Davvisámegiel Biibbal 2019 (Biibbal)
2

Josua vuolggaha iskkadeddjiid Jerikoi

21

2,1
6,17
Matt 1,5
Hebr 11,31
Jak 2,25
2,1 Šittim Abel-Šittim, “Akasiajogaš”, guolbaniin mat leat Jápmameara nuorttadavábealde Gč. 4 Mos 25,1.Josua, Nuna bárdni, vuolggahii Šittimis guokte iskkadeaddji ja gohčui sudno geahčadit eatnama ja Jeriko gávpoga. Soai vulggiiga Jerikoi ja manaiga Rahab-nammasaš fuorá vissui, vai beassaba idjadit das. 2Muhto Jeriko gonagas gulai ahte muhtun israellaš olbmát ledje boahtán dan ija Jerikoi iskkadit eatnama, 3ja son bijai Rahabii sáni: “Vuolggat deike daid olbmáid geat bođiiga du vissui. Soai leaba boahtán iskkadit eatnama.” 4Muhto Rahab čiegai dan guoktá ja dajai: “Olbmát gal finaiga mu luhtte, muhto mun in dieđe gos soai bođiiga. 5Soai vulggiiga dalle go sevnnjodii, aiddo dalle go gávpotpoarta galggai dahppojuvvot, inge mun dieđe gosa soai manaiga. Doamihehket doarridit dan guoktá, de juksabehtet sudno.” 6Rahab lei dolvon olbmáid gáhtu ala ja gokčan sudno beallemasoalggaiguin maid lei lebbon dohko. 7Gonagasa olbmát vulge doarridit iskkadeddjiid Jordana guvlui gitta gállamiid rádjái, ja go doarrideaddjit ledje mannan, de gávpotpoarta dahppojuvvui.

8Ovdal go iskkadeaddjit leigga veallánan, de Rahab goarkŋui sudno lusa gáhtu ala. 9

2,9
2 Mos 15,15č
23,27
5 Mos 11,25
Son dajai: “Mun dieđán ahte Hearrá lea addán didjiide dán eatnama. Mii leat dohppehallan ballui, ja buot eatnama ássit roahppánit din dihte. 10
2,10
2 Mos 14,21č
4 Mos 21,23eč
5 Mos 1,4
2,10 vihaheiddet … sudno vihahit duššadeapmái.Mii leat gullan mo Hearrá goikadii Ruksesmeara čáziid din ovddas go dii vulggiidet Egyptas. Mii diehtit ahte don bealde Jordana dii vihaheiddet duššadeapmái amorlaččaid gonagasaguoktá Sihona ja Oga ja gottiidet sudno. 11
2,11
5 Mos 4,39
Jos 5,1
Go mii gulaimet dan, de mii hearddohuvaimet, iige mis leat šat roahkkatvuohta vuostálastit din, danin go Hearrá, din Ipmil, lea almmi ja eatnama Ipmil. 12Mun in beahttán dudno, muhto gádjon dudno heakka. Vuordnu dál munnje Hearrá nammii ahte doaige gádjubeahtti mu áhči soga. Addi munnje mearkka iežade oskkáldasvuođas. 13Dikti áhččán, eadnán, vieljaidan, oappáidan ja oppa sin veaga eallit, ja gáddju min heakka jápmimis.” 14
2,14
6,22eč
Olbmáguovttos dajaiga sutnje: “Moai letne geatnegasat jápmit din sadjái, jus ean daga maid don ánut. Muhto ale dieđit geasage munno ášši. Go Hearrá addá midjiide dán eatnama, de mii gádjut din heakka. Dasa dii oažžubehtet luohttit.”

15

2,15
1 Sam 19,12
Apd 9,25
2 Kor 11,33
De Rahab luittii sudno láseráigge báttiin vuolás muvrra olggobeallái. Su viessu lei gitta gávpotmuvrras, ja son ásai muvrra siste. 16Son neavvui sudno: “Manni váriide, vai din doarrideaddjit eai fáhte dudno, ja čiehkádeahkki dohko golmma beaivái. Go doarrideaddjit leat máhccan, de dalle sáhttibeahtti mannat geidnoseatte.” 17Olbmát dajaiga sutnje: “Moai letne friddja dan vális maid vuortnuime dutnje, jus it daga nugo moai gohččo. 18Go mii boahtit dán eatnamii, de galggat čatnat dán rukses bátti dan láseráigái gokko luitet munno vuolás, ja čohkket áhčát, eatnát, vieljaidat ja oppa áhčát veaga iežat lusa vissui. 19Juohkehaš gii manná viesus olggos, lea sivalaš iežas jápmimii, ja moai letne vigiheamit. Muhto jos mii goddit ovttage gii lea du luhtte viesus, de moai letne sivalaččat su jápmimii. 20Ja jos don beahtát munno, de moai letne čovdojuvvon dan vális maid bidjet munno vuordnut.” 21Rahab dajai: “Lehkos nu go dadjabeahtti.” De son luittii olbmáguoktá mannat. Ja son čanai dan rukses bátti láseráigái.

22Olbmáguovttos vulggiiga váriide ja oruiga doppe golbma beaivvi, dassážii go doarrideaddjit ledje máhccan. Sii ohce sudno miehtá oppa geainnu, muhto eai gávdnan. 23Dasto olbmáguovttos njiejaiga váriin, rasttildeigga Jordana ja bođiiga Josua, Nuna bártni, lusa. Soai muitaleigga sutnje buot mii sudnuide lei dáhpáhuvvan 24ja dajaiga: “Hearrá lea addán oppa eatnama min gihtii, ja buot eatnama ássit leat hearddohuvvan.”

3

Israellaččat rasttildit Jordana

31Árrat iđedis Josua ja israellaččat vulge johtui Šittimis ja bohte Jordangáddái. Das sii ledje muhtun áiggi ovdal go manne eanu rastá. 2

3,2
1,11
Go golbma beaivvi ledje vássán, de álbmoga njunnošat manne siidda čađa 3ja gohččo álbmoga: “Go dii oaidnibehtet Hearrá, din Ipmila, lihtuárkka ja levilaš báhpaid guoddimin dan, de galgabehtet vuolgit johtui ja mannat árkka maŋis, 43,4 váruhehket … lahka Árka lei bassi ja danne lei váralaš guoskkahit dan. Vrd. 2 Sam 6,6č. guokteduhát állana sullii 1000 mehtera.muhto lehkos birrasii guokteduhát állana din ja árkka gaskkas, allet mana ilá lahka dan. Čuvvot dan vai dieđášeiddet dan geainnu man dii galgabehtet mannat, dasgo dii ehpet leat mannan dan geainnu ovdal.”

5

3,5
2 Mos 19,10č
Josua dajai álbmogii: “Basuhehket iežaideattet, dasgo ihttin Hearrá dahká oavdudaguid din gaskkas.” 6
3,6
4 Mos 4,15
5 Mos 31,24eč
Báhpaide son dajai: “Váldet lihtuárkka ja guddet dan álbmoga ovddas.” Báhpat dahke nugo Josua lei gohččon.

7

3,7
1,5
4,14
Hearrá celkkii Josuai: “Dán beaivvi mun dahkagoađán du stuorisin oppa Israela čalmmiin, vai sii ipmirdit ahte mun lean duinna nugo mun ledjen Mosesiin. 8Go báhpat geat guddet lihtuárkka, leat ollen Jordangáddái, de gohčo sin lávket gáddečáhcái ja čuožžut das.”

9Josua dajai israellaččaide: “Bohtet deike gullat Hearrá, din Ipmila, sániid.” 10

3,10
4 Mos 33,51č
5 Mos 7,1
Dasto son dajai: “Ealli Ipmil lea din gaskkas. Dan dii diehtibehtet das ahte son duššada din ovddas kanaanlaččaid, hetlaččaid, hivvelaččaid, perisselaččaid, girgašlaččaid, amorlaččaid ja jebuslaččaid. 11Oppa eatnama hearrá lihtuárka manná din ovddas Jordana rastá. 12
3,12
4,2č
Válljejehket dál Israela čearddain guoktenuppelohkái olbmá, ovtta guđege čearddas. 13
3,13
2 Mos 15,8
Sál 78,13
114,3
Go báhpat geat guddet oppa eatnama Hearrá lihtuárkka leat lávken Jordana čáhcái, de dalle boatkkalduvvet čázit mat bohtet bajil, ja orustit oktan čopman.”

14Álbmot vulggii johtui goahtesajiin vai beassá rasttildit Jordana, ja báhpat gudde lihtuárkka álbmoga ovddas. 153,15 láddjenáigi Jordanleagis bivgi láttai juo cuoŋománus. Dalle eatnu dulvvai dálvearvvi ja Hermonvári muohtasuddama geažil. Gč. 4,19, “vuosttaš mánu”.Lei láddjenáigi, ja Jordan dulvvai badjel buot gáttiidis. Go báhpat geat gudde árkka, bohte Jordangáddái ja lávkejedje čáhcái, 16

3,16
2 Mos 14,21č
de čáhci mii bođii bajil, bisánii ja orui oktan čopman guhkkin Adama gávpoga luhtte, Saretana lahka. Muhto dat čáhci mii golggai Arabameara dahjege Jápmameara guvlui, jávkkai ollásit. Nu álbmot manai Jordana rastá Jeriko buohta. 17Báhpat geat gudde Hearrá lihtuárkka, čužžo goikásis gasku Jordana, ja oppa Israel manai rastá goikeeatnama mielde, dassážii go buohkat ledje rasttildan Jordana.

4

Guoktenuppelohkái muitogeađggi

41Go oppa álbmot lei rasttildan Jordana, de Hearrá celkkii Josuai: 2

4,2
3,12
“Válljejehket álbmogis guoktenuppelohkái olbmá, ovtta guđege čearddas. 3Gohččot sin váldit Jordanis guoktenuppelohkái geađggi dan báikkis gokko báhpat čužžot, ja doalvut daid dan báikái gos orrubehtet boahtte ija.”

4Josua válljii israellaččain guoktenuppelohkái olbmá, ovtta guđege čearddas, 5

4,5
1 Gon 18,31
rávkkai sin lusas ja dajai sidjiide: “Mannet Hearrá, din Ipmila, árkka lusa gasku Jordana ja bajidehket iešguhtege ovtta geađggi oalggi ala, nu ahte dat leat Israela guoktenuppelohkái čeardda logu mielde. 6
4,6
2 Mos 12,26
5 Mos 6,20
Geađggit leat mearkan din gaskkas. Go din mánát de muhtumin jerret manin dát geađggit leat ceggejuvvon, 7de galgabehtet vástidit sidjiide: ‘Jordana čázit bisánedje Hearrá lihtuárkka ovddas. Go árka manai Jordanii, de Jordana čázit bisánedje. Dát geađggit galget leat muitun israellaččaide agálaš áigái.’”

8Israellaččat dahke nugo Josua gohčui. Sii válde gasku Jordana guoktenuppelohkái geađggi Israela čearddaid logu mielde, nugo Hearrá lei sárdnon Josuai. Sii gudde geđggiid idjadanbáikáseaset ja bidje daid dohko.

9Josua ceggii guoktenuppelohkái geađggi gasku Jordana dan báikái gokko báhpat geat gudde lihtuárkka, ledje čužžon. Geađggit leat das vel otná beaivvige.

10Báhpat geat gudde árkka, čužžo gasku Jordana dassážii go lei dahkkojuvvon buot maid Hearrá lei gohččon Josua sárdnut álbmogii. Nu ollašuvai maiddái dat gohččun maid Moses lei addán Josuai. Álbmot manai hoahpus Jordana rastá. 11Go buot earát ledje geargan mannamis rastá, de maiddái báhpat manne rastá ja guoddigohte Hearrá árkka álbmoga ovddas. 12

4,12
4 Mos 32,2129
Israellaččaid njunnošis soahtejoavkun manne Rubena ja Gada čearddat ja Manasse čeardabealle, nugo Moses lei gohččon sin. 13Sullii njealljelogiduhát soahteolbmá vulge soahtat Hearrá muođuid ovddas Jeriko duolbadassii. 14
4,14
3,7
Dan beaivvi Hearrá dagai Josua stuorisin oppa Israela čalmmiin, ja sii gudnejahtte Josua buot su eallinbeivviid nugo ledje gudnejahttán Mosesa.

15Hearrá celkkii Josuai: 16“Gohčo báhpaid geat guddet lihtuárkka, goargŋut Jordanis gáddái.” 17Josua dagai nu, ja báhpat gorgŋo Jordanis gáddái. 18

4,18
3,15č
Dan seammás go báhpat geat gudde Hearrá lihtuárkka, ledje gorgŋon Jordanis gáddái ja lávken goikeeatnamii, de Jordana čázit máhcce fas ovddeš sadjáseaset ja dulve badjel buot gáttiid nugo ovdalge. 194,19 Gilgal gávpot Jordanleagis, deaŧalaš oskkoldatlaš ja politihkalaš guovddáš gitta gonagasaid áiggi rádjái. Vrd. 1 Sam 7,16; 10,8.Israellaččat rasttildedje Jordana vuosttaš mánu logát beaivvi ja luoitaledje Gilgalii, Jeriko nuorttabeallái.

20Josua ceggii Gilgalii dan guoktenuppelohkái geađggi mat ledje váldojuvvon Jordanis. 21Son dajai israellaččaide: “Go din mánát de muhtumin jerret iežaset áhčiin manin dát geađggit leat ceggejuvvon, 22de galgabehtet dalle vástidit sidjiide: Israel manai goikeeatnama mielde Jordana rastá. 23

4,23
2 Mos 14,21č
Hearrá, din Ipmil, goikadii Jordana čáziid nugo son lei goikadan Ruksesmeara min ovddas, nu ahte min álbmot beasai rastá. 24Dan son dagai, vai buot eatnama álbmogat oahpašedje dovdat ahte Hearrá giehta lea gievra, ja vai dii álo balašeiddet Hearrás, din Ipmilis.”