

1,12
Dan 9,12
Iigo dat čuoze din váibmui,

dii geat mannabehtet meattá?

Leago bávččas dan bákčasa veardásaš

maid Hearrá divttii mu gillát

buolli moaris beaivvi?

13Allagasas Hearrá vuolggahii

dola mu dávttiide ja bagadii daid.

Son lebbii fierpmi mu julggiid várás,

son norddastii mu eret

ja guđii mu vártnuheapmin,

vuoimmeheapmin beaivvis beaivái.

14

1,14
Sál 38,5
Hearrá dagai mu suttuid geasisin

ja bijai dan deaddit mu niskki.

Son dojii mu fámu.

Son guđii mu dakkár olbmuid gihtii

geain mun in biđe.

15

1,15
2 Muit 36,17
Jes 63,3
Alm 19,15
Hearrá hilggui

buot mu soahtesáŋgáriid.

Son rávkkai joavkku mu vuostá

cuvket mu nuorra olbmáid.

Hearrá duolmmai Juda

dego viidnemurjjiid

viidnebohčingáris.

16

1,16
Jer 9,1
14,17
Buot dán dihte mun čierun,

gatnjalat golget mu čalmmiin.

Guhkkin leat dat

geat máhtášedje jeđđet mu

ja addit munnje eallinmovtta.

Buot mu bártnit leat gahččan,

vašálaš lei menddo gievra.

17Sion geaigguha gieđaid,

muhto ii oktage jeđđe su.

Hearrá rávkkai ránnjáálbmogiid

Jakoba vašálažžan.

Jerusalem lea šaddan sidjiide

buhtismeahttumin.

18

1,18
Dan 9,7eč
Hearrá lea dahkan riekta,

dasgo mun nággáruššen

su báhkkomiid vuostá.

Gullet datte, buot álbmogat,

ja oidnet mu bákčasa!

Mu nieiddat ja nuorra olbmát

leat dolvojuvvon fáŋgavuhtii.

19

1,19
1,211
Mun čurvon ráhkisteddjiidan,

muhto sii behtte mu.

Mu báhpat ja vuorrasat dušše gávpogii

go ledje ohcamin borramuša,

vai beasašedje gádjut heakkaset.

20

1,20
5 Mos 32,25
Jer 4,19
9,21
Hearrá, geahča, mun lean heađis!

Mu siskkildas báttada,

mu váimmus lea áŧestus,

danne go mun ledjen jeagoheapme.

Olgun miehkki gottii mu mánáid,

viesus hearjidii rohttu.

21

1,21
Jer 51,35
Olbmot gullet mo mun šuohkán,

muhto ii oktage jeđđe mu.

Buot mu vašálaččat gullet

mu lihkuhisvuođa

ja illudit, danne go dat lea du dahku.

Dat beaivi maid don almmuhit,

lea boahtán.

Muhto sidjiide geavvá nugo munnjege.

22Guorahala buot sin bahávuođa!

Daga sidjiide nugo dahket munnje

buot mu suttuid dihte.

Oruskeahttá mun šuohkán,

mu váibmu lea buohcci.