Davvisámegiel Biibbal 2019 (Biibbal)
8

Israellaččat váldet ja duššadit Aja

81

8,1
5 Mos 20,3
31,6
Jos 6,2+
Hearrá celkkii Josuai: “Ale bala alege arvvahuva! Váldde mielddát oppa soahteveaga ja vuolgge Ajii. Mun attán du gihtii Aja gonagasa, su álbmoga ja gávpoga ja oppa su eatnama. 2
8,2
6,21
Don galggat dahkat Ajii ja dan gonagassii nugo dahket Jerikoi ja dan gonagassii, muhto sállaša ja omiid dii oažžubehtet goitge váldit. Bija olbmáid beitosii gávpoga nuppe beallái.”

3Josua vulggii oppa soahteveagainis Aja guvlui. Son válljii golbmalogiduhát roahkkadis soahteolbmá ja vuolggahii sin mátkái ihkku. 4Son gohčui sin: “Dii galgabehtet orrut beitosis gávpoga nuppe bealde. Allet mana beare guhkás gávpogis, muhto lehket buohkat gergosat. 5Mun ja oppa veahka mii lea muinna, lahkonit gávpogii. Go Aja olbmát vulget soahtat minguin nugo ovddit hávege, de mii mahkáš báhtarit sis. 6Sii vulget doarridit min, ja nu mii hohkahit sin olggos gávpogis. Sii oainnat gáddet ahte mii báhtarit sis nugo ovddit hávege. Go mii leat báhtareamen sis, 7de dii galgabehtet čuožžilit beitosis ja váldit gávpoga. Hearrá, din Ipmil, addá dan din gihtii. 8Go dii lehpet váldán gávpoga, de galgabehtet buolláhit dan. Dahket nugo Hearrá lea cealkán. Mun gohčun din ná.” 9Josua vuolggahii olbmáid mátkái, ja sii manne beitosii Aja gávpoga oarjjabeallái, Betela ja Aja gaskii. Josua orui dan ija soahteveaga luhtte.

10Árrat iđedis Josua geahčadii soahteveagas. Son ja Israela vuorrasat vulge soahteveaga njunnošis Aja guvlui. 11Go soahteveahka mii lei suinna lei joavdan gávpoga lahka, de sii dahke soahtesiidda Aja davábeallái, ja sin ja Aja gaskkas lei leahki. 12Josua bijai sullii vihttaduhát olbmá beitosii gávpoga oarjjabeallái, Betela ja Aja gaskii. 13Soahteveahka lei dál gearggus soahtat, váldojoavku gávpoga davábealde ja uhcit joavku gávpoga oarjjabealde. Josua orui dan ija leagis. 148,14 mearrebáikái meahci guvlui Hebreagillii Araba, leahki gos leat Jordan ja Jápmamearra.Go Aja gonagas iđđedis oinnii israellaččaid, de son vulggii dalán oppa soahteveagainis mearrebáikái meahci guvlui soahtat Israeliin, muhto son ii diehtán ahte gávpoga duohken ledje israellaččat beitosis. 15Josua ja israellaččat geassádedje ja báhtaredje meahci guvlui. 16Dalle buot gávpoga olbmot gohččojuvvojedje doarridit Josua, ja sii gessojuvvojedje olggos gávpogis. 17Ii oktage olmmái báhcán Ajii, muhto buohkat vulge israellaččaid maŋŋái. Sii guđđe gávpoga rabasin ja doarridišgohte Israela.

18Hearrá celkkii Josuai: “Geige Aja guvlui sábela mii dus lea gieđas. Mun attán gávpoga du gihtii.” Josua dagai nu. 19Go dat olbmát geat ledje beitosis oidne Josua geigemin gieđa, de sii čuožžiledje hoahpus čiehkádansajisteaset, fallehedje gávpoga, válde dan ja buolláhedje dan hoahpus. 20Go Aja olbmát jorggihedje, de sii oidne suova badjáneamen gávpogis almmi guvlui. Muhto sii eai sáhttán báhtarit eai duohko eaige deike, danin go dat soahteveahka mii lei báhtaran meahci guvlui, jorggihii doarrideddjiid vuostá. 21Josua ja israellaččat ledje oaidnán ahte dat olbmát geat ledje leamaš beitosis, ledje váldán gávpoga ja ahte doppe badjánii suovva, ja dalle sii jorggihedje ja fallehedje Aja olbmáid. 22Ja seammás dot geat ledje váldán gávpoga, fallehedje maid sin, ja nu Aja olbmát báhce guovtti israellaččaid joavkku gaskii. Israellaččat fallehedje sin ovddabealde ja maŋábealde ja časke sin, nu ahte ii oktage sis beassan báhtarussii iige báhcán heggii. 23Muhto Aja gonagasa sii dohppejedje eallinaga ja bukte Josua lusa.

24Go israellaččat ledje goddán buot Aja olbmáid meahccái gosa sii ledje sin doarridan, ja buohkat ledje gahččan miehkkái gitta maŋimuš olbmá ráje, de sii máhcce Ajii ja godde daid geat vel ledje doppe. 25Dan beaivvi gottáhalle guoktenuppelohkáiduhát olbmá ja nissona, buot Aja ássit. 26

8,26
2 Mos 17,11č
Josua ii váldán ruoktot gieđa mas lei doallamin sábela, ovdal go buot Aja ássit ledje vihahuvvon duššadeapmái. 27
8,27
8,2
Israellaččat goit rievidedje gávpogis omiid ja eará opmodaga. Sii dahke visot aivve nugo Hearrá lei gohččon Josua. 28Josua bolddii Aja gávpoga ja dagai dan agálaš čievračopman, ávdin báikin, dakkárin go dat lea otná beaivvige. 29
8,29
5 Mos 21,22č
Jos 7,26
10,26č
Muhto Aja gonagasa son harccastii murrii ja divttii su jápma rupmaša heaŋgát das gitta eahkeda rádjái. Go beaivváš luoitádii, de Josua gohčui váldit dan vulos. Sii bálkestedje dan gávpotpoartta ovdii ja guhppejedje dan ala stuorra geađgečoma mii lea das otná beaivvige.

Josua lohká lága Ebalváris

30Dan áiggi Josua ráhkadii Ebalvárrái áltára Hearrái, Israela Ipmilii, 31

8,31
2 Mos 20,25
5 Mos 27,5č
nugo Moses, Hearrá bálvaleaddji, lei gohččon israellaččaid dahkat ja nugo lea čállojuvvon Mosesa láhkagirjái. Áltár ráhkaduvvui olles geđggiin maidda ii mihkkege ruvddiid lean guoskan. Dan alde sii oaffarušše Hearrái boaldinoaffariid ja searvevuođaoaffariid. 32
8,32
5 Mos 27,2č
Daidda geđggiide Josua čálii israellaččaid oaidnut geardduhusa dan lágas maid Moses lei čállán. 33
8,33
5 Mos 11,29
27,12č
Oppa Israel, sihke vierrásat ja eatnamis riegádan olbmot, buot Israela vuorrasat, hoavddat ja duopmárat, čužžo goappáge bealde árkka levilaš báhpaid buohta geat galge guoddit Hearrá lihtuárkka. Nubbi bealli álbmogis čuoččui Garisimvárrái čalmmiid, nubbi bealligis Ebalvárrái čalmmiid. Moses, Hearrá bálvaleaddji, lei oainnat gohččon buressivdnidit Israela álbmoga dainna lágiin. 34
8,34
5 Mos 27,14–28,68
Das maŋŋil Josua logai jitnosii oppa lága, sihke buressivdnádusaid ja garuhusaid, aiddo nugo láhkagirjái lei čállojuvvon. 35Josua ii guođđán eret sánige das maid Moses lei gohččon. Buot lohkkojuvvui oppa Israela searvegoddái ja nissoniidda ja mánáide ja vierrásiidda geat čuvvo sin.

9

Soahpamuš gibeonlaččaiguin

91Go buot Jordana oarjjabeale, várreeatnama, Šefela ja Stuorrameara gátti gonagasat gitta Libanona rádjái, hetlaččaid, amorlaččaid, kanaanlaččaid, perisselaččaid, hivvelaččaid ja jebuslaččaid gonagasat gulle mii lei dáhpáhuvvan, 2de sii čoagganedje ja lihtodedje soahtat Josuain ja Israeliin.

3Go Gibeona ássit gulle maid Josua lei dahkan Jerikoi ja Ajii, 4de sii meannudedje gávvilit. Sii vuolggahedje mátkái áirasiid geat noađuhedje áseniiddiset čielgái oapmeseahkaid ja opmon, gaikánan ja duokŋaduvvon viidneseahkaid, 5bidje juolgái duokŋaduvvon oapmegápmagiid ja gárvodedje oapmebiktasiid. Niestin sii válde goikan ja moallanan láibbi. 6Sii manne Josua lusa Gilgala siidii ja dadje sutnje ja israellaččaide: “Mii boahtit hui gáiddus eatnamis. Dahket dál lihtu minguin!” 7

9,7
2 Mos 23,32č
5 Mos 7,2
Muhto israellaččat dadje hivvelaččaide: “Dii dáidibehtet ássat dás min lahka. Mo mii dalle sáhtášeimmet dahkat lihtu dinguin?” 8Sii dadje Josuai: “Mii leat du bálvaleaddjit.” Josua jearai sis: “Geat dii lehpet ja gos dii boahtibehtet?” 9
9,9
2,10
Sii vástidedje: “Du bálvaleaddjit leat boahtán gáiddus eatnamis, danin go Hearrá, du Ipmila, namma lea beaggán dohko. Mii leat gullan su nama ja buot maid son dagai Egyptas 10
9,10
4 Mos 21,24eč
ja buot maid son dagai dan guovtti amorlaččaid gonagassii Jordana nuorttabealde Hešbona gonagassii Sihonii ja Bašana gonagassii Ogii gii ásai Aštarotis. 11Min vuorrasat ja buot min eatnama ássit gohččo min váldit niestti ja vuolgit ohcat din ja dadjat didjiide: ‘Mii leat din bálvaleaddjit. Dahket lihtu minguin!’ 12Dát min láibi lei vel liekkas go válddiimet dan niestin ruovttus dan beaivvi go vulggiimet deike guovlluid. Gehččet man goikkis ja moallanan dat lea dál! 13Dáid viidneseahkaid mii devddiimet ođasnaga. Gehččet man gaikánan dat leat dál! Ja min biktasat ja gápmagat leat gollan guhkes mátkkis.” 14
9,14
4 Mos 27,21
De Israela olbmát máiste sin niestti, muhto eai jearran ráđi Hearrás. 15Josua dagai ráfilihtu singuin ja lohpidii ahte sii ožžot eallit. Álbmoga oaivámuččat nannejedje lihtu váliin.

16Golmma beaivvi geažes das go lihttu lei dahkkojuvvon, de israellaččat gulle ahte gibeonlaččat ledjege sin ránnját ja ásse das lahka. 17Dalle israellaččat vulge johtui ja bohte goalmmát beaivvi sin gávpogiidda mat ledje Gibeon, Kefira, Beerot ja Kirjat-Jearim. 18Muhto israellaččat eai goddán sin, dainna go álbmoga oaivámuččat ledje vurdnon sidjiide dan Hearrá, Israela Ipmila, nammii. Oppa álbmot nimmorii oaivámuččaid vuostá, 19muhto sii vástidedje: “Mii leat vurdnon sidjiide dan Hearrá, Israela Ipmila, nammii. Danin mii eat sáhte duohtadit sin. 20Mii dahkat sidjiide ná: Mii diktit sin eallit, vai moarri ii deaivva midjiide dan váli dihte maid mii leat vurdnon sidjiide.” 21Oaivámuččat mearridedje ahte sii ožžot eallit, muhto sii šaddet bálvalit israellaččaid murrejeaddjin ja čáhceguoddin. Ja álbmot jeagadii oaivámuččaidis.

22Josua rávkkai gibeonlaččaid lusas ja dajai sidjiide: “Manne dii behtiidet min? Diihan dajaidet ahte ássabehtet hui gáidagasas mis, vaikko ássabehtetge dás lahka! 23Lehket garuhuvvon! Ii oktage dis beasa bálvaleames šlávvan, murremis ja guoddimis čázi mu Ipmila vissui.” 24

9,24
2 Mos 23,23
34,11č
5 Mos 2,34
7,1
11,23
Sii vástidedje Josuai: “Du bálvaleddjiide muitaluvvui ahte Hearrá, du Ipmil, lei gohččon bálvaleaddjis Mosesa addit didjiide oppa dán eatnama ja duššadit buot eatnama ássiid din ovddas. Mii balaimet sakka ahte dii goddibehtet min, ja dan dihte mii dagaimet dán. 25Dál mii leat du gieđas. Daga midjiide nugo du mielas lea riekta ja vuoigat.” 26Josua dagai sidjiide nugo lei dadjan. Son gájui sin israellaččaid gieđas iige suovvan goddit sin, 27
9,27
5 Mos 12,5
muhto mearridii sin dan beaivvi rájes israellaččaid šlávvan murret ja guoddit čázi Hearrá áltára váras. Dat lea sin bargu veláge dan báikkis maid Hearrá lea válljen.

10

Josua vuoitá vihtta amorlaš gonagasa

101

10,1
8,26eč
9,15
10,1 vihahan … duššadeapmái vihahit duššadeapmái.Adoni-Sedek, Jerusalema gonagas, gulai ahte Josua lei váldán Aja ja vihahan dan duššadeapmái ja ahte son lei dahkan Ajii ja dan gonagassii seammá láhkái go Jerikoi ja dan gonagassii. Adoni-Sedek oaččui maid diehtit ahte Gibeona ássit ledje dahkan ráfi israellaččaiguin ja ásse sin gaskkas. 2Dalle son ballái sakka, dasgo Gibeon lei seammá stuoris go gonagasgávpogat; dat lei stuorit go Ai, ja buot dan olbmát ledje roahkkadis soahteolbmát. 3Jerusalema gonagas Adoni-Sedek vuolggahii dalle Hebrona gonagassii Hohamii, Jarmuta gonagassii Piramii, Lakiša gonagassii Jafiai, ja Eglona gonagassii Debirii dán sága: 4“Bohtet veahkehit mu, de mii časkit Gibeona, danin go dat lea dahkan ráfi Josuain ja israellaččaiguin.” 5Dat vihtta amorlaš gonagasa, Jerusalema, Hebrona, Jarmuta, Lakiša ja Eglona gonagasat, čoagganedje buot soahteveagaideasetguin. Sii dahke soahtesiidda Gibeona lusa ja ráhkkanedje fallehit gávpoga. 6Dalle gibeonlaččat vuolggahedje Josuai Gilgala siidii dán sága: “Ale guođe bálvaleddjiidat heahtái! Boađe hoahpus veahkkin, beastte min! Buot várreeatnama amorlaš gonagasat leat lihtodan soahtat minguin.” 7Josua vulggii dalle Gilgalis oppa soahteveagainis, buot roahkkadis soahteolbmáidisguin.

8

10,8
6,2+
Hearrá celkkii Josuai: “Ale bala sis! Mun attán sin du gihtii. Ii oktage sis biđe dus.” 9Go Josua lei vuolgán Gilgalis ja johtán veagainis geažos ija, de son fallehii amorlaččaid heahkka. 10
10,10
2 Mos 23,27
Hearrá moivii amorlaččaid go israellaččat bohte, ja sii vuoittáhalle Josuai Gibeonis oalát. Israellaččat doarridedje sin Bet-Horona vieltti guvlui gitta Aseka ja Makkeda rádjái, ja časke sin eatnamii. 11
10,11
2 Mos 9,1823č
Go amorlaččat ledje báhtareamen israellaččain ja boahtán Bet-Horona vieltti rádjái, de Hearrá suohpui stuorra čuorbmasiid almmis sin ala gitta Aseka rádjái, nu ahte olusat gottáhalle. Čuorbmasat godde eanebuid go maid israellaččat godde mihkiin. 12Dan beaivvi go Hearrá attii amorlaččaid israellaččaid gihtii, de Josua sártnui Hearrái israellaččaid gullut:

“Beaivváš, oro sajistat Gibeonis!

Mánnu, biso lihkakeahttá

Ajalona leagi badjel!”

13
10,13
2 Sam 1,18
2 Gon 20,10č
Jes 28,21
38,8
Ja nu beaivváš orui sajistis ja mánnu bisui lihkakeahttá, dassážii go álbmot lei mávssahan vašálaččaidasas. Ná lea čállojuvvon Vuoiggalačča girjái. Beaivváš bisánii gasku almmi olles beaivái iige hohpohallan luoitádit. 14
10,14
2 Mos 14,14
Ii goassege, ii ovdal iige maŋŋil, leat leamaš dakkár beaivi go Hearrá livččii ná gullan olbmo rohkosa. Hearrá soađai Israela ovddas.

15Josua máhcai buot israellaččaiguin Gilgala siidii. 16Muhto dot vihtta gonagasa báhtaredje ja čiehkádedje Makkeda bákteráigái. 17Go Josuai dieđihuvvui ahte dat vihtta gonagasa ledje čiehkádan Makkeda bákteráigái, 18de son dajai: “Fierahehket stuorra geđggiid bákteráiggi ovdii ja bidjet fávttaid, 19muhto dii earát ehpet oaččo bisánit. Doarridehket vašálaččaid ja goddet maŋušjoavkku. Allet divtte sin beassat iežaset gávpogiidda. Hearrá, din Ipmil, addá sin din gihtii.” 20Josua ja israellaččat časke amorlaččaid ja duššadedje sin ollásit; dušše muhtumat besse báhtui ja bohte ladnegávpogiidda. 21

10,21
2 Mos 11,7
Oppa soahteveahka máhcai dearvan Josua lusa Makkeda siidii. Ii oktage duostan šat vuostálastit israellaččaid.

22Josua sártnui: “Rabastehket bákteráiggi ja buktet dan vihtta gonagasa mu lusa.” 23Sii dahke nu, ja buot vihtta gonagasa, Jerusalema, Hebrona, Jarmuta, Lakiša ja Eglona gonagasat, buktojuvvojedje Josua ovdii. 24Dalle Josua rávkkai lusas buot israellaččaid ja dajai soahteveaga oaivámuččaide geat ledje čuvvon su: “Loaiddastehket ovdan ja bidjet juolggi dáid gonagasaid niskki ala!” Sii dahke nu. 25Josua dajai sidjiide: “Allet bala alletge suorgan, lehket roahkkadat ja gievrrat! Ná Hearrá dahká buot din vašálaččaide geaiguin dii soahtabehtet.” 26

10,26
8,29
Dasto Josua gottii dan vihttasa ja heŋgii sin viđa murrii, ja das sii heaŋgájedje gitta eahkeda rádjái. 27Go beaivváš lei luoitádeamen, de Josua gohčui váldit sin vuolás ja bálkestit dan bákteráigái gos sii ledje leamaš čihkosis. Bákteráiggi ovdii biddjojuvvojedje stuorra geađggit, ja das dat leat vel otná beaivvige.

28Seammá beaivvi Josua válddii Makkeda, gottii dan ássiid ja gonagasa mihkiin ja vihahii duššadeapmái gávpoga ja buot heakkalaččaid doppe. Son ii diktán ovttage beassat báhtui. Son dagai Makkeda gonagassii nugo lei dahkan Jeriko gonagassii.

29Makkedas Josua ja israellaččat vulge Libnai. Sii fallehedje gávpoga, 30ja Hearrá attii sin gihtii maiddái Libna ja dan gonagasa. Josua gottii mihkiin dan ássiid ja buot heakkalaččaid doppe iige diktán ovttage beassat báhtui. Josua dagai Libna gonagassii nugo lei dahkan Jeriko gonagassii.

31Libnas Josua ja israellaččat vulge Lakišii, birastahtte gávpoga ja fallehedje dan. 32Maŋit beaivvi Hearrá attii Lakiša israellaččaid gihtii. Sii válde dan ja godde mihkiin dan ássiid ja buot heakkalaččaid doppe, aiddo nugo ledje dahkan Libnas. 33De Horam, Gesera gonagas, vulggii veahkehit Lakiša, muhto Josua časkkii su ja su soahteveaga iige luoitán ovttage báhtui.

34Lakišis Josua ja israellaččat vulge Eglonii. Sii birastahtte ja fallehedje gávpoga. 35Sii válde gávpoga seammá beaivvi ja godde dan ássiid mihkiin. Josua vihahii duššadeapmái buot heakkalaččaid doppe, aiddo nugo son lei dahkan Lakišis.

36Eglonis Josua ja israellaččat vulge Hebronii ja fallehedje gávpoga. 37Sii válde dan ja godde mihkiin dan ássiid ja gonagasa ja buot heakkalaččaid doppe ja maiddái buot dasa gullevaš gávpogiin. Josua ii diktán ovttage beassat báhtui. Son dagai Hebronii nugo lei dahkan Eglonii ja vihahii duššadeapmái gávpoga ja buot heakkalaččaid doppe.

38Dasto Josua ja israellaččat jorggihedje Debirii ja fallehedje gávpoga. 39Sii válde Debira ja dan gonagasa ja buot dasa gullevaš gávpogiid ja godde mihkiin daid ássiid. Sii vihahedje duššadeapmái buot heakkalaččaid doppe. Josua ii diktán ovttage beassat báhtui. Son dagai Debirii ja dan gonagassii nugo lei dahkan Hebronii ja dan gonagassii ja Libnai ja dan gonagassii.

40

10,40
5 Mos 20,16
Jos 11,111416
Josua vuittii oppa eatnama ja válddii várreeatnama, Negeva guovllu, Šefela ja vilttiid. Son gottii buot daid guovlluid gonagasaid iige diktán sis ovttage beassat báhtui. Son vihahii duššadeapmái buot heakkalaččaid, nugo Hearrá, Israela Ipmil, lei gohččon. 4110,41 Gošeneatnama dás guovlu Juda lulágeahčen. Gč. 11,16.Josua válddii oppa eatnama Kadeš Barnea ja Gaza gaskkas ja oppa Gošeneatnama gitta Gibeona rádjái. 42Buot daid gonagasaid ja sin eatnamiid Josua časkkii oktanaga, dasgo Hearrá, Israela Ipmil, soađai Israela ovddas.

43Dasto Josua ja israellaččat máhcce Gilgala siidii.