Davvisámegiel Biibbal 2019 (Biibbal)
23

Josua earrosáhka

231

23,1
1,13
11,23
13,1
14,15
Lei gollan guhkes áigi das go Hearrá lei diktán Israela oažžut juohke bealde ráfi vašálaččain, ja Josua lei dál hui boaris. 2Son rávkkai lusas oppa Israela, dan vuorrasiid, oaivámuččaid, duopmáriid ja hoavddaid, ja dajai sidjiide: Mun lean dál boares olmmoš. 3
23,3
2 Mos 14,14+
Dii lehpet ieža oaidnán maid Hearrá, din Ipmil, dagai buot dán eatnama álbmogiidda. Hearrá, din Ipmil, soađai ieš din ovddas. 4Mun lean juogadan din čearddaide opmodahkan daid eatnamiid maid álbmogiid mun duššadin Jordana oarjjabealde gitta Stuorrameara rádjái, ja maiddái daid álbmogiid eatnamiid mat vel leat báhcán. 5
23,5
2 Mos 23,31
5 Mos 6,19
Hearrá, din Ipmil, ieš ádjá eret ja jávkada daid álbmogiid din ovddas, nu ahte dii sáhttibehtet váldit sin eatnamiid, nugo Hearrá, din Ipmil, lea lohpidan. 6
23,6
5 Mos 5,32
Jos 1,7
Lehket gievrrat! Dollet visot mii lea čállojuvvon Mosesa láhkagirjái, allet gáidda das olgeš alletge gurut beallái. 7
23,7
2 Mos 23,1324
5 Mos 11,16
Allet seahkan daidda álbmogiidda mat ain ellet din gaskkas. Allet rávkka sin ipmiliid namaid alletge vuortno daid nammii, allet bálval daid alletge rohkadala daid, 8
23,8
5 Mos 10,20
Jos 22,5
muhto lehket oskkáldasat Hearrái, din Ipmilii, nugo lehpet leamaš gitta dán beaivvi rádjái. 9
23,9
5 Mos 4,38
9,1
Jos 1,5
Am 2,9
Hearrá lea ádján din ovddas eret stuorra ja gievrras álbmogiid, iige oktage leat bihtán dis. 10
23,10
3 Mos 26,8
Jos 23,1
Juohkehaš din olbmáin nagada vuojehit báhtui duháha, dasgo Hearrá, din Ipmil, ieš soahtá din ovddas, nugo lea lohpidan.

11

23,11
5 Mos 6,5+
Muitet ráhkistit Hearrá, Ipmileattet. 12
23,12
2 Mos 34,16
5 Mos 7,3
Jos dii jorgalehpet sus eret ja čatnasehpet daidda álbmogiidda mat leat báhcán din gaskii, ja náitaladdabehtet singuin ja seahkanehpet singuin, 13
23,13
2 Mos 23,33
34,12
4 Mos 33,55
5 Mos 11,17
Duop 2,3
de oažžubehtet diehtit ahte Hearrá, din Ipmil, ii šat áje daid álbmogiid din ovddas, muhto dat šaddet didjiide giellan ja gillarin, spihčán din sealgái ja biikan din čalbmái, dassážii go lehpet jávkan dán buori eatnamis maid Hearrá, din Ipmil, lea addán didjiide. 14
23,14
21,45
1 Gon 2,2
Mun ieš manan dál dan geainnu maid buot mii eallá, ferte mannat. Dii lehpet vásihan oppa váimmus ja oppa sielus ahte ii mihkkege leat šaddan duššin buot dain buriin maid Hearrá, din Ipmil, lea lohpidan didjiide. Buot lea ollašuvvan, ii mihkkege leat šaddan duššin. 15
23,15
3 Mos 26,14eč
5 Mos 28,15eč
Muhto nugo leat ollašuvvan buot dat buorit áššit maid Hearrá, din Ipmil, lohpidii didjiide, nu maiddái Hearrá, din Ipmil, diktá ollašuvvat buot áitagiiddis, dassážii go lea jávkadan din dán buori eatnamis maid son lea addán didjiide. 16
23,16
5 Mos 4,25č
8,19
1 Gon 9,6č
2 Muit 7,19č
Jos dii rihkkubehtet dan lihtu maid Hearrá, din Ipmil, lea gohččon din doallat, ja bálvališgoahtibehtet ja rohkadallagoahtibehtet eará ipmiliid, de Hearrá moaráhuvvá didjiide, ja dii jávkabehtet fargga dán buori eatnamis maid son lea addán didjiide.

24

Lihttu nannejuvvo Sikemis

241Josua čohkkii buot Israela čearddaid Sikemii ja rávkkai lusas Israela vuorrasiid, oaivámuččaid, duopmáriid ja hoavddaid. Doppe sii loaiddastedje Ipmila ovdii. 2

24,2
1 Mos 11,26eč
5 Mos 32–33
1 Sam 12
24,2 áhčit áhčči.Josua dajai álbmogii: “Ná cealká Hearrá, Israela Ipmil: Dolin din áhčit ásse don bealde Eufrateanu, ja sii bálvaledje eará ipmiliid. Okta din áhčiin lei Terah, Abrahama ja Nahora áhčči. 3
24,3
1 Mos 12,1eč21,1eč
Muhto mun bukten din áhči Abrahama don bealde Eufrata ja dikten su vádjolit miehtá oppa Kanaana. Mun dahken su náli eatnagin. Mun adden sutnje Isaka, 4
24,4
1 Mos 25,24eč
36,8
46,5eč
5 Mos 2,5
ja Isakii mun adden Jakoba ja Esau. Esau oapmin mun adden Seira várreeatnama, muhto Jakob ja su bártnit fárrejedje Egyptii. 5
24,5
2 Mos 7–10
Mun vuolggahin Mosesa ja Arona, mun časken Egypta givssiiguin ja bukten din doppe eret. 6
24,6
2 Mos 12,4151
14,5eč
24,6 áhčiid áhčči.Go mun bukten din áhčiid Egyptas, ja dii leiddet boahtán Ruksesmeara gáddái, de egyptalaččat doarridedje din áhčiid heasttaideasetguin ja soahtevovnnaideasetguin gitta meara rádjái. 7
24,7
2 Mos 14,10eč
Dalle din áhčit čurvo Hearrái, ja son bijai seavdnjadasa din ja egyptalaččaid gaskii ja divttii meara heavahit sin. Dii oinniidet iežadet čalmmiiguin maid mun dahken egyptalaččaide. Dasto dii oruidet meahcis guhkes áiggi. 8
24,8
4 Mos 21,21eč
5 Mos 2,26eč
3,1eč
Jos 2,10
Doppe mun bukten din amorlaččaid eatnamii Jordana nuorttabeallái. Amorlaččat soahttájedje dinguin, muhto mun adden sin din gihtii. Dii válddiidet sin eatnama, ja mun duššadin sin din ovddas. 9
24,9
4 Mos 22–24
Dasto Moaba gonagas Balak, Sippora bárdni, soahttái Israeliin ja rávkkai Bileama, Beora bártni, garuhit din. 10Muhto mun in dáhtton gullat Bileama, ja son šattai buressivdnidit din. Nu mun gádjon din Balaka gieđas. 11
24,11
3,1014eč
6,20
10,1eč
11,1eč
Go dii leiddet rasttildan Jordana ja boahtán Jeriko lahka, de dan ássit sohte dinguin, nu maiddái amorlaččat, perisselaččat, kanaanlaččat, hetlaččat, girgašlaččat, hivvelaččat ja jebuslaččat, muhto mun adden sin din gihtii. 12
24,12
2 Mos 23,28
5 Mos 7,20
Sál 44,4
24,12 hirpma Teavstta hebreagiel sáni mearkkašupmi ii leat čielggas. Sáhttá maiddái jorgaluvvot “mieđašeatnemoahti” dahje “moivi”.Mun vuolggahin hirpma din ovdal, ja dat ájii dan guokte amorlaš gonagasa din ovddas eret; ii din miehkki iige din juoksa dan dahkan. 13
24,13
5 Mos 6,10eč
Mun adden didjiide eatnama maid dii ehpet lean njáskan, gávpogiid maid ehpet ieža lean huksen, ja dii beasaidet ássat daidda. Mun adden didjiide viidnegárddiid ja oliivagárddiid maid ehpet ieža lean gilván, muhto maid šaddosiid dii beassabehtet borrat.

14

24,14
1 Mos 35,2
2 Mos 20,3
Esek 20,7
De ballet dal Hearrás ja bálvalehket su láitemeahttumit ja oskkáldasat. Jávkadehket ipmiliid maid din áhčit bálvaledje don bealde Eufrata ja Egyptas, ja bálvalehket Hearrá. 15Jos dii ehpet dáhto bálvalit Hearrá, de válljejehket otná beaivvi gean bálvalit: Dáhttubehtetgo bálvalit daid ipmiliid maid din áhčit bálvaledje don bealde Eufrata, vai amorlaččaid ipmiliid, daid amorlaččaid geaid eatnamis dii dál ássabehtet. Mun ja mu bearaš bálvalit Hearrá.”

16Dalle álbmot vástidii: “Mii eat goassege hilggo Hearrá eatge bálval eará ipmiliid! 17Hearrá lea min Ipmil, son buvttii min ja min áhčiid Egyptas, šlávvaviesus, son dagai buot daid stuorra mearkkaid min oaidnut. Son várjalii min mátkkis, go mii manaimet eará álbmogiid eatnamiid čađa. 18Hearrá ájii min ovddas buot álbmogiid mat ásse dán eatnamis, maiddái amorlaččaid. Mii dáhttut bálvalit Hearrá. Son lea min Ipmil.”

19

24,19
2 Mos 34,14+
Dalle Josua dajai álbmogii: “Ehpet dii veaje bálvalit Hearrá! Son lea bassi Ipmil, áŋgiris Ipmil gii ii atte ándagassii din rihkkumiid iige suttuid. 20
24,20
23,15č
Jos dii hilgubehtet Hearrá ja bálvališgoahtibehtet vieris ipmiliid, de son jorgala dis eret ja diktá lihkuhisvuođa deaividit din ja duššada din, vaikko son ovdal lea leamaš didjiide buorre.” 21Álbmot vástidii Josuai: “Hearrá mii dáhttut bálvalit!” 22Josua dajai álbmogii: “Dii lehpet dál válljen Hearrá ja dáhttubehtet bálvalit su. Dii lehpet ieža dan duođašteaddjit.” Israellaččat vástidedje: “Mii leat duođašteaddjit.” 23
24,23
1 Mos 35,2č
1 Sam 7,3
Josua dajai: “Hilgot dál vieris ipmiliiddádet ja sojahehket váimmodet Hearrá, Israela Ipmila, beallái.” 24Álbmot dajai Josuai: “Mii dáhttut bálvalit Hearrá, Ipmileamet, su mii dáhttut jeagadit.”

25Dan beaivvi Josua nannii Sikemis álbmoga beales lihtu ja gulahii sidjiide lihtu lágaid ja vuoigatvuođaid. 26

24,26
1 Mos 12,6č
35,4
Jos 8,32
Son čálii daid visot Ipmila láhkagirjái. De son válddii stuorra geađggi ja ceggii dan terebintta vuollái mii lei Hearrá bassibáikkis. 27
24,27
1 Mos 31,48
Jos 22,28
De Josua dajai álbmogii: “Dát geađgi lea duođašteaddji, dasgo dat lea gullan buot maid Hearrá lea sárdnon midjiide. Dat lea duođašteaddji, vai dii ehpet biehttalivčče Ipmileattet.” 28
24,28
Duop 2,6
Dasto Josua luittii álbmoga mannat, iešguđege ruktosis iežas eatnamii.

29Muhtin áiggi geažes daid dáhpáhusaid maŋŋil Josua, Nuna bárdni, Hearrá bálvaleaddji, jámii čuođilogi jagi boarisin. 30

24,30
19,50
Son hávdáduvvui iežas eatnamii Timnat-Serahii, mii lea Efraima várreeatnamis Gaašvári davvelis. 31Israel bálvalii Hearrá nu guhká go Josua elii ja maŋŋilge, nu guhká go ain ledje eallimin dat vuorrasat geat ledje oaidnán buot daid stuorra daguid maid Hearrá lei dahkan Israelii.

32

24,32
1 Mos 33,19
50,25
2 Mos 13,19
24,32 kesitain ruhta man árvu ja deaddu lea dovdameahttun.Josefa dávttit maid israellaččat ledje buktán Egyptas, hávdáduvvojedje Sikemii, dan eananbihttái maid Jakob lei oastán čuđiin kesitain Hamora, Sikema áhči, bártniin, ja maid Josefa nálli lei ožžon opmodahkan.

33Maiddái Elasar, Arona bárdni, jámii. Son hávdáduvvui Gibeai, dan gávpogii maid su bárdni Pinehas lei ožžon Efraima várreeatnamis.